Kan sawi a, kan inhniala, ninawm khawpin chanchinbu ah pawh kan hmu a, kan inhriat ril siaka, Mizo mipuite hmun hnih ah min ti phel phawk ani he ZU KHAPNA DAN hian. Pawngsual leh tualthah te nen lo teh khin tawk lah bolo, a awm anglo deuh chu ka ti ani.
Pawngsual leh tual thah pawh a awm reng tho a, a khapna dan hi hlip mai ang u kan ti chuanglo, kan ti a. Hetiang thil in persan lutuk nena zu chungchang kan tehkhin fo ta mai leh tan chhanah kan nei tlat mai hi thil pawi tak ani.
Zu in leh tual thah leh pawngsual hi khawvel khawi ramah mah HUANG khat ah an dah loa, ang khatin an en ngai hek lo. Kan ramah ngei pawh a hremna pawh a in ang bawk lova, a in rapthlak hleih em em a, pawngsual leh tualthah sawi nep tumna pawh ani thei hial zawk ani.
Tichuan thangthar te leh mipui rilru ah pawngsual leh tualthah ngaihnep tirtu, zu in ruk ang leka ngaih tirtu pawh anih phah thei hial ani, a chhan chu a rawn sawitute hian an sawi thiam in tawngkam an thiam thin bawk sia, thenkhat te phei chu mi pawimawh tak tak leh thiamna lamah pawh sang tak tak an ni bawk nen. Zu khapna dan kan tan lutuk avang hian thil pawi tak mi rilru ah kan tuh thei zawk ani tih hriat a tha, tehkhin thu te pawh duh tui deuh ni thei thin sela.
Lui ah TUR in sangha an hrai a, kan haw em em a,khawtlangin kan dem rawn a, kan zilh bawk a,an tih leh chuan na taka hremah kan vau bawk a. Kan van fel tak em nungcha te chungah hian, kan ram huam chhunga nungcha vang tawh deuh awmte chu humhalh kan duh ta zel a, kan rilru pawh a kal dik tan ve tawh ani.
Amaherawh chu Zu kan khapa, a hlawhtling lohzia chu kan hrevek tawh a, kan hmuh hmaih lian em em mai leh thil pawi lutuk mai chu kan thalai te leh zu in lova awm theilo te hriselna in a tuar ani tih kan hre miah lo hi ani. Engtin nge? Zu kan khapa, a rukin an tawlh ru reng tho a, an thlawr ru reng tho a, an bilh ru reng tho a, an in ru reng tho a, an rawn phur haw ru reng tho a, mahse….a qualtiy a chhia a ni. Chhe tak mai ania aw ka unau Aizawla kan zu hmuh ho hi. Aruka thil tih anih avangin a chhe tawp.
Sunday ah ka u phai chhuk leh tur lengpui ah kan zuk thlah a, kan haw leh lam chu RV kawng dun tluan deuh thaw hian kawngsirah thalai zu in an in tlar chho put mai a, a hmuhnawm letling phian.
Thla laksak ka chak khawp mai a, an mahni tihmualpho tumna nilovin, zu khapna dan hlawhchham chianzia tihlan nan, mahse ngaih loh lamah an lo ngai ang tih ka hlau a, motor atang chuan kan thlir chho ta char char a, inchhunga in mek engzat tak awm ang maw zana kal engzat nge awm ang zantin a zuk in engzat nge awm ang le tih te ka ngaihtuah chho a.
Ka khawngaih ta tlat pek a! a chhan chu, excise hoin a khat tawkin an check ve renga, YMA te pawn, mahse DEMAND a sang si a, hmanlaia kan pipu ten an zu thlawr dan khan an thlawr hman lo, hlawk tur si, ruih theih tura tak tha si kha rang taka an neih nghal zung zung angai bawk sia….engtin nge an tih i rin?
