Mizo Kristian te hian Thlarau mi (spiritual christian) kan hmelhriat dan hi rau riau lam hi a ni deuh tlat mai a. Mizo chang kan ni lo tih pawh kan hre tho awm e, mahni han invei hmasa phawt zel ila. Kan thlarau mi hmelhriat dan dik tawklo avang hian Bible han zir chik te, reasoning leh logic leh science lam han chhawpchhhuah te hian kan hmu tisa deuh hu thin, chutiang zel in inhnialna pawh a tam phah thin.
Helai a tisa tih pawh negative deuh a kan ngai nghal ngawt pawh hi a dik chuang lo, Gr.Sarx chu ‘sual pu taksa’ tiin min lehlin sak a, a root meaning chu ‘lowly’ ‘hnuaihnung zawk’ tihna mai a ni si a. Isua parable pakhat mi fing lungpui chung a insa leh mi a tiaudup chung a insa hi i lo zir chiang deuh dawn teh ang.
Engtinge i mitthla ve thin le? Mifing chu a hmanraw kim nen lungpui chung a lawn a, tuboh leh chheni nen a bei nghal em ni? Mi a erawh chu a hnuai tiaudup hmun ah suahdur ringawt in a bankhur a lai tan? A ni lem lo, Israel ram topography chu lei chunglang chu tiaudup a ni deuh ber a, tiaudup hnuai ah lung sakhat a awm thin. (khawvel hmun dang ah pawh a ni tho mai, tlangram a ni lo tih kan sawi fiahna mai a ni e).
“Thuk tak in a lai a” tih lai hi a pawimawh ta a ni. Heti hian mitthla ang le, mi pahnih an awm a, in an sa dawn ve ve a, inthenawm tur ah ngai ang. Ban an lai tan ta, an mizia engmah a la langlo, lei chunglang chu tiaudup mai a la ni a, laih a nuam a, suahdur in an suak hlawih hlawi mai. Feet hnih an han laikhuar(suak khuar) ta a, tlem in a lo sakhat ta deuh a, bawngtuthlawh an chelek a lo ngai ta a, an la dang chuang lo. Feet hnih dang an han laih thlen meuh chuan, a lo thuk ve ta hle mai, feet li lai a thuk a lo ni ta. Ni sa nen, thlan pawh a dir zaih zaih ta mai.
Tah hian mi a leh mi fing chu an lo lang tan dawn ta a ni. Tawng dang in, in thatchhia leh mi taima, mi zawmthaw leh mi chengvawng. Mi a chuan a ban a phun ta mai a, mi fing chuan a la lai leh ta tlat a ni, thuk tak ah, leihnuai a lungpui chu a zuk laithleng ta bik a ni. A ban a phun ta a, lungpui chung ah ngei chuan. A thawnthu dawt zel chu kan hre vek e.
An insak chu han hmuhpui dawn ta ila. mi a chuan a foundation ngaih pawimawh loh avangin, a lang lam ah sum a seng tam zawk a, a in pawh chu a ropui zawk a, bungrua pawh a nei tha zawk ngei ang le. Mi fing erawh chuan a foundation a ngai pawimawh a, sum pawh a seng hnem zawk a, langthei lam a a in erawh a ropui lo zawk a, inchhung bungrua pawh a nei chau zwk ngei ang le.
He ta kan hmuh chu an bul tandan a inang a, an duhtawk chen a inanglo ta mai zawk a ni. Tisa thil leh thlarau thil hi chhim leh hmar ang a a tir atanga inperhsan a kal nal nal lam a ni lo. A tir an inang a, tisa in a peihloh hun a thlarau lo che chhuak hi a ni kan hmuhmaih nasat em em chu ni. Kan mifing insak tir dan chu a tir atanga lungral leh chheni hman tir nghal hi a ni tlat thin, tuaidup chu lungral leh chhenni nen a lai chi a ni lo zawk, mi a pa ang a suahdur a suah ve mai kha mi fing pa tihtur chu ani tho.
Common sense ah kan hriat tur ngawih ngawih leh kan tihthei reng a Pathian aw kan han ngaichang vel thin hi Pathian hi a lawm ang nge a lungngai thin ang le? Ka fapa, graduate ve uaih tawh, kum 21 mi in ‘Apa, ka inbual ang em, chaw ka ei ang em, class ka kal ang em. adt adt’ min tih sek chuan ka mangang ru viau ang, pyschiatrist rawn a, a rang a rang a Ranchi pan pui mai chi a ni ang. Chutiang te chu kum riat mi a nih khan a thiam tawh tur a ni si a, balh chuan inbual tur, ritam chuan chaw ei tur, admission a tihfel tawh chuan lehkha chu zir ngei ngei mai tur, adt, adt.
