High School kan kai ve chuan “Mizo Nun Hlui” leh “Mizo Hla” kan zir a. Tawng Upa kan zir chho tan a. Hriatthiam loh a awmin, Ka pu (fam) ka zawt thin a, sawi tur a ngah thin khawp mai. “Mizo Nun Hlui” tih lehkhabu ah khan “an ziak diklo – tu ziah nge?” tih a nei nual. Ka pu hi Sialsuk ami niin Mizo Nun Hlui hre ve tak a ni a.
“Mizo tamtak aiin Mizo tawng a thiam zawk” ti tu an awm ve nual. Taitesena leh Chawngbawla chanchin ka zir lai te khan sentence tin kha a lo ngaithla a, choka lam atang khan a rawn sawifiah zel thin a. “By-heart” a har thei thin khawp mai.
Ka pu chungchang hi kan sawi zau mai mai anga, MNF ho ram riah lai khan ka pu te unau hian East Pakistan atangin silai an supply thin a ni awm a.
Aizawl School pakhat a ka luh lai chuan Pu F. Malsawma (Education Minister ni thin) khan “Mizo tawng” chungchang thu a sawi na ah, ka pu hming a rawn lam hlawl mai a. “Pu XXX an a ramvah chanchin an sawi mai chu(h), beng tla lek lek in ka ngaithla e”, a ti a. Ka pu kha Mizo tawng a thiam mai bakah Mizo Culture nena inzawmtlatna nei a ni. Nihmahsela a hnam ang zawngin Mizo a ni lova. Mahse Vai kan tih ang hi chu a ni chuang hek lo. Vai a nih pawn Mizo-vai a ni tal ang.
Vaiwkhat chu, Independence day-a lam tur a an tih avang chuan “Solakia” te, “Sarlamkai” te leh “Khat hnih thum..vei ding…” tih vel kha kan han ti leh laih laih a. Ka thiante nen chuan “Puan dum” kan sin a, kan “khat hnih thum..vei ding..” ve zel ta a. Danglam bikna riau ka inhre lo.
Mi thenkhat in vai min ti mahse rilru a zo si a, a khawi emaw lai takah chuan cultural difference a awm mai thei, mahse chu chuan Mizoram mi ka nihna te, Mizoram ka hmangiahna te leh ka ngaihna te a tidang chuang si lo. Kan tawng (Mother tongue) chu Mizo tawng a ni hran lova, mahse kan tawng aiin Mizo tawng ka thiam zawk tlat bawk a.
Pawl 11-12 ka nih lai vel hian Zirlai Pawl pakhat hian “Vai Ban” an lo huaihawt ve a, kei chu ka sikul kal pangngai hunah chuan ka kal a, School kalkawngah chuan an Zirlai Pawl Office Bearer (OB) (a mimal chuan ka hmelhriat te pawh an awm) te chuan min lo dang a, haw leh turin min hrilh a, “I haw loh chuan i chungah engpoh thleng se mawh kan phur lovang” an ti hum mai a.
Min lo dang ve hrim hrim kha a zahthlak ka ti a,naupang dang an kal tlang a, kei kha kal tlang min phal tlat si lo, Vai tih vanga min lo dan ve ringawt kha a dik ka ti lova. Ka kal let Police Gypsy lo tlan lai hi ka phar a, thil awmzia ka hrilh a, Police te chuan “Gypsy ” ah chuan min phur a, Zirlai Pawl OB ho chu an va vau hrep a, kei chu sikul thleng chuan min thlah ta a !! School ka thleng a, ka classmate te chuan “nang chu vai i nih loh kha, ngatinge Zirlai Pawl ho chuan an lo dan ve mai mai che a, an va zaktheilo..” an lo ti ve liam liam a. Ka inti Mizo tha leh ta a..!!
Hun a lo liam zel a, Science te kan zir chho a, Pawl 12 ka pass hnu chuan Professional Course zir ka duh ve ta a, Vai ka nih vang chuan MBBS chu ka zir thei ve tlat lo. Mizoram mi ka ni a, Pi pute hunlai atang tawh a, Mizoram a cheng, awm nget, ka nih avang pawhin MBBS seat te chu hmu ve awm tak ka ni.
Mahse a takah chuan chutiang chu a lo ni lo va, Mizoram mi ka ni emaw nilo emaw,ka hnar a zum deuh a, ka hming a dang(different) deuh a nih chuan Dr. ka ni theilo tihna a lo ni ber awm e. Private-a zir dawnin kan sum neihin a tlin si lo. Bachelor of Engineering chu ka zir chho ta a.
