Mizo Kristiante hian chhandamna thu hi kan duh em em a, hriat pawh kan hria, sawi pawh kan sawi nasa. Mahse kan hriatchin ah kan bel em em a, kan hre ziktluak leh si lo. He thupui hi a pawimawh si, kan tihsual palh a chatuan thleng pawh a pawi tur ani si avangin hriatfiah a tul em em ani. He zawhna hi han in zawt ta ila, han chhang dawn chhin teh le.
Q. Chhandamna hi enge a awmzia ?
Heti hian mi tamber chuan an chhang ang – Chhandamna hi chu Isua Krista in kan bawhchhiatna avanga thi tur kan thih ai Kros a min thih sakna leh chumi va hriat a, Lal Isua chu Lal leh Chhandamtu a va pawmna hi a ni – tiin. A dik chiah. Hei hi Chhandamna bulthut chu a ni, mahse hei ngawt hi kan thlen chin a nih chuan Setana bumna pakhat- thlamuanna der ah hian kan awk palh hlauh dah ang e. Chutichuan Chhandamna tluantling hi ilo ngaihtuah tlang dawn teh ang.
A hmasa in Chhandamna hi thilthleng (event) ringawt ani lo va, thilthleng leh inmun (Process) anni zawk a ni. A fiah lehzual nan mihring nun hi bungthum a ni a -chungte chu event, process leh event an ni. Kan man em aw, pianni (birth), damchhung (lifetime) leh thihni (death) an ni. Birth leh death te hi event an ni a, kan tihve an ni lo a, kan thu pawh a ni hek lo. Damchhung (lifetime) erawh chu process a ni a, kan tihve lam hlir a ni thung. Keimahni chauh a kan tihtheih erawh a nilo a, tanpui leh kaihhruaina hnuai a kan lo thanglian a, kan zir a, hma kan sawn zel thin a nih hi. Kan nunram a chauh chang hian piang tak tak lo ang in kan inngaih phah ngai chuanglo. Hetiang chiah hi a ni, chhandamna tluantling chu.
Chumi awmzia chu “e.. alo ni reng ani maw” tia Pathian hnen a kan inhlan ni hian chhandamna tluantling kan chang tihna a ni lo, chhandamna huang chhungah kan luh ni, kan pianni ani zawk. Thlarau lam a kan pianni, kan piantharni chu a ni. Chhandamna in a kawh vawrtawp chatuan nunna kan chang leh chan loh chu hun in a hril ang chu!! Tichuan chhandamna tluantling chu kan hriat makmawh tur chu ani ta ani.
Bible pumpui, chang thenkhat uar bik nei miah lova han zirchian chuan chhandamna hi thiamchantirna (Justification), simna/thianghlimna (purification/sanctification) leh chawimawina (Glorification) pathum te in a thlenthei dawn chauh tih hi a fiah em em a ni. Heng pathum inbelhkhawm hi chhandamna thuahthum chu ani. A chang chuan pakhatna (Justification) chauh hi chhandamna ang a sawina pawh a awm. Amaherawh heng pathum te zawm fuh hian Chantuan Nunna ah a hruai lut dawn tih hi Bible pumpui zirtirna chu ani zawk ani. Hetiang hian lo sawi zau i la.
1. Chhandam tawh (Past) Justification
Lal Isua thihna leh thawhlehna, Mizo tawng a thiamchantirna, tlanna, kros thu kan ngaihzawn em em, kan lungkuaitu ber hi chhandamna lungphum chu a ni. Isua Krista in kum 2000 kal ta a min tihsak tawh kha a ni. Kan tih ve pakhatmah a awm lo. Nausen a tih ve pakhatmah awm reng reng lova chhungkua a alo piang ve ang hi a ni. Hei hi Mizoten kan hmelhriat bel hneh hle, a bik in Evangelist te thu ken ber pawh a ni. Pianthar Harhna in a ken tel tlat chu a ni. Fiamthu a an sawi ang deuh vin kawng sir a zurui let reng pawh hi kaitho ila, fiah zet in helai thu hi chu a sawi thei ang. A pawimawh em em mai , a lungphum ni miau hek. Krista thisen zar ah chuan Pathian chhungkua ah kan lo tel ve reng mai tih kan inhriat chhuah hi piantharna a nawlpui in kan tih chu a ni.