Common sense hmanna tur a hmang duh lova kan han inti thlaraumi ta vel leh kan thatchhiatna hi rinna ti a kan han vuah vel hi a luhai thlak lai tak chu a ni.Motor a zinchhuah dawn a, a brake, oil leh a engine te check peih lo a, dai pawn a tawngtai a thlamuan rikngawt hi thatchhiatna diktak, rinna ti a kan vuah mawi chawp mai mai a ni zawk. Theih ve chin tih tur tih hnu a tawngtai erawh a dik thlap thung.
A tawp nan ‘Footprint’ ang khan, a nuam lai, keimahni pawh ke a kan kal ve theihna ngei ngei a Isua inpawmtir kan tum hi rinna dik a ni lo ve, a harsa lai, kan tisa in a peihloh leh kan theihloh hun ah ‘mangan lai a tanpuitu hnaivar’ hi min pui tur in kan kiang ah a awm reng a ni zawk, mangan loh lai a tanpuina dil hi tawngtai dantur a ni lo va, ringtu puitling zia pawh a ni lo va, ringtu sawngnawi zia a ni zawk e.
June 27th, 2011 at 1:44 pm
Para hnuhnung lam ho khi tha ka ti. Keipoh zir thatchhe lutuk a ka exam chuan min pui tur pon ka trongtai peih lo law2 thin.
Theihtawp a ngil a kal kan tum laia kan inchhuih chian hian ani Pathian chuan min lo dawm thin.
June 27th, 2011 at 1:47 pm
Breaking news: chaltlang veng a, nu leh naupang tuboh a chhutu kha bawngkawn Police ho in anman tawh ani awm e (Y)
June 27th, 2011 at 1:51 pm
Ka nuih a zaa 😀
June 27th, 2011 at 2:01 pm
Thianpa zoho.. va rawn bei tha leh fia fia si ve le (Y)
Bible zir tak tak peih silova, ‘thinlung/rilrua lang tlat’ ringa in lak thlarau mi vak zel hi Zoram Christiante hian kan bansan a ngai takzet a ni. ‘Bible zir’ tih hian Bible school emaw Theological College chauh hi a zirna hmun a ni lo tihte pawh hi sawi uar a tul. Kan phaktawk ang zela thahnemngai taka kan zir hian hriat thiamna min pe mai zawk a ni si a.
Vanram kai tur chuan Pathian thu awih a ngai a, Pathian thu zawm tur chuan a thu hriat a ngai a, a thu hre tur chuan zir a ngai a ni. Pathian thua nghet taka kan din theihna tur chuan building chu sang tak leh nghet taka ding tur chuan thuk taka lei laih a ngai ang hian, Pathian thu hi thuk taka kan phaktawk ang zela kan luhchilh hi a ngai reng a ni. Thatchhiat vanga zirna sawisel emaw ‘hemi chin hi hria ila a tawk’ titu te hi chu tiaudupa in sa ang, mahni peih tawk china duhtawk mai, Lal Isua’n mi a atih ho hi an ni fo.
June 27th, 2011 at 2:08 pm
Zoho, i motive ka hrechiang balin ka hria-in ka inhria. 😀
I post tha lutuk, kei chuan e i thlarau mi ka ti lutuk.
I thil sawi reng reng hnehsawh tak maia induk zar zar phei hi chu lamtangah siam ka tumna che hi a mit thei lo.
Thil han tehkhinte lah khi (varak tui thiam emaw maimawm tui thiam emaw chu thuhran ni se)’i nul antam chi dil thiam’ nge ka tih dawn, ‘i second hand fak thiam’ ka ti zawk dawn em ni? 😉
Nia, i sawi khi a lehlama tang tan chuan ninawm deuh tur a ni.