BE zir tur hian phai lam ka pan ve ta a, Mizoram vawikhat ka chhuahsan na a ni nghe nghe. Hindi tawng thiam em em lo mah ila, vai tih takah chuan hriatthiam ka nei nual a. Kum khat vel chu Hindi hrethiam mah ila ka tawng thiam ta bik lo. Mahse ka zir chho ve zel a. A tirah chuan Hindi tawng a ka hman te hian vai thenkhat chuan min nuih thin a. Mahse tunah chuan ka tawng nal thei khawp mai. {Hindi tawng hawrawp chhiar leh ziah chu Middle School ka luh laia ka zir bak kha ka la thiam chuang lo }
Engpawhnise,Hybrid culture ka lo nei ve tak si vang hian Vai ni si, ni si lo ang hian ka lo awm chho ve zel a. Tuna ka hna thawhlai ah hian ka hlim tawk viau a mahse zirna in ang rau rauvah, sorkar hna lampang pawh Mizo (a hnam zawnga thlirin) aiin kei Mizo (a geographical area a thlirin) tan hian hmuh a lo harsa deuh tlat mai a. Sorkar hna neih a, hlawh neih lampang ka duh/chak tihna nilovin, ka ngaihtuah zawk chu thiamna chhete kan neih hi Mizoram tan hmang tangkai ve thei mial lo maw.. tih lampang zawk ani.
Mizo inti si Mizoram hmangaih miah lo hi ka hmu teuh mai. A thenin Mizoram an ruihsan a, a then in Mizoram Development tur an eiru a.
A then in kalkawng siamna cement man an eiru a. Mizoram hi ka kan ram, kan hmangaih.. chuti.. khati.. an la ti thei zel tho… Vai-ah pawh min lo chhiar teh reng se, heng mite ai chuan Mizoram hi ka hmangaih zawk a, Mizoram tana thil tha tur ka ngaihtuah zel ang.
July 27th, 2011 at 5:03 pm
Vai ka nih vang chuan MBBS chu ka zir thei ve tlat lo
Vai emaw ilo inti ani maw, ipa Vai em ni? A hahthlak thin mange aw :-S ;-(
July 27th, 2011 at 5:08 pm
no_nick!!!
July 27th, 2011 at 5:12 pm
Pu HV: Ka pa leh ka nu Mizo an ni lo ve ve..!! Mahse mizo si lo, Mizo ka ni ta tihna aniang..!!
July 27th, 2011 at 5:16 pm
Mizoram i hmangaih a, a ṭha hle mai. Lo hmangaih zel ang che.
MBBS zir thei lovin Engineering i zir thei lawi si khi a mak ang reng.
Ni e, i sawi ang khian, Mizo fir ngat ni si, Mizoram hmangaih miah lo leh Mizo culture pawh eng atan maha ngai lo an tam ta khawp mai. Hetiang hi Mizoram tan ṭhanmawhbawk lian tak an ni.
July 27th, 2011 at 5:17 pm
”Hnam bik ka neilo a, ka thlen chin apianga mi te hi ka hnampui te an ni, ram bik ka neilo a, ka chenna apiang hi ka ram a ni, tin, ka ram hlun tur eroh he leiah hian a awm lo” 🙂
chutia doctor zir chak ltk in i zir theilo cu a va poi ve o….kawng a om asin le…
July 27th, 2011 at 5:19 pm
@hlatekhua, engineering chu seat a tam a, mizo lut duh zong2 an luh hnu ah poh seat chuang a la om chuan OBC te, General te an lut ve thin.
July 27th, 2011 at 5:20 pm
5: Doctor ka zir chal ltk tihna a ni lova. Mahse kei ang thova mizoram aawm ve leh mizoram hmangaih em em tu thenkhat zir chak em em ten zir theilo an awm nual.. Rempy.. kawng awm i tih chu donation lampang em ni?
4 hlatekhua : Nia MBBS seat kha a tlem deuh a, min pe phal chiah lo ani mai thei.. Engineer lampang kha chua seat a ruak teuh thin a, chutah chuan ka lut ve a ni ngei ang..!!
July 27th, 2011 at 5:20 pm
no-nick # I che Mizo hle si, i fakawm e. Mizo min chawimawi hairehai (Y) 🙂
ka chhuang che
Ka sikul kalpui thin Birhdan-a (Gorkhali) pawh khan kan thianpa pakhat hnenah Mizo tawng ngeiin nui vur vur chungin, “Mizo tawng i thiamlo em mai i zahpui awm,” a ti tawh. Ani kha a lawyer ta em le aw, Mizoramah khan!?
