Misual Dawt Kawm-a val upa lo leng lut an hmuh chuan misualho chuan “E khai, i lo leng a ni maw? I dam thin em?” an lo ti a. Intineitu takin thutna a han rem te te hnu chuan val upa chuan “Dam thin e. Tunlai ka chhuakvak lutuk lova. Inkawmhlim turin kan lo lenglut mai mai a nih hi,” a ti a. Misualho chuan “A nih chuan, tunhnai lawk khan Venghlui Branch YMA in an vengchhung Mizo hmeichhia-te nilaini apiang mahni hnathawhnaah emaw, College leh University-ah emaw puan bih thin turin an ngen a.
Chutiang bawkin Art & Culture Minister pawhin college hrang hrangah hetiang ngenna a siam an ti a. Engnge i ngaihdan?” an ti a.Val upa chuan “Hetianga hmalak hi mahni hnam incheina chawisan tumna mai piah lamah mahni hnamzia (Culture) chawisan tumna a niin ka hria,” a ti a. Misualho chuan “Min han hrilhfiah chiang law law la,” an lo ti a.
Val upa chuan “Tunlai Mizo thalaite incheidan kan en chuan hetianga hmalak hi thil tul tak a ni asin. Khawlaiah han leng ila, khawchhak leh khawthlang-ho nungchang leh incheidan lachhawng ringawt hi meter 100 dan lek lekah hmuh tur an awm fur tawh mai a. Chuvangin, kan thalaite rilru leh ngaihtuahna hi hnamdang nungchang leh incheina hian thui tak a kaihruai tawh tih a hriat alawm,” a ti a. Misualho chuan “Incheina te chu miin duh dan danin lo inchei se pawi vak em mi? Thinlung lam hi a pawimawh zawk dawn lawm mi?” an lo ti a.
Val upa chuan “Dikna chin pawh a awm ang chu. Mahse, hetiang lama kan thalaite an tlan nasat chhoh zel chuan hnam rilru leh khawtlang nun-ah nghawng tha lo a thleng thei a. Kan thil hmuhte hian hmuhtheih loh lama kan rilru hi a kaihruai a. Chutiang bawkin kan rilru puthmang pawh kan incheidanah hmuhtheihin a lo langchhuak thin alawm. Chuvangin, kan thalaite zingah taksa mizo; thinlung lam inti-sap leh taksa mizo; thinlung korean kan tam tawh hlein ka ring asin,” a ti a. Misualho chuan “A ni dawn tak e,” a ti a.
Val upa vek chuan “E Khai, kan titi rei lutuk dawn. Kalna tur ka la nei a. In lo sawiho atan zawhna tlem ka pe ang che u a. Mithiam leh hawizau tak tak in ni a, lo sawiho teh u,” a ti a, a kal ta a.
SAWIHO TUR:
1. YMA leh sawrkar hmalak dan hi mimal zalenna nekchepna a ni thei em?
2. Hnam nunzia chawisan nan hnam inchei chawi lar hi a tul ber em? Engvangin nge hmeichhiate hi an tih bik?
3. Media-te hian kan hnamzia a tidal em?
4. |halaite inchei chungchangah nu leh pate an inrawlh tawk lovin i hria em?
5. Kan sakhaw kalpui dan-ah hnamzia tidal zawngin kan kal em?
6. Hnam culture chawisan kawngah Education System hian awmzia a neih i ring em?
7. Kan culture kan chawivul hian tourism lam tihmasawn theih i ring em?
June 14th, 2011 at 5:46 am
comment thiam/ sei deuh a comment ngai tur hlir ani tlat mai. 😀
June 14th, 2011 at 5:57 am
Sawiho tur i tih te khi, culture chawi nung tho zelin a tih theih vekin ka hria. Entirna atan chuan Japanese te, Indian (vai ho)te hi han thlir chiang ula, tunlai khawvelah an culture paih miahlo vin an nungchho thei vek mai.
Mizo te hi engkim mai a lutuk (extreme) ching kan ni thin hi a pawi hlein ka hria a, hnamdang khawsa zia kan entawn te hian a thalai zel hi entawn tum a pawimawh hlein ka hria.
