Lal lungawi kum leh a lo kal nghâka nung si,nun kawkalh hringnun mawlh hi ka hua.Fak tlak chauh fakin,a awlsam chinchiah ah kan nung a.Lansarh a harna kan hnuchhawn leh si-nun kawkalh chu a ni chiang a ni.
I sunday incheina man to,i pheikhawk,puan,perfume, kawr leh adt. nêna i nun lem thup bo tuma Biak In ropui i pan lai khân,min hmu lo der a,min nuihsawh a ni lawm ni?Kan rilru a nâ in hreawm kan ti a,kan rûm a ni.I mi nuihsawh aimah in kan nuihsawh che tih hre rawh.Keini chuan tuilai rap a nun hman ai chuan kan lum law law zawk a ni.I duhthlanna in kan hliamte tuam dam turin kan lamah vawikhat pawh i lo pén ngai em ni?Fanghmir hliam tuam dam tur chuan mihring chu kan lian lutuk a,fanghmir bawk an tha.Keini ruihhlo ngaia tah hla rem a rumte hian,van Angel-te tanpuina leh puihna kan dawng dawn lova,nangmah kha i tha ber.Biak In chhûnga i thut lai khân nang leh i chhungte tân i dila,kan tân i ka i ang ve ngai si lo.
Mi tute emaw thil a bo in,hming i lam hmasak ber chu keini kan ni a.Induhsak leh enkawl kan ngaihin min kân leh lawi si.I kawmkara kan thu ringawt pawh min hnar a ni lawm ni?I inlengah phei chuan engtan mah min ti lova,i ui vulh pawn min seh se pawi i ti lo tih kan chiang asin.
I thawmhnaw man to min hak tir ve la,i pheikhawk min bun tirin,i perfume leh powder ten min chulhin min enkawl la chuan,inchhira Biak In thleng phak pakhat tal chu kan awm ang maw le.I computer hmaa thu a uluk êm êm a i thlir leh i duat ang khân,min thlirin min tuaihnûm la chuan-i khabe hmula luang zawih zawihin Van malsawmna an thih che kan ring tlat a ni.
I suangtuahna uire thup bo tum a Biak In a i kal angin,kan nun tuihalna thup bo ve tum in heng thil hi kan ti ve mai a ni.Kan sual vang leh kan duh vang reng a ni bik vek lo,kan tuihal vang a ni zawk.I ngaihtuahna tenawm leh bawlhhlawh hlip thla in kan tân Kross-ah tuar ngam rawh.Keini ruihhlo nghawngkawla tâng mêk te leh nun tuihalna hrang hrang nei ten, i nâk atanga thisen luangin min tihdam ngei kan ring tlat asin.
TKP,KTP…adt.-President leh hruaitu chauh ni lovin,ruihhlo ngaite hruaitu pawh lo ni ve ta che.Kan nun hreawm chhâwk turin kan Committee zantin dawn lawm ni?Khawmpui lian a lo awm leh ang a,hlimtaka hla i sak lai khân Pandal phênah kan thle mai mai awm si a.
Ruihhlo ngâi a ramsa ang mai a tal muat muat hi kan kham ve tawh e.Nun pangngai hmanga hmalam pan kan tum a,kan sual rit tak phurhin min hnuk lêt leh thin.Dik tak chuan e,nupui pasal ka neih hma chuan mipat hmeichhiatna ka hmang lovang tia in tiam,silver ring bun ngam rai te pawh kan hre ve asin.Kan sual a chhah bik lutuk love. Mahni mai chuan kir ngaihna kan hre lova,a harsa a ni.Kir leh pawh ni ila e,kohhran leh mi zingah inkiltawih reng rengin kan nun kan hmang tho vang.Nunhlui avânga mite rin loh leh endawng kan hlawh dawn tih kan hre ve asin.
Chuvâng chûan kan nun hrethiam phak kan mamawh a,min puitu au in kan rûm mek e.
Tanpuitu kan au ve,min chhâwktu leh khaichhuaktu an awm lawm ni?Beidawnna leh inchhirna in kan khat a,kir leh ngaihna kan hre si lo.Hmangaihna nêna min tuam damtu tur kan zawng mek a ni.A tlai hma hian min chhan rawh u…
August 9th, 2011 at 12:36 pm
Chhiar ang..
