Miten thu tha leh ril pui pui an post lai hian thu vawih uih te te ka’n post ve teh ang. Thuziak thiam tak nih a chakawm hle mai. Engpawh ni se……
Naute harh a sawi thin ka ni a. ka harh zia an sawi na pakhat chu, ka nu leh pate’n nau hlanna nei a min pawm lain, Pastor tawngtai lai in ka tal chhuak a khuangpui chu ka lo vaw ri pawm pawm a ni awm e. A zia lo hle mai. Tin, kum khat leh a chanve vel ka nih khan ka inrulpuiludin thei tawh a, in show-off nan tak ka hmang niin an sawi. Over tan!
Naupang harh tak ka ni chho thuai a. Kum 6-8 ka nih chuan kan khuaah chuan ka lar tawh hle. Tlangvalho football khelhnaah ball chhuakchhartu rinawm ka ni thuai a. Tuihawk leh tuikhuah a cheng tur a thiante sawmchhuak tu ber ka ni thin. Mizo naupang infiamna hrang hrangah a thiam ber chu ka ni ngai lo, a hrat ber nihna erawh hun rei tak chhung ka hauh. In marble naah ‘Degi’ ka nei tha thei hle. Sava veh leh thangkam kha ka uar ve hle a, mahse thiante’n an perhthlak tam chang a min pe ve leh zeuh thin tihloh kha chu ka hlawhtling haw ngai tlat lo. Ka harh vel vang kha a ni pek ang!
Naupang harh ta na na na chu rawlthar zawi awi nih ngaihna awm hek lo rawlthar harh zet, thring cham tam ka ni chho nghal a. Ruihhlo leh ruihtheih hrim hrim hi chu ka in phak leh hnim phak leh zuk phak tawh phawt chu ka hlah lo. Helam hi chu sawi thui lo I la. Ka kum rual puiah ngaihzawng hre hma pawl ka’n ni leh pang a.
Thiante aiin love song ka hre tam a, love letter ziah ka hrat thei hle a, hmangaihna lamah kha chuan thiante biak rawn ber ka ni. Thiante pawh nise hmangaihna chungchangah ngat kha chuan ka hlutna kha ka hre ve kar a, man nei lo chuan ka ziah sak mai mai duh ngai lo. ‘Dista’ phek khat pentui rimtui a ziah kha a rate a sang bik a, cheng 5 ka chhiar thin ta in ka hria. Lehkha puan tawi khap chen tur ang vel kha chu ka mood a zirin cheng 1-2 veleh ka dah deuh ber.
Tun hnua kan chhuikir hian thil chi hrang hrang hi ka lo zir tam ta viau mai a. Harhna rah chhuah a ni ber ang chu. Kungfu kha tih tak zetin thla nga chhung vel emaw ni ka zir ve a. Mahse tun thleng hian a eng step mah kha ka hmang tangkai ta lo. RV vel a kan han insual buai nikhua te lah khan ka ruih em em lai a ni ziah a, ka kungfu thiam ve chhun te kha hman ngaihna an awm ta lo a ni. Ka ui khawp mai.
Arts & Culture Dept. hnuaia IMFA hnuaiah Music hi thla 3/4 vel ka zir ve leh a, guitar ka khawih ber a. Mahse, music lampang hi ka talent dawn a ni lo tih hi hei tun hnu hian ka chiang tawlh tawlh. Rimawi tumtu nilova a ngaithlatu ni tura lungawi mai ka ching ta. Solfa hi ka thiam thei thlawt lo.
SAI ah thiante hnung zuiin Judo ka’n khel leh zak zak a. Tournament vawi khat ka chhuak ve a, ka khelhpui pa kha black belt a lo ni kher bawk nen chhuat vawm nan min hmang a, ka khel zui leh ta lo.Kum 5 vel kal ta a ka pianthar hlim khan ATC ah Bible ka han zir ve leh zuai bawk a. Diploma course a ni a, lehkha zir zawm ka duh avangin ka tawpsan leh a. Engmah hriatzui ka nei tawh lo. Daihzai thlak thin!Kum chanve chhung vel chu dawr kan siam ve leh ang ren rawn a, ka loss reng avangin chhungten bengvar chhuahin min tih tawp sak leh a. A va buaithlak thin em.
