Bible(Genesis 1:25) kan chhiar chuan Pathiain a thilsiamte a en a tha a tih thu kan hmu a. Mihringte chauh hi a thilsiam a nilo tih kan hria a, thing leh mau, nungcha tinrengte pawh kha mawi a ti a ni. Tin, Genesis 6:19&20-a kan hmuh angin Nova siam Chhandamna Lawngah khan ramsa, nungcha tuak hrang hrangte chuang turin Pathian khan thu a pe a.
Zau taka ngaihtuah thin te phei chuan Isua Krista chhandamna hi thilsiam zawng zawng tan niin an sawi thin. Mihring hian selfcentered taka thu a lak thin avangin thilsiam dangte’n an tuar bik ni mai a ngaite pawh an tam. Thlirna tlang dang atanga thlir chuan a pawmawm viau mai.
Khawvel a lo changkang zel a. Chu changkanna chuan Mizoramah pawh nghawng tha tak a lo nei chho a. Tunhma aiin ran vulh lamahte pawh awmze nei zawkin hma kan sawn ta. Ar chi tha leh vawk lian chi kan vulh a, hei hian kan ei leh barah a tha zawngin nasa takin min pui a. Hmanlaia sa ei duh apianga ramsa pel leh thang kam ngaih deuh ziah thinna kha a umbo ve ta zel a ni.
Thiamna leh hriatna a lo pung zel a. Thilsiam dangte nen kan inlaichin dante kan hre chho a. Chu chuan sava leh ramsa lakah kan rilru put dan pawh a tha zawngin a tidanglam zel . Thing leh mau, Sava leh ramsa enkawl leh venhim chungchangah hian kan harhthar ve tak tak dawn niin alang. A lawmawm khawp mai. Mahse Hetih lai hian Lui lama cheng nugchate erawh kan la dim lo khawp mai. Diriam taka suat kan ching leh thin. Luia chengte hian tlanchhiatna tur an nei miah lo a ni tih hre reng chungin tur chak tak hmangin kan hrai duh a. Sangha chauh nilo nungcha dang kan ei duh loh thlengin a thi ta mai zel a ni.
Kan khuah hian Sangha manna lui(Chawngte Lui) kan nei ve a. Chutah chuan Lenkhang leh Len hmangin kan sangha kan man deuh ber thin. Zokhua tih takah kum 1995 chho vela tang khan milian deuh Bike leh Jeep tih vela lo kal thin ho hian Geletin Bomb, Dynamo leh Bleaching Powder tih vel hmanga sangha suat an ching ta zeuh zeuh mai. Ka pa hian a vei viau thin a mahse midangin pawi ti ngai hek lo le.. Kum 2001(ka hre sual mai thei) phei kha chuan Lawngtlai lam atanga lo kal mi pahnihin tur chak tak mai kan Luiah hian an phul a. Kilometres 15 ang vela thui a nghawng hial. A hunlai khan lawm takin Sangha rui leh thi kha khawtlang mipuiin phur em em in an chhar a, mahse tunthleng hian tunhma angin Sangha a tam thei tawh lo. A chang changin Geletin Bomb leh Dynamo hmangin Officer leh khawi emaw laia Sorkar hnathawkte an lo la kal zeuh zeuh thin.
Lunglei leh Aizawla ka chuan chhoh hnuin hetianga Sangha man chungchang hi ka ngaihven fova. Diriam taka Tur, Bomb leh Dynamo hmanga Sangha suat chingte hi a tam zawk chu Officer leh khawi emaw laia Sorkar hna thawk lirthei nena che thei an ni duh thin khawp mai(Zokhaw lam pawh an awm ve zeuh thin). A rem chan chuan Lui bul hnaia chengte pahnih khat an thurual puia an duh ang chu an ti mai zel.
Ka thuziak chhiar thei chin chu internet hmang pha, eizawnna nghel nghet tak nei in nih ka ring. I lo tive tawh thin em? Zokhua lamin an tih miah loh lai khan tihhmuhtu i lo ni reng em? A pawimawhna leh tangkaina hre zawk hian zirtir zawk tur ni awm taka lang hi diriam taka suat dan kan zirtir thin a ni. Thu ho a ni lo e. Hmasawnna rahbi pawimawh tak rap leh tur hian thil tullo kan tih hi sim ila a tawk mai. Khawsa thei zawk leh thil hre zawkte hian Sangha diriam taka an lo suat thin kha mak ka ti khawp mai. La ti zeuh zeuh thin an awm chuan zawi muangin sim sela a tha viau ang.