MAHSE, common sense atanga hriat tur i tih(thenkhat) hi chu Theology/Christology/eschatology-te an nia. Har ve deuh chu a sin. Lehlamah pawm dan sa rawn sutu a nih tawh phei chuan ‘i rau lo’ tih hlawh mai loh nakah. Tradition against-tu chuan against-tu pawh in hlawh chhuak ve ang chu. a na em aw?? 🙂
Historical Jesus leh Christ of faith chungchangte kha han present vaih teh-Bultman-a te, moltman-a te chuan lecture-pe tura sawm an hlawhpui laiin nang chu an khengbet ve ngei ngei ang che.
Ka sawi thui ka la ngah ngah nen, i post erawh hi chu tha ka ti. Ka’n save ang e. I interpretation pawh a tha hle mai-Lal Isuan ‘antam chi ang’ a tih te, ‘theipui hauh hlum te, sam ‘Lalpa chu min vengtu a ni a, ka tlachham lovang’etc etc tihte kha topographically/contextualisation-in han chhui zel la a ngaihnawm dawn mang e.
I vui ru thiam mang e, thlarau deuhin. (Y)
June 27th, 2011 at 2:08 pm
If you wanna go high, go low !!
June 27th, 2011 at 2:28 pm
Dik khawp mai,n’e Pathian in thil tamtak ti ve thei tura min siam ropui zia hriat chuan kan tih ve tur chin hi chu A zam m’le.Mangan lutuk ang pawha ka awm hmain A puih na ka dil fo mai,ka chhungrilah ka lo mangang ru reng tawh zawk pawh nimahna.
June 27th, 2011 at 2:34 pm
Pu Zoho, Nangni ang Pathian thu thiam ril leh chhui thúk peih Zofate zingah kan lo nei reng mai che hi ka va han chhuang che em. Evi kha Rul(Setana) khan a pawl ni ngei ang leh, a serhah mai pawh ni lova a mawng kuaah a pawl ngei nia ngaih theiha i han sawi phei kha chu, i hre ril hi ka ti lutuk a, min ti luhai map mai asin. Nangni ang pathian thu a ban kua lai thuk hi keini ang han cho rual inni love. Mahse helaia Isuan sawi a tum tak hi pathian thu hriat thuk/ril lam ani berin ava lang lo ve… (vaimim chhum ei turin kan nuin min ko tlat. Tea break nei lawk ang aw)
June 27th, 2011 at 2:39 pm
tha khop mai,hei chu a topographically a chhuina poh ni se,a eng a poh ni se a arrow mark a chiang mai…kan tih ve tur hi chu a om,ringtu kan nih a,piangthar,Lal Isua Krista chhandamna changtu kan lo nih hian tihtur kan nei a,bibble in chiang tak in min hrilh bok…
Thlaraumi erawh hi chu tehfung ka nei lemlo e 😛
June 27th, 2011 at 2:54 pm
A va han tha ve. Harsatnate pawh hi pumpelh tur ngar ngara dil lova, harsa chung pawha paltlang thei tura chakna dil hi kan tihtur ni awm tak a ni.
June 27th, 2011 at 3:04 pm
Va tha ve,save keuh
June 27th, 2011 at 3:07 pm
(I)
June 27th, 2011 at 3:22 pm
He laia Lal Isua thusawi hi, a chanchin ziaktu ten a Sermon sawi an record kim chang ber, ‘Tlang chunga thusawi’ (Sermon on the mount) ti a hriat lar, Matthaia bung 5, 6, & 7 a, a tawp kharna a ni a. Lal Isua khan rawng a han bawl tan khän, he khawvela alo kal chhan ang takin, ‘Thu tak’ kha a zirtir tan nghal mial mial mai a, Thuthlung hlui zirtirna thenkhatte kalh ang reng tak tak te, ‘Dos and Don’ts’ tam tak zirtirin, ‘Thuthlung Thar’ a pe ta a. Tichuan, a thu ngaithlatute chuan an ngaithla liam mai mai anga, an zawm tak tak lo palh ang tih hlauthawngin, a sermon khar nan, “CHUTICHUAN, MI TIN HÈNG KA THU HI HRIAA ZÄWM APIANG CHU, MI FING LUNGPUI CHUNGA IN SATU NEN TEHKHIN TUR A NI.” A ti ta a. A ngaih pawi mawh lai tak chu, zir thuk tìh lam aiin, an thu hriat zawm a, a taka hmang nghäl tura a fuihna a ni. ## Hemi tlukpui chiah hi Jakoba hian a lo sawi ve bawk a, “Nimahsela thu ngaithlatute mai ni lovin zawmtute lo ni zawk rawh u, chutilochu mahni inbum in lo ni dah ang e. tupawh thu ngaithlatu nia zäwmtu ni si lo chu, därthlalanga a pianpui hmai ngun taka inen ang chu a ni, a kal bo va, mi eng ang nge a nih a intheihnghilh nghal si thin….zawma hna thawk fo thintu zawk chu a thil tihah malsawmin a awm ang.