Mizo te hi kan changkang in hma kan sawn nasat viau laiin Damlo tlawh dan hi kan thiam thei thlawt lo. Mi zawng zawng kan ni ka ti lova, a tam zawk erawh chu kan la ni mai thei.
Hman deuh khan ka Pute-a damlo Greenwood Hospital ah kan awmpui a, kal (kidney) thalo ani a, a natna a nat deuh avang khan a chau thin khawp a, Dialysis te tih a ngai a, dialysis tih ni te phei chuan a chau viau thin a, tawng pawh tawng peihlo in a mu ngawih ngawih thin kha a nia, thiante leh laina thenkhat amah rawn tlawh tu te hian a damlo ber kha an han bia a, ‘I tha maw?’ han ti mai se chu nise ka hrethiam, a dinhmun detail te an han zawt a, min lainattu an nih rualin ka lo ning ru thin!
Damlo kan tlawh hian, damlo dinhmun a zirin awmdan tur hi kan hriat a hun tawh ka ti. Damlo chanchin kan hre duh anih chuan damlo chhungte zawt ta mai thin ila.
Tawngtai chungchang hi sawi ka chak riau bawk. Han damloh hian min lainattu te hi an hlu a, tawngtai puina phei chu a hlu em em. Hospital ah, damlo an mu tlar thup a, mi tuemaw in damlo a rawn tlawh a, insum karna nei miahlo a ring tak taka tawngtaina hun an han hmang hi chu a zialo ka ti. Damlo dang te dinhmun thlir pui thin a tha khawp mai. Tawngtai a tha, mahse Hospital angah te chuan zawi deuh hret a tih theih a tha khawp mai. Enge in ngaih ve dan le?
Similar Posts:
- Doctor hmeichhia aiin doctor mipa
- Lawmna tur hlir a lo ni….em??
- Doctor, Nurse leh a chhehvel
- Tunge Zawhte chu thi awrh tir ang le
- Champhai Civil Hospital- ah Damlo ngaihthah an ni em?
August 31st, 2012 at 1:46 pm
Sheldie
kan sawi belh ve duah lawk!! Ka chin ve dan pakhat kan share lawk ang e.. Dam lo na deuh hospital a tlawh ngai hi chu an chhungte ka call hmasa phawt a, visit chi a nih leh nih loh ka zawt hmasa mai thin. Hmel va lan kher kan tum avang hian damlo in an chauh phah zual theih avangin.
Thla hnih kalta khan ka u Open Heart Surgery a nei a, a pasal leh a fa te chauh Doctor in ni engemaw chhung chu en an phal. A tha ka ti khawp mai, in ti tlawmngai in lo va kal ve chhen hlawm ila ka u khan a zo lo mai thei tih Doctor in min hrilh.
Damlo chunga kutnghata tawngtai hi a hlu em em a, mahse kan tawngtaia te condition hriat thiam a tha. In lamah pawh an tan kan tawngtai sak reng thei bawk.
Tunlai hi sei deuh a comment ka hmang ve tlat
. Ve duah mai a haha!!
August 31st, 2012 at 1:59 pm
@mamboih, i comment hi post tha tak tluk ani! Ka ti tak tak, hetia tawnhriat kan share hi a hlu lutuk.
August 31st, 2012 at 2:07 pm
Sheldie i sawi khi a tha ka ti lutuk, damlo chhungte zawh mai hi a tha a ni. Surgery nei hlim an nih te phei chuan biak kher a tul lo.
Chuan hman kumah kan Mizo thian pakhat hi a inhliam palh a, a awmna in te ve takah in khat khat in an leng a, a tul lo hi ka ti khawp a, a hnu ah amah pawhin inleng tam lutuk hahthlak a tih zia min hrilh. A damlo va care ai mah hian hmel va lan ve duh hrim hrim, mi in fel min tih nan a kal mai mai te hi kan awm thin a, tul lo ka ti khawp mai.
August 31st, 2012 at 2:31 pm
@mamboihi, thanks. Chuan i thil sawi khi a dik lutuk. Phurrit anih theih.
August 31st, 2012 at 2:34 pm
misual thrat leh hnu ah ka la OT miah lo mai a! Ka hlauh lutuk loh Sheldie post ah OT chaks teh ang
August 31st, 2012 at 2:40 pm
E he, Hotunu BMW chu va ngaihawm ve…
August 31st, 2012 at 3:10 pm
Post ngaihtuah tham tak niin ka hria.
Ring tak tak an ṭawngtai te, dam lo kan tih vang a an mahni hmuh kher tum te hi thil ṭul lo ve tak niin ka hria. A dam lo va kha a biak theih a nih pawhin daktawrin biak a phal em, phal chin an siam em? zawh phawt te a fuhin ka rin bakah, an mahni hmuh kher tum lo va, an chhungke kawm/biak a titi pui mai kha dam lo tan a hahdam thlak ka ring.
August 31st, 2012 at 3:27 pm
@Bmw, ka lan dan ai hian ka chak ania, min hlau sual ang e..haha
Pu Hv
August 31st, 2012 at 10:22 pm
A hmasain phek thar kai ila.
A dawtah post-tua Sheldon tih ka hmuh chuan a post-ah doctor leh hospital chungchang hmuh ka inbeisei hrim hrim.
Tichuan, damdawiina ring tak taka damlo tawngtaipui hi mi pangngai chuan an ti duh lo. Nikum kum tawp lam khan damdawiinah kan awm a. Hetiang tih chîng an awm a, damlo dang na tak tak an awm bawk si a, a tawngtaisaka chhungte an inthlahrung ngawtin ka ring. Nuho hian in chîng.
September 13th, 2014 at 8:12 pm
apacentaban
Kan thiam theihloh thil pahnih | mi(sual).com