Tunlai khawvel hi en teh — Hnam mawl an harh a, Hnam hnufual an thó a, Ram rethei an insangmar ta! Rorelna dik leh tha neih tumin, khawlaiah leh dâiahte an inhawrkhawm mup mup a, Hnam hnufual leh rethei bik nih an zak a ni.
Nakinah kan la harh ve ang!… Pathianin ram min pe a, hnam taima leh thuawi tak kan ni bawk si a; chumi hunah chuan eiru hausate an zak ang a, an In a rô tual tual ang a, an In sak laite an chawl khawro thuap tawh dawn si a.
Kut hnathawktuten khaw èng an hmu tawh ang a, thlantui nena an thawh chhuah atangin In thapui pui an sa ang a, tuk tin mai chu an tan hlim ni thar a lo ni tawh ang. Thalaite rilru tihdanglamin a awm ang a, an sukthlek a lo dik tawh ang a, hnathawk lova theuleu nih an zak tawh ang.
Tuk tinin chona ni thar an hmachhawn ang a, Ram leh Hnam kutke anni inhriain, hmasawnna chu an ko-ah an nghat tawh ang. Aw… a va nuam dawn em, Zoram thar – Hnam dinchhuahna ni lo thlen hun chu!
Mahse…
En teh, heti khawpa Vawk sa ngaina, dàihnai maia Vawk vulhna hmunpui din mai theihna tur ram ruak ngah si hi — engvanga intodelh thei lo nge kan nih? Burma-ah rân natna a len rualin rampumah vawksa man a to nghal a, a lei turin kan intlar a, Burma ramchhung mite ai maha kan tawrh thin hi.
In sa dawn ila Vai leh bankhur lai tur Burma mite tel lo chuan kan che thei der lo a, kan Pathian biakna In ngei pawh an tel lo chuan ban pakhat pawh kan tûng thei lo a ni si a. Mizo thalaite tan mi tlawmngaiten Cement Mistiri leh a kaihhnawih a thlawnna zirna a buatsaihah lah, zir peih a ram awm hek suh. A zir chhunten thahnemngai tak a, hrawk chawmna tlaka zir tum hek suh.
Aizawla Handloom neitu lian tak pakhat chuan “Kawl/Burmese tel lovin mizo puan kan nei thei lo. Hlawh a tha si a, Mizo thalaite tan a thlawnna zirna hawng turin Sorkar kan ngen thin a. Deptt. lamin a thlawnna handloom zirna chu an hawng ta ngei a, an chhun thingpui man tur nen lam a tum sak a, mahse, zirchhuak an awm meuh lo.
Mizote taimaknain a tlin ve lo a niang” a ti thlawt nia! Hman kuma Burma mi hnawhchhuah runpuiah khan, Aizawl khawpuia handloom zawng zawng a chawl thuap, an ti. Zo ar pawh Vai tel lovin kan nei thei ta lo.
“Mizote hi zai ngaina tak, zai leh rimawi tum thiam hnam kan ni kan ti maw?” Khawvel chu sawi loh, ram khat nghawrh lawih khawpa lar chhuak kan awm tawh em? Vanneiha siamin Burma Unaute zingah, khiti khawpa tlangmite rahbehna ramah khian rampum huapa lar – zai leh rimawi tum thiam kan chipuite an lo awm leh nawlh thin mai pawh a!
Keini ve zawng Thil kan ti-a kan titak tak peih si lo… úk!!! Miten, hna an thawhpui luatah an kekawr mawng pawp an bel a, keini’n mawi takin a pawp lo kan bel. Zum leh hriamin an thawmhnaw a tai tret laiin, keini’n mawi takin kan zai tret. Éng leh tui hnianghnar kan neih theihdan tur leh (ram leh hnam dinchhuahna tur – Solfa leh Kungfu 
) aia ZU khapna dan buaipui tawk ram hruaitute nen…
Hmmm… Hetiang neuh neuhte ka ngaihtuah hian, Zoram thar lo thleng tur leh he hnam a harh hun tur chu suangtuahna nen nghakhlel takin thlir thin mah ila, kei zawng – Ka thâmral leh thin.