(Jakoba 1:22-25). Mizote hian Pathian thu hi kan hre täwk fang bawkin ka hria. mahse Isua hlauh ang ngeiin a taka zawmtu leh nun puitu kan tlem lutuk ani zawk lo maw? (tawngtai chung chang…)
June 27th, 2011 at 3:32 pm
#13 : A tak a zawm tu nih theuh i tum ang u (Y)
June 27th, 2011 at 3:55 pm
I thil sawi hi ka tawmpui chein dik ka ti deuh vek mai. Amaherawhchu, ‘Mangan leh mamawh hun chauh a Pathian hnena tawngtai tura inzirtir hi a tawk dawn em ni aw? Ka ti deuh a ni. “Thlemnaa in luh loh nan tawngtai rawh u”(Luka 22:40), “bäng lovin tawngtai rawh u”(1 Thessalonika 5:17), “Engkimah tawngtai leh dilin, läwmthu hril tel zelin, in duhnate chu Pathian hnenah hriattirin awm zawk rawh se. tichuan Pathian thlamuanna, rilru reng renga hriat sen loh khan, in thinlung leh in ngaihtuahnate chu Krista Isuaah chuan a vensak ang che u”(philippi 4:6-7). Danielan Sakeibaknei riltam pawh pawisalo a, hunbi nei taka a tawngtai chuan, silai cheng kau rap rapin min tin reng mah sela, zing tina quite time hi ka va han thulh dawn lo chiang tak em. Lalpa hian kan mamawh lai chauha amah hrechhuak thin turin min ti lo. Amah nena lengdun reng tur leh a thu ataka zawma nunpui nghal turin min duh a ni zawk e.
June 27th, 2011 at 4:07 pm
He post chu tha ka ti khawp mai, Lungpui chunga in sa tih thu hi Luka ziak-ah khan ‘thuk taka lai’ tih a awm a. Sermon atan ka ziak a, ka zo thei rih lova. Ka tlan kual thui lutuk ta thin a.
Tute emaw piangthar da leh (‘da leh’ tih hi dik ka ti lo chungin ka hmang lui)’I pianthar dan a dik lo a nih chu’kan han ti ta mai thinte, testimony sawituin ‘tun tum chu ka hmu fuh ta’ an han ti ngawt zel te hi a pawi thin teh a nia. Piantharna hi a bul atanga tan leh chi pawh a ni lem lo (tuiah leh thlaraua piang tih ka ngaihtuah mek tunlai hian). ‘An chakna an siam thar leh thin tur’ a ni zawk. Harsatna, thlemna kan tawh hunah Galili dila thlipui a lo thleha zirtirte’n en tur dik Isua an en ang khan Amahah innghah a tul. Tawngtai thu-ah pawh vawikhat chu Solomona tawngtaina behchhanin ka rawn post ve tawh kha.
Zoho Post hmasaa ringtu chihnih kha chu a thliar hranna ka hmu ve thiam mang der lo mai. Zirtir 12 te kha chu Israel hnam 12 aiawha roreltu tur an ni tih ka chiang a, Bible-in a sawi avangin. Tlang chunga thusawi hi Mat bung 5-ah khan a tawp mai lo a nia. Mihringte tih theih loh, Pharisaite felna khum a ngaih thute, ngaih chaka melh chu uire a nih thute, tualthah thu-ah te, mihringte tan chhandamna kawng a pin zia a sawi zawk a ni.
Tichuan ‘tunge chhandam ni thei ang le?’ an ti a, ‘mihring tan tih rual a ni lo, Pathian tan erawh (hmangaihna avangin) tih loh rual a ni lo’ tiin chhandam nana tling zo awmchhun Amah chu a rawn inpe ta zawk a ni. Danglamna reng a awm love, Grik mi emaw,Juda mi emaw, Gentile emaw an tana thia chu a thuhmun reng. Ringtu class hnih kan then dawn anih chuan class li vel ka rawn then ve mai tur asin!