June 14th, 2011 at 6:03 am
Ka ngaihdan chuan…., han ti ve chiam mai ila(h)…,
June 14th, 2011 at 7:20 am
In va inthlahrung ve. Khai aw:- 1) Thil thalo siamtha tur chuan, mimal zalenna nèk chèp deuh chängte pawh a awm ve bawk ang chu. 2) Kan hnam zia räng lang thei kan hnam incheinate hi tunlai thalaite pawhin an inbel duh tura modify tha ka ti. Kei pawh Mizo Lal kawr hi hun pawi mawh bikah inchei nan tak ka hmang. 3) Korean films, etc. te hian an tidal deuh mai thei. 4) Aw, kan fate hi an duh dan danin kan awm tir lutuk deuhin ka hria. A tawpah a tuartu tur chu nu leh pa. 5) Tuna kan kal dan hian hnam zia a tih dalna ka hre hran lo. Lengkhawm zai hi tih nun hram hram tum ila. 6) Teh rèng mai. 7) Aw, ring teh réng mai. Ti ve ru lem.
June 14th, 2011 at 7:55 am
Sawi ho tur a mi ni chiah lo…hnam inchei kan tih hian Hmeichhia chauh em ni kan kawh tir aw?
June 14th, 2011 at 8:01 am
Xaia, hmeichhia kan beisei chuan mipa pawh kan ri tang turah ka ngai (Y)
June 14th, 2011 at 8:04 am
Sawiho tur #2 khi ni e sawiho teh ang u.
2. Hnam nunzia chawisan nan hnam inchei chawi lar hi a tul ber em? Engvangin nge hmeichhiate hi an tih bik?
Hmeichhia ten nilaini apianga puan an bih chuan mipa te pawn lo veng ve se. Puanbih hi culture chawisanna ah kan ngai anih chuan a tha e, mahse hnathawhna / zirna in a nileng tehmeuh a puan han bih chu a hahthlak zia leh a practical loh zia te kan inchhutpui ve em?
A reng reng thu ah Mizo hmeichhia lam kan sawi kai tawh hi chuan a chhe lam hlir hian tinge maw kan sawi reng le aw? Fakna tawngkam te hi kan phu ve lo emi? Hnam hming in tichhia, in inchei duhdah, in leplerh, tih hlirrrrr mai hi a ninawm ve deuh e.
June 14th, 2011 at 8:36 am
Sunday liam ta khän, Tlai lam thalai Fellowship ah Shillong mizo tleirawl pian nalh tak tak ten Puan an rawn bih zaih mai chu, an nalhin mit an va la em. Zinna leh bazarna ahte hi chuan kekawr tlawn hak hi a tha zawkin ka hria. Pathian biak inkhawm na leh Function pawi mawh deuha puan an han bih zaih mai hi chu, an nù hnäp mai a, an mizo zaih mai maw le. Mipa inbel chi kan hnam zia-rang lang thei pawh duan chhuah belh zel tum ila. E.g. Waist coat, Jacket, siapsuap rawng kai deuh ven chi te, etc. Chapchar kùt angah te hi chuan puan te hi veng ngam ila?!!?
June 14th, 2011 at 8:53 am
Sawihotur pakhatna: A tha thova; tul ka tihlohna erawh a lian zawk. Thupui ang khian mimal zalenna nekchepna a la ni thei tlat in ka hria.
June 14th, 2011 at 9:07 am
Kan nu kan pi te khan puan an bih nileng xankhua thei a sin… Kan nulate hian nalh an tum ve a, hmadang incheina an copy hle…kei chuan nalh ka tihsak si lo…! Sunday dress hian an nalh ka ti…
Chik mah teh u, hmeichhia hian mipa hmuh atan an inchei lo,an mahni hmeichhiatpui ten ‘thing’ ‘nalh lo’ an tih an hlauh vang mai zawk a lo ni reng a…
Incheina hi poimawh. Hmeichhe zingah tunge Sunday dress nena pai chhe chhe..? Tunge fawr vak vak ngai? YMA leh kohhran atanga inzirtir thar a ngai kop mai.
Hmeichhe tan bik- zinnaah leh hnathawhna (ramhnuai, etc) ah chuan kekawrtlawn ha ve ngei se a tha. office, school,etc velah chuan a puan/pawnfenfual nen hna a thawh theih ang. INCHEINA HI KAN MIZIA TILANGTU A NI E
June 14th, 2011 at 9:18 am
incheina hian eng ang mizia nge kan put a tilang asin,kan nula ten puan an han bih zaih mai chu maw,an inhmeh teh mai asin,kekawr tawt taka an hak ai hian a mawi tak ani,colege vela puan bih an ti te hi ava tha em,culture chawisan nan chuan lo in nek chep deuh pawh ni ila,a pawilo e,kan hmeichhe ho te hian an inhmeh zia hi hria se chuan an phelh phal ka ring tawh lo
June 14th, 2011 at 9:30 am
1. YMA leh sawrkar hmalak dan hi mimal zalenna nekchepna a ni thei em?
– A tum (intention) chu a tha viau, mahse a implementation lam hi tunlai khawvel mil tuin tlemin han ngaihtuah chiang deuh se, hemi aia solution tha an ngaihtuah chhuah thei ka ring tlat.
