Nunna thing vs a chhia leh a tha hriatna thing

June 9th, 2011 6:30 pm by zovel

Pathian thu lama tui zualte zingah Pathian thu kalpui dan chihnih a awm thei: “Eden huan lai takah eng thing nge awm?” tih han zawt chhin teh.

Mr A : A chhia leh a tha hriatna thing. Mr B: Nunna thing.

An chhanna atanga Pathian thu an kalpui zel dan chu heti ang hi a ni tlangpui:-

1. Eden huan atanga Adamate nupa hnawhchhuah an nih chhan chu: Mr A chuan Pathian lak atanga thi an nih vangah a ngai a, Mr B chuan nunna thing Pathianin an ei a hlauh vang niin a hre thung (Gen 3:22)

2. Bawhchhiatnain a nghawng ber chu: Mr A chuan thlarau thihna (Pathian laka mihranna) niin a hria a, Mr B chuan taksa thihna hi bawhchhiatna nghawng bulpui berah a dah tlat bawk. (Gen 3:19)

3. Tui ti let tura Pathian hmanrua chu: Mr A chuan van inhawng atanga ruah sur chauh emaw a ti a, Mr B erawh chuan tuithuk tak hna sah anih dan a ngaihtuah a. (…chumi ni ngei chuan tui thuk tak hna zawng zawngte chu a lo sah ta vek a, van tukverhte pawh a lo in hawng ta bawk a..Gen 7:11)

4. Tuipui sen vuakchah thuah: Mr A chuan Mosia kut phar (ban phar tih ve mai awm tak a ni) hmanga Pathian hnathawh ropuina a sawi uar a, Mr B chuan khawchhak thli na tak lam a sawi uar thung. (Exo 14:21)

5. Isua khawvela a awm lai khan : Mr A chuan Isua khan Pathian nihna nei reng tho turah a ngai a, Mr B chuan Mihring famkim anihna lam a sawi uar thung.

6. Mihring nihna diktakah : Mr A chuan mihring nihna, vaivut leh nunna thaw (thlarau nia a ngaih) ah hian a thlarau lam hlir a sawi ang a, mihring chu taksa, rilru, thlarau tiin a sawi bawk ang. Mr B chuan taksa lam a ngai pawimawh hle thung ang.

7. Pathian thu chhiar dan lamah: Mr A chuan Pathian thu-ah hian a entir nei thei lam hlir a ngaihtuah ang a, chuti ang hre thei riau chu thlarau mi-ah a ngai zui bawk a, Mr B chuan Pathian thu tluang leh a kalphung chu hriatna leh rilru fim tak nen a zir thin ang. (e.g; Mr A chuan,” ‘nitin kan ei khawpin chaw min pe ang che’ tih hi thlarau lam chaw a ni e” a ti ang a, Mr B chuan nitina chaw vawi hnih a ei thin chu niin a hre thung)

8. Vanram kai tur chu : Mr A chuan a thlarau (nia a hriat) chu vanram kai tir a tum a, Mr B chuan taksa thawhlehna a nghak thung.

9. Kum sang lalram: Mr A chuan kum sang ram kal kanin chatuan ram direct-in thlarauvin a thlir a, Mr B chuan kum sang ram a tuipui lo thei lo.

10. Mr A Pathian thusawi chu kraws-ah a tawp tlangpui a, a thlarau vanram kai tir a tum avangin, Mr B chuan taksa thawhlehna lam a tuipui hle bawk.

11. Mr A chuan Pathian thu thiam leh Pastor lampang a ei vak lova, Greek tawng, Hebrai, a saptawng tih vel a tuipui lova, Mr B chuan evangelist thusawi a ngaisang hlei thei lo.

12. Mr A chuan hlim lam, taksa chetna, tawnghriat loh lam a tuipui a. Mr B chuan hriatna leh chhuizauna lam a tui pui thung.

He thlir dan chi hnih hi i kalkawp tir thiam phawt chuan i kal sual ngai lovang. Mr A anga Pathian thu hi Thlarau lam thil hlir emaw i tih chuan kan Pathian thu-ah hian i nitin nun atana tangkai lo chin a tam lutuk ang. Mr B anga i nunna (soul) kai hruai tura thlarau thianghlim hruaina tel mang lova i helnuai fo chuan i nun ram a chau thei viau ang. Eden huan lai takah thing chihnih a awm ang khan Pathian thu hi thuang hnih, kalkawp tlat a ni tih hre reng rawh. ‘Eden kawngkhar chu an hawng leh‘ dawn a, a hma aia tha a ni tawh ang. Chumia lut thei tura insu faite chu an eng a thawl e.