Hei hi a nawlpui ah chuan thilthleng (event) a ni ang. Kristian chhungkua zirtirna dawng tha tak atanga lo seilian naupang erawh a hriat miahloh hlan in engtik hun ah emaw khan a lo chang daih tawh thei tho bawk (Timothea ang te kha).
A nawlpui ah erawh chuan “E..Alo ni reng ani maw” tih a, Justification awmzia va manthiam a, va pawm ( accept/believe) na hi Piantharna chu ani ti mai teh ang. Fapa tlanbo, vawkchaw kuang bula a inngaihtuah chhuak “E khai , hetah riltam in ka thi mai dawn a, ka pa in ah ei tur a tam teh lul nen” ti a a inngaihtuah harh/inngaihtuah chhuak kha ani. Thenkhat in “varpawh” an tih, 1960 a “pianthar” tih tawngkam nen khan a sawi tum chu a in ang reng. Hriatfiah chen erawh a inang diak diak lo a ni mai. Hun kal tawh a thilthleng va hriat chhuah hnuhnawh a, rin a, mahni nun a seng luh, telve na hi a ni. Thlarau Thinghlim tanpuina a piantharna (self-realisation ) tite pawn an sawi bawk. Chutichuan he Isua tlanna thu hi kan hriat a, ringhlel lova kan pawm bawk si a avangin Mizote hi kan piangthar deuh vek tawh a ni ti tawp mai teh ang.
Mizo te hian he chhandamna chhawng khatna, Thiamchantirna (Justification) hi kan uar em em a. Hei hi chu a hah dam, ngaih thlak pawh a nuam in kan sawi zing bawk. Mahse hei hi chhandamna tluantling ani hauh lo mai le!! Khawi institution emaw a tu in emaw admission min tihfel sak hi Graduation emaw tih tlat hi atna chi khat ani hial ta ve ang.
Hriatfiahna leh rinna ani a, Chhandamna huangchhung a luhna ani, chhandamna tluantling erawh ani hrih lo. Eden college a expel tawh re-admit lehna a ni, a pass leh pass loh chu a damchhung hun in a hril ang chu. Tirhkoh Paula hei hi a uar deuh em aw a tih theih, a uar deuh a nih loh pawh in a sawi nasa a, a sawifiah khawp mai.
2. Chhandam mek(Present)-Sanctification/Purification
Nausen alo pianchhuah hian a tihve tur a ko a innghat a awm ta nghal a, chung chu thawk,thanlen leh damkhawchhuah a ni. A ma duh dan dan a thang pawh ni lo, kaihhruaina hnuai a thanlen ngei chu. Nunna nei tawh ek ek chuan a bat a an bat chu thawk leh than(growth) a ni. He thanlenna hi believe a ni tawh lo, action zel a ni tawh thung. Chu chuan tuna kan nun a saltanna hrang hrang lak atanga chhandamna keng tel nghal tur ani. Sual bawih a tang mek chu a chhuak zalen nghal ang a, hurna bawih a tang chu a chhuak nghal bawk ang. Chhuak zalen nghal han tih hian event ni lo vin process zawk a ni tih chhinchhiah tlat bawk ila. Hmelmapa hian event ang a min ngaihtir a, min inrinhlelh tir hi a tum ngar ngar thung a ni.Chutiang zel in retheihna khur a tang chu an lo intodelh tan ang a, lungngaihna khur a tang chu a phurrit chu chhawk in a awm tan bawk ang, mawlna ruam a tang te chu an lo fing sawt sawt in an lo changkang sawt sawt bawk ang.
He process hi nausen kalzir tantir ang lek an la ni a, an tluk palh apiangin hmelma in “I kal thei tak tak chuang lovang’ ti a lo tihbeidawn a, naupang sawngnawi tak a chhuah a la tum ngat ngat bawk. Hei hi ringtu nun kan tih chu a ni ber, nunpui kan tih pawh hi hei tho hi a ni. Mak deuh chu Setana hi a beidawng ve ngailo- he rinna huangchhung a awm tawh, thanglian tur pawh hi an than a sawt loh nan englai pawh in a bei reng mai hi a mak a ni. He huangchhung a awm reng tawh te pawh hi rinhlelhna, a tawp khawk a RINLOHNA SUAL ah zuk la kuai her leh thei a. Kan misualpui te zing ah pawh an awm tlat a ni. Hei hi tunlai Holistic Mission an tih, mihring pumhlum chhandamna an tih ber chu ani. He chhandamna chhawng hnihna hi chuan tun dam chhung a chhandamna/chhanchuahna a kawk a ni. Hei hi Mizo ten kan la hrethiam lo nge kan la hre tlem hle. Inzirtir tam a tul em em a ni.
