Mihring zia hi an mak ve khawp a, a changin kan nui a, a changin ka tap a, a chang leh kan hlau a, A chang leh kan lungleng a, a chang leh mi kan hmusit a, a changin mi kan hmangaih bawk a, kan khawngaih bawk a, lehlamah mi kan hua a. A chang leh kan thinrim, a chang leh kan lawm .
Mihring mizia ve hrim hrimah ka ngai a. A changin beiseina neiin hlimna leh hlimlohna karah kan cheng a. Beisei ang a thelnin kan hlim em em a, beisei ang chiah lo deuhva thil a kalin kan lunghnur leh em em a.
Mihring hi ngaihtuahna leh suangtuahna hmangin kan duhna lai lai ah te kan leng thei tho bawk a. Mak tak chu kan ni ve hrim hrim. Kan dam chhung hun tur hi kum 70 ang velah dah ta ila, Darkar 613200 vel ang chauh kan dam dawn tihna a ni a. Hemi Darkar hun chhung hian ngaihtuahna chi hrang hrang kan kalpel a.
Beiseina hi kan damchhan a ni tih an sawi thin hi chiang deuhva ngaihtuah chuan “a dik khawp mai” ka ti ve tlat. Kan dam hun chhhunga darkar tin mai hi han ngaihtuah i la, ho taka hun kan hman kan hmuchiang thei viau ang. Mahse beiseina nei lovin hun kan hmang ngai thak lo. Hnathawh tur hre lo, thatchhe ve tak pawn beiseina mit in khawvel a thlir ve thin ngei ang.
Kum 3-4 mi kan nih lai atangin ipte rit tak tak ak in sikul kan kal bauh bauh a. School kan kal chhan kan hre chuang lova, chhungten sikul kal tur an tia, kan zawm ve tawp mai a. Kum 10 a liam hnu ah chuan nuapan laia sikul kan kal chhan kha kan hre thiam ve tan a. Beiseina nei si, thil th(r)a dang tihtur hriatloh vang te pawh ani ang, college ah kan in hlangkai ve tawk tawk a. Beiseina bawk chuan min hruai chho zel a. Mahni tuina zawng hrethiam hman kan tlem khawp ang. Hun a tlem si, ngaihtuahna a vak zau thin hle mai.
“Ka graduate hun chuan chu chu ka ti ang.. chutah chuan ka thawk chak.. hlawh a tha.. pawisa a tam..” kan tia, beiseina bawk chuan chung thil chu min um tir leh fan fan a, mahni tuizawng pawh ngaihtuah hman lovin “system” kal dan ang zelin kan kal chho pawp pawp mai a. Chutih mai anilo, pawisa kan han thawk chhuak tan a, duhtawk leh daih a awm thei chuang lo, besieina dang a lo inher chhuak leh a.. Beiseina chuan min hruai chho leh zel a. Duhtawk kan hmu thei si lo. A then Pathian ah kan tui a, Pathian kan zawng a, Pathian hmuh tum leh hriat tumin beiseina mitin kan thlir vawng vawng a. Beiseina hlir a ni ringawt…!!
Fa nei mai tur nupa thar lam ve tak ten beeiseinamitin an fa lo piang tur te chu an lo nghak fan fan a. kum 18 a tlin huna a lehkha zirna tur, Dr. ka zirtir dawn, ani chu Engineer tur an ti a. An fa lo piang khan enge a duh tih an lo hmu tlat lo mai a.A nu leh pa te beiseina ang chuan thil a lo kal der lo mai a.
An fapa chu Kum 18 a lo thlen meuh chuan ting-tang a perh a, a t(r)e tuar tuar mai a. Kekawr dawr fual tak ha a kekawrte a tih lang deuh kher loh chuan “a tunlai lo” tihna rilru a rawn pu tlat mai le. He naupang hian zaithiam lar tak nih a chak a , a beisei ber a lo ni leh zel a.
