Archive for June, 2011

Sipai officer 2-in buaina an siam

Monday, June 27th, 2011

Army Medical Corps (AMC), Thuampuia sipai officer pahnih – Capt. DS Shekhawat (27) s/o. B Shekhawat leh Capt. Tanveer Singh (28) s/o. Hardeev Singh te chuan Inrinni zan khan Vanapa Hall kawtah buaina an siam a, an laka departmental enquiry ti turin Mizoram Police-te chuan AMC hotute an ngen.

Thu dawn danin, Inrinni zana Vanapa Hall-a concert neih chu AMC officer pahnihte hian an en ve a, bánah khawtual mite nen thu a inbah deuh avangin, buaina tenau a chhuak a ni. Police-te sawi danin, sipai pahnihte hi an rui a, an chapo hle a, khawtual tlangvalte chu silaia kahah an vau bawk a; civil mite’n an khawih nat hmain police-te’n an lo chhan a ni.

Sipaite hian police-te pawh an zah lem lo a, police station lama hruai an tumna lamah an tan deuh avangin, police pahnih uniform phei chu an pawt thlêr/chhia a; police-te hnenah hian an hming an sawi duh lo bawk. DS Shekhawat leh Tanveer Singh te hi Aizawl PS-ah an hotu pahnih – Col. Bhatacharjee leh Maj. Ngura Sailo ten an lam a; an hotute hian an naute hi an hmun lamah medical an tiam a, police-te chu medical lo tura an ngen avangin, police-te chuan an medical lo a ni.

Vanglaini

Posted in News | 37 Comments »

Lungpui Chung?

Monday, June 27th, 2011

Mizo Kristian te hian Thlarau mi (spiritual christian) kan hmelhriat dan hi  rau riau lam hi a ni deuh tlat mai a. Mizo chang kan ni lo tih pawh kan hre tho awm e, mahni han invei hmasa phawt zel ila. Kan thlarau mi hmelhriat dan dik tawklo avang hian Bible han zir chik te, reasoning leh logic leh science lam han chhawpchhhuah te hian kan hmu tisa deuh hu thin, chutiang zel in inhnialna pawh a tam phah thin.

Helai a tisa tih pawh negative deuh a kan ngai nghal ngawt pawh hi a dik chuang lo, Gr.Sarx chu ‘sual pu taksa’ tiin min lehlin sak a, a root meaning chu ‘lowly’ ‘hnuaihnung zawk’ tihna  mai a ni si a. Isua parable pakhat mi fing lungpui chung a insa leh mi a tiaudup chung a insa hi i lo zir chiang deuh dawn teh ang.

Engtinge i mitthla ve thin le? Mifing chu a hmanraw kim nen lungpui chung a lawn a, tuboh leh chheni nen a bei nghal em ni? Mi a erawh chu a hnuai tiaudup hmun ah suahdur ringawt in a bankhur a lai tan? A ni lem lo, Israel ram topography chu lei chunglang chu tiaudup a ni deuh ber a, tiaudup hnuai ah lung sakhat a awm thin. (khawvel hmun dang ah pawh a ni tho mai, tlangram a ni lo tih kan sawi fiahna mai a ni e).

(more…)

Posted in Religion | 35 Comments »

Kihhnawk buaia buai Congress Sorkar-II

Monday, June 27th, 2011

Part-I ah khan ka sawi tur ka sawi zawh hmain ka lo enter palh a, tichuan ka net a chhiat tak vangin ka edit thei ta lo nen,kei neutral ah pawh neutral Cooker a chhum hmin thak leh atthlak tak a thuthlukna siam aMLA election a vawihnih vote thlak duh tawh lo ( A chhan chu kan Bial ah khan Mitha, Ram hruaitu atan a ka duh an awm tlat loh avangin) ngat ka nia.

Mahse mimawl chu ka ni miah lo ani aw,Mifing teh lua chu ni lo mah ila Khawvel khawihmun ah pawh hian min dah mahse thiam teh lua lo mah ila ka pum puarna khawp chu ka tih theih zel ka ring ve tlat ani.