Similar Posts:
- Mizote Chu Mizote Hi Kan Ni
- The exodus of Mizo
- Mizoram ah Burma mi nih a vanduai thlak khop
- Technology leh Mizo thalaite
- HT Sangliana Hnam Hnufual Tan
Ka fon hi chu charge lai tih...
July 30th, 2011 at 12:18 am
doc, Mizoram politics leh mipui sukthlek kalsual thui tawh lutuk ngaìhtuah chhuah chang hi chuan e. Thin hi a rim to mai a, ka thamral ve lek lek thin a ni. Khawnge in tih harh nan Kanan br.YMA zaipawl sak, “Mizo valrualte, khawi lamah nge in awm le? “Heta hi kan awm e” tih kha kan ngaithla leh lawk a nge.
Report this comment
July 30th, 2011 at 12:27 am
PKfanai, tiang ngaihtuah reng chuan kan kuh tul mai ania, chuvangin kuh tul reng ai chuan Sathar no te han fiam hi nuam deuh mai ania, kan relax ve tlat
Report this comment
July 30th, 2011 at 12:29 am
36, dik chiah. Ka ngaihtuah phak piah lam zawng2 nen in lo sawi vek tawh a nih hi le.
Report this comment
July 30th, 2011 at 12:37 am
Politics hi dik se chuan kan tha zawt zawtin ka ring. ramdanga KS, hnathawk tlem hlawh tam, thawkrim hlawh tlem si te, thalai hnathawk peih lo, zan mengrei zing tho tlai, drug abuse, uire na etc., etc., te hi ram inrelbawl na diklo rahchhuah a ang ka ti.
Report this comment
July 30th, 2011 at 12:39 am
Zirna avang leh hnathawhna avangte in thangkawrvai_ho zingah kum 10 vel lai ka tal ve ta. Vaiho nena khaikhin ralah chuan Mizo te moral that zia hi ka hmu chiang tulh tulh a, Mizo nih hi nuam ka ti tulh tulh mai. Kan hnam hi a la naupang deuh avang erawh chuan belh chian dawl tawk lohna lai chu kan la tam tih erawh phat rual a ni lo. Kei zawng Pu Rokunga (fam) spirit kha kan hnam kalsiam rem nan chuan a la tha viau_in ka hria. DD Aizawl kut hnathawktute pual hi en ve teh u, Mi taima leh thawkrimte beidawnga siamtu “a kaikuang” chu sorkar hi a ang ber mai lo maw! A mipui mimir_te hi ni lovin!
Report this comment
July 30th, 2011 at 12:50 am
keipawh engdang reng dawn lovin, duhberi bulah rest leh phawt teh ang. Naktuk tlaiah thu ka sawi dawn lehnghal. Mangtha vek u le.
Report this comment
July 30th, 2011 at 1:37 am
He post chuan kan nihna a tarlang chiang hle mai. Good post.
Report this comment
July 30th, 2011 at 2:05 am
Chhiar a kal hle mai. Burma mi tiin kan unaute, keini ai maha Mizote khi kan hmusit a, an tel lova awm harsa kan tih a bang chuang lo. Burma mi hmusit tak takte zingah inti-Mizo tak an awm ka hre lo. Kan mamawh ngawih ngawih, an tel lova kan awm theih lohna te hi kan hmusit em em a, a bulthûm atangin kan fuh lo a ni. ZU chu ka sawi peih vak lo. A in thiamte’n a in thiam lo leh buaina siamna atana hmang thinte hi ngaihtuah tel ve sela a tha ang.