Vawikhat chu India ram City pakhat ah hian auto pakhat thui tak ka hmang a. A driver kha kum upa lam ve tawh tak, khabe hmul var buk chhup, tawng duh ve tak a ni a. A hmel han enchian chuan kopanga bawng ek vawm pherh ang mai hian a pherh chhe ve angreng khawp mai a. A vun rawng han en lah chuan “uluk takin rawh ta ila, kan rawh ling vu vu thei ang” tih vela a dum a ni a. A kawr hak ka en khan a bal bel kha a tle sar mai a. Darthlalang ka neihloh ka hrechhuak zawk nghe nghe.
He auto driver hi tawng duh ve tak a lo ni a. Kalkawng tluan chuan kan ti ti ta a. Kum 55-60 (“pachpan -sath” a ti) vel a upa in a in sawi a. “Kum 37 auto ka khalh tawh” tih min hrilh bawk a. Ka hnathawh min zawt a, ka hrilh a.. chumi hnu chuan heti hian a sawi ta a. “Auto ka khalh tan lai hian ka la naupang viau a, beisei leh tihtum tam tak ka nei thin a.Sum lamah ka hausa ve anga, bungalow ka lei anga, car ka lei anga, ka fate sikul tha tak takah ka kaltir anga, ka nu leh pa Mecca ah ka hruai ang a (Muslim a nih hmel), nuamsa deuhvin ka khawsa ve ang tih ka ngaihtuah thin a. Mahse hun a lo liam zel a, nupui te ka nei a, chhun zan zawmin hah takin auto ka khalh a, Ka nu damlo ka buaipui angai bawk si, sum neih a harsat zia ka hre tan a, thil dang reng ka ngaihtuah hman lo.
“Kum 40 vel ka thlen chuan ngaituah ah hian beiseina vak ka nei tawh lova. Thil tamtak tih ka tum tawh lo, bungalow leh car vel chu ka ngaihtuahna a pawh a lut tawh lo. Nitin auto ka khalh chhuak a, Kelsa Kg 1 (mutton) ka lei haw a, tui takin chaw ka ei a, ka muttui bawk chuan ka duhtawk viau” a ti .
Mihring hi kan kum a upa tawlh tawlh ah, beiseina hi a bo telh telh tihna a ni mai ang em aw te ka ti mai mai a. Dinhmun a zir te pawh a ni ve ang chu. Hepa(auto driver) hian Beisei a nei tawh lo ka ti chuang miah lovang. a rilru chhung khawi laiah emaw chuan beiseina chuan a la hruai zel ngei ang.
Amaherawhchu, a beiseina lian ber kha “a scope a tawp” ti mai ang, a kum(age) leh a dinhmun(situation) a thlir khan ‘a tlai zo ta” a ti anih ka ring.
He post ka ziah lai hian mail pakhat ka dawng a, a thu kha tha ka ti riau va, Bonus angin ka rawn bel ve mai mai ang e..
Time is like a river, you cannot touch the same water twice, because the flow that has passed will never pass again..
Ka fon hi chu charge lai tih...
July 28th, 2011 at 10:05 pm
Ngaihnawm khawp mai !
Report this comment
July 28th, 2011 at 10:18 pm
Beiseina nung Krista-ah kan neih chhung chuan mi rethei kan ni love.
Beiseina nei ngam tawh lo khawpa nun tlachhiate hi mi khawngaihthlak ber an ni ang. Beiseina hian kum a thliar lova, upa tak tawhte pawhin beiseina engemaw tal chu an la nei zel tho.
Report this comment
July 28th, 2011 at 10:32 pm
HMM.. rinna te, beiseina te, hmangaihna te hi a awm reng ang, chung zingah chuan hmangaihna hi a ropui ber ani. Beiseina post a lo chhuak ta, Rinna post han ti chhuak leh vat teh u, chuan Hmangaihna post chu ka chanpual ehhhh
Report this comment
July 28th, 2011 at 10:32 pm
Auto khalhtu chu avan inngai upa hma vele, keini ve lauh lauh hi upa anga inngaih hun kan la nei ve angem le aw hairehai
Tlai luat a awmlo reng reng. Tumna a awm chuan hmalam/hmasawn theih zel ani tih ka chiang. Hmanni mai pawh khan pitar kum 90 mi chuan degree ala ve laih2 chauh ania, lawmpui awm tak a ni:
https://abcnews.go.com/WN/Retir.....d=10657359
If you exalt wisdom, she will exalt you. …Do as i say, and you will have a long good life. (Proverbs 4:8, 10TLB)
Report this comment
July 28th, 2011 at 10:32 pm
Report this comment
July 28th, 2011 at 10:37 pm
heti khawpa article sei, paragraph awm lo, a tir atanga a tawp thlenga inzawm pût – hetiang thuziak phui mup hi lawm ka chhiar peih loh. sorry, nonick, ka chhiar lo mai ang e! tunlai chu i thu leh hla a hit thei bawka chhiar saktu che an awm teuh tho ang chu maw…?