July 27th, 2011 at 5:23 pm
MNF ho kha ram an riak lova, an rammu zawk a ni e.
July 27th, 2011 at 5:24 pm
@No nick..kei aiin mizotawng i ziak thiam daih.. (Y)
Part I a ka comment ang kha kei chu ka ngaihdan ani mai. Mizo tih hi Mizoram khua leh tuite ‘common name’ anih mai hi kan vai a tana la tha tur ani e.
Mahse mawl ve deuh, Hman leh tun bak ngaihtuah thleng peih lo pawh an tam ve tho mai…
Mizo nihna hrim hrimah hian inchhuanna chhan tur ka hre hauh lo a, mahse political boundary nei a, mahni ram bik Mizoram kan nei erawh hi chu ka inchhuan ve phah thin.
July 27th, 2011 at 5:25 pm
Engpawh nise mizoram i hmangaihna hi a hlu ka ti thlawt,hei erawh chu thil chiang sa,mizo a pawm thei lo che i tawn tawh ang bawk in i la tawn zel ka ring a,mahse chung chuan tibuai che suh se,hmalam panin kal zel rawh
July 27th, 2011 at 5:26 pm
I rilru puthmang hi ka duh hle mai!
Hman kuma MCS written inziak tling pakhat pawh kha Nepali a nia. Ka thiante’n ‘Interview-ah a tla ang, hnam dang ania’ an ti chhen mai a. Hlawk takin kan tawng hrep kha!
I pu chu a ngaihsan awm mange!
July 27th, 2011 at 5:27 pm
@8: Pu HV..ka sawi tawh angin.. Religion/Culture dang chu nei mah ila, Mizoram culture hi kan culture a ni ve tho mai a.. Ka chet Mizo vakna pawh ka hre hran lovah.. marawh chu Mizoram mi ka nih avangin Ram dang hmangaih tur ka nei bik lova..!! Mizoram hi ka ta a ni tihy hi ka hrethiam a, Mizo rilru, Mizo culture hausakna te ka hrethiam a, ka chhungte min zirtir ani bawk a, ka theih chen2 ka zawm ve thin zawk ani..! I comment khian min tiphur ngei mai..!! Danglam riau a inngaih chang awm mahse hetianga min pawmtu te hian Mizoram ka hmangaihna an tizual sauh..!!
July 27th, 2011 at 5:30 pm
9 Pc-a: Thanks.. ka lo ziak sual zeuh zeuh a.. Min lo tihdik sak xel dawn nia.. Mizo tawnga thu ka ziah loh na hi a rei tawh a..Misual dot com ah hian ka rawn ti leh thei mai mai zawk ani e..!!
July 27th, 2011 at 5:31 pm
ReMpY_ScisSoR@6 & no_nick, engineering seat pawh hi an inchan lo ṭhin emaw ka lo ti a…entrance exam te an buatsaih hial ṭhin a ni lo’m ni? Hmanah engineering kan zir ve dawn lai pawhin seat kan indaih lo fe ni mai khan ka hria asin.
July 27th, 2011 at 5:32 pm
A va ngaihnawm eee.. (Y) (Y)
Thuziak tha tak a ni e.
Hnamdang pakhat in thil an tih sual a, vai chhuah phal loh (ek-e-bal-e) an tih fo hi a THING ka ti…Thil tisual kha hrem mai tur. Hmun tin, hnam tin zingah, sual leh sual lo an awm vek…
July 27th, 2011 at 5:33 pm
12 Ignatia (33-115 AD) : I mi sawi pa hi ka hria a.. Ani hi MBBS zir duh a zir theilo kha ani a.. Mithiam tak ani.. MCS ah pawh khan vawi 3 vel chu Intrview ah an paihthla tawh an ti.. mahse a tlin tum kha chuan paihthlak na chhan tur an hmu ta miah lo a ni awm a…!! Mizo ang chuan pawm ta se, MCS kha a awlsam phah mai thei.. ka ngaihdan mai mai…!!
July 27th, 2011 at 5:34 pm
15 hlatekhua: Hmanah chuan Engg seat kha a full zo lo thin zawk a..! Tun hnaiah an indaih lo mai mai zawk ani e..!!