Report this comment
July 30th, 2011 at 2:35 am
ziak ngaihnawm hle mai. Rilru ṭap aw pur in ka chhiar thla char char a helai sentence aṭang hian ka nui huk
Thil kan ti-a kan titak tak peih si lo… úk!!!
Report this comment
July 30th, 2011 at 5:29 am
Pu Kawlhawk chu a va ziak tha teh kher em..
Report this comment
July 30th, 2011 at 5:57 am
‘Like’ thla ve ringawt mai teh ang…
Mi paw’n a zawng a za in ‘post tha tak ani’ an tih ve thin tho kha maw! ha3
Report this comment
July 30th, 2011 at 6:50 am
#10,#55
#16,kawlte i tidik mahse Zoram thratlohna leh fellohna i sawi pah hian fak a phu na leh felna pawh sawitel ve teh,vai ngalsin leh Burma ho fel/taimak/trangkaina i sawirualin an feloh/hnawksak/pawikhawih na pawh sawi tel ve hram hram la..
Practice what you preached
Report this comment
July 30th, 2011 at 7:06 am
@kawlhawk : I ziah dan motive a tha hle. Hmeichhe themthiam puantah dak hlarh ang mai a ni, a colorful tawk viau leh nghal!
Spelling pakhat ka chin dan riau hrilh che ka duh tel pah a, “Kut hnathawktuten” i rawn tih hi kei chuan “Kut-hna thawktuten” ka tilui ve tlat. “Kut-hna” hi “manual labor” hawia ka hriat avangin!
Han chik chiang ve mah teh!
Pathian Fakna Hla Bu (Staff Notation & Tonic Sol-fa) tih Baptist Church of Mizoram Lunglei tihchhuah tharah khan SOL-FA tiin an rawn dik ve chiah a, ka lawm hle. Synod lam-in SOL-FA spelling an la tidik thei lo.
Baptist Church sawi kai tak rau rauvah chuan, Pukzing Baptist Church thalai (TKP)-te khuan vawk an vulh a, an talh a, an ser a. An Biak In pawh concrete-in an sa mek a, vai mistiri pakhatmah an pur lo. An ti thei ve vek, member an tam lo nain! Mizoram-a Biak In sak dan thianghlim ber a la ni awm e, ka tirilru hial!
Biri pet Mosolman pahovin kan Biakbuk min dinsak deuh vek mai si a! Chhut chian chu a ngai hle.
Report this comment
July 30th, 2011 at 7:33 am
J lo @62, Ka hmuh kan lo e… bakah, hnam dinchhuahna sawi lai laia anni (vai & burma mi) fel lohna leh pawi an khawih thinte sawi kai duah te chu a…
Pu chawnghilh, i dik ang… nang, mi inzir peih leh thil chikah…
Report this comment
July 30th, 2011 at 7:40 am
My Dear Hawk-te a chu, ka chilthli i uai tir duah a lawm le
I rawn phawrh kim nalh hle mai…in enfiahnan a tha hle mai.
Report this comment
July 30th, 2011 at 8:15 am
Pu Kawlhawka nge nge, ziak tha leh thuai thuai khawp mai. Inzir finna tham khawp thuziak tha a ni e.
Report this comment
July 30th, 2011 at 8:35 am
Tha khawp mai . .
.
Report this comment
July 30th, 2011 at 8:43 am
Zika Of Kawltea nge nge, i tawk nalh thin e..I thuziak a tha in a dak thlarh zel mai.
Report this comment
July 30th, 2011 at 10:03 am
a tha khop mai…….
Report this comment
July 30th, 2011 at 10:50 am
A eng zawnga thlir leh thim zawnga tlir mi an awm tih khi a dik hle in ka hria.
A thim zawnga thlir vanga beidawng titih, engmah tih phur toh lo nih te hi a thim chhah lehzual. A thim-a kan hriatna tak kha advantage-a kan hman thiam chuan thil tha tak ani ve thei tlat.
