mi(sual).com

Hmanlai hian Thlanrawkpa (AKS Hnamsakhua) hian khuang a chawia, nungcha hrang hrang te a sawma, zu leh sa tam tak nen a mikhual te len vek theih na tur in hmun a siama, khuangchawi chu an tan ta a.

Ami khual te an rawn thlen chuan, an hming alo phuahzela, Arpui hi Chirh atang a rawn chhuak a, ani chuan a hming ah Chirhi a lo phuah a, hun a lo kal chuan ‘chiri chiri’ (AKS Maisek) ti in an ko a. Zuhrei, hi zubilh tur in an tir a,a zu bilh a rei em avangin a hming ah Zurei an phuan saka, tun hnu a Zuhrei (AKS RALTE) tiin kan ko ta ani.

Zawhte hian thing kham te reuh te chu a rawn zawh zai zai a, en teh u en teh u a zawh te te an tia zawhte (AKS BUCKO) ti in ahming an han phuah leha, an khuang chawi chu an hlim em ema, Goldmember te, Mate Ainawni te, CFLA te ho lah an lam sup supa, H.V in ti thei tawk in, tingtang te a let ling zawng in a lo perh vel, chu tah le, thehlei hian zawhte ai in a rawn zawh te a, a rawn in vawr vel, hruizen ah te a rawn tlan lawn pap pap mai, an ni chuan en teh u hei hi zawhte ai in a rawn thei hlei hlei Theihlei (AKS Zualbonez) tiin a hming an lo phuah saka.

Thlanrawkpa chuan amikhual te chu in thian tha tur in a duh a, thlanrawkpa sawi ang chuan Sakhi(AKS Muantea) leh Sakuh (AKS no_nick) te chu an lam duna, hla te leh rimawi te chu an hming chawi in an phuaha, Tangkawng (AKS TualSiala) pawn zawm ve a duh a, ti chuan an hla phuah ah pawh a hming an telh ve a, chutia an thian pathum hlimtaka lam alo hmuh chuan Varihaw (AKS BMW) chuan zawm ve a duh a, tichuan ahming pawh an dah tel ve a, an hlim em em a, an huk dum duma, an lama, anzuanga an zai bawka.

A then in, a tuka khuangchawi ni leh thingdim ami tur lam an lo zir bawka, an hlim ngei mai, khuangcahwi ni chuan an han hlim mai mai bawk aniang, vawk (AKS Hiho) lah chu arhmul kar ah a lo tal alo tal a, Zuhrei lah in arhmul te chu alo in thiat vela, chutia arhmul inthiat nena alo lam chu hmuh nawm hi an han ti khawpa, thenkhat chuan chilthli tla duah khawpin an lo thlira hla an phuah a, ‘enteh u, Zuhrei sam ah pangpar a par e’ ti in.

Buipui (AKS Aduhi) in lo thinkin Arhmul tea lo in thiat ve a mahse mipui chuan hla hmang in ‘ Buipui hian mawi na reng reng a nei lo e’ ti in hla an lo sak khuma, Buipui thinrim lutuk chuan an perkhuang chu ala a, pukah a luh pui daih a. perkhuang tel lo a han lam chu kim lo ta riau a an hriat avangin, Arpui chu perkhuang dil chhuak tur in an han tir a, ani Bupui lah in alo phal lo, chutah leh an thinrim chuan tuia leih an tum ta a, an thawm a hriat chuan a hlau bawk si chuan khuang chu a rawn theh chhuak vata, Arpui ke chu a delh a, chuvang chuan tun thleng hian ar khaimit hi a hma lam ah awm e an ti.

Khuang an han la let leh ngat zawng an hlim ngei mai, Sahuai (AKS H.V) in an hruai a, Ni (AKS PKfanai) lo chhuak lo tur a an tih ber pawh, an thawm an hriatin a nghak thei tawh thlawt lo, rawn chhuah a chak zek zek chu sahuai chuan an do thin mahse Ni lah chak bawk si chu lamtual ah chuan a rawn chhuak ve ta, bawng ek (AKS Sandman) lam lai chu a rawn ro thawta, changpat ( AKS Xaia )chu bawng ek hnuai ah biru in mahse ni a rawn chhuah tak tak chuan ani pawh a zawi nguai nguai a ro ve thawta. Sahuai thinrim lutuk chuan Ni nen chuan in do na a rawt ta a, tun thleng hian Ni hi a en leh duh tawh lo ani.