July 27th, 2011 at 5:37 pm
Kei ka buaina chu, hnam dang nula hi nupui ah nei ta ila,ka fate hi mizoram ah eng category ah nge an awm ang aw.Mizoram qouta vel hi an chuh ve thei angem? Society in engtin nge a treat ang. Hei kher hi chu ka la nei bawk si lo a, ka la chhui chhuak thei hauh lo mai 😛 ( OT em aw)
July 27th, 2011 at 5:37 pm
no_nick@18, i hriat aia hman lehzualah chuan engineering seat hi kan inchan lo nasa ve ṭhin asin, seat kan la neih tlem lai a nia. Written entrance exam a awm lo a, interview leh PUC(Sc)-a kan mark aṭangin an thlang mai ṭhin.
July 27th, 2011 at 5:38 pm
@no_nick, kawng om ka tih chu AIPMT te, CET te leh individual institution a entrance exam, like Jipmer (pondicherry), Aiims (delhi). .etc. AIPMT through a zir ka ni.
July 27th, 2011 at 5:38 pm
Naktuk a ni tawh a ni maw, Pu no_nick? 😛
Hnam naupang tihtakah mawl tak tak hi kan la tam a, keini Mizo ho chu.
July 27th, 2011 at 5:40 pm
A tawp i khärna khian min khawih khawp mai. Hetiang rilru hi pu chhunzawm zel ang che. Tuma danbeh theih tak tak ini lovang, mi hlawhtling tur chi ini e. Pathian tak i hmuh hunah pawh i ngheh ka ring khawp mai.
July 27th, 2011 at 5:40 pm
Nang chu Vai an lo tih leh ce chuan ”so what? vai ka nih vag cuan ka ei zo don ce mi? ” i ti toh don nia.. 😀
July 27th, 2011 at 5:43 pm
Last name “Rai” pawh inti Mizo tak2 an tam asin 😉
July 27th, 2011 at 5:45 pm
@doc_lib, i fate chu by H.V Law chuan (noi), mizo tur an ni. Mse nagmah kha ‘hnam phatsantu’ i ni don ta ani..haha NOI
July 27th, 2011 at 5:47 pm
No_nick,khai lo zam reng reng suh. Mizo ka ni na vang vangin kei poh political qualification nei ve lo ka ni bawk a, min paihthlak an tum nasa ngei mai.
Khai le kan pi leh pu te u kiang tawh ru, thangthar, mi tum ruh, corruption a fihlim tum, zoram hmangaihtu kan rawn chhuak dawn e.Thil dik lo ti tu an awm chuan kan chhui anga, hremna an phu tawk an hmuh hma kan bei zel tawh ang. Chu hun lo thleng tur chu a in puah chah mek a, zoram hi a thim zawnga thlir awm thin mahse, thalai rual zoram hmangaih tak tak tu an lo chhuah tawh dawn a vangin tundin in a awm anga, Zoram ah khua a var tawh ang. Zoram khaw var hun tur a hla tawh lo e, thalai rual i in buatsaih ang aw
July 27th, 2011 at 5:53 pm
India ramah hnam hrang hrang kan awm a, ‘Indian’ tih kan ni a. Mizoram hian independent han hmu ta se a mi chengte hi engtinnge kan invuah/min vuah ang aw?
July 27th, 2011 at 5:59 pm
24 ReMpY_ScisSoR : Tuanh chuan Vai min ti mah se a engah mah vak ka ngai lo..!! Ka kum ah chuan thil ka experience tam ve tawk tawh a..!! Ka pawm loh pawn ka nui liam vel mai mai..!! mahse vai tih vanga mi in min lo hmusit tum vela nih chuan a nuam chiah lo thin a.. Ka theih ang tawk tawkin Vai ka nihchiah loh zia ka sawi ve liam liam thin.. Pawm duhlo an awm ve nual a.. mahse hawi zau vak lo an ni tlang pui…!! (@)
July 27th, 2011 at 6:03 pm
26 ReMpy chu lai tak chu a lawm ka buaina. Mizo ka ni tho a, mizo nula ah min duh hmu zo ta lo ila, hnamdang min pawm duhtu ka neih khan enge hnam phatsantu ka nihna lai tak kha kei detective ropui ( 😛 ) tak pawh hi ka buai tlat nia maw le 😀
July 27th, 2011 at 6:04 pm
doc_lib..hmandang nei mahla i fa chu mizo a ni ang a, schedule tribe hamthatna te a entitle ang..seat & job reservation,kum lama ngaihnathiamna etc ka hriat dan chuan.