Mi thenkhat khan party tan bik nei em em ah min ngai in Congress haw ta viau ah min dah a, chuvang chuan part -II ti mai a rawn ziah that leh tul riau a hriatna ka nei deuh va , kan han thai lang leh hram ang e.Ka sawi tum zing ami S P Singh-a chu an sawn chhuak tawh ni awm tak kha ania.Ram siam that tum inti Congress hian Mizoram eichhiat tum leh Rawk tum an dah vawng lawrh lawrh em mai hi, Kihhnawk thenfai hi an tum tak tak em aw, ka ti thin.

(more…)

Posted in Politics | 28 Comments »

Fix You

Monday, June 27th, 2011

He ti lam deih post ve leh teng. He piece hian rilru a khoih reuh khop mai. Dedicated to all the Moms

YouTube Preview Image

 

Posted in Whatever | 21 Comments »

International Paris Air Show 2011

Monday, June 27th, 2011

Kar khat chhung awh International Paris Air Show chu vawiin (Sunday) hi a ni hnu hnung ber a ni ta. Thlawhna chi hrang hrang, a lian ber Airbus A380 atangin, single seater te nen, 140 zet an display. Nimin khan ka en ve a,ka thlalak tlem ka rawn vawm bei ve e.

A380

(more…)

Posted in News, Tech trek trek | 27 Comments »

Whatever……ti mai ang

Monday, June 27th, 2011

Miten thu tha leh ril pui pui an post lai hian thu vawih uih te te ka’n post ve teh ang. Thuziak thiam tak nih a chakawm hle mai. Engpawh ni se……

Naute harh a sawi thin ka ni a. ka harh zia an sawi na pakhat chu, ka nu leh pate’n nau hlanna nei a min pawm lain, Pastor tawngtai lai in ka tal chhuak a khuangpui chu ka lo vaw ri pawm pawm a ni awm e. A zia lo hle mai. Tin, kum khat leh a chanve vel ka nih khan ka inrulpuiludin thei tawh a, in show-off nan tak ka hmang niin an sawi. Over tan!

Naupang harh tak ka ni chho thuai a. Kum 6-8 ka nih chuan kan khuaah chuan ka lar tawh hle. Tlangvalho football khelhnaah ball chhuakchhartu rinawm ka ni thuai a. Tuihawk leh tuikhuah a cheng tur a thiante sawmchhuak tu ber ka ni thin. Mizo naupang infiamna hrang hrangah a thiam ber chu ka ni ngai lo, a hrat ber nihna erawh hun rei tak chhung ka hauh. In marble naah ‘Degi’ ka nei tha thei hle. Sava veh leh thangkam kha ka uar ve hle a, mahse thiante’n an perhthlak tam chang a min pe ve leh zeuh thin tihloh kha chu ka hlawhtling haw ngai tlat lo. Ka harh vel vang kha a ni pek ang!

(more…)

Posted in Luangliam | 41 Comments »

Chanchin rilru khawih pahnih!

Sunday, June 26th, 2011

Kum 90 mi Army Pvt. Luther Shields (Rtd) chuan kum 60 teh meuh a nghah hnuin chawimawina (medal) paruk teh lawih hlan ani ta. Shield hi Vista Grande, Montezuma County, Colorado a khawsa mek a ni. Shields tunu hian sawrkar lamah apu medal dawn tur an la pek loh chu a nawr chhuah sak ta a nih chu. Ani Shield lah chuan dawh thei takin an pek hun a nghak ngat ngat mai a ni.

null

December ni 10, 1942 ah khan Tunis, Africa ah German danna tur (blockade) an siam mi pariatin an ven chu dang zo talo chu, Nazi ho chuan an man ta a. Aman a sawi dan chuan, ” Ka kut chu sang takin ka phar vah mai a, ka hmaah chiah tank chu lo kalin tum thum emaw lai min kah an tum a. Mahse an sergeant chuan “Aih” tiin an silai te chu a ben sawn sak zel a ni. A van teuh ther ther tak em,” a ti.