Shillong leh phai hnaivai deuhah lehkha te ka’n zir kual leh ang lawp lawp bawk a, kum engemaw zat han exam nawn tlut tlut takah chuan ti hian kan zir chhuak chu a ni ve reng mai a..Awww, college leh University te kan kal ve lai khan thil nuihzatthlak leh hlimawm tak tak ka lo va tawng tam em!MZP a in hmang ve ang reng tak thian pakhat hi ka nei a. Zan khat chu kan in zui chhuak a. Aizawla restaurant changkang tak pakhat ah hian thil i ei teh ang kan ti a, kan ei ta a, kan ‘kai’ chhap bawk a.
Chu restaurant nei tunu, nula changkang tak mai chu kan bul lawk a vai leh sap ho table kil zingah chuan a thu ve a. Mizo thil hawp rik hruah hruah dan vel chu a zir a zir mai a. Ka thianpa MZP na rilru chu a tho ta at mai. Chu nula chu kan thutna lamah chuan a ko phei a, tawngkam dam thlup si chuan a zilh nek a, nula chuan a AMEN khawp niin a lang. Tichuan ei mante kan inpe fela, kan chhuak tur chiah tihah chuan kan mualpho ta! Ka thianpa chuan a kawng a a pai, rakzu fun sei chu, restaurant chhuat laiah chuan a’n thlauh keh pawp mai a nih chu. Zu kha a urh rim ala nam zui. Kha zan kha, kha restaurant a ka luh tawp zan a ni ta.
ka hun kal tawhah khan, min hrechiang tu te kha chuan. “Thring cham” min tihloh vek chuan “chhe hot” min ti ngeiin ka ring. Ka va zak hnuhnawh em. hahaha
Sawi tur a la tam, zahthlak tak tak, nuihzathlak tak tak, hahthlak tak tak….duhtawk phawt ang.
Similar Posts:
- Thil Pakhat Chauh
- …ve mai la…
- Thluak vawrh nazawng a fuh kher lo! :p
- Mizoṭawng tlema zäwng
- MIZO KRISTIAN-TE LEH ATHEISM CHANCES
Nia, Like tur dik tak hi Like a ngai a...
June 27th, 2011 at 5:35 am
Pa-para chu para 1 na ah chuan harh nghal em em phawt ah….kan chhiar zawm zel phawt ange…
Report this comment
June 27th, 2011 at 5:36 am
2 na tang a harh tan zawk a nih khi….sorry
Report this comment
June 27th, 2011 at 5:43 am
Hetiang hi chhiar zeuh2 tur hi awm reng sela a tha.
Restaurant neitu nula i tih khi Mizo anih ngat chuan amah leh a mah a inti mualpho der niah ka ngai. Mizo te awm dan (kan awm dan) hnamdang kianga fiamthu a a mawilo lai kan zir hian keimahni mawng hlim kan ni tlat.
Martial arts hrim2 hi zir rei vakloh lai hian kan tha a za a insual te hi thiam viau turah inngaih a awl. Hman ngaihna a awm loh lai tak ani duh phian lehnghal a. “Zir rei pauh leh insual a that loh zia an hria e,” an tia lawm
SAI i sawi takah chuan keipawh ka che chhe tawh teh asin. Zan lamah kan lo che na deuh bawk nen, a tukah ka inkhelh dawn lo hre tawh hek lovi. A tukah thianpa Te-an min rawn kaitho ka kal ve mai bawk a. Judo mat ah bawkin zahmawh ka sawi zut2 a, mei ka zu khu tulh2 bawk a. Ka thuamhnaw ka la theihnghilh hram zui. Salem veng Tea chuan a ta spare min hak tir ta ngawt a. Ka lo chet nalh ve phian tawh avang khan (ti vel ila) ka tumpui leh tur chuan min huphurh khawp mai a… “Min hlahthlem rawh aw,” ka beng bulah a rawn ti sup… ka phur phah nasa. Meizial zuk leh zanlam thil vangin ka chaklo daih asin le ka chawh tak tak.
“Degi” i tih khi Drâwk kan tih thin kha a nih ka ring. ‘Dista’i tih erawh ka bo chiang kher mai hairehai
Report this comment
June 27th, 2011 at 5:45 am
Chanchin ngah chi i ni maw, tiang hi nuam, rawn ti zel rawh. Tiang lam hi chhiar a nuam a nia.
#3… haha
Han comment ve tawh teh u le..