July 27th, 2011 at 6:04 pm
no_nick, Vai tih te chu Mizo nilo, sap nilo typical Asian nilo te kohna mai ania, huata lak chi pawh ani hleinem. Mizo taka nung, Mizoram Vai i ni ve mai alawm. Pawi hauhlo
July 27th, 2011 at 6:10 pm
zu in na hmun-ah, zuurui dang an lo intibuai nasa a ni awm a.. Ka pute zu in ve tho chuan va thelh a.. “Mizo vek kan nih hi, tumah intibuai tur kan awm lo” a va ti a ni awm a.. An zinga mipkhat chuan… “A nihleh, nang enge i hming ?” a lo tia.. ka pute a chuan “Ramu-a (name changed)” a lo ti a ni awm e.. An nui dul dul a, zu an inho leh laih laih an ti…!!
July 27th, 2011 at 6:10 pm
31 Mizoram chhung ah bik chuan seat resevvation ah category II ah an dah leh mai lo maw. 😉
July 27th, 2011 at 6:12 pm
no_nick ka va han ngaisang tak che em!! mizo hnahthlak dik tak in ti mizo duh lo an awm laia hetiag rilru i pu hi chu a va han ropui em! Khaw nge kan misual YMA te kha…hei chawimawina Nopui hlan tur in nei e (Y)
July 27th, 2011 at 6:12 pm
32 H.Vangchhia : (Y) Nia tiro..!! Mizo ang tho ka ni.. Vai min la ti hram a.. nuam lo e.. :fiamthu..!!
July 27th, 2011 at 6:14 pm
Pu HV, ‘Vala lu a hai’ comment 15 kha a tha phian a nia.
July 27th, 2011 at 6:17 pm
Thisen ah chuan mizo chu i ni lo a nih chu. Enge i rilru leh i post chhan ka hre lo a, part I ka va chhiar phawt ang e.
Engpawh ni se, keini pentikos meialh in a kang tawh hi chu HNAM FEELING hi kan champion pui ve tawhlo.One nation, pure blood, one family tih hi kan champion pui tawh zawk a ni e.
Post thar ah ka khawng fawk dawn che a nia aw, i rinna cc ah. Identity crisis i nei erawh ka lainat che,I rinna pawh a root ka hre ta deuh mai a.. anyway, tis’ misual.com, bro (Y)
July 27th, 2011 at 6:22 pm
Hostel a ka awm laiin, ka room mate chu ‘Lal………. Sailo’ a ni a. Achang hian a Radio hian vai hla hi a ngaithla ret ret thin a. Ka rilru in nang chu vaihla i ngaina hle mai maw, ka ti rilru a, ka sawi chhuak ngailem hlei lo a. Kum 2 chhung room kan in share hnuah, Aizawl a ka haw zawk laiin, a thian kawm thin ten, chumi chu i hria em? tiin min zawt a, Gurkha hming a ni a. Kei chuan ka hriat loh thu ka sawi mai a, mizo hming in ‘Lal……… Sailo’ a inti mai thei an tih takah chuan ka harh ta zawk a. Vaihla a ngaihthlak thin te nen khan a in mil chho ka ti ta khawp mai a. A hmel han en mai kha chuan a lo tribal hmel ve tho na in, tlem a a ngo deuh veng te kha, a lo ni dawn tak e, ka ti ta a ni… hahaha…
July 27th, 2011 at 6:29 pm
@38: Pu Zoho-a: Rinna lampamng kha chu keipoh ka chiang bik lo..!! Ka tawngtai ve thin te khan Pathian hi chi hnihin ka hmu tlat mai zel a.. !1 Helamah sikula a ka zir, leh ka hriat Jesus kha a lo lang a, a lehlamah kan Hindu pathian ho khan pangpar an rawn thehthal bawk a..!! An dik ve ve a, thil an tihthei hmel ve ve bawk a..!
“I look to the Mountain, where will my Help come from?” ka tih chuan Isua a lo kal a..
“Om-Jai-Jagdish” ka tih leh Hindu Pathian an lo lang bawk a.. buai thlak ve deuh asin..!!
Huat thu suh ah, nang chu in tet te atang religion pakhat chiah in zir a, in pawm a, kei chu Christianity leh Hinduism ka hre ve ve a.. a pawmtur ber pawh ka hre chuang lo… sikulah Bible ka chhiar a, Inah Ramayan, Geeta tih vel ka chhiar bawk a.. A dik zawk hriatthiam har zia chu(h)!! chuvang chu ania, Muslim ho hi chu an religios text ka chhiar thiam lova, mahse an rindan pawh a dik thova..!! “religion” hi siam chawp mai mai a ang ka tihna chhan chu in la hre thiam ve thei mai ka ring..!!