I paws a nia, tha thawkhat hle turah ka ngai e. Hei, ka
risk pop!
Report this comment
July 28th, 2011 at 10:37 pm
Hringnun hi beiseina khamhruiah a uai a, kan duh, kan ngaih, kan chak leh kan thlakhlelh zawng zawng hi lo thleng kim vek mahse beiseina erawh a lo piang thar leh thin. Kan duh ngawih ngawih kha kan kut zalah tlain han inkamki teh thin mahila ‘khawvelah lawmna a kim thei si lo’.
Mahse beiseina nung min petu Krista avang erawh chuan hmuh theih loh chu hmuin leh kan beiseina khamhrui insuihna hmun chu AMAH a nih miau avangin he khawvel dang zelah hian beiseina chatuan hawlhtlang-nghing ngai lo chu kan vuan ta zawk a ni.
Khawvel lam beiseina chuan tawpchin a nei lo va a hmu ngai dawn lo, Chung lam beiseina chuan kan beiseiah chuan min hruai dawn tih nghet takin kan hre si a.
Report this comment
July 28th, 2011 at 10:43 pm
Beiseina hi hringnun ti hlim tu a ni. Beiseina neilo mi chu mi nun beidawng anni mai. Beidawnna hi setana hmanraw tha ber a ni.
Report this comment
July 28th, 2011 at 10:45 pm
E he! In lo siam tha ta nge, ka com dik loh? A dik ta zaih e, ka’n chhiar ang e.
Report this comment
July 28th, 2011 at 10:47 pm
Ka pian dawnin fuke kim, pangngai taka ka pian an beisei.
Naupang thuawih thei tak ka nih an beisei.
Tlangval fel tak ka nih an beisei.
Ka boral dawn darkarah ‘la boral lo hram se’ tiin min beisei a ngem aw??
Report this comment
July 28th, 2011 at 10:48 pm
@kawlhawk, paraghraph a tam viau emaw ka lo tia
Report this comment
July 28th, 2011 at 10:48 pm
VaiVa #11 hairehai
Report this comment
July 28th, 2011 at 10:54 pm
Hei chu zing thawhphan a tan ka khek teh ang, ka mut a chhuak tawh e mai. Misual duhawm tak tak te muttui vek u le.
Report this comment
July 28th, 2011 at 10:57 pm
#11, Vai thluak!
Report this comment
July 28th, 2011 at 10:58 pm
Chhuaklinga #13 i chhuak ling ling dawn tihna em ni. Mangchhuak tha ling ling le hairehai
Report this comment
July 28th, 2011 at 11:00 pm
Beiseina neih toh loh hi a rapthlak viau a sin.. Mi beidawng hi an khawngaihthlak. Mahni intihlum te hi beisei nei tawh lo te an ni chawk, #2 Pu Muantea sawi, “Beiseina nung Krista-ah kan neih chhung chuan mi rethei kan ni love”. Khi khi a dik khawp ania.
Report this comment
July 28th, 2011 at 11:03 pm
Beiseina em pawh nei lo mihring chu mi rethei ber a ni.Life is like a marathon race,go for it and you’ll reap.
Report this comment
July 28th, 2011 at 11:06 pm
Post tha tak ani
Report this comment
July 28th, 2011 at 11:42 pm
“Nimahsela unaute u, mi dang beiseina rèng nei lote anga in Lungngaih loh nan, muhilte chanchin in hriat loh ka duh lo ve” (1 Thessalonika 4:13). “Tun damchhung chauhva Krista chunga beiseina kan neih chuan, mi zawng zawnga khawngaihthlak ber kan lo ni ang” (1 korinth 15:19). “Tichuan Lalpa inah kumkhuain ka awm reng ang” (Sam 23:6). “Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u” (matthaia 11:28).
