Goa ah ka zin a, a hmun a nuam in a mi chengte an fel khawp mai a. Khawi dawr ah poh kal ila, dawr lian emaw /a te emaw biak an nuam em em vek mai a. Tourist an tamna chhan saw an beach neih vang chauh a nilo, a mi chengte fel vang leh inphah hniam vangin zinmite tana hmun nuam leh “destination” pakhat a ni ka ti lo theilo.
A zalen em em bawk. Goa a kum khatah kar khat vel na na engmah ngaihtuah lova sapa tal chak tam tak an awm pawh hi ka thiam tho mai. Mihringte tana nuam ber chu zalenna hi ani si a.
Ka haw kawnga, ka thil ngaihtuah ber chu, Mizoram hi hmun mawi tak ani a, engvangin nge Tourist kan neih ve miah loh. Goa ah chuan beach a awm a, Mizoramah chuan tlang mawi tak tak leh boruak thiang tak kan nei a. Forest tha tak leh lui luang, sava hram ri karah , thli a thaw veuh veh a.
Kumtluan in temperature nuamtak kan nei reng bawk a. AC temperature hi khawlai ah kan experience veng veng reng mai a. Thlasik, Christmas, New year ah engkim theihnghilh in kan celebrate leh vak a. Mihring kan hlim a, stress a awm lo, mihrinng awmte hi kan ngaih a sam bawk a. Engto kan nei vak lo. Chumi kan quality chu stress buster tha tak ani thei ngei ang. Ngaihtuahna siam zau deuh ta ila, tourism hi eizawnna bul berah kan la hmang thei ngei ang. Product/Thlai thar chhuah kan nei tak tak si lo. Industry kan nei bawk hek lo. Population tlem hi kan advantage tha ber a la ni. Population phei chu tam se, kan ram hi a tla chhe vek mai thei ani (thawhchhuah awm loh vangin).
Goa economy chu tourism in a drive a, kawng nuam tak tak an neih phah a. A mi chengte khuan sawrkar hna an zawm vek angai ta lova. Restaurant, Bar, Hotel, leh Dawr chi hrang hrang an siam a, an inhralh thei viau an ti lehnghal a.
Tourism hmanga Mizoram Economy kan drive ve thei tlat lo hi, engemaw tak diklohna kan nei a ni thei ang em? Tourism tih changtlun tur chuan “courtesy” a pawimawh em em a, leh Mizoram mite hi a tul hunah kan inphah hniam thiam vak lo nge?
Thil pakhat ka rilru a lo lang leh chu,India rama awm kan nih avangin tourist kan expect theih chu “Vai” kan tih ho khu an ni mai a, vai chu kan haw tlangpui bawk si a. Vai tourist chu kan handle thiam ve ang em le? Tourist an awm ve zeuh zeuh a, mahse tourism department hian engpawh ti se, mizoramah tourist vanga a mihring chengte kan hlawkpuina pawh ka hre vak lo!!
Mizoramah tourist service a that loh avangin Mizoram reputation hi a tha vak lo a maw ni te ka ti mai mai a. Goa chu (ti leh thin ila) state tereuhte pawh ni mahse, Engineering college, medical college te neiin a India ram a per capita income sang ber an ni bawk ani.
Per capita income:
Mizoram: Rs. 50,021
Goa: Rs. 1,32,719
National Average: Rs. 54,527 {source : www.thehindubusinessline.com }
Tourism kan sawi apianga, ka rilru a lo awm hmasa ber chu MLTP- act hi a ni tlat mai a. Mak ve deuh a nia. Tourist tamzawk hi chuan hna hahthlak lutuk leh Stress Beat nan destination dang, hmun thar, boruak nuam an pan tlangpui a.