Pu Zoho, I post chu ka lo nghak fan fan e…!I I ziak tha thei a, a ril thin riau bawk a.. post leh ah chuan i duh ang angin min lo vaw ve pawp pawp mai dawn nia..! 🙂 Rinna lamah chuan tuna ka awm dan hi a tawk..!! Ka duhleh Isua ka auva, ka duh leh Shiva -a ka au a..!! a changin an awm lo ve ve emaw te ka tia.. 🙂
July 27th, 2011 at 6:35 pm
40 khi ka Edit thei tawh lo..
Lehlamah sikula a ka zir, leh ka hriat Jesus kha a lo lang a, a lehlamah kan Hindu pathian ho khan pangpar an rawn thehthal bawk a..!! ”
tih tur zawk…!! typo
July 27th, 2011 at 6:40 pm
nick thar siam ang, non_nick_mizo nge i duh non_mizo_nick(shailendra inspiration 😛 )
i mizo hle lawm le, mizo ni lo angah lo in ngai tawh suh ang che, Vai part I & II hi Mizo part I&II, ti in thlak daih rawh pip!!
July 27th, 2011 at 6:42 pm
“Om-Jai Jesus” ti mai rawh 😛
July 27th, 2011 at 6:52 pm
43: lolzz 😀
July 27th, 2011 at 6:55 pm
soorry!! Mizo chu i ni silo a nih chu, mizo ni miahlo fir te pawh hian mizo custom&practices zawm vek a,sakhua, cultural practices etc zawm vek a kum tam tak anlo awm tawh chuan mizo ah chuan kan pawm tlatin ka hria??
July 27th, 2011 at 6:58 pm
Stick and stones may break my bones … ti jel mai roh 😀
July 27th, 2011 at 7:14 pm
Mizo nilo rilru atanga ziak i ni em ka hrethiam chiah lova. I rilru tihnat kan hlau hlawm hle mai, HV, Zoho leh Jennifer tih loh chuan i identity tak an phawrh miah lo. Tlang takin sawi mai ila by decent leh by blood chuan Mizo chu i ni lo ngei mai. I ni lo zel bawkin ka ring. Ama’rawhchu, sakhuana tih chauh lo-ah chuan i awmdan hi Mizo a ni. Comment 37-a ka’n tarlan zuai ‘Vala lu a hai’ tih comment 15 a i sawi ‘….vaiho an lo hawi thup’ tih te khian i rilru a tar lang a, i rilru ka tawmpui khawp mai che. Khawi ram/hnamah pawh hian racist engemaw zat hi chu an awm a nia. Mizo takin lo awm zel ang che.
July 27th, 2011 at 7:24 pm
47 Mawia Pachuau : “by blood” i tih khi a hnam zawnga thlirin ka tih nen a inang chiah.. chuan a geographical area zawnga thlirin Mizo ka ni ka ti ve tlat..
nia “by blood” chuan Mizo ka ni lo..! Mizoram a chnegte, Mizoram neitu ka ni a, hming dang kan nei ve tlat lova.. entirnan.. Maharashtrian tih ang deuhvin…!!
Phai vai ho chuan “Mizurami” min ti.. “Kashmiri” an tih dan ang deuhva ti an ni ngei tur ani..!!! 🙂
July 27th, 2011 at 7:26 pm
Ka in rawlh lo ang ka ti zet a, kan in rawlh leh si teh ang. Mizo chu i ni miah lo. Mahse Mizoram hi i ram ani a, i hmangaih bawk a, tikhan Mizo dangte ang tho in Mizoram hi ka ram ani ve ani tiin tha hnem ngai tak khan zoram tan lo thawk zel teh. 🙂
July 27th, 2011 at 7:26 pm
JeLo #45 Mizorama an awm rei vangin Mizo an nih phah ngai hleinem. EG: Englishman Naga ani thei ngailo, Mizo pawh Gorkhali a ni thei ngailo…chutiang chu a ni e. Mahse, Mizoram a piang a seilian tam tak erawh chu Mizo zingah an inzep rem (blend in) thei thlap thung.
Mizo nilo inti Mizo te hian Mizo an chawimawi a, kan tawng hnamdangin an hman hian Mizo tawng an chawimawi bawk. ka tan chuan chhuanawm tak an ni. Chutiang thoin Mizo inti Indian first ho hian Mizo aiin vai ho an chawimawi bawk.