Report this comment
July 28th, 2011 at 11:45 pm
Misual.commer ah ngaihdan tha a hi a tha ber mai. Eng post poh hi chhiar lem lo mahse ‘post tha tak ni’ a tih sak thei zel a. mi dangdai tak chu a va ni ve e aw
Report this comment
July 29th, 2011 at 12:02 am
doc, August thla lam atang chuan ka Post tan ve mai thei a, ngaihdan thaa nen hian 1st leh 2nd ah, “Post tha tak a ni” in lo tih ziah a ngai ang.
Report this comment
July 29th, 2011 at 12:05 am
Pkfanai teh reng mai. chhiar lo mah ila, post tha tak ani tih comment hi chu a awm ngei ngei tur ani ringawt
Report this comment
July 29th, 2011 at 5:41 am
Beiseina beidawng, beiseina thamral …
“Israel-te tlantu tur a nih kan lo beisei tehlul nen …” —Kleopa leh a thianpa (Luka ziak angin). Beisei bo ang thawthangin an chhuah tlat! A va chauh-thu-ba-rawh ngai ve le!
Beiseina an neih engkim chu an Zinpui, Tholeh Krista-ah khan a awm chiang si a!
Report this comment
July 29th, 2011 at 7:46 am
Bei nge sei run dung, ka tum nge ruh saruh ti a hringnun hmang tute hi mihlawhtling an ni chawk.
beiseina nen kan zoram pawhin min thlir reng e.
Report this comment
July 29th, 2011 at 7:49 am
Post tha leh ngaihnawm tak a ni. Beiseina tel miah lovin nikhat hi nung dawn ta ila, a va rei dawn teh lul em!
Report this comment
July 29th, 2011 at 10:14 am
6 # aw.. Pu kawlhawk.. ka theih ang ang chuan paragraph te ka dah ve asin…!
{edit} 9.. aa ka chhiarthla zel a, paragraph a lo awm tawh a ang..
{edit leh} 14:
Report this comment
July 29th, 2011 at 1:52 pm
Post tha khawp mai
.
Kan thalai tam tak nun kawng dik lo zawhte ka ngaihtuah a, beisei tur an neih loh vang em ni ang aw! ka ti. Kan ram kal siam thlir hian thalaite tan hian ei zawnna kawng a ni emaw an tui zawng han tihpuitlinna tur emaw pawh hian kan ram hian enge a chhawp chhuah sak le! Infrastucture te hi kan ram hian han nei chang tlung deuh ila chuan kan thalaite hi beisei tur kan siam sak ang a, tih tur mumal hriatloh vang leh neihloh vanga nun kawng dik lo zawh tam tak hi chu chhanchhuahin an awm a beiseiawm khawpin ka hria. Kan kut hnathawktute hlei hlei hi an khawngaihthlak e. Hnam taima kan nih teh lul nen – beiseiawm takin sorkarin “Tung ching rawh u” _”Sapthei ching rawh u” a ti a. Beiseina sang tak nen an han ching sa teh thin a, beidawnna bak an seng leh thin si lo. Zoram quovadis? kan la nih ber rih hi mo.
Report this comment
July 29th, 2011 at 2:02 pm
Ka vei lai tak a nia tunlai chu. Kan ram dinhmun en ila, kohhran ho en bawk ila beseina nei tawh lo ang mai hian kan media leh politician, evangelist ho ten kan ram din hmun an chhuiah fo ta mai hi a fel lo ka ti. A Pathian thu tak pawhin beiseina nung hmu tura hrinte kan nihzia leh Pa thian rin chhana kan kal chuan hnehna kan chang thei tih hi sawi tam ngai tak niin ka hria. WELL DONE, “NO NICK”. GUD POST.
Report this comment
July 29th, 2011 at 2:03 pm
” Beiseina hi mirethei te chaw a ni.”
Report this comment