August 9th, 2011 at 12:38 pm
Kan heidenrial 1st chu le
August 9th, 2011 at 12:43 pm
A va tha dap2 em! In hmuh chhuahna tham a ni.
August 9th, 2011 at 12:49 pm
Question mark, full stop leh comma dawtah khian space dah ni hlawm se aw..
‘Khitiang tak rilru pu khi ruihhlo ngaite hi an ni kher ang em le?’, te ka ti mai mai a.
A thu hrim hrim khi chuan ka lung a kuai kher mai, post tupa thu i thiam kher mai.
August 9th, 2011 at 12:59 pm
“Silver Ring” ti ngawt lo hian “Silver Ring Thing” an ti thinin ka hria, ka hriatsual loh chuan.
“Lal Lungawi Kum” tih aiah hian “Acceptable Year of the LORD,” hi “LALPA min Pawmna Kum” tih ni thei tawh se ka va han ti thin tak em! “Lungawi” tih satliah ai hian PAWMNA hi ka dah nghet zawk bawk si!
Ka chhas hmeltha tak chu ka lakah a LUNGAWI hle a; rem mawlh hek lo, a kumtluang run lumpui atan chuan min PAWM thei ta si lo!
PAWM leh LUNGAWI inthlauhzia hi!
August 9th, 2011 at 1:01 pm
Tlem lai deuh khan Assam state hi a buai thei khawp a; hel an tam em avangin sawrkar chuan sipai rorelna ang deuhin a dah hial a. Sipaiho chuan hel an mante chu an nghaisa nasa thei khawp a-tel soahte an thlak a, an taksa an hlep bawk thin a anmahni mai ni lo an chhungte thlengin an tiduhdah thin. Chu chu Human right commission chuan court-ah a khing ta a chuta Court thuchhuak chu a ropui hle sipaiho chu na takin a dem a.
‘Heng mite hi hruaisual/kawng bo an ni na meuh mai, tihtak-emah chuan kan naute an ni a sin'(After all, they are our boys) tiin thu a tlip a; a tuk national news paper headlines-ah a chuang kim hial awm e.
He thu hian ka rilru a hneh thin khawp mai a; Drug addict kan tihte chungah ka kuailut a, heng mite hi hruaisual/kawng bo an ni a, mahse tihtak-emah chuan kan unau, kan chipui leh kan thiante an ni-hmangaiha enkawl hi kan ba hian ka hre thin. Duhthlanna hi hruaisualsak a nih tawh chuan a fim thei ngai lo.
August 9th, 2011 at 1:17 pm
Ziak thiam fu mai.
Mahse, kan ti ve mai mai..ruih hlo ngaite rilru hi a chhe em em in ka hria. Kan tleirawl chhuah ve lai a hriat reng chu ‘engmah hi pawisak nei lo khawp a tih tur ani lo’ tih hi ani reng.
Thil tha emaw thalo emaw, engpawh hi midangte pawisakna nei miah lo a tih anih chuan a tha lo vek mai. Ruihhlo ngai te pawh hi hetiang mi hi an ni tlangpui, Nu leh pa, unaute hrehawm tur pawh pawisa lo, mahni chauh in ngaihtuahna rilru atang a lo chhuak ani. Ruih hlo mai bakah an rilru chhia kha an pianthar san angai ani.
August 9th, 2011 at 1:23 pm
Tha hle mai, a ngaihnawm bawk. Like mawlh2
August 9th, 2011 at 1:24 pm
a va han tha em.. Member hla te kan vei ve thin bawk a kan vei dan erawh adik hlel deuh thin, he paws zet chu ka sawi hlawh tak a tling ngei ang le… (Y)
August 9th, 2011 at 1:25 pm
@ Chawnghilh leh…hehe… (U) 😛
Van ziak tha reuh ve aw..
August 9th, 2011 at 1:37 pm
A tha e.
August 9th, 2011 at 1:42 pm
comma, full stop ldt. zawh chiah hian space han dah thlap thlap la, thlûkna thenkhat khi dik zân lo a awm bawkin ka hria. Good post (Y)
August 9th, 2011 at 1:58 pm
Ka tha tihzawng a ni lo, he tiang tawngkam hi ka kham.
