He thu hi “Thil Bul Thawnthu (Creation Myth), Lalrammawia Ngente zaiak atanga lakchhuah a ni a, an han in leh kual dan vel hi a dangdai ve khawp mai, misual thiante chhiar atana ka lo chhawp chhuak e)
Pi leh puten thil bul thawnthu an sawi fo thin zing a lar leh mak tak mai chu Thim Zing hi a ni a. He thim a zin lai hian danglam mak tak mai, inthlakthlengna a lo thleng a, chu chu he thil mak leh ngaihnawmna a ni a, an sawi thin dan chu hetiang hi a ni.
Hmanlai, hriat phak loha hlaah pathian pakhat, Khuazingnu an tih chuan lei hi a siam a. A khuh hnawng tur leh boruak vawng dai turin hnim hring chi tinreng a siam a, van tukverh hawngin lei ro leh hnimte tihnawng turin a tawk te tein tui a leih baw thin a, chung hnim leh theih hnahte ei tur chuan mihring leh rannung chi tinreng a han siam leh a, chung lai chuan leiah sual a la awm lova. Thil nung tin reng leh mihringte an tawng teiin an in be thei vek a.
Hun a lo rei a, mihring leh thil nungte an lo pung zel a, an hlimin an in kawm tlang dial dial a. Tumah intina lovin an leng dial dial a, ei leh barah pawh engmah tlakchham an nei lo. Chutia an lo pun zel chuan mi ze hrang pui pui pawh an lo chhuak ta a, kaihruaitu leh hotu bik deuh, belh tur leh awptu an mamawh ta a. An zinga mi pakhat hotu ang deuh a an en deuh chu lalah an thlang ta a, Hauhulh lal tiin an kova. Hauhulh hi Pawi hnam peng khat a ni.
Zan khat chu chaw ei khamin lal chu a han mu chawl a, a lo muhil ta a. Thla arkai den zan tak a ni a, a eng em em mai a. Pa ho chu luhkaah te, naupang leh nula leh tlangvalte chu khawlaiah te pawntovin an hlim em em mai a. Chutia an hlim em em lai chuan thla eng chu a lo dul ruih ruih mai a, an en reng lai chuan a lang thei ta lova. An mangang ta hle mai a, ri thei tinreng an ti ri a,rei lo teah Thla chu a lo lang leh det det a, a hnuah a pumin a lo lang leh ta a, an lawm em em mai a.
An hlim thawmah chuan lal muhil chu a lo harh a, “Eng nge in tih a, a khaw pum a in rik mur mur mai le?” a ti a, upa ho chuan “Thla eng lawmin kan pawnto lui lui mai a, inchhunga in khung peih pawh kan awm lova. Chutia kan hlim em em lai chuan Thla khi a dul ruih ruih a, a thim ta vek a.Ri thei tinreng kan ti ri a,rei lo teah tlemin a lo lang tan leh ta a, a pumin a lo eng leh ta a;kan hlim lutuk chu kan sa le lu ta mai a, i muhil tui lai pawh kan ti harh ta che a nih hi” an ti a.
Lal chuan “E, a nih tak chu, ngawi teh u,ka muhil sek emaw ka ti a, mumang ka lo nei a. Thla khi ka lolem a, thil ri bung bung ka hria a, tichuan harsati tak chungin ka lo chhakchhuak leh ta a. Ka kamsirte hi a na em em mai a ni” a ti a. Lal chu an han en nak chuan a kamsirte chu a lo thi sung mai a. Thlakhi a lem tak tak niin an ring ta a ni.
Chumi hnu lawk chuan lal chu a thi ta mai a, vanah a kai a, Awk-ah a chang ta a. A khat tawkin Ni leh Thla chu a lem ta fo mai a. Tum khat chu ni dang a a lem aiin a lemrei bik a. Zing ni chhuah san deuh a a lem tan chu nilengin a lem a, zam thimin a nang zui leh nghal a, tumah an in hmu thei ta lova, a tawlhsawn hlek apiang chu an inbitum sawk sawk mai a. Hnathawh zai rel thei an awm ta lova, an buai ta mum mum mai a.
