India ram pumah hian Sainik School hi 19 a awm ta a ni ber àwm e. A lùt thei tùr hian mipa naupang Mathematics, Inteligence, English leh tlachawp thil pawimawh thiam an inlan deuh ber thìn a. Pianphunga fit for zeh zawh, hrisèl tha tel tawl —sipai inlàk dàn ang chiah chiaha inlàk a ni.
June thla vèl hi admission neih hun a ni tlângpui a. Ngaihven duh tân chuan Sainik Welfare Board atangte leh Board of School Education atanga ngaihven theih a ni thìn. Entrance Examination pawh mahni State Capital-ah a tih theih tawh ni àwm tak a ni.
Admission hun lai hmakhalh daihah Entrance Test Examination neih a ni thìn a, chuta tlingte chu Physical Fitness bei tùrin Admission dâwnah –Board hmâah, an pungkhàwm ta thìn a ni.
Lìk ngai lìk, phen ngai phèn, ke-hniak pawh sipai duh dàn ang thâl … zun leh thisen a hrisèl em … khùptuah lo a ni em, a âwm a tilian thei em, a mithmuh a fiah tha tàwk em, a beng kawrawng chhûng engnge a an, a ha, a lei eng ang nge –finfiah ngai hmasa vek a ni. Inbuatsaih làwk a ngai viau thìn.
Math, Intelligence Test (General Knowledge etc) leh English a pawimawh filawr hle. Hindi hi compulsory a ni dâwn hrim hrim a, school a awmna State athuin Vernacular-ah chuan subject dang dang an lo hlui thei bawk ang. Kum bithliah chin a awm hranpà a, kum 9 – 13 inlan theihna a ni châwk.
A tlângpuithuin, Sainik School hi Wing hniha then a ni a —Junior Wing hi Class V – VIII, Senior Wing hi Class IX – XII a ni. Thil engkim zirna hmun tha tàwpkhàwk a ni ber mai.
Zirtîrtute pawh thiam chungchuang leh dai-hriat ngah tawh te an ni zèl a. Principal atân hian Indian Armed Forces atanga Army Lieutenant Colonel emaw a rank pui Navy, Air Force-a mite an hmang a. Headmaster atân hian Army Major emaw, a rank puite chhawr an ni. Registrar atân Army Captain emaw a rank-pui Air Force leh Navy lam atangtein an hmang ber bawk.
Chhingchhìp-ah Sainik School a awm ve dâwn tawh ni àwma sawi rìk viai viai a ni a, a phùrawm khawp mai.
Mizo naupangte hi Sainik School, Goalpara leh Sainik School, Imphal-a kal an awm ve ta nual. Tùn dinhmunah hian Mizo zirlai engzàt nge Sainik School-a zir awm ang âw? Discipline hi chu a khirh tàwpkhàwp thung a, duh ang mai maia tàl pawlawh theih a ni lo.
Decent tak a ni ringawt. “Roughing it” tih a awm ve meuh lo. School Campus hi hung tluanchhuah vek a ni a, hung pâwn lam chu OUT OF BOUND a ni tawp mai a. Sipai nunchan chi kim inzirna a ni. Vawi khat FAIL chuan, luh chhunzawm a theih tawh loh.
Class XII pass chhuah hnuah National Defence Academy-a hrual belh leh tùr an ni a, chu mi hnuah chuan COMMISSION OFFICER ni ve tùrin PIP (arsi etc.,) an dawng ve thei tawh ang . Army, Navy leh Air Force lam an tlinna zàwn zàwnah an kal thei tawh ang.
Medical, Engineering, Vets etc., lam hi kan chawi vul deuh va, MZP lam leh Students Union lam pawh hian hèng lam hi chu an hmêlhriat fû a; mahse, Sainik School lam thilah hian hmâ an làkpui vak lèm lo ni berin a lang. Mimal thahnemngaihna atanga naupang chhuanawm thenkhatte lo chher hriam làwk hna hi, in kila tih mai mai a la hlawh a ni àwm e.
Hriat zau lehzual hret nâna ziak ve mai mai ka ni e. Mizo naupangte hi intheng-kah mai maia liam rìral tùr kan ni ne’m le …
Website lam atangin tam zàwk hriat theihna khawvèlah kan chèng tawh a —mipa naupang fel leh fel lo, thiamthei, ambition nei PA riau tân chuan nu leh pate pawhin ngaihvensak a tha fû mah nà.
August 3rd, 2011 at 8:31 pm
Bengvarthlak e. (Y)
August 3rd, 2011 at 8:36 pm
I ziak bengvar thlak hle mai (Y)
Kulikawn Pu Hlira Sainik Board hotu anih lai khan a fapa Madawnga (Klk YMA president) nen in kawmngeih ta chu “Sainik” tih ri kha kan hre ngun thin khawp mai.
August 3rd, 2011 at 8:49 pm
Sainik school-ah hian ka thiannu fa 2 hi an lut toh a … Class 6 annih atangin an lut deuh ber a , an inenkawl dan hi tha ka ti tawp . Mizo te tan luh a harsa lova , senso a tam lemlo bawk nen , ngaihven chi ani khop mai .
August 3rd, 2011 at 9:15 pm
A bengvarthlak em em a ni.