August 9th, 2011 at 2:09 pm
Ruihhlo or adt. ngai a sim te hi awh awm tih chang ka nei thin. An mahni leh mi mithmuh ah an thil tih sual a lang sar a, an sim tur a chiang bik,an mahni pawh in an sual zia an in hria a.Pathian pawh an hmu chiang a, an mamawh zia pawh an hrechiang Pathian pawhin a hmang bik thin in ka hria. Chutihlai in mi mithmuh a mifel, sualna langsar sawi tur nei lo,tha ngawlvei tam tak kan awm ve bawk a.
August 9th, 2011 at 2:26 pm
Ni e, a theih dan ang angin i tanpui teh ang u.
August 9th, 2011 at 2:27 pm
A kalsualte kan khawngaih viau lai hian nuntluang pangngai zawhte kan diriam mai ang tih erawh ka hlau thin. ‘Tha ngawlvei’ han tih pawh hi mi reng reng nun kawng zawh fuh lo atang kawng dika hruai luh kan tum a nih chuan kan goal kha lo vuak darh mai hi a tha lo.
Ka duh dan tak chuan tha ngawl hi vei vek ila ka duh ber.
Tunlai thuhriltu tam tak hian thil reng reng an han sawihnawm hmasa a, an han thiat vek hnuah an thiah sa-an duh loh kha sawi mawm thar lehin khungluh leh tho an tum thin-a felhlel deuh chuan ka hria. Straight forward hi a awlsam ber chuan ka hria.
August 9th, 2011 at 2:30 pm
post ngaihnom hle mai….
August 9th, 2011 at 2:34 pm
ruihtheihthil ti thin zawng2 hian pathiana tuihalna tak2 hi an nei vek lo tih leh va hnaih/tih tlangnel tum hi an duh vek kher lo tih erawh hre tel i la…
August 9th, 2011 at 2:35 pm
I post chuan mi ko hle mai. (Y)
August 9th, 2011 at 2:38 pm
Space dah lohna hri i vei tel a ni, sim la space dah duhna thinlung lo nei tawh rawh!
Heti zawnga thu lak hi a tul lai a awm ve thin. Mahse kei chuan hetia in chhuahchhal zawnga intih hi ka LAWM lutuk ngai lem lo!
Kan inenfiah erawh a tulin ka hria. Kohhran rawngbawl dan hi tih dang lam hret hret a tul niin a lang. Baptist leh Presbyteriante hian Fellowship(eg TMEF) lian chak lutuk hi kan HAW hlur ringawt a; mahse kan inenfiah loh chuan kan tuar zel ang. Kawthler leh mi inchhung thleng phak rawngbawlna kan mamawh thut thut a ni.
Personal Evangilism lampang hi ngaihpawimawh a tul ka ti thin khawp mai.
August 9th, 2011 at 2:39 pm
16. I sawi dik khawp mai. Thawk khat lai phei kha chuan Van ramah misual chauh awm thei tur ang hial a sawi te pawh an awm kha. Pathian hian Misualte pawh a hmangaih vek. An in lamlet a, sim na thinlung nena amah an pan chuan a ngaidam thei reng. Misual sim lo hi a ngaidam ngai lo. Fapa tlanbo U kha, a Pa khan, “Nangte chu ka hnen a awmsa reng ini a lawm” a tih kha.
August 9th, 2011 at 2:51 pm
For the law was given by Moses, but grace and truth came by Jesus Christ(John 1;17): He laia Johana’n ‘grace’ leh ‘truth’ a tih hi lak hran chi a ni lo. Grace ringawt la vung a awm theih; mahse ‘truth’ chungchang Isua atanga zir leh nunpui hi a tel tlat a ni! A khawngaihna dawng inti viau si hian kan thelh duai ang tih ka hlau thin hle.
Mahse misualte hi ‘grace’ ringawt pawh hrilh duh kan tam lem si lo a nih hi! A hrilh duhin an tihin ka lungawi lo leh bawk si!