Vawi leh khatah inlehna a lo thleng a, an in let sup sup mai a. Thenkhat chu Zawng-ah an chang a, nu ting dum lai chu Hauhuk-ah an chang a. Nula leh tlangval lawmrual hlim em emte chu Koro rual-ah te, Vazar rual-ah te an chang a. Ram kal haw meichher chhi laklawhte chu Dumde-ah te, Taumeichherchhi-ahte an chang a.
Chawngthu hnam chu Zawng-ah; tlangval inbuan laite chu Savawm-ah; Vangchhe hnam chu Sai-ah; Paite leh Vuite chu Chepa leh Thehlei-ah; Ralte hnam chu Chepchep-ah; Lal leh Upa rorel lai chu Vakul rual-ah; Thangchhuahpa, puan tial leh Diar tial khimte chu Sakei-ah an chang a. Mihring ranvulhte pawh ramsa-ah leh sava-ah te an chang sup sup mai a.Mihring hmelchhe deuh leh hmeltha deuhte pawh ramsaah an chang zo ta a. Mihring chu zawng lam chi-ah an chang deuh ber a. Tichuan khawvel pum mai chu mihring awm lovin a ruakin, rannung leh thing leh mau chauhvin a lo luah ta a, hei hi Thim Zing an tih chu a ni an ti.
An siamtu Khuazingnu kha a mangang ta a. A thilsiamte thil tha lo zawka an inlet chu pawi a tie m em mai a. An inleh zawh hmain mihring hnam hrang hrang leh rannung chi tinreng chu nupa zelin khur thuk takah a khung a, lung lian takin a chhin a, hei hi Chhinlung chu a ni an ti.
July 11th, 2011 at 12:31 pm
🙂
July 11th, 2011 at 12:36 pm
Va ngaihtuah chhuak thiam ve… (Y)
July 11th, 2011 at 12:43 pm
(Y)
July 11th, 2011 at 12:54 pm
Awm ang ve mai mai hle mai. A ngaihnawm ka ti lutuk.
Post tupa, i thil phal zarah (B) (D) hi ka khilai a che.
July 11th, 2011 at 1:17 pm
Kan mizo thawnthu (myths) hote hi thang leh thar lo awm zel turte tan, ziaka vawn that hi a tha in a tul khawp mai. Khawvel lo insiam dan te pawh kan neih ve thlap kha a. Han ti zel teh u.
July 11th, 2011 at 1:40 pm
History ziaktute thu lak dan leh he myth hi a inmil fahran lo hle mai, a bengvarthlak ve khrim khrims!
Evolution lam nen pawh a inmil lo hle a, creation kalphung nen pawh a inmil lo hle mai! Mil a nei lo chi koh chi koh!
July 11th, 2011 at 1:57 pm
Pu Ngente chu va phuahchawp thiam ve ooo … mizo myth nge ama irawm chhuak …
July 11th, 2011 at 2:09 pm
Hriat ve hrim hrim ah a tha e. 🙂 Mizote hi thawnthu ah chuan kan sang thu an sawi ka hre toh.
July 11th, 2011 at 2:33 pm
awih awm loh eee.. a lem triah2… balls…
July 11th, 2011 at 2:40 pm
Thim zing an sawi hi ka hre fo a hetiang tak a fiah hian k la hre miah lo. A tha kher mai, ro tling a ni e.
July 11th, 2011 at 2:50 pm
He thìm zingah hian alawm kan pu Chhurbùra Se kaih pawh Lungpuiah an chan zawh vek ni. Awih awm loh hle mahse, Hindu ho Cartoons ai chuan an la awm ang zawk reng reng e.
July 11th, 2011 at 3:55 pm
Vawi leh khatah inlehna a lo thleng a, an in let sup sup mai a. Thenkhat chu Zawng-ah an chang a,nu ting dum lai chu … nu ting dum lai tih hi enge aw..!?
a mizo thawnthu khawp mai..Chhinlung trobul zu ni reng a..