August 3rd, 2011 at 9:36 pm
SBS hi tunhma chuan sipai fate/chhungte zirna bik emaw ka lo ti thin a. (Hriatloh theih haih haih…)
Class XII pass chhuah hnuah National Defence Academy-a hrual belh leh tùr an ni a, …….. XII zawhah hian mahni duhna lam line kal tur in a chhuahsan theih tho lawm ni?
August 3rd, 2011 at 9:39 pm
Post tangkai tak a ni. Fate lut rual neih hun atan dah that chi a ni.
August 3rd, 2011 at 9:54 pm
A tha hle mai a, bengvar thlak hle mai,,
Pu Hv-a khan afate a la rawn luh tir hram duh ang a…. 😀
August 3rd, 2011 at 10:01 pm
Sipai lam hi chuan ka beng a verh kumkhua dawn chu a nih hi. Ka choice of profession a ni thin, mahse ka ni thei ta si lo.
August 3rd, 2011 at 10:13 pm
An pûmchhuakin thahnemngaihna rilru tak tak nena a ziah a ni bawk a, chhiar a kal zaih mai.
August 3rd, 2011 at 10:32 pm
Kan hunlai te khan hetiang hi han hre ve teh reng ila awww..ka try nasa ve ngawt ang,tunlai thangtharte hi an va vannei tak em???
August 3rd, 2011 at 10:48 pm
ka hriat sual loh chuan a hming chu Laldingliana ni ta in ka hria,kan exam ve kuma tling ta kha, Dehradun a RIMC a lut turin.NDA pawh kha a chhuak tawh ani awm e.Hre chiang zawk te khan han sawi ula,tangkai deuh tur asin. Post tha tak a ni e.(Y)
August 3rd, 2011 at 10:51 pm
CLASS 6/7 tan ani a,written leh interview a awm.
Heta ka interview hian a lawm zawhna min zawt tupa chuan
‘what is your aim in life’
Sir,IFS….
sipai sikul a lut tur na na na 😛
August 3rd, 2011 at 11:06 pm
Bengvarthlak thin e.
August 3rd, 2011 at 11:49 pm
Begvar thlak hle my…mhs kei cu sipai lam h cu k hni teh ciam lo ni e…sipai officer ho thupe tu lam h nom hmel jok….akekekek
August 3rd, 2011 at 11:50 pm
Kei pawh sipai tan chak thin ka nia, mahse khi tiang teh hrepa fate pawl 6 vel atanga dah bo chu ka duh miah lo. Sum kan nei hram hram thei anih chuan pawl 12 zawh ah NDA atang in lut ta mai se ka duh sak zawk ang.
August 3rd, 2011 at 11:57 pm
1978 bawr vel khan Imphalah khan a awm a ka hmel hriat fa te an kal a kal ve turin min duh khawp tihngaihna ka hre ta lo. kal ve ka duh hle a .
August 4th, 2011 at 2:31 am
Pluto # 11– Liana nilovin laldingzuala zawk ani e. Tunah Captain ni in Punjab ah a awm mek.
Internet hman uar hma khan, RIMC awm laiin lehkha in thawn ve zak zak zel – Nuam ve mai mai (Y)
August 4th, 2011 at 6:24 am
Literature lama thawh hlawk, mi lungleng tak tak Mizoten kan neih hlawm hi sipaia tang tawh an lo ni duh tlangpui. Ral dovin chhuak mah se, chumi kara Romance an lo pai veng veng kha thu ngaihnawm leh hlu takah an chantir thiam bik tlat zu nia!
Lo lama nula leh tlangval inlawm tawnte romance hi ngaihnawm ve hle thin bawk mah se. Ral do, hnehna chang, mahni vangkhuaa an han lawi lut meuh thin hi chu … a boruak a namai lo ngai lo.
August 4th, 2011 at 6:34 am
Ozima : A theih alawm, Sainik School zir chhuak Forces-a kal a ni vek chuang lo. Kan ramah pawh hian Pu Ngurbiaka, Joint Director, Art & Culture Department. Pu Lalthara (L), s/o Buangi Sailo — Contractor. Doctor Lalduhawma. Jessy Lalhmachhuana, Bank Manager.
Colonel G. K. Rai, Maubawk etc.-te , Capt Rinliana … etc 1970’s hun laia Sainik School boys-ho sipaia tang zui an awm ve thliah thluah bawk.
August 4th, 2011 at 7:03 am
Class 12 zawh hnu hian NDA exam chu mandatory ani, bond pawh sign vek ani,mahse pass miau loh chuan sipai lama kal zel tur ani chuang lo.
Fee hi kum 1 atan Rs. 1 Lakh leh tlem ani, scholarship hmuh chuan sawrkarin 75% a tum a, a bak 25% chu parents te tum tur ani ve thung. Sipai school ngang ani a, uniform ilo sum sen na erawh a tlem lem lo khawp.
August 4th, 2011 at 10:18 am
Bengvarthlak leh pek thin teh e(Y)
August 4th, 2011 at 2:17 pm
Mipa tan chauh nge hmeichhe tan pawh a luh theih aw??
August 4th, 2011 at 2:55 pm
nda chu ka exam ve tawh. Uluk taka inbuatsaiha exam thatleh ka chak khawp mai
August 4th, 2011 at 6:17 pm
@22 Mipa tan chauh niin ka hria