He chhandamna hi a taka nunpui tia kan sawi uar hi a ni bawk. “Ka ring” ti tu chu alo rinawm deuh deuh na, “Ka awih e” ti tu chuan thu a lo awi deuh deuh na, Pathian thianghlimna miin a hmuhfiah deuh deuh a, a nun pawh alo thianghlim deuh deuh na chu a ni. Chutichuan chhandamna chhawngkhatna atang hian vawiin ni a kan harsatna atanga chhandamna hi kan luh ngei ngei na tur a ni. Thiamchantirna a chiang inti em em, chuta duh tawk, piangthar a dak theih tawh loh, chhandam tawh a boral leh theih tawh loh tia inhnem, nun ah erawh engmah hmuh tur awm si lo, Isua thisen a thiamchantirna a chiang em em si te tan a hriat fiah ngai em em mai chu hei hi ani. Chutihlaiin he chhandamna chhawng hnihna chauh hi uar leh lutuk, hman a Isua thisen avanga thiamchantirna chhandamna ngaihthah leh hun lo la kal tur a chantuan nunna chang tura chhandamna ring chuang si lo kan nih chuan khawvel a mi vanduai ber Bible in a tih ang kha kan ni si ang. He chhandamna chhawnghnihna hi sakhaw dangte pawh in an zirtir ve tho avangin a liberal theologian leh pluralist ten chhandamna chhawngkhatna leh chhawngthumna paih in tunlai hian an kalpui muah muah mek hi a ni.
A uar thu ah chuan Jakoba leh Petera ten helai an zirtir uar deuh in a ngaih theih awm e. Ringtu naupang(thangtheilo??), tuipui sen kam a Pathian thiltih mak leh nuam leh hlim lam uar lutuk ten helai hi an peih mang derlo. A rau lo an ti deuh tlat zel.
3. Chhandam tur(Future)-Glorification
He tah hian kan tih ve pakhatmah a awm leh ta lo bawk. Isua lo kal leh hun a chhandamna vawrtawp kan chan tur chu ani. Hei hi Mizo zing ah uar fal bik kan awm thin, kalsual pui pawh kan awm hnem ta. Chumi avang chuan chhandamna chhawng hnihna a lungawi tum tur erawh ani si lo. Chutihlai in mi tamtak chuan Chhandamna chhawng hnihna (Present) hmuh kan daih phah nan zuk hmang a!! He chhandamna in a thlir ber chu Van Lalram, Chantuan Nunna chu ani. Miin Holistic Mission(tun dam chhung a Chhandamna) a ngaih pawimawh lutuk a, he Chatuan Nunna chang tura Krista Chhandam in tum ber ngai pawimawh lo anih si chuan Bible in mi vanduai ber a tih te zing a mi ani bawk si ang.
KHAIKHAWM NA
Chutichuan heng chhandamna thuahthum te hi ngaih pawimawh leh uar bik awm lova, thlauhthlak bik awm hek lova, a hun ang zela kan ngaih pawimawh chhohva kan zawm hian chhandamna tluantling chu alo inpharh tawh dawn a ni.
Entirnan, Eden College a hnawh chhuah tawh chu Isua thisen zar ah re-admit kan lo ni leh ta a, admission kan tih leh tak avanga Graduate nghal a inngaih chu bumna a ni, short cut ani bawk. Hei hi khawngaihna lak uchuakna a ni kan ti thei bawk ang. A nih loh leh khawngaihtu hriatchianloh emaw zuam luat vang a ni tal ang. Admission dawt ah chuan zirlai zir tur leh pass ve zel tur erawh a awm tih hriat reng tur a ni. Chu chu Thlarau Thianghlim tanpuina a tlin ve zel tur a ni a, beisei kan ni bawk. Admission ti ve tho ( Piangthar chiang) zir laklawh lai a peih lo, drop out a awm theih zia hi hriat ngei ngei tur a ni.
Zirlai zir tinuamtu, beiseina nung min siamsak tu chu pass chhuah hun a kan hmabak eng tak a ni ang chiah hian, kan zirlai chu hahthlak chang awm mahse, class kal peihloh chang te awm mahse, beidawn rum rum chang te awm mahse, beidawng lo va, harsatna sut tlang hi kan mawhphurhna a nih ang chiah hian ringtute I kal zel ang chu, Chatuan kawl a eng tan ta e.