August 9th, 2011 at 3:35 pm
thil danga laichuan….
mak ka tihber chu Nula KHAINI hmuam hian engtin nge ngaihzawng/pasal an hmuh le, an ka rimchhiat awm awm nen, sexy lo ruah e mai…
August 9th, 2011 at 3:36 pm
chhan ta che u maw le….kei chu ka chhan thiam lo.
August 9th, 2011 at 3:49 pm
mihring kan nih chhung hi chuan buaina hi kan pumpelh dawn lo a ni e… 😉
August 9th, 2011 at 4:26 pm
Post tha tak ani, chhiar a nuam.. mahse i thil rawn sawi khi tak tak anih chuan hei hi kan sawi duh ve mai mai e..
Addict chu ka hre thiam.. I addict ve a ni mai a.. Midang hnenah “min chhanchuak ru” i tih khi a tul lo…!! Tuman an chhanchuak theilo che.. Tumah phut hek suh… I duh ah i addict a ni a.. nangmah a i chhuah angai .. Ruihlo ti lova awm i duh chuan nangmah leh i chakna(desire) a in sual dawn a.. chu chu i hneh thei em..?? Mi in an nuihsawh che pawn i vui theilo..!! i chhungte thu awih lova, mihring pangngai nundan kalsan a ruihtheih thil a tlu lut i ni lomni? mi dangin an fuih vang te, an tanpui vang che a nghei thei i ni lo tih hi nang ngei pawn i hrechiang viau awm e..!!
Nangmah in tum la, nghei mai rawh…!! Tunah khan nghei nghal ta che.. Midang ruihthei thil tilo te sawisel a “an nun a der” tih vel khi a tullo bawk.. I compare te hi a der tal pawn biakinan kal asin..!! Biak in an kal vanga ruihtheih thil a fihlim a ni maithei asin..!!
August 9th, 2011 at 4:31 pm
@vakul. #16. ‘tha ngawl vei’ ka lo hman thindan leh ka lo hriat ve dan – sualin a bawhbehte ngaihsak lo, tha inti em em, simna tak tak nena lalpa dawhkan hnaih tur pawha sim tur em em nei a inhre lo. Sawi tur a tam… Camping,. adt. Lut turin han sawm chhin la i hre mai ang. i sawm chhuah ka ring vak lo. Ngaihthlak satliah ni lo, a chiaha inchiah tur chuan pathianthu hi mamawh an inti vak lo. Chung chu ‘tha ngawl vei’
August 9th, 2011 at 5:09 pm
@ 16 Pu Vakul ‘tha ngawlvei’ ka tih chu Kohhran leh thalai pawl a in hmang,mi te pawn mi tha leh fel ni tur a an rin. Mi mit hmuh ah chuan Pathian tih ber ang awm. Mahse a ruk a thil sual tih hreh na nei miah si lo. Tha awm ang tak a lang ho hi ania ka tih chu….Hengho ai chuan ruih theih thil vanga buai thin an nunhlui kalsan a simna dik tak nen a Pathian lam hawi thin te rawngbawlna hian min hneh zawk.
August 9th, 2011 at 8:06 pm
Ka la chhiar hman lo naa, tha hle in ka hria.. Naktukah uluk taka chhiar ka duh. Tih tur ka nei hrih tlat! (Y)
August 9th, 2011 at 8:15 pm
#27&28 tha ngawl an vei tawk lo a nih chu. Tha ngawlvei tih lo chhuahna hi hre vein ka inhria a-mihlimho thukhawchang a ni; an duhthawh luatah an beisei angin kohhran-a rawngbawltute hi an che lo va, an duh lam kawngah an kaihharh theih si loh avangin tawngkam an chher a ni. Thuhriltu tam tak sawi dan pawh a ni. Mahse tawngkama ka duh loh a ni a, ka ngaihdan ka sawi mai.
#27,28 khing in sawi khi chu tha lo ngawl vei an nih khi, tha ngawl vei tak tak chu ngamthlemna hi an pai vak lo.
August 9th, 2011 at 9:21 pm
Post tupa thu thiamna hian ka chhiar tirh chuan ka rilru a ti no hman tep. Mahse #26 no_nick comment hian min tiharh zawk mai.
(Y)