2. Hnam nunzia chawisan nan hnam inchei chawi lar hi a tul ber em? Engvangin nge hmeichhiate hi an tih bik?
– Incheina hi chuan mihring character hi a entir hle a, mahse Hnam nun chawisan nan incheina hi a pawimawh ber lem lo. Kan Mizo tradition-ah hian incheinna bak hi a tam lutuk, chumi lam education chu kan mamawh zawkin ka hria.. (Hriat aiin hriatloh ka nei hnem zawk.)
3. Media-te hian kan hnamzia a tidal em?
– Tidal pawh lo nise, Mizoram Media hi hnamzia ti tak tura hmanrua tha tak ani. Mizo documentary tha tak, research beih hrep hnu-in, kan mithiamte nen collaborate in, (Not based on Christianity but tradition, not based on speculation but hard facts) te han siam se, kan hlawkpui viau ang.
4. Thalaite inchei chungchangah nu leh pate an inrawlh tawk lovin i hria em?
– Hei hi chu Nu leh Paten lo chhang se..
5. Kan sakhaw kalpui dan-ah hnamzia tidal zawngin kan kal em?
– Kal em2 pawh ka hre lo, mahse kan hnamzia kalpui dan hian kan sakhaw kaldan a affect zawk in ka hria.. chumi avang chuan kan sakhuaah kan pawnlang.
June 14th, 2011 at 9:59 am
post tha tak a ni. Guwahati khaw lumah poh nileng sari lianpui kaih duah2 peih hmamdang(vainu) an tam. Chutiang bawkin puan bih hnek hnek peih Manipuri nula an tam mai. Chu ai mah chuan Mizo nula nalh tak2 puan bih zan hmuh tur an tam mai..
June 14th, 2011 at 10:06 am
Sawiho tur pakhatna khi tha ka ti khawp mai. Mimal zalenna nekchep na ah ka ngai lo kei chuan. Ti ngei ngei turin an in nawr lui lova, an in ngen zawk ani.
June 14th, 2011 at 11:06 am
In rawn sawiho a, a lawmawm hle mai. Mahse, duh aiin hmaichhe lam in inthlahrung deuhvin ka hria.
June 14th, 2011 at 11:08 am
Point 6 na khi a pawimawh ber ka ring. Zirlaibu atanga tih chi nih duh hmel.
Incheina hi chu duhlo fe2 an tam ang chu 😉 😉
June 14th, 2011 at 11:11 am
Kei chu puan ka vengpeih aih lo.Kawrfual hak hi nuam ka ti ber mai.Hmeichhia tan hi chuan mizoram hi chu nun a chep ve ngawt mai.in cheina leh zel pawh in in sawisel reng mai a nia.sawisel tur hi in ngah mah mah.Tin in cheina vangin pawngsual te hi a tam phah a maw kan tia,teuh lo mai pawngsual tuar tu tam ber chu naupang tho an nih kha.Taliban nen eksaman do tur ngah si. 😛
June 14th, 2011 at 11:29 am
comment ve lo mai ang..ka expertise neihloh na lampang ani e…humbly…mahse a sexist lutuk em aw… :-S
June 14th, 2011 at 11:40 am
Vei zawng sawi nan hmang keuh teng….
Duh leh 5-na huangah in lo khung dawn nia.
Kohhran hian kan mizo culture a ti dal em em in ka hre lem lo. Ka sawi duh zawk tak chu Khawhar in chung chang hi a ni.