OT lawk vawiin Assembly sesawn chawhma lam ah khan taxy neitute hlawk zia minister 1 in a sawi a, a hming ka lo hre ta lo..An fate pawh phaia dah thei awm khawp khan a sawi a, taxy driver te hi an hlawk tak2 em aw, hlawk lo ang in an insawi nasa ve thrn si kha a nia.?. Misual.Com ah taxi driver /owner te awm ve em aw..
July 11th, 2011 at 4:17 pm
12. E khai, ‘Benga ka thil hriat ka ngaihtuah zui’ tih ka chhiar laiin, Tunlai thalaite kaihruai tha thei tur chuan, an boruak hap hriat ve angaih dawn zia, ka lo ngaihtuah mek laiin, ‘Nu ting dum’ sawi fiah a ngai leh tlat mai. Hmanlai mizo nute khan La par an en a, an sai a, an chawn a, an kai leh a. A original rawng chu a var a ni. Ting tui dumin an la kaih sa chu an ti dum ta thin a, chutia La ting tui duma an lo ‘dum’ lai tak chuan, Thim hi alo zing ta a ni. # Hmanlai mizo tual tah hraw hreih hrawih kha introduced thar leh kan mamawh hle. Kan cultural dress ho hi a dazät lutuk a, a pa lo lutuk bawk. Hmanlai film siam dawn ta ila, Costume ah kan fail sa chiang lutuk.
July 11th, 2011 at 4:29 pm
La ting dum a ni lawm ni i sawi hi.. Pu/U/ pk.. Ka la man lo, nu ting dum tih hi..
July 11th, 2011 at 4:43 pm
14. Mak awm ve! Nu ting tui dum hmanga La lo dum lai kha, ‘Nu ting dum’ chu a ni mai. ‘Nu chaw chhum lai’ ‘Nula Lam lai’ tih nen a tawng kalphung a in ang. Tin, ‘dum’ tih thluk hi, ‘Sakeiin mi a um’ tih a ‘um’ tih thluk, ri tawi vat ang hi a ni. (Darkhuanga post a ni a, ka lo inti neitu deuh ringawt a nih hi).
July 11th, 2011 at 4:51 pm
darkhuang gud paws.
ot-chhangte val intih theih zia khia, lo first tir tawh su :))
July 11th, 2011 at 4:53 pm
Aw aw aw, a thluk ah ka buai a ni.. 😀 sory ltk& ka lawm e, pk.F.
July 11th, 2011 at 4:57 pm
30chu kan dai ve mek chu a ni a, a thluk ah ka lo buai tlat…!
July 11th, 2011 at 4:57 pm
‘Ting dum’ tih a, ‘dum’ hi verb ani a, “I Lung a ‘dum’ zan em?” “Ka Lung ‘dum’ tu” tih a, ‘dum’ anga ri hi a ni. Ka Putea Sakap thei, pa lian, chak leh huaisen a sawi thin pawh hian, a ruih phur tawh chuan,”Jingle bell” tih hi, “Ting dum bel” ti ngatin a sa thìn.
July 11th, 2011 at 5:35 pm
Tha ltk e..19..PKF
July 11th, 2011 at 8:16 pm
comment ka chhiar vek..thanks vek che u hehe..he thu hi a mak reuh em a, ka post chak tlat a, a ziaktu hi ka hmel hriat lo a, a phalna ka la lo a, mahse min lo hauh loh hram ka beisei…lehkhabu chhah tak a ni a, a bikin Mizo tuanthu hi a ngaihnawm dang dai bik a,a rem chuan ka lo post belh zel ang…(midangin min khalh loh chuan)
:-O an in lehkual dan hi mak in ti ve em ?
July 11th, 2011 at 8:54 pm
A ngaihthlak nawm khawp mai, Lalrammawia ngente hi Book of the year dawngtu kha a ni em? Good post
July 11th, 2011 at 11:06 pm
van mak thei ta veeee,, chhinlung chhuak ngat kha kan nia, chhinlung omna hi kan hre chuang bok si lo va, mahse kan lo chhuak ve tho bok sia, chhinlung chhuak kan ni lo ang tih hi ka hlau ber mai 😀 😛 😀 (H) 😛