20 Responses to “Nunna thing vs a chhia leh a tha hriatna thing”

1
ceeagch Says:
June 9th, 2011 at 6:40 pm
ava tha ve Mr A

Report this comment
2
ceeagch Says:
June 9th, 2011 at 6:42 pm
Mr B

Report this comment
3
ceeagch Says:
June 9th, 2011 at 6:42 pm
Mr C

Report this comment
4
nastycool Says:
June 9th, 2011 at 6:46 pm
Bengvar thlak khawp mai.

Report this comment
5
swiftymcvay Says:
June 9th, 2011 at 6:48 pm
mr D

Report this comment
6
swiftymcvay Says:
June 9th, 2011 at 6:49 pm
a sang ema ka phak lo a ni

Report this comment
7
tebonga Says:
June 9th, 2011 at 7:07 pm
Ka hrethiam teh nuai lo e a! Hriat thiam hun chu ala awm ve em ang chu maw…

Report this comment
8
PKfanai Says:
June 9th, 2011 at 7:08 pm
Ka chhiar thla char char a, a chhan dan tur ka rilruah a awm fel chiah tihah, Last para. Ka han chhiar thleng a, ka ziah tu ang chiah a lo ni si a, Last para. Ka ring nghäl mai.

Report this comment
9
TuaiSialA Says:
June 9th, 2011 at 7:11 pm
Mr. E

Report this comment
10
PKfanai Says:
June 9th, 2011 at 7:13 pm
8. #ziah tum dän

Report this comment
11
zoho Says:
June 9th, 2011 at 7:31 pm
Balance hi a ngai reng a sin. AW Tozer chuan ‘Truth is like a bird, it cannot fly with one wing, it needs 2 wings’ a tih reng kha.

Report this comment
12
Hriatpuia_chhangte Says:
June 9th, 2011 at 8:50 pm
a tha, a bengvarthlak eee…

Report this comment
13
ben vangchhia Says:
June 9th, 2011 at 8:59 pm
Tha khawp mai

Report this comment
14
awmawmpuia Says:
June 9th, 2011 at 9:43 pm
He post hi a ril zek.

Report this comment
15
hmelthatea Says:
June 9th, 2011 at 10:15 pm
Tunlai ka thlarau nun ram a chau riau mai a, han komen dan pawh ka thiam lem lo, a tha thawkhat ah ngai ang,..

Report this comment
16
mr.Duhlova Says:
June 9th, 2011 at 11:17 pm
Sawi thiam ang reng ve aw…

Report this comment
17
CFL Says:
June 9th, 2011 at 11:35 pm
” Chhia leh tha hriatna thing” tiin ka chhang a. A pahniha balance lo pawhim ka chhan dan tur ( Mr.A) i tarlan khi a dik lem lo. I tarlang huai mah mah e.

Report this comment
18
(¯`·._.·donald duck·._.·´¯) Says:
June 10th, 2011 at 9:14 am
A va han tha tehreng em …

Hetiang vek hian Pathian thu hi thlir thiam ila a va tha dawn em!

I last sentence khi ka han sawi belh ve hram teh ang

“Chumia lut thei tura insu faite chu an eng a thawl e” tih tak mai hi Mr. A chuan thlarau chhandamna lam a uar lutuk avangin mihring thiltih lam a hnawl a, “rin mai hi a tawk, tih ve theih kan nei lo” a ti a. Mr. B ve thung chuan thiltih lam a uar lutuk ve leh thung a (eg: Pelagianism/Semi-Pelagianism).

Chuvang chuan helai thu (Thupuan 22:14) hi @zovel rawn sawi anga thlirkawp thiam a pawimawh em em a ni. Bible version thenkhatah “insu faite (beram no thisenin)” tia dah a ni a, a thenah “(Isua) thupek zawm tute” tih a ni bawk a. Figure of speech a ni a, a awmzia tak chu “hneh tute” tihna a ni. Chutichuan a awmzia chu, Krista hnathawh avangin amah ringtute chuan sual hneh theihna kan nei tawh a, Thlarau Thianghlim zara a thuawih tute ( Krista thuawih chu sual hnehna a ni si a) hi engthawl turte chu an ni tihna a ni. Ringtu inti ve si a, a thu zawm leh si loh hi mi dawthei nihna a ni (1 Johana 2:4).

Rinna leh thuawihna hi a kalkawp tlat tur a ni. Tunlai evangelist thenkhat “thuawih thei kan ni lo, ring thei kan ni lo, sim thei kan ni lo” tia Pathian thu kalpui tute lakah hian i fimkhur ang u.

Report this comment
19
keimah Says:
June 10th, 2011 at 9:24 am
Tha lutuk!

Report this comment
20
kiddo Says:
June 10th, 2011 at 9:48 am
Aaaaa khai! a tha viau, mahse thil tih chet chet pawh hi min ti buai vek thei dawn.. a bo lo tawkin hria ila tawk mai

Report this comment