Veng thenkhat te tih danhi ka vei deuh. Mitthi lumenna ah Music instrument then khat heng Guitar nen Solfa hla an uar lutukhi chu ka vei deuh. Khawhar in bakhi chu mizo hla thluk a hla sakna turhi kan nei meuh lo a ni a, khuang hnih hla nen a mizo hla lung leng tak a zai hi uar deuh deuh a tul a ni. Tunlai thangthar then khat te hian khawhar hla kan tih mai thin hi an hre lo ta em em mai hi a pawi khawp mai. Veng thenkhat ah chuan Solfa hla hi Lumen zan, mutchhuah nasat zual lai Dar 2-3 vel ah bak an sa ngai lo va, zan dang thalai pual ah phei chuan mizo hla thluk hlir an sa thin. Khawhar chhung ten solfa hla an thlang a nih loh chuan. Mizo hla thu leh thluk hian mizo te thinlung hi a fan hneh ber a ni. Veng hrang hrang a YMA hian uar zel teh se.
June 14th, 2011 at 11:42 am
17 frank takin i rawn sawi a, a lawmawm hle mai. Nangmah ang hi mizo hmeichhia tam tak an la awm ka ring asin. Sawi zel teh u.
June 14th, 2011 at 11:42 am
nie,hmeichhe ho chauh hi ami mizo incheia inchei tur chu. Hmeichhe ho chauh anih chuan kan hmeichhiate kan danchepna ah ka ngai ang.
June 14th, 2011 at 11:45 am
Val upa titi a ni maw
June 14th, 2011 at 12:18 pm
A ni tawh mai ang chu. He he.
June 14th, 2011 at 12:28 pm
Khohar in chungchang kan soi ve lok.. Thingtlang khaw pakhat ah 11 june khan kapu thih vangin kan kal a, an dan tlangpui chu:
1. Thlannghah ni sunday anih chuan monday ah a hran in awmni kham in thlan an ghak leh a,nu leh pa in lam ah anzai a, thalai ten khawhar chhungte hna thawhpui in lo lam ah an feh vek thung. In 100 tlin mangloh na khua ah thalai 60 lai an feh
2. laina hnai ten buhban an thawhkhawm liai2 a,tlaivar zan leh thlan nghah ni ah an chhum thin.
3. Thingpui lumna ah poh nula ten puan an bih vek.
4.solfa hla sak a omlo a, tleirol deuh pon khohar hla an thiam phian. Ka voi1 kalve na ani bok a. Sakve tur ka hretlem khop.
June 14th, 2011 at 12:34 pm
Hnam incheina chawilar nan ni bituk awm lovin a kal pui theih a va rinawm ve.
June 14th, 2011 at 12:35 pm
val upa titi naah nuthlawi a tel ve theih em!
June 14th, 2011 at 12:40 pm
Theih teh reng mai.
June 14th, 2011 at 12:44 pm
Val upa huang hi mi chintin hnam chitin tan a ni e. Mahse, out lawk a ngai tlat. Hrethiam mai.
June 14th, 2011 at 12:47 pm
Hnam incheina han tih ringawt pawh hi a debate na tham a ni a.
Venghluiho thil tih hi ka support hran lo.
Khawvel changkang zelah kan incheina hlui kha a chhawm theih reng loh. khawi ram mamhin an chhawm chuang lo.
Globalisation-ah hi chuan ‘hei hi kan hnam tih dan’ tia lo tan vak hi a sawt lem dawn chuang lo; Global village, one culture-belpui chhungah hian tlanchhiatna tur kan nei lo.
individualism hman thiam tuma hma kan lak hi a tha zawk DAIH.
June 14th, 2011 at 12:54 pm
biz-in ka lo tel a phal bawk a,
vakul sawi hi ka support,sawi belh tur ka hre chuang lo 😀
June 14th, 2011 at 1:04 pm
E khai, sawi tur a tam e mai, keimah in kan sawi mial mial teh ang… i post tha e
June 14th, 2011 at 3:17 pm
Hetianga hun bi neia puan bih ngei ngei tur ti zawnga kalpui hi chu tha ka ti lo! A uchuak anih loh chuan incheina ah hian freedom kan nei turah ka ngai! hmeichhe rah beh tumna te pawh a ang lek lek alawm! Mipa in chumi ni chuan puan ven ngei ngei tur ti ve se… awm kan ti lo hlawm ngawt ang! Puan bih chu a mawi a, inkhawmna ah leh special occasion ah chuan kan bih tlangpui hi maw…. (F)
June 14th, 2011 at 3:20 pm
@ 32 maisek….full support (Y)
June 14th, 2011 at 7:02 pm
An zawm thra em tih lam ka hre chak..!!
June 14th, 2011 at 10:42 pm
34 Venghluiho chuan an zawm tha thawkhat an ti. Minister ngenna erawh chu awmzia a nei lo an ti.