Lalpan a thu malsawm rawh se. Amen.
June 12th, 2011 at 9:07 pm
A tha ka ti ngang mai.
June 12th, 2011 at 9:07 pm
Theologians kah ngah ta riau, a tha e.
June 12th, 2011 at 9:07 pm
Sermon tha tak a ni.
June 12th, 2011 at 9:18 pm
chhiar ve phawt ang …
June 12th, 2011 at 9:18 pm
#2 🙂
June 12th, 2011 at 9:23 pm
Ni e. Thil dang zawng aia buaipui tham Pathian thu a ni si a. Pathian thu post hi i uar deuh deuh teh ang u khai.
June 12th, 2011 at 9:24 pm
Vanram hi a hre tam atm kaina tur ni lo bawk a hman huna chhiar atan khek daih te’ng 🙂
June 12th, 2011 at 9:46 pm
a vawili na’n ka’n chhiar leh lawk
June 12th, 2011 at 9:53 pm
@rosepari…chhiar ri rawh ka lo ngaithla e 😛
June 12th, 2011 at 10:00 pm
A ding lama an khenbeh kha chuan ‘present’ khi a hmang ve ta lo a ni ang maw!?!
June 12th, 2011 at 10:07 pm
papaparte ka chhiar ri ang a ka nau awihlai a tah chuan i tuar ang
tawngtaina nena chhiar phei chuan a fuh tawp tih bakin ka sawi bawnra thiam lo. ka duh lutuk,save keuh ag
June 12th, 2011 at 10:29 pm
Chhandamna hi vawikhat atan a ni.
Chhandamna chang tawhtute chu ‘sanctified’ an ni tawh, Thianghlim leh sawisel bo ruat ani tawh a. Progressive sanctification nen hriatpawlh awl tak ani !
June 12th, 2011 at 10:31 pm
mi ril tak2 te pwn he post hi kan chhiar a, tha khawp mai.
June 12th, 2011 at 10:53 pm
dik ve hmel thlup mai
June 12th, 2011 at 11:02 pm
Ka rin ai a hma in a lo chhuak a, ka lawm hle mai, admin te chung ah. Post schedule leh pending in Q kan chhut in 3am vel a lo chhuak tur emaw ka lo ti mai asin. Thank youx3.
Sunday a awmna leh hnathawh leh adt in a zirloh vanga sermon ngaihthla lova hman lian ngawt ai ah inthlehrung deuh a ka rawn post ve a nia, ka kaitawi ve nasa a nia.
June 12th, 2011 at 11:12 pm
Execellent post zoho… (Y)
Tun tum chu hnialna tur reng reng che ka hre ta lo kei misual hian :-[
June 12th, 2011 at 11:27 pm
Tha lutuk. Chhandamna chungchanga Kohhran ziding zirtirna i rawn phawk chhuak thiam kher mai.
Piangthar inti tawhte pawh hi Isua tana thih ngam viau si hian Isua tana nun erawh har kan ti fo.
Zoho hian thil ni reng hi ril deuh hian a phuhchhuak thiam tlat, keinin sawi ila kan sawi mawl tuk ang chu.
June 12th, 2011 at 11:57 pm
@ donald, inhnial pawh kha a nuam tho alawm le, ka hlau deuh che a, controversial deuh chu ka post ngam tawh meuh hleinem 😀
@ vakul, thiam tak tak emaw ka inti palh ang e, a sei bawk si a, ka sawi ngai te khi ka sawi pek anih khi. I bo rei vang vang hle mai. 🙂
June 13th, 2011 at 1:08 am
Tlanna chuan mi zwng2 a huap a,chhandamna chuan a huam lo.Bible verse pakhat mah i qoute lo a,rwn t tel la k ua t ue
June 13th, 2011 at 2:15 am
Piangthar tih awmzia hi, ‘chiantharna’ nen kan ngaihfin deuh emaw chu aw ka ti.