(more…)

Posted in Information, Lifestyle, More than words | 26 Comments »

Copy- Paste mai mai kan ni lo

Sunday, June 26th, 2011

HTML

HTML code kan kan ziak a, web page -ah milem tar kan duh chuan img src=”URL” code hmangin hetiang hian kan ziak thin a nih kha. URL -ah image address kan dah thin a, tichuan web page a kan han view chuan milem a lo lang ta thin. Tichuan kan hriat theuh angin HTML chu kan han remkhawm tak tak a, tichuan Website nalh tak tak a lo chhuak ta mai thin. A nihna takah chuan langlo lam atanga remkhawm a ni a, langlo lam HTML lam chu en ila, Code hlir a lo lang a, hriatthiam harsa tak a ni thin. Mahse a hma lam atanga en chuan Web Page nalh tak leh tangkai tak a ni si.

Engemaw (virus) vang emaw code kan ziah sual emaw vangin thil diklo a lo awm thei. Entirnan, milem tarlanna code hi en ila, img src=”URL”-ah hian “src” hi lo telh lo ta ila, milem kha web page-ah a rawn lang thei dawn lo hrim hrim !! A chang chuan kan buai thei khawp mai, tichuan HTML code lam kan han en chian chuan code kha a lo diklo a lo ni a, kan siamtha a, tichuan milem a lo lang leh ta mai thin a ni.

(more…)

Posted in Religion | 44 Comments »

Mizoram contract work chhiat chhan leh zawh hleih theih loh chhan ni a lang te

Sunday, June 26th, 2011

Engvanga BRTF kawng siam te Company leh corporation kawng siam leh in sak te hi tha deuh tur ah leh tlo deuh tlat a hria nge maw kan nih le ? Mizoram PWD hnuai a kawng siam leh Building lian sak deuh reng reng chu quality tha vak lo tur ah leh tlo lo em em turah ngaihna lian tak mipui hian kan nei ngheh em em tawh mai hian CHHAN lian tak leh mipuite a a tuh ngheh em em mai hi engtia tih reh chi nge ni anga,mipui ten RINNA engtin nge a neitu sawrkar PWD te hi a neitu dik tak an nih anga neitu rilru putu te an ni tih kan rin thei ang le.

Thil harsa teh chiam chu ani hauh lo rualin thil awlsam tak pawh ani hauh lovang.PWD, PHED leh RD te Health Department a Engineering Branch te lehadang te a thawk Engineer rual ho hian an nihna dik tak an hriat chian hmasak chu a ngai hmasa ber tur chu ani ang.Chutih rual chiah chuan Contractor ho pawh hian an tih tur leh an nihna dik tak an hlen chhuak ve tur ani.

Central Corporation ah kum 7 vel dawn chu ka thawk ve a,Building leh Road Project pawh Cheng vaibelchhe tel fe chu ka lo enkawl ve tawh a.Contractor ho pawh Private construction Company vek an ni tlangpui a,mahse work te ah chuan respective state a eligible ten work chu an thawk ve tho thin bawk.

(more…)

Posted in Mizoram, Opinion | 24 Comments »

Lai Students’ Association, Shillong General Election Result

Sunday, June 26th, 2011

Dt.25th June, 2011(Sat.) khan Mizoram House, Cleve Colony, Shillong-ah Lai Students’ Association, Shillong te chuan General Election nei in heng mite hi kum 2011-2012 chhung atana hruaitu thlanchhuah thar te chu an ni:-

President : Robert Malsawmsanga(98635-09393)

Vice President : Mc. Lalthansiama

General Secretary: ST. Phunduhsanga(96155-77986)

Asst.Gen.Secretary: F. Vanlalruatpuia

Fin. Secretary: Siamhleikima

Treasurer: Vanlalengnguri.

Ka lawm e.

Posted in Information | 206 Comments »

« Older Entries
Newer Entries »