Mihring tana ei in chi loh hi an telh hnem ve thawkhat ani. Entirnan Robin te, Bii an tih te,spirit te. Robin hi thawmhnaw bal ung lutuk pawh reilote chhunga chiah var fai thei ania kawchhung no lutuk han chiah ta sela…a rapthlak thlawt a ni. Vawi leh khatah lang thut lo mahsela kan hriselna in a tawrh nasat dan tur chu rapthlak tak ani.
I thenawmpa kha zu a heh em mai thi law law rawh se tiin a tui in turah tur i thlak duh miah lovang, mahse zu khapna dan i tan tlat a, theitawpa i kenkawh tlat chuan INDIRECT in TUR in mi i hrai hlum mek tih hi i pawm thei em? Anih leh a in duh chuan zu chhia te chu lo in mai mai sela i ti ami? i tih chuan engvangin nge zu khap burna hi i thlawp tlat chhan ni ta ang?
Zu inte hian sim se i tih vang ani miah lo tihna a ni phawt a, chuan i ngaihdan nghet sa i tan laklawh vang ani leh thei a, Pathian rawngbawl lova thlarau bo hmangaihna tel miah lova Kohhran rawng i bawl vang ani leh thei bawk a, Politics thil vang ani thei bawk.
I hre dik chiah. a rem dawn chuang lo, kan khap hneh dawn chuanglo, an in reng tho, dan kengkawh tute hlei hlei hian an lei tlawm thei in a thlawnin an hmu thei bik a ani mai, chuvangin kan nihna hi i pawm ngam ang u, zu chhia, hriselna atana tha lo in tir reng lo hian a hrisel pangai hi chah lut ngam ang u. chuan Piangthar dik leh dik lo pawh a hriat nge nge ang chu.
Awle, luia sangha tura hrai pawh heti taka kan hua a kan do anih chuan zawi zawia zu chhia hmanga mahni mihring pui ngei mai TUR a hrai hi tunge a mawhphurtu bul ber ni ta ang? SAWRKAR nge KOHHRAN ?
World Trade Centre an sut chhiat khan thlawhna hijack a thih puitute kha a mawhphurtu ber an nilo a khawvel ngaihven pawh an ni hek lo, Bin laden-a ani deih! rorel tu ber kha..i ngaihdan siam fel rawh le…
Similar Posts:
- MHIP hi an ngaihtuah tawi deuh em???
- Kumtling lo Pawngsualtute hremna dan hi na taka siam theih nise.
- Pu Tlanga Sangha dil turin hrai?
- Hard Disk Problem
- Pawi ti miah suh!
:-D
August 10th, 2011 at 3:02 pm
ni khawp mai
August 10th, 2011 at 3:17 pm
drugs te pawh hi thlah zalen ila inchiu dan tawk an thiam thuai mai ang, an damdawi hman a tha zawk bawk ang a, an thi har zawk ang a, pianthar theihna hun an nei tam zawk bawk ang a,.
August 10th, 2011 at 3:19 pm
Alo nih deih tak chu maw le!! 😀
August 10th, 2011 at 3:19 pm
mak pawng2 ve
August 10th, 2011 at 3:22 pm
Dan khap hlih leh hlih loh hi kan sawiho fo toh a, a nuamin a bengvarthlak thin khop mai. Kan ngaihdan theuh dik kan ti si…a dik vek, a tha vek, TAWNGKAM MAWI TAKIN sawiho/ inhnialfiam leh teh ang u le…ka ngaihdan cu nakin deuh ah le…
August 10th, 2011 at 3:42 pm
mi pangngai a ka ngaih te pawhin khi pui zu leh drug hi huang khatah a rawn dah leh tak khi.. huiha..
August 10th, 2011 at 3:46 pm
A ngai te bawk.. Zu khapna dan a hlawhtlinloh zia tih vel sawi sawi ai chuan Khap hlawhtlin tumin bei ve zawk ta che. Mizoram sorkarin Dan a siam a, zawm tum mai ila mi tha kan ni mai. Sawisel awm tawk hi chu a awm alawm Dan te chu..mahse kan sawiselna chhan kha hriat chian a pawimawh. MLTP ACT kan sawisel fo nachhan hi a Dan an kalpui dan hi a thalo kan ti nge..Zu awlsam deuha,tlawm deuh hlek zawka kan in duh vang zawk..??