June 27th, 2011 at 4:11 pm
Pathian thu zawm hi a pawimawh ber chu a ni.
Amaherawhchu enge kan zawm tur chu hriat a ngai a, hre tur chuan zirchian a ngai bawk si lai tak hi a ni. Mahni ngaihdan dana zawm chu zawm loh nen a danglam vak kher lo ang. ZIR tih hian ril taka zir tih a kawk kher lo bawk.
Mizote hi Pathian thu hre viauah hian kan inngai chawka, dik tak chuan kan hre tlem khawp mai. Eden sual thu leh Kros thu bak hi sawi tur kan hre meuh lo. Bible interpretation-ah phei chuan la hnufual tak kan ni. Upa/Pastor Bible chang khawi emaw lai out of context-a sermon chiam hi an awm fo reng a ni.
Entirnan:
Hebrai 6:1,2 – “Chutichuan, Krista thu bul hril tawh lovin puitlin lam i pan ang u; thiltih thi simna te, Pathian lama rinna te, baptismate leh, kut nghah leh, mitthi thawh lehna leh, chatuana rorelna kawng lam zirtirna te lungphum chu phum leh tawh lovin” thu hi pa pakhat chuan “simna te, rinna te, baptisma-te hi thiltih thi” tiin a sermon ngheng tawh !
A hminga rawngbawltu tan phei chuan fimkhur taka Pathian thu hi belhchiana zir hi tih makmawh a ni.
June 27th, 2011 at 4:20 pm
@zovel,
I sawi tha lutuk tlat, zoho hian Mathaia ziak nilovin Luka ziak zawk a rawn thur chhuak a ang khawp mai.
“Mi tin ka hnena lo kal a, ka thu hriaa zawm apiang chu tu ang nge an nih ka hriattir ang che u: In satu, thuk taka lai a, lungpui chunga lungphum rema ang chu an ni; tin, tui a lo lenin, tuizangkhauhvin chu mi in chu a khawh a, a tinghing thei lo va, a sak ngun avangin” — LK 6:47,48
June 27th, 2011 at 4:41 pm
Luka 6:46-49 pawh hi ngun taka in chhiar chuan, Lal Isuan a ngaih pawi mawh lai tak chu, “A thu ZAWM” hi a ni. Tih kan hmu thei. “Tin, nangnin eng atän nge, ka THU ZÄWM si lo va, ‘Lalpa, Lalpa,’ mi tih thin? Mi tin ka hnèna lo kal a, ka thu hriaa ZÄWM apiang chu tu ta ang nge an nih ka hriattir ang che u: In satu, thùk taka lai a, lungpui chunga lungphùm rema ang chu an ni:…Amaherawhchu hriaa zäwm lo chu… Zir thuk lam ani hauh lo mai a. A thu HRIAA ZAWM apiangte ngheh dan tur a sawina ani tlat mai a. HRIA tih lai hi a pawimawh khawp mai. Nitin darkar khat tal hi Pathian thu TAWNGTAINA nena regular taka ZIR thin a, kan thil zir chu kan nuna seng luha ZAWM nghal hi a va tulin, ava pawimawh tak em.
June 27th, 2011 at 4:56 pm
A dik chiah .. HRIAA ZAWM tih a ni.
Ngaithlaa zawm tih nilovin. Akoun (gk) a ni, hrechiang/hrefiah/hrethiam tihna a ni a, ngun/chik taka zir tih lam a kawk a ni.
Ngun taka Pathian thu zira, zawm tur tihna a ni. Hriat thiam ve dan ang ang emaw rinthua zawm ve ngawt lam ni lovin.
June 27th, 2011 at 5:06 pm
2 Tim 2:15: “Study to show thyself approved unto God, a workman that needeth not to be ashamed, rightly dividing the word of truth” KJV
June 27th, 2011 at 5:19 pm
Theological College a kum 3 ka awm ve lai khan, min hnial rawn bur bur thin a, a nuam thei hle. College kalna azir pawh ani ber lo. A zirtu nun puitlin leh puitlin loh, nun nghet an neih leh neìh loh a pawimawh berin ka hria. College khat chhuak theuh theuh hi Pathian thu lak dan in anglo thei tak ani. Piangtharna fumfe nei lo leh Sound doctrine nei lova Theological College a zir ve ringawt hi ka support lo khawp mai. In zir bo theih tak nìin ka hria. Zir in ang reng si hi Liberal deuh(inthup deuh leh sawi ve phawng phawng) leh Evangelical deuh hi an chhuak rual thei tlat thin.