(Whistle blow tih hian an chet dik lohna lai kan ham thin a ni tih kan hriat tlan tawh kha aw, kan ham mekte hian tih that dang an ngah em em ania. Tin fair taka ham a harsa viau bawk… Ka lo lan loh palh chuan Blow hmuchhuaktu K’u Trawta’n ka post hi min lo vil sak sela ka lawm viau ang 
)
Similar Posts:
- Zika nungcha humhalh leh kan nihdan
- Eco-Theology
- Poor Fellow
- Thosi vrs U-chang
- Hnam Run ah bomb puak
June 15th, 2011 at 5:35 pm
1st
Report this comment
June 15th, 2011 at 5:36 pm
Chawei chungin. Loneaagle leh Rose nen sekhawn.
Report this comment
June 15th, 2011 at 5:46 pm
Biblical zawng chuan nunna rau rau ah tui a chengte chu ngaihdan dang deuh chu ka nei. Nova lawng ah an lut ve lova, tuilet ah pawh hrem anni ve lo(tui a cheng na na na tui hmang a tihhlum theih anni ve lo). Chuvang chuan an ecological system pawh hi bawhchhiatna in a effect ve lo ah ka ngai.
Chutih laiin mihring(Ad’ham) hi leilung leh a chhung a thil tinreng enkawl leh thunun(subdue) tur kanni a, tur leh bomb hmang a lo beih erawh ka support ngailo ang. Vawikhatmah ka la bomb/hrai ve lo. Ram kan hal chhung erawh chuan kan attitude a hniam em avangin a la reh mai chuan ka ring ngamlo. Ka la rawn sawibelh ang e.
Report this comment
June 15th, 2011 at 5:54 pm
Zofate hi zirtir theih tak kan niin ka hria. Beidawng lovin i inzirtir zel ang u. Tlabung bul velah khuan, Khawthlang tuipui Li-ah Bangladeshi hovin Lawng hmangin Sangha an man thin a, an rut fai deuh pak pak thei ani awm e. Ngaihven deuh a tha khawp mai. Tùr hmangho hi chu a hremna na deuh talh se a that ka va ring em.
Report this comment
June 15th, 2011 at 5:55 pm
sikret kava lei lawk anga.chuan ka chhiar ang..
Report this comment
June 15th, 2011 at 5:55 pm
‘Zokhua’ tih hi eng tihna nge le?
Report this comment
June 15th, 2011 at 6:07 pm
Mobile hand set atangin harsa takin paragraph ka then ve thlap a, alo chhuak a, a inzawm leh pùt si a, ka hrethiam tawh love. Zo khua tih chung chang hi inhnialna a awm zeuh zeuh tawh thin a, Thingtlang khaw tè sawi nanah hman thin a ni. A mihring chengte erawh chu, Thingtlang pa/nu/naupang tiin an sawi thin. In correct a har tawh khawp ang.
Report this comment
June 15th, 2011 at 6:21 pm
Tu emaw ni chu ka hling chiang khawp mai.
Mahse Aquatic ecosystem leh Terrestial ecosystem hi a thiangin an kal ania. Nupa ang mai an ni. Then hran theih loh aw. Lo sawi zel rawh.
Duh duh sawi theih vek. Topic tih huam zau nan Zokhua tih hi ka lo tel hram a nih khi. Mahse kan thinlungin diriam taka Sangha suat chungchang kan topic a ni tir erawh hre reng thung ila.
Report this comment
June 15th, 2011 at 6:39 pm
Zokhua chu Mizo khua a ni mai e.
Report this comment
June 15th, 2011 at 7:14 pm
I tidik lutuk post tupa. A mi nazawng hian nungcha humhalh chungchang sawi hian thingtlang lam hi min puh leh ringawt thin. Khawpui lam atanga lirthei leh silai tha tak tak hmanga ramvak hi ka hmu hnem zawk tlat mai kei chuan.
Report this comment
June 15th, 2011 at 7:24 pm
Luia nungchate tura hrai hi chu TUR vekin anmahni hrai tlak mawle! Nuam an ti lo khawp ang!!
Report this comment
June 15th, 2011 at 7:41 pm
Tur a nungchate, abik in lui Sa hrai te hi anunrawn thlak tak zet.
Report this comment
June 15th, 2011 at 7:45 pm
keimah #11
Report this comment
June 15th, 2011 at 7:54 pm
post tha tak ani
Report this comment
June 15th, 2011 at 8:45 pm
Bible(Genesis 1:25) i ron ti hian Whistle Blower Part-10 min ti chhiar peih lo.