Chubakah an daily work life avanga duhthusam a free theilo te pawh an ni thei a, Hun neih tlem avanga thil tam tak a tel ve hman lo an ni mai thei a. Chumi compensate nan a kum khat a kar khat( 1 week) vel chauh zin chhuak tan chuan Restaurant tha leh Bar tha leh zalenna engemawchen a ngai ve tlat. Keipawh Goa a beach a beer in kha nuam ka ti tlat mai a. (Nidangah ka in ngai chuang miah lo ania) .
Chuvang chuan a nia, MLTP act hian hmasawnna tamtak a rap bet ka tih leh fo thin. MLTP act chu awm lo se.. blah blah….. sawi tur a tam..!! MLTP act “a that na ” an sawi peih chen chen “a thatlohna” ka sawi thei ve e..!!
Mizoramah hian tourist te hi tam ve tak tak se chuan (read eizawn nan a hman tlak tak ni tawh se), hna dang thawk lovin “Tourist guide” nih ka thlang zawk ngei ang. Hmun hrang hrang a kal kual leh mi chi hrang hrang kawm theih hi thil tha tak leh hlimawm tak ani.
In lo ngaihtuah ve ngai em?
Similar Posts:
- Hmuifanga Tourist Lodge thar
- Janpath
- Mizoram- tourist destination?
- Midum-kham leh Hmuifang Tour Diary
- Para Gliding Pilot Training school Mizoram ah hawn a ni dawn ta..
June 30th, 2011 at 10:05 pm
Nia, tan kan 1ak ve deuh chu a ngai a ni.
June 30th, 2011 at 10:10 pm
Hei ai hian Mizo mi nawlpui te hian english thiam mai bak ah hmang ngam deuh bawk ila, chuan Beer awm bawk se.
June 30th, 2011 at 10:18 pm
Mizoram hi chu tourism policy ah chuan kan fail chiang khawp mai. Tourism dept lah hian hmun tha zawng zawng hi a vai hma a, resort kan siam an ti a, eirukna remchang tur project an siam a,a thawk turin thil ti thei hovin an duhsak zawng an thun a, ho tak a ni. Mizoram ah hian tourist hip turin 5* hotel leh infrastructure hrawl pui pui kan mamawh lo a, heng te hian tourist a hip dawn bawk hek lo. Wildlife, flora & fauna etc te hi preserve ila, kan ram mawi leh sik leh sa nuam tak hi tourist destination tha tak a ni zawk dawn ani.
June 30th, 2011 at 10:19 pm
Ka ngaihtuah fo mai bakah, tourism promote nan tiin Tourist ho hnena hrilhthei turin, Palak dil expedtion kan nei a… Chhimtuipui lah vawi engemaw zat mau pum leh rubber lawngin ka inkar thla in ka inkar chhuak tawh. Lengteng, Phawngpui, Tawi etc. lah chipchiar takin kan hria, kan riah chilh tiah tiah thin. Chhawr theih ngaihna reng a awmlo tih theih a ni.
Kan hmun nuam leh mawi tam tak te chu sawrkar insakin a ram mawina a tibo a, kan hmanlai thil neih ve chhun te lah concrete/cement in zut bel anni bawk. Tourism promote tum chu sawi atam, tui leh electric lamah kan intodelh lo viau mai nilo vin, hotel leh restaurant tha ve tur te pawhin auto-backup generator emaw pawh nei fumfe kan la awmlo a nih hmel. Chilled beer takngial pawh an awmlo leh zel hi chuan tourism chu a promote lo chiang alawm.
June 30th, 2011 at 10:19 pm
Goa chu a nuam khawp mai. Tourist hip tur chuan kan ramngaw leh mipui rilru hi buatsaih a ngai ber mai in ka hria. Inmil lo teh daih in ti awm. Mahse a dik tlat…
June 30th, 2011 at 10:21 pm
Kei chu- mizo hi tam em em ila kan changkangin hma kan sawn ka ring zawk tlat, tam a tha. Tin, wine lam tel lovin hmalakna dang a awm theih ka’n ring bawk a.