June 27th, 2011 at 5:19 pm
Well said keimahte #20 & #21,
Zir lem lova Pathian thu hrefiah theia inngaih tlat hi bumna a ni a, hrefiah miah silova Pathian thu zawm/thu awiha inngaih phei chu atthlak tak a ni.
June 27th, 2011 at 5:25 pm
11 Timothy 2:15. “Hnathawktu, thutak thu fel taka hmang chu a zak tur a ni lo angin, Pathian ngaiha thaa inentir turin thahnem ngai rawh. (Mizo version)
June 27th, 2011 at 5:27 pm
A dik khawp ang PKfanai. Formal taka theology hi zir dawn chuan piantharna nei hmasa lova zir hi chu thil hlauhawm tak a ni. A rah pawh kan hmu hmek a nih hi.
Helam pang hawizawng hian thiam lo takin thu ka post ve tawh nghe nghe a, i peih/hman chuan lo bih ve mai mai ta che 😛
http://www.misual.com/2010/09/29/criticism-of-biblical-criticism-bible-bihchianna-bihchian-veleh-chhawnna/
June 27th, 2011 at 5:39 pm
THUK TAKA LAI tih lai khi ZIR THUK ah in ngai deuh in ka hria a, chu chu ka rawn uar lai a ni lo.Zir thuk ah min ngai deuh a nih phei chuan ka ni miah lo,Seminary ah phei chuan ka zir reng reng lo, BCS kha chu ka zir ve, mahse ka zir tluan ta chuang lo.Nep ru deuh ka nia, chik erawh ka phak ang ang chuan ka chik ve fu mai, Beroia khua mite ang khan.
He ta ka rawn uar ber chu tisa leh thlarau kan thenhrang lutuk a, mak dangdai, rau riai lam kan dahsang a, Pathian min pek common sense, understanding, hriatthiamna tluangtlam,tih tauh tauh lam kan hmu tisa deuh tlat hi a diklo e ka rawn ti a ni ber e.
Kan part kan play hnu ah Pathian in a part a rawn play ve mai thin, hei hi THAWHDUNNA tiin min vuah sak a, lawmman te min la siam sak zui hi a lawmawm em em a ni. Dik tak chuan Khawvel a chanchintha hrildarh tur hian Vantirhkoh pakhat tawtawrawt vawi khat ham hi a tawk em em in ka ring, kan thawhve a phal hi a ropui a, hmuh hniam reng reng loh tur ka rawn ti a ni e.
Zawm lam ah chuan #17 & 20 @ keimahte a comment khi ka ngaihdan chiah chiah a ni e. Zawm fuh dawn chuan a dik leh dikloh hre khawp a zir tur, chu chu a THUK leh RIL lam pawh a ni lo, thudik leh thutak hi thudik tawklo leh thutak ni chiahlo traditions and costoms hian kum sang chuang a lo khuh pil tawh avang erawh chuan hai pawr peih chu a ngai tawh, RIL leh THUK lam nilovin.Diklo zawm avanga kan buaina hi a thuk in a pawi em em mai a,zawm dik inti em em Pharisaite ang khan kan tihsual loh nan a dik hriat hmasak phawt hi a ngai tlat a ni. Zawm lam chu next step ah mawle.Kei chu ka zawm hleihtheih lo avang hian Isua hi ka ngai ngawih ngawih thin.
Attack zawng a sawi chuan Bible kalh deuh deuh zirtirna, rau taka kalpui a, Bible zir leh dilchhut hmu tisa deuh te hi ka rawn attack deuh bawk a ni.Ka attack pawh a ni chiah lo, correct tumna lam a ni zawk mah awm e. A mal mal in ka rawn chhang ta lo mai. In ti lawmawm hlawm e.