Pianthar chuan thlarau baptisma chan a sawi a (Tisa dan a awm tawh lovin) ‘piangthar’ tih chuan nun thar, a kawk ani. Lal Isuan Nicodema hnenah ‘I piangthar tur ani’ ati. Israel te zirtirtu mi fel, Krista laka mi rilru inhawng kha a pianthar a ngai ani. (Dan rorelna hnuaia kun in, khawngaihna rorelna – Krista Isua chu a la hriat ngai loh avangin)
Kan hawina direction a inlet thawk ang, tisa hrina awm thin khan thlarau hrinin kan awm ang. He kan Adama hmasa kan pianpui sual hi nitin Krista (Kawng leh thutak leh nunna) chuan kan hneh thin ang.
Kan hawina direction a dan tawh chuan, kan pan lam, ‘Ideal’ chu Krista ani tawh anga. Kan damchhungin kan copy tiah tiah anga, intlansiakna tha chu kan tlan zel anga, a tawpah ama ropuina a tihfamkimin kan awm dawn ani.
Piangthar inti si tan chuan ‘he khawvel dan ang te hian awm suh ula’ tih hi a kan ta tur ani. Tisa dana nung thin te kha thlarau dana kan nun chuan he khawvel dan ang nen a inmil thei tawh lo. Kan kalsan hreh anih chuan CHIANTHARNA khan kan nunah engmah ti thei lovang.
‘….tupawh amah RING apiang chu an boral lohva…’ tih a rinna hian ‘belief’ mai a kawk lo, ‘faith’ a kawk ani.
Rinna chuan kan ni tin nuna sual kan do na ah leh Thianghlimna kawng kan zawhna (kan kawng zawh kan thlak tawh ka tihkha maw) ah hian ‘LAL ISUA chakna ring chungin ka kal zel dawn’ tih a entir. Nausen kal zir khan a vuantu in a vuan dawn ani tih a rinna ang kha neih loh chuan rinna a ni love, a hriatchianna lam a kawk lo (Pathian belh chian tum chu kan tihtur ani ngei mai). Lal Isua hi kan hre kim dawn lo, a ropui zia leh a chatuan thil tum kan hriat sak vek dawn lo. Hre chiang vek si lo chunga kan rinna hi ani RINNA, tupawh an boral lohva, chatuana nunna (CHHANDAMNA, or whatever) an neihna tur zawk chu.
June 13th, 2011 at 2:23 am
Nimin kan inkhawn chu Chhandamna chung chang kan zir ah. Chuta zawhna mipakhat in a zawh tumahin a duh anga an chhan theihloh chu, “Chhandamna hi ruatlawk emni?” tih a nia. Hei hi hmun dangah pawh zawt an awmnual tawha, Satanism pawhin tan chhana an hman pakhat a nia, “Pathian hian mihring te hi a khal kual mai mai alawm. Kan bawhchhiat tur leh chhandam kan la ni dawn tih hi Pathian ruatlawk a ni. Leilung pian hmaa talh tawh Beramno tih pawh a nih kha” tih angzawngin an ngaia, kohhran upa ngei te pawhin chhan dan an thiam lova, “mihring finna in a chhut phak lova Blind faith tawp mai tur” tih te angin an sawia ka beng a verh angreng hle a. Chhana chiang tak ka dawng e chu ka ti bik hauhlo.
Pathian nena kan inlaichinna hi Amah kan Rinna a ni a, sual bawih ata min chhandam takah chuan kan inzawm lehna chu min chhandamna kan rinna kha a ni leh maia. Mahse kan ti teh ang, bawhchhiat avanga chhandamna rin hi vanram kaina anih chuan bawhchhiatna hi Pathian ruahmanna in a kentel emni ni dawn? tih mai a awl hle a, “Leilung pian hmaa talh tawh Beramno” tih pawh hian chu chu a kawk a ang hle.
Chuti a nih chuan bawhchhe tur hrim hrim a siam animaw kan nih? a tih theih mai bawk. Thihna te hi awm lo se “Leilung hu luah khat rawh u” a tihna kha a rei tawha, mitthi zawng zawng nen a chhut chuan kan pian hma daiha khat tawh tur kha a ni a, chuvangin sawisel peih tan chuan thihna te hi ruahman sa em ni dawn aw tih zawhna te pawh a piang thei bawkn a ni. (a khah zawngah chuan lei thar leh van thar siam thei reng tu a ni a, vanram pawh a siam chawpchilh maia hei chu kan sawi phak pawh awmin ka hre lo)
He chhandamna hna thawk tura Lal Isua ruatlawk alo nih tawh dan hi ka sawi dawn chuan Angel race hrang hrang angin, Gabriela hna, Mikaela hna, Uriela hna, Lucifera(Setana) hna leh Lal Isua hna ruat hran theuh angin ka sawi dawn a in pawm angemaw chu.