June 30th, 2011 at 10:27 pm
MLTP ACT hi engkimah in puh thlazen zel a. Zu tellovin a changkan theih loh in tihna em ni? :-S
June 30th, 2011 at 10:28 pm
:-O Tourist ho han hip khawm na tur hi kan neilo ve lulai lutuk a lawm le!
June 30th, 2011 at 10:30 pm
Post tha tak a ni e, ka thlawp bawk e (Y) . A hmasa berin Mipui te hi kan inpeih hmasak a ngai, awarness hna hi tan hmasa ila tha hle ang.
June 30th, 2011 at 10:30 pm
Kan ramngaw tha te concrete jungle ah an siam zo a..an khualbuk sak ve te lah chu kamding ho nula mutpui na hmun a ni ber awm e π
June 30th, 2011 at 10:34 pm
#4 (Y)
June 30th, 2011 at 10:34 pm
Hmanni a Student Exchange programe ah khan ka nau ten AP lam mi nula pakhat an chang ve a, ka chhungte chuan an lo hui hai thiam vak lo a, Tih ngaihna vak an hre si lo a, Kan chaw ei angte kan han hmeh pui thul, tui an ti vak lo, antam tui hang kan hawp tir mai chu aner nasa teh a nia. Nuam a ti vak pawn ka hre lo Aizawl kha. Sunday ah biakinah kan in khawmpuia,christian alo ni hlauh a, kha kha nuam ati ber in ka hria. A haw leh hnuah pawh sawi zui vak tur a hriat pawh ka ring lo. Mikhual neih kan lo thiam lo em a, rawn kal nawn leh chak awm khawpa eng emaw ka lo ti lo kha chu pawi ka ti khawp mai.
June 30th, 2011 at 10:39 pm
tourist attract kan tum dan hi ka ve deuh a ni! hmun nuam awm tak takin kan cheubawl e kan tia, a aia hmun nuam ngah ngha hip tumin kan phak tawkin kan chei a, building etc etc.. chu ai chuan kan hnam zia chawikan nan leh humhalh dan zawngin chei ila, zu pawh sap zu hlui ai chuan kan hnam zu hlui ila
dawrkai leh sumdawngah ngat phei chuan mizo sumdawng tam zawkte tluka polite lo leh mawl hi! dawr an duhlo emaw tih tur hial khawpin an awm a, chhuahsan leh daih an chakawm rum rum thin!
June 30th, 2011 at 10:40 pm
13, hi ka like e! (Y)
June 30th, 2011 at 10:41 pm
A post-tu hi no_nick a ni ngei ngei ang. A ni em ka’n en chhin. π
June 30th, 2011 at 10:47 pm
Tourism ah chuan kan fail thak. Improvement hmasak ngaite:
1.Mizo Hotel a arsa kan/vawksa chhum, tui tam deuh bak ei tur kan neih loh hi recipe mawihnai zawkin thlak ila. Mizo baite poh hi hnam dangte ei tlaka siam thiam
2.Kan hmaa mi te ei bang min chhawp tawh lo se.
3.Maxi Cab pakhata chuan ho vang ringawt a, chawhmeh min suah tawm te hi ti tawh lo se.
4.Kristian in nih angin politeness hi practice ula. Dawra nghak ho kha tum bur lo ula.
5.Sap tourist Aizawl khawlaia an kalin en hu hu tawh lo bawk ila.
A dang poh tam mai.Thankx
June 30th, 2011 at 10:49 pm
A dik khawp mai, NorthEast ho zing ah chuan Sikkim hi an fing riau in ka hria a, tourism (Domestic/International) lam ah hma an la nasa a, an ram te khi tlawhtu an ngah tawh zia khi. kei ni ai a state te zawk, an neih ang tlang kan nei ve.. an Monastry neih ai ah, church nalh tak tak kan nei ve tho!