Report this comment
June 27th, 2011 at 5:48 am
Para 3-na ah pawh a la harh tho…
Report this comment
June 27th, 2011 at 6:15 am
ka naupan deuh lai khan nangmah ang deuh hi HERO ka nei thin tak e.. engkim mai hi a medal dawng lo tawk chuan a ti ve thei zul a.. insual a huai hle.. thiam thil ngah chuan sawitur in ngah tlangpui…sawi zel rawh
Report this comment
June 27th, 2011 at 6:17 am
Very ngaihnawm, rawn ziak zel teh
Report this comment
June 27th, 2011 at 6:51 am
Mahni insawisa ngam ngat chin i ni a, mahni inring tawk tak ini tih a ti lang daih. Hman deuh laia Mizo tlangvalte ngaihsan thin, ‘Rui reng chung a College leh University zo thei’ ngat ini leh nghal. Chhiar anuam e. I kungfu zir chu i him phah fo ka ring, tin rin aiin kutthlak a lo na duh riau asin, i in sawisak ang vek hi chu ani lo tih ka hre thiam tho mai. Han ti zel rawh, hetiang post hian rilru a ti zang khai e.
Report this comment
June 27th, 2011 at 7:07 am
Hetiang lam post hian rilru a ti thar lawm le.
Naupan at laia star te inbul a thiante nena han infiam a tawng ring bik nih te kha a nuam thei nia.
Report this comment
June 27th, 2011 at 7:18 am
A va ngaihnawm e… Chhiar a nuam khawp mai. Thawhhlima chhiar atan phei chuan tha hle mai a..
Report this comment
June 27th, 2011 at 7:32 am
Ka khi suk mai
Report this comment
June 27th, 2011 at 7:36 am
.ngaihnawm hle mai a .
Report this comment
June 27th, 2011 at 7:37 am
An va’n hlan har awm reng2 che ve! Dista chu fullscape ni mai em? I zirna awm ang ka hre thei
Report this comment
June 27th, 2011 at 7:42 am
Chhiar anuam khawp mai. Cheng 5 erawh, ahunlai ngaihtuahin a to ka ti.
Report this comment
June 27th, 2011 at 7:51 am
hahaha…. Marathon tlan ho pwh a twp thleg in i um chhuak ve jak2 trin lo maw?:-)
Report this comment
June 27th, 2011 at 7:55 am
i harh tha ve hle mai…i ziak ngaihnawm thiam e…
Report this comment
June 27th, 2011 at 7:57 am
15. Super pingpong, I hit fuh lutuk. A nu pawhin, “Pa para em em hi chu, Kan Zawngte khawi ang hian awm ve hle hle teh” a ti thin an ti.
Report this comment
June 27th, 2011 at 8:29 am
hustler dawra sticker trik tur ringawta kan kal thin te kha. Cheng 2 dawrah zungbun…. Mitthlaah a thar uaih2 mai.
Report this comment
June 27th, 2011 at 8:30 am
Zu man neilo ‘ka nu, Rs 40 min lo pe teh, tlai chaw ka nghei mai ang! Hotel chaw ei man Rs 50 a nia, Rs 10 in ka hniam che u a nih chu…’ i tih ve duh hmel in hun lai vel chuan?!
Report this comment
June 27th, 2011 at 8:42 am
Haha,a va ngaihnawm em! I pianhmang ka ngaihtuah a, pa sang vak lo, phek tung si I nih duh hmel.hehehe. Rawm ti zel teh khai, chhiar a nuam takzet
Report this comment
June 27th, 2011 at 8:43 am
Report this comment
June 27th, 2011 at 9:13 am
tlangnuam field ah kan han inkhela. riltam tawkin kan haw a, kulikon vai thingpui dawrah bal tawkin kan han lut a… An huphurh hmel thei a sin o.. A ngah ber pawn Rs. 5… Kan puar tho zel.
Report this comment
June 27th, 2011 at 9:28 am
A van ngaihnawm kher ve le..rawn ziak zel teh khai, phuahchawp pawh pawilo..hehe..