A eng zawnga thlir pawh advantage tamtak a awm thei ang.
ZORAM thar lo dinchhuah nana lo nghak tawp, a Zoram thar lo thlen nana engmah tih tum chuang silo te hi an thim berin ka hria
Ate bera tanga lian ber thleng hian mawhphurhna kan nei vek. Sorkar vang tih leh ngot poh hi a dik ber bik lo, sorkar siam tu mipui/mimal kan ni. A vantla (tute emaw beisei ang) ngawt hi chuan a thleng dawn hlek lo ania. THAWH A NGAI.
Report this comment
July 30th, 2011 at 2:57 pm
Ava tha kher em…..pink hi a ngaisang ania ;P
Report this comment
July 30th, 2011 at 9:25 pm
Solfa leh Kungfu zir ila ni mai lawm…
Report this comment
July 30th, 2011 at 10:22 pm
Mi rethei fa in a nundan, a dinhmun leh a hnathohte zahpui leh ngainep tur tok lekin mi hausa fate khosak dan a hre ve a. Levi’s jeans pakhat chu rs 3000-5000 man a ni a, chu2 an chhungkaw monthly income 40% vel hial a ni, mse thingtlang khua electric current luh ve na trok2 ah poh levi’s jeans, a pocketa multimedia phone om ngei, ha an inpel suau2 tho mai a. .an veng chu han hoi vel la, university i hmulo ag a, factory lian tak poh i hmu long, vokin tlu trep bula feh kong tereuhte te i hmu ag!!
Mi hausa fa ten, anmahni thohchhuah a khovel chen hnam pui te nundan entonin chhungte thohchhuah in khovel chen ve an tum bok a..
Hnampui sap ten ”get rich or die trying” an tih laiin mizo thalai (tam tak) te chuan ”get rich or act like one” tih an lo nunpui ve bok a! Tunge thing chu zai ta ang?! Tunge cement mix chu siam ta ang?! Tunge thirchhia chu zong ta ang??! Industrial age poh kn la thleng ve loa, mse kn changkang em2 toh tho si! Changkang em2 toh e tilo chuan kn hnufual em2 bok si!! Who is the ‘kaikuang’ kn ti vong2….
Report this comment
July 30th, 2011 at 10:32 pm
ReMpY, zep lovah chuan, nang hi zawng i ril a ni e!!!!!!!
Report this comment
July 30th, 2011 at 10:36 pm
Report this comment
July 30th, 2011 at 11:46 pm
Kan dinhmun a la thra rih a nih hi, survival kan khelh tak tak hunah chuan kan thawk zawt zawt mai ang, Mizote chu intawngharh chi kan nia.
Report this comment
July 31st, 2011 at 1:25 am
Lo thamral tawh suh. Harhna a thleng thei reng. Beidawng suh beisei zel rawh
Report this comment
July 31st, 2011 at 6:59 am
Sorkar a pawimawh ka ti lo thei lo. Sorkar dik leh tha kan neih hunah a fel ve mai ang
Report this comment
July 31st, 2011 at 11:36 am
A vanneih thlak thin mang e. Vairampur khaw lum ah mobile in MISUAL kan han chhiar ve thei te hi chu a hlu thlawt.MISUAL regu zingah thil hre fe fe kan lo awm zel mai te hi a va lomom em! Hei tak hi MISUAL kan vanneihna leh site dangin min tluk lohna lian tak a ni. Kudos to misual’ers. OT EM AW..
Report this comment
July 31st, 2011 at 11:51 am
He post chu ka lo chhiar ve reng reng lova, tunah ka hmuh ve chiah chu le..!
Mihring kan la tlem em anih hi ti rih mai ang. Kan hmasawnna hi a zuang nasa lutuk a, zuan kan kan ngah hle tih a hriat khawp mai. Beidawng mai lovin thu leh hlain i hril zel teh ang khai.
Report this comment