Nikum kumtawp lam a Thailand-a ka va zin khan, Tour Guide khan lo zin ziah rawh u, nangmah ni vang in eitur te, hna te kanlo hmuh phah min ti a, ngaituahna a ti thui thei khawp mai.. Kan Zoram mawi tak hi han tuaihnumin, cheibawl vel ila, mitam tak hi Travel and Tourism lam ah kan bu leh suau suau lo maw– HNA NUAM, HLAWKBAWK— Nuam dawn eeee—
June 30th, 2011 at 10:50 pm
An duh chuan lo kal sela, kan insiksawi mai dawn a lawm. State dangah pawh Tourist huam tellovin zu te chu an khap mai a lawm.
Tak tak ana, kan.la in peihlo deuh a ni, lo hmanhmawh vak suh u. A duh chu an lo kal tho, Phawngpui tlangah pawh sap pa ekna a awm.
June 30th, 2011 at 10:51 pm
Zu aiin MLTP hi khap zawk ila, tourist tuihal lo tulh ve tawh ang u.
June 30th, 2011 at 10:52 pm
kum 2008 a Indo-China youth exchange programme a Mizoram a lo kal chinese thalai te khan tlangkar a ni chhuak mawi an tih zia hahipin an sawi a nih kha. Sorkar hian Mizoramin tourism lama potential a ngah zia hi hmu thiam se, NLUP leh eng eng emaw ti duah lo hian tourism lamah hian han invest tak tak se an tih fuh ka ring tlat mai.
June 30th, 2011 at 11:02 pm
phawngpui tlang, hmuifang tlang ka ti,tha vek mahse en ila, hmuifang tlangte saw, a phul nuam lai an chil darh a, house sak nan an hmang a, huihammm inla western takin kan lo dawr a,a tha vek mai mahse tihphung kan hre full leh law law bawk si lo. :-[ :-[
June 30th, 2011 at 11:04 pm
tourist te chu lokal tam deuh se zawng.. Kan thliarkar rilru leh taliban chek hian a ngeih leh pek tawp nang.. An khap leh mai ang..
June 30th, 2011 at 11:06 pm
Tourism lama kan chak lohna thenkhat (nia ka hriatte):
1. Khualchhawn kan thiam tawk lo. Hei hi hnamdang nena inawmpawlh kan la thiam tawk loh vang emaw hnam naupang zia kan la paih theih loh vang emaw a ni thei.
2. Kan resources neih ang angte Nature leh Culture based -a tih changtlung dan kan la thiam tawk lo.
3. Hetiang lama rilru seng tak tak ram hruaitute zingah an la awm lo a ni ang.
4. Ei leh in chi hrang hrang siamdanah hma kan la sawn tawk lo. Entir nan: Western , Indian, Chinese, ldt bakah Mizo chawhmeh ngei pawh (Zu telin) hnamdang duh tur chi kan siamthiam a ngai.
Achunga point-te kan kalpelh theih hunah MLTP hian harsatna a siam a rinawm tawh lovang.
June 30th, 2011 at 11:18 pm
#23 (Y) (Y) (Y)
June 30th, 2011 at 11:25 pm
kan ram hi sikkim ai te hian a mawi lohna ka hre bik chuang miah lo, mahse tunah chuan a attractive lo a niang π
khualzin han hip theihna tur hian hma lakna chi khat atan chuan “tawng”, “ei tur” leh “thlenna/chenna” te hi a pawimawh ka ti ve thomai, kawng tha leh chhia chu a pawimawh ber lo in ka hria
June 30th, 2011 at 11:27 pm
Tourism minister nih ka chak ber ti tawh kha ka nia. Mizo nih hliah2 ringot kan tuipui chhung hi chuan, zu khap bur trul kan tih tlat chhung hi chuan, mzp leh Yma an lal ber chhung hi chuan, vai huat kan in zirtir reng chhung hi chuan, a changkang chi do zel zawnga ngaihtuahna kan sen chhung hi chuan, mizo ho chauh awmkhawm kan tum tlat chhung hi chuan Tourist hi kan hip lo khop ang.