June 27th, 2011 at 5:57 pm
I lai thuk leh lutuk thin a ni ang 😛
June 27th, 2011 at 6:07 pm
Pu Zoho, a hmasain i rilru ka tina anih chuan min ngaidam dawn nia. I hriatna ril lutuk mai hi ka appreciate tak meuh a ni. Tluk loh val ini e. Hetiang hi rawn vawrh chhuak zel la, Bible tan funga hmangin Debate kan nei thin dawn nia. Ka tawngtai tam phah a, Bible ka zir tam phah a, Nileng lenga Pathian thu ngaìhtuah a ngaih phah a, ka hlawk pui lutuk. Aw, khawi seminary ah emaw awm ho ila, zan tin zahmawh lam sawi lova, Higher criticism han chai ho thin ka va chak em. # Donald i link dah khi ka chhiar thuak a, a tha ka ti kher mai. Hun thawlah ka la chhiar nawn leh ang.
June 27th, 2011 at 6:09 pm
Ziak tha lutuk ka like mawlh mawlh e. Thuk taka lai a, lungpui chunga in sak lai tak khi a pawimawh lai tak chu a ni. Lungpui chu lal Isua nena tehkhin a ni a, miin Isua ah nun a nghah tawh chuan eng mahin a sawi nghing tawh lovang (F)
June 27th, 2011 at 6:25 pm
I ziak tha thin hle mai. Pathian thu hi a zir a, hriatfiah thiam i tum tak tak thin in ka hria, a tha em em a rinna ah pawh kan ngheh phah ve sawt thin reng a ni. Mahse kan Bible in zirtir tum lian tak min neia chu chu inngaihtlawmna leh thuhnuairawlhna hi a ni, hei hi kan thelh ang tih ka hlau thin. Finna hi a fak in a chawimawi em em a, nei tur in leh chumi kawngah chuan taima a thahnem ngai tur in min zirtir fo a ni. Mahse a thupui ber ‘Thu tak’ chu inngaihtlawmna hi a ni, “inngaihtlawmna lo in tumahin Pathian hmel an hmu lovang.” Finna hi Pathian ropuina hmuh thiamna anih rualin finna ringawtin Pathian a zawn hmuh theihloh. Sual hamsa ber chu chapona a ni a, chu chapona avang chuan Pathian ropuina chu thup a ni ta a, kan hriat vek pawh phal a ni tawh lo. Kan inngaihtlawm hma chu pek in kan awm leh tawhlo ang. Chuvangin inngaihtlawmna nei hmasa lova finna atanga Pathian hriatchian tum chu chapona ah a kal thin.
Ka sawi awmzia i hrethiam em? Bible purpose chu inngaihtlawmna a ni a, chumi atang chuan finna kan duh ang zela dil tur a ni. Finna inphumru atanga zir tan chuan Bible hi kan question reng maiang.
Korinth ziak ami “Mifing finna chu ka ti boral anga, remhre remhriatna chu ka paihthla ang” tih kha i ngaihdan rawn ziak ve chhin teh 🙂
June 27th, 2011 at 6:25 pm
#28 : I soi khom zel zawk ila maw le,a thu a tha kan ti,mahse kan duh loh lai te chu kan sel thiang alom,kan ngaihdan theuh kan thoh ang chu…
Post tupa hi a post thar tur a ngaihnom hmel riau kan ti,kan lo chang a nia o @zoho……
June 27th, 2011 at 6:41 pm
31. Ni e, Fiamthu ni miah lovin, hetianga Post tupain a hriatna bawma Pathian thu ril tak tak a khawl khawm min share phal hi a hlu ka ti tak zet.
June 28th, 2011 at 12:18 am
A va tha em….’Lungpui’ hian chhungril nun phuisui entir ta se, ‘tiaudup’ hian pawnlam hausakna entir bawk ta se, in infuih nan a tha fu ang a.
Thlarau mi hi chu kan zalen hak mai…Hehehe
June 28th, 2011 at 2:47 am
@PKfanai
A ziak tupa in a a thu tum kan lo man anih chuan, ‘inhnialna atthlak ah rik buan buan a fel ber em aw?’ ka ti mai mai. Hre ber nih duhna te, kohhrana a ringtu/theologian tha ber nih duhna te leh chutiang thil reng reng te hi setana’n Krista ringtu – intipuitling khe khaw te zinga a hmanraw chhuanvawr ani.
I rawn sawi khi a dik em em, a thu kan zawmna lai kha kan insak ngheh leh ngheh loh chu ani, zoho rawn pho chhuah dan khi perspective tha tak ani a, kei chuan a perspective khi khawi Theological College mah a, eng Doctrine pawh behchhana hmuhchhuah chi ah ka ngai lo.
June 28th, 2011 at 1:00 pm
A tha. Hun ka nei lo rih em mai!