Report this comment
June 15th, 2011 at 8:54 pm
Good post
Report this comment
June 15th, 2011 at 9:06 pm
post tha tak a ni..kei hi chu chakai pawh ka la khawrh ve lo..
Tunlai phei hi chuan generator hmang te pawhin an bei nasa zui a ni lawm ni???
Report this comment
June 15th, 2011 at 9:08 pm
Tha kher mai.
Hambergerlisation te pawh min tihre chhuak zawk mai. US-a Hamberger siamna tura Bawng vulh nana ngawdur pui pui thiata phul an siam a,ram an tibua ta vak-Eco-lover-ten ‘aw Humbergerlisation ‘ tiin an deu a ni awm e.
Thil siam zawng zawngte hi kan duata kan enkawl a tul. Pathianin ‘Stewardship’ hna min pe.
Report this comment
June 15th, 2011 at 9:10 pm
A tha hle mai.
THIL AWLSAM kan duhna ah leh, kut tling lova thil neih tumna hian, kawng awlsam hlir zawhnain min fan zova, kan lui te pawh – tur, bomb ten a ti ralti zo ta anih hi. Mi hausa pawhin sangha man buaivel/ mi man sa lei mai ai chuan, diklo hle mahse awlsam taka duh zat zat man theihna khan a thlem thlu a, a hnawl phal lo ani.
Kei, KUT TLING LOVA NEIH TUMNA hian sangha hrai/bomb ah chauh ni lovin kan nun tam takah min fan ni in ka hria. Mahni vengte leh khawtlang pawisaklohna hi kan khawpui mi te zingah hian a hluar em em a. Chu chu ani, sawrkar pawisa mai pawh nilo, kohhranho te pawisa pawh lo eiru duh kan awm na hi.
Aw Zoram, tang fan fan. Kut tling ngei a sum lalut te leh hetiang veite hian Mizo hnam tan leh Kan Lal Isua tan EIRUKNA LEH THAWHRAH LO SENG DONA hi kan inchhung ah leh kan hmelhriatte hnenah i chawisang ang u.
Report this comment
June 15th, 2011 at 9:33 pm
Nungcha humhalh chungchang chu a hralh a kal lo deuh a ni maw. Kan zingah hian hetiang lama strong tak mai hi phnih vel awm sela kan phuisuih sawt ang.
#19: I interpret dan a tha khawp mai. Rih sang kan kai hnua faisa rin duhna kha keimahni ah hian a awm reng niin a lang.
Report this comment
June 15th, 2011 at 11:50 pm
I thil vei hi ka support khawp mai che, mahse a solution ka hre der lo. Tur leh bomb hmang a lui a kan nungchate an han phin mai thin hi chu an mawl vang han ti dawn ila, kei ni aia fing awm fu fu hi a hrat hrat anni bawk si a, an sual vang han ti dawn ila keini ai ai a khawtlang leh kohhran a inpe leh inhmang leh hawiharh an ni lawi bawk si.
Zu ang deuh hi niin ka hria, dan a awm a kenkawh a ni tak tak lo,a vengtu te hlei hlei hi ven an ngai, a dan siamtu te pawh an lo tel ve leh fo thin bawk nen. Ri thak mai ila kan ngam ka ringlo.
A chhan dang pawh a la awm ang,awareness kan la tlachham, thil kan question ngamlo lutuk, hmaizah kan tina, adt.. duhtawk hrih teh ang.
Report this comment
June 16th, 2011 at 1:06 am
A tha khawp mai. Rannung leh nungchate chunga ngilneih hi a kristianzia a Pathianin mihringte min siam chhan pakhat pawimawh tak niin a lang.
Report this comment
June 16th, 2011 at 8:36 am
Ram kalsiam ngaihtuah tur hian mifing pui pui awm a ngai thin a. Chung mifing zingah chuan Mizoram mila hetiang lam -Land Ethic, Environmental Ethics, Biodiversity, Ecology leh Biophilia hypothesis hre deuh awm ve zel a tulin ka hria. Thu kan sawiho hian tarmit hran hranin mihrang hrang hian kan thlir tlangpui thin a. Mahse pawimawh tak environmentalist tarmit vuah erawh kan awm ngai meuh lo. Mizoramah khian hetiang lama tha ka tih deuh professor pakhat a awm a lo misual ve sela kan hlawkpui ang mawle.
Report this comment