June 30th, 2011 at 11:29 pm
Kan eizawnna tur anilo a niang!
zu tih lam aiin inpuahchahna tur kan ngah lutuk in ka hria, kan in buatsaih chhungin ramngaw a bo vek dawn.. π
June 30th, 2011 at 11:32 pm
tawng hi a pawimawh khawp mai,. hindi thiam kan ngaisang lo a,a pawimawh si chutah kan thiam ang tawk tetein saptawng mimirin kan la hmang ngam lo zui. pawi ltuuk!
June 30th, 2011 at 11:34 pm
@26 chu, YMA lah MZP maw lal ber?
June 30th, 2011 at 11:39 pm
In han sawi in han sawi a, politics ka khel thut dawn e. Tourism minister han ni luah mai ila,nupui te hnamdang lo ni bawk se, mikhual chu an lo lut chuah chuah mai ang π π Fiamthu fiamthu…
June 30th, 2011 at 11:48 pm
A hmer telloh loh tur hi hmer tel kher awih loh. An ni tan chuan kan kilkhawr deuh te pawh a ni mahna. Goa te chu Mumbai atangin a hnai em. Khadaih kha a sin. Manali te khu, Delhi atangin a hnai em. kan ram lo thleng tur chuan hratlak deuh te pawh a ngai ve bawk a lawm.
June 30th, 2011 at 11:49 pm
#28 hi a dik ka ti khawp mai
June 30th, 2011 at 11:55 pm
pc chutia hnai leh hnaih lohah chuan guwahhati pawh kan hnain ve deuh tho alawm π π
June 30th, 2011 at 11:55 pm
kei chu #31 hi a dik ka ti khawp mai
June 30th, 2011 at 11:58 pm
#33 pon a ron hnial dik leh khawp mai π
July 1st, 2011 at 12:04 am
Kei pawh vawiin chu kan tour a nuam khawp mai Jordan lui ah rafting kan bei mipui an tam hle mai.
A tan na tur ah parking tha tak hmun nuam emem an siam a .Kan tawpna turah bus in min lo hmuak leh a parking leh rstaurant nuam em em in ut lah tam mai.
July 1st, 2011 at 12:15 am
Ruiah theh ngei mai a.. MLTP huam chhungah kan awm lo bawk a.. ! muji jastei…!!
July 1st, 2011 at 12:22 am
37 khi “Ruih theih hle mai” .. tihna.. ruih vaning ka type sul… goa atanga fenny ka lei ho kha kan in chhin a.. a thawk tha khawp mai..!! ka ti leh tawh ngai lovang..!
July 1st, 2011 at 12:25 am
@Admin : han sawi law law ila.. Fenny ka rui bawk ah.. k post ho hi chu Mon-Fridat zing dare 9 velah lo chhuak thei thrin se ka ti ngot mai.. zanah chuan internet ka login ngai lo.. office atang ka hmang deuh ber…!! Ka prefernce hi min lo hriat thuamsak thin dawn nia (a theih chuan)…. Thanks in advance.. Misual dot kom..!!! whatever.!!
July 1st, 2011 at 12:35 am
#39 no_nick chu duh i va han thlang nasa duat duat ve. π (Y) kha hei hi han lem leh teh (C) chuan i chatthla thei tawh ang. :-O
July 1st, 2011 at 12:48 am
haha no_nick #39, fenny a? cashew nge coconut? i va rui “uih” ve π
Fenny te chu, sprite emaw limca man a ti hek mai mai. lolz.
Taktakin, hetiang hi chu contact form ah admin ho rawn hrilh rawh, kan theih ang chen chu i duh ang hian lo tih kan tum ang. Mahse kan buai ve em tih hi min lo hriatpui bawk la… Cheers… π
July 1st, 2011 at 1:14 am
41 Sandman |: cashew mawle…!! Blenders Pride te kha hawn zawk ila te ka ti mai mai a…!! hehe MLTP hi bang vat se.. Goa iia tlawmin Mizoramah hian zu zuar ve ila.. hehehehe…. rui vanga sawi ka ni miah lo nia…!! Fenny chu a tui lem lo…!! Tui vawt nen ania ka in..!! Cold drinks sprite tihvel hi tui ka ti ve tlat lo,…!! Pu sandman, vawiin chu hna i ngah lo turah ka ngai ve tawp>///
contact form ah chuan ka lo thawn ngei ang..!! help/complaint tih vel hi ka uar hrim2 bawk a..