Saveichawi a rawn nih meuh chuan, mikhual zawng zawng chu an in tlar a, an vei lam ah Sa , an ding lam ah Zu dawng zel tur in an in tlar a, chutah Laiking (AKS Kawlhawk) hian a awr leh lam ah a ti dum a, hei kei pawh mikhual ka nia ka la chang ve lo a tia, lehlam ah a awr ava ti sena hei mikhual ka nia ka la chang ve lo atia, alo dawh nawn a, hei hi, leh lama awr dum leh lama awr sen tih tawngkam lo chhuah na ani.

Chutia hlim leh tlai taka an awm vek emaw an tih lai chuan, Chimbuk (AKS Fonz) hian engmah hi alo ei lova, chutia riltam chau taka alo thu chu, Zuhrei hian a puar lutuk awm ngaih na hre lo a maw ti in, ‘ en teh u, chaw a ei na sa lutuka a hrawk thleng khat vek in a in ei chau anih hi ati chu, chhimbuk thinrim lutuk chuan, Zuhrei chu ei tumin a uma, a ei tep tih ah chuan Zuhrei chuan Hruitun alo siam a, a tlan chhuah phah a hei vang hian “Chhimbudawi’ tih hi a lo chhuah phah ani.

Thlanrawkpa khuang chawi lai hian Arpui hi a hmeithai lai ani a, chu chu remchang ah lo la in, Sanghar hian alo ngaizawnga ti chuan an chesual dun ta a, Sanghar chuan chutia an mut pui mai chu a lo uan puia, court ah an in khin a ngai ta hiala, Sanghar in an chet dan vel an sawi Arpui sawi tu hre lo leh thinrim chu a lo tap ringawta, chutia Arpui lung chhia an hmuh velah a chapo ta tial tiala, an in hrawsa vela hei vang hian “Arpui lungchhia sanghar lunglawm’ tih tawng kam alo chhuah phah ani.

Ti chuan khuangchawi chu a tiak ta a, Thlanrawkpa chuan, a mikhual te an hlim leh hlim loh lo zawt tur in kawngkhar ah alo dinga, a hmasa ber in bawngpui alo kal a, thlanrawkpa chuan a hlim leh hlim loh a lo zawt a, ani chuan, thlanrawkpa in khuang a chaw ah mahse kan duh tawka ei tur khawi hmuh ah nge kan hmu chuan, ti in alo chhang let a, thlanrawkpa thin rim chuan lawm na reng reng nei lo, tun a tang chuan ni tin I puar taka ei tur in hna nasatak I thawh a ngai ang a ti ta a.

Chutah chakai a lo ka a, a ni chuan nuam a tih thu leh a lawm zia a lo hrilh chuan, tuna tang chuan hna thawk tawh lo in, I chaw ei tur in an rawn pan ang che ati ta a, chutiang zelin Tuikuk leh Paite an lo kal a, an ni chuan nuam an tih zia an hrilh chuan, Thlanrawkpa chuan chemhriam tak mau/rua phel nan a pe, heivang hian Tuikuk leh Paite te hi maulam pang ah an kut a them thiam em em ani, Mizo leh vai hian an lawm hla an rawn sa chhuak bawka, Thlanrawkpa lawm chuan Mizo chu Kelvuna siam thil ziah na (parchment) tha deuh mai hi a pe a, vai pa chu Laisuh (paper pang ngai) hi a pe , thlanrawkpa chuan ti hian tha deuh in vawng ang che u, he thil hian, Hausaknate, Buh leh Sa te, fin na te a nei ani atia, Mizo pa chuan zu chu ala in chhun zawl zel a, chutia suma (buhdena) dah chu Ui hian alo put bo sak daiha, vai chuan afa tel leh zel chhawr tur atan a vawngtha a, heivang hian a lawm Vai ho hi an hausak zawk bakah an hriatna atam bik.

Thlanrawkpa in Mizo te quality tha zawk a pek avang khan tun thleng hian thil tih tur in ang ro ro min pek hian Mizo te hi kan ti tha zawk zel.

Ti chuan a mi khual te zawng zawng thu chah a pe a, in zavain in dam rei tur in min duh tak meuh mai, ka lawm e, engpawh ka chung ah lo thlengin thih na hial pawh lo thleng mahse, in chungah engkima ro rel tu Pu Vana a awma, harsat na in neih a paing in (dices) lungte kan ti dawn nge, vaimim fang ang kan ti dawn, hapui tiat vel, van hawizawng in in vawrh anga, nangmahi veng turin in dil thin ang, a nin alo enkawl reng ang che u a ti a.

(ka hriat chhuah theih ang chhun chhun ka rawn ziak ve mai mai, a lo dik vak lo anih pawhin, office a bore ve deuh deuh hovin in lo chhiar atan 🙂 )
Truely yours
DXB

This entry was posted on Thursday, July 7th, 2011 at 4:00 pm and is filed under Luangliam. Both comments and pings are currently closed.