Lal Isua hi angel anilo a Pathian a ni a, mahse angel ten hna hrang theuh an nei ang hian Amah ah pawh hian hna hrang theuh thawkin a awm a(Pa, Fapa leh Thlarau thianghlim). Fapa bik hi mihring tana ruat a ni a, Pa hi chhandam tu tur a niloa, Thlarau thianghlim pawh. Chuvangin Lal Isua hi mihring a siam hmaa serh hran(Sacred) a ni. “Talhtawh Beramno” tih hian he Kros-a a thihna hi kan kawh tir a, heti anih chuan khita mipakhat zawhna khi zawhna a ni reng dawn. Kros ah a thih a tukl emaw tullo emaw talh tawh a ni, khawnthluk leh vuakthluk lam a ni lo, Talh tawh tih hian serh hran (Sacred/separate) lam a sawina zawk a nih ngei ka ring. An bawhchhia emaw bawhchhelo emaw, duhthlan theihna min pek kan dai pelh palh hlauh taka ti a lo serh lawk sa diam a nihna lam a kawk zawk mah.
OT: zohoa comment tawi tak ka la hmu ngailoa ka’n ti ve duah anih kha ama post ngeiah 😀
June 13th, 2011 at 6:27 am
‘A dinglam/veilama khenbeh’ tih thu Bibleah a inziak lo. A sir tuakah tih a ni zawk, chantha zawk a dinglama khenbeh, chanchhe zawk a veilama mi ti pawhin a inziak lo. Chhandamna thuah thum chu FREELY SAVED, CONDITIONALLY BEING SAVED leh TO BE SAVED ETERNALLY te an ni e.
June 13th, 2011 at 7:12 am
A rilin a fiahtha khop mai..amen (Y)
June 13th, 2011 at 8:15 am
Ka chhiar chhuak ve chiah. Hetiang post hi ka lo bei sei reng thin. Lalpan a thu malsawm rawh se. 7.Pa para, “Tu pawh, Ka lama tang lo chu, mi do a ni. Tupawh, min sèngkhawm pui lo chuan a ti darh a ni”(Mt.12:30). I Patea Missionary ani si a, I comments thenkhat mak tih deuh ka nei thin.
June 13th, 2011 at 8:35 am
Pu chawnghilh,
“chutah chuan kraws-ah an khengbet a, mi dang pahnih nen, a sir tuakah pakhat ve vein, a laiah Isua” Johana 19:18
“Tin, Lu Ruh an tih hmun chu an thlenin, chutah chuan kraws-ah an khengbet a, mi sualte nen, a ding lamah pakhat, a vei lamah pakhat” Luka 23:33
“Tin, ama rual chuan suamhmang pahnih an khengbet ve a; a ding lamah pakhat, a vei lamah pakhat” Marka 15:27
“Tin, ama rual chuan suamhmang pahnih an khengbet ve a, a ding lamah pakhat, a vei lamah pakhat” Matthaia 27:38
June 13th, 2011 at 9:34 am
zoho post ni awmlo atak a ni, i entawn a ni maw. (Y)
June 13th, 2011 at 9:34 am
zoho post ni awmlo tak a ni, i entawn a ni maw. (Y)
June 13th, 2011 at 12:12 pm
A khawngaihna chauh lo chu kei misual hian hmachhuan dang ka lo nei reng reng hleinem.
Khawngaihna mak, mawi leh duhawm,
Sual riangvai chhandamna…..
Khawngaihna mak min hruaitu tur,
Ka van in thlen thlengin.
June 13th, 2011 at 12:42 pm
1.Lal Isua kan rintirh chuan mi chaklo te te kan ni a, tumah mifel kan awmloh avangin kan awm anga kan pan a ngai a ni.
2. Lal Isua zuitu kan nih tawh avangin kan zui Lal Isua dungthulin thianghlimna, felna, thatna etc ah hma kan sawn anga, a aw b zirtir ang mai mai kan ni tawhtur a nilo.
3. Chung zawng zawng hnuah chuan vanram kan kal hunah kanla FAMKIM dawn a ni.
June 13th, 2011 at 12:53 pm
sunday sarmont maandayh ah chhiar daih mai