July 1st, 2011 at 2:12 am
Kohran YMA leh NGO pawl dang 2 te hi an din chhan pel a an chet thin na hian Mizoram hmasawnna tur nasa tak in an DAL
July 1st, 2011 at 2:27 am
#43 (Y)
“Mahni kuanglo nawr,” an tih kha alo hre ve a, “Mahni kuang hai” alo ti ve tiah tiah π
July 1st, 2011 at 2:37 am
(@) #44____ huhu
Mi nu uire chingte pawh hi “mahni kuang lo nawr’ an ni….ni leh lo ‘Mahni suka mi pa sum dengtu an ni zawk’ π π π
Ka OT leh pek !
July 1st, 2011 at 2:44 am
Hmun nuam, zo tha ve vawk, phul nuam tak phah chawp ngailo kan nei ve a, in (cottage) an sa teuh mai a, zialo ngawt mai. A mawi chhan, natural beauty kha kan ngaihtuah tawhlo reng reng ni berin a lang. :-S :Phunchiar: π
July 1st, 2011 at 6:09 am
37, 38, 39, Thianpa chu i harhfim deuh hunah kan la inkawm dawn nia. Kristian nilo ho hi in pawr sawt riau mai, ka ngaih theih loh chin a thlen chuan ka la phìn vak mai thei che u a ni.
July 1st, 2011 at 8:46 am
@47 nia han phin teh..lol Zohova witness pawh hi han phin tel bawk la
July 1st, 2011 at 3:41 am
Zu kan zawrh vak avanga Tourist te lo kal ngawtna chhan tur a awm lo.
33@ Rose, Kolkata pawh duh ai chuan a thingtlang uih tih tawh nakalai a, Guwahati te chu a. kan ram kilkhawr avanga tlawh ve chak hrim hrim te bak hi chu beisei vaklo ila a ni mai.
July 1st, 2011 at 3:47 am
Post tupa chu Offoce a mi i hmang ru thin a ni maw, zan ah i login ngai loh. fiamthu fiamthu, 50 ti tlingtu mai mai a nia.
50 na ah ka 1st.
July 1st, 2011 at 9:19 am
Rammi te pawh kan thiamlo, sawrkar lam pawh an thiam bik heklo niberin a lang.
https://i55.tinypic.com/54emoi.jpg
July 1st, 2011 at 3:20 pm
Kan hlim tlang a, a lawmawm e..!!
July 1st, 2011 at 3:24 pm
#51 pic resized:
https://i53.tinypic.com/2r28yte.jpg
July 1st, 2011 at 5:05 pm
A va dik tak em..Ameennn….
Kan Local Zu leh Zufang Zupui..Pi Pute hun lai a mi ang chiah a Hlum bel a Dawn vang vang theih te kha Tourist ho chuan an test chak ngawt ang chu..
Park tur hmun nuam ve tak tak a chei theih te hi a tam asin..Kan neih chhun ho lah hi Nula tlangval zak theilo zualin nawm chen nan leh ruihna hmunah an hmang a. Family picnic nana hman ngam a awm si lo, fate thil duk dak lo thlirpuina hmun a ni tlangpui zel si.
Huii-ha.
July 14th, 2011 at 3:54 pm
@55: pingback hi eng tihna nge..!
July 14th, 2011 at 4:00 pm
test leh ee
May 10th, 2015 at 1:22 pm
vodafone uk voucher
Mizoram tourism, MLTP act khawih telin!! | mi(sual).com
August 30th, 2015 at 2:19 pm
click here
Mizoram tourism, MLTP act khawih telin!! | mi(sual).com