Report this comment
June 27th, 2011 at 9:38 am
haha, pa-para, beli guud!
ngaihnom hle mai..sei deuh se
Report this comment
June 27th, 2011 at 9:56 am
Chetchhiat lai in neihte hi han ti zel teh un, a chhiar a nuam ve alawm le
Report this comment
June 27th, 2011 at 10:00 am
post tupa chu, i harh e mai, arualin tukverh 3 ah i dak chhuak thei ang a
Report this comment
June 27th, 2011 at 10:02 am
#26, rumtea, ha ha ha..lolzz
Report this comment
June 27th, 2011 at 10:35 am
Kan rawlthar lai thianho zinga tel ve amawi i ni e,min ti khi vur2 mai,ngaihnawm khawp mai
Report this comment
June 27th, 2011 at 11:03 am
@ Pu Hv, In marble a kan hmanthiam bik leh kan ngaihhlut ber kha ‘Degi’ kan tih chu a nia, Drake chu ka hre ngai miah lo.
@Ozima & Pu HV, Khawthlang lam ho hian Full scape hi ‘Dista’ kan ti mai thin a, Bengali tawng kan tawmpui a nih hmel. Tunlaiah chuan full scape an ti vek tawh.
@Rumtea, cheng 5 chu to lo ti thawt thawt suh, ka la ti tlem leh dawn alawwwm (Roluaha)
Tin, a bargain theih a 
@pkfanai, thanks, rui chunga college leh University zawh chu hetia kan lo nikhua ve deuh hnu hian a hahthlak duh khawp mai
Report this comment
June 27th, 2011 at 11:09 am
Sava veh ah khi chuan kan in ang awm. Saihlum kha ka hmang hnem ve khawp mai.
Report this comment
June 27th, 2011 at 11:17 am
Khi ve suk mai..!
Report this comment
June 27th, 2011 at 11:33 am
he lam chuan degi in tih hi drawk kan ti.. Synod press ah marble lian kan trik thin. Jeep gear liver (a gear te) a a bawk lai hi kan ru nasa, (drawk turin)…
Report this comment
June 27th, 2011 at 11:53 am
Degi, drake, drawk….Mizo tawng a hausa leh sawt a nih chu
Report this comment
June 27th, 2011 at 12:36 pm
I kerkaw kual thui ve hle mai a. I ziak ngaihnawm hle mai.
Mi’n an sawi apiang chu ‘kei pawh chumi tum chuan’ han tih tur i thawh ve thei hrim hrim.
Zaharha zaharh hi chuan tundin kan ngah a, paltluk pawh kan ngah. Mi lungawi lohna kan sawi hnem a, an lawm tur lan kan sawi tam. Kan vak thui a, kan dawn a tawi tak mai a nia.
Kan awm lohna hi nuam zawk turah kan ngai tlat a, kan kal lohna line hi kan line zawh fuh turah kan ngai duh viau. Phek thlir thuakah chuan ti chet chetho ai hian kan zirlai hi sawi tur kan hre daih a, exam-ah erawh kan tluk lem hlei law.
Din mai mai aiin tlan vak hian kan hahdam a, han buai nuaiha ring deuha au hi kan chak ber awm e. Engpawhnise, nun zawiho ai chuan hringnunah hian kan bilh lut hnem bik deuh chu a nia lawm.
Report this comment
June 27th, 2011 at 2:37 pm
ha ha ha… nangmah anga harh hi chu kan awm ve nual ka ring. Mahse nang aia han sawi chhuak leh thiam chu an tam lo tawp ang. Han chhunzawm zel teh khai..!!! Ngaihnawm tops.
Report this comment
June 27th, 2011 at 3:11 pm
Hairehai. All Round hle mai.
Report this comment
June 27th, 2011 at 4:12 pm
pa-para, ty em em. degi intih niawm tak khi keini chuan Drâwk kan tih hi niin ka hria…drake nilo vin. Drâwk chu, marble inkhelha a perh nan kan hman hi.
Fullscape kan tih hi khawthlang lam ramah chuan “Letter size” an ti a, a aia sei hret hi “Legal size” an ti thung.
Report this comment
June 27th, 2011 at 5:10 pm
“ Kum 5 vel kal ta a ka pianthar hlim khan ATC ah Bible ka han zir ve leh zuai bawk a” HAHAHA nasa ve tak chu ni!!
Report this comment
June 27th, 2011 at 10:55 pm
Ka chhiar chhung zawngin ka mitthla-ah mi pakhat a awm…
Report this comment
June 28th, 2011 at 3:14 am
Ha ha ha. Ex-’Thing cham’ deuh vek kan ni hlawm lo maw.
Report this comment
July 4th, 2011 at 2:18 pm
Ava han gyhnom… Minty hlim e
Report this comment