Zu thatna belhchian dawl tak,mahni ngaihdan ringot nilo, han sawi tur hi ka hrelo re re kei vala hian. Thil tha tak,han fak chiam tur anih hi ka hrelo.. Thil thalo khap tum ani a,lo sawisel kual reng mai hi Vengkhat Pa Rawn kan nilo khawp ang.. Sawiselna tur a awmloh nan thawk tlang zawk ang u hmiang..
August 10th, 2011 at 3:50 pm
pathlawi virgin hi nula senior (hnute elh ri thei chin) tihpui tur lo zawng te u. 😀
deih mai a. 😛
August 10th, 2011 at 3:52 pm
Food post (Y)
August 10th, 2011 at 3:56 pm
zu ruih hi a thatna ka hre miah lo, khap (bur) erawh ka thlawp miah lo.
August 10th, 2011 at 3:57 pm
Sawi sawi mahsela ka nghei dawn chuang lo, tih hla hial te pawh an phuah a lawm le.
Zu hi a theuneu lo ber alo nih hi, kan khap hlu hlerh hlerh bawk a(h).
In sawi ho leh tak tak ang u hmiang. 😀
August 10th, 2011 at 3:58 pm
#7 @stevenG dan pawh hi afuh tawk loh chuan an siam danglam chawk ania.. MLTP Act pawh hi kan chhiatpui nasa ta mah2 ania…
August 10th, 2011 at 4:02 pm
Inzep zeuh teh ang:
‘Dan’ an tih/kan tih reng reng hi thuawih takin zâwm hmak zel mai ila….pathian thuawih/sawrkar thuawih kan ni mai…?! Thuawih lo tan chuan eng dan mai pawh hi a hnawkin a khirh tlat zel mai…?!
August 10th, 2011 at 4:10 pm
@rohlupuia chalrang #12 MLTP ACT thatlohna enge min hrilh thei em? An zawm thatloh na chiah ka hria a,a ACT a ngawr ngawr thatlohna min hrilh theih chuan ka lawm ngawt ang…
August 10th, 2011 at 4:16 pm
van hmuhnawm leh hiat hiat dawn ve aw!!lo thlir ang!
August 10th, 2011 at 4:25 pm
Ka’n inzep zeuh:
Zu thatna hi emergency deuhah chuan- khuai seh leh rulchuk damdoiah a tha a ni om e. An ti. MLTP act ning em em te hian free deuh a in an chak vang e mo ni le?
August 10th, 2011 at 4:34 pm
Full stop.
August 10th, 2011 at 4:37 pm
Zu chhe ina thi te hi an lainatawm ka ti,zu supply a tam chuan demand a tam si,zu tha in mi tam zawk a sehhlum dawn tho.ZU chhia emaw zu tha emaw pawh nise a pawi dan a in ang reng.
August 10th, 2011 at 4:38 pm
I ziak tha khawp mai. Ngaihdan mumal tak neih a har a ni he thilah hi chuan.
Hnam mawl apiangin zu an ngaina emaw ni, mimawl apiangah ‘zu’ hi a thawk na bik emaw ni??? :-[
August 10th, 2011 at 5:04 pm
I thu ziah chu mihlim rui thusawi a va ang zuah zuah ve…rilrua lo lang apiang chham chhuah nghal mawlh mawlh a ang deuh.
“a hlawhtling lohzia” tih leh “Bin laden-a ani deih!” tih vel khian a tithupui fun lo deuh bawk.
A thu ken erawh ngaihtuah chian tlak tak a ni.
August 10th, 2011 at 5:05 pm
rui/buai khawp hian in lo thei vek ila tha mai tur. khap BUR an inti chung reng hian enge maw a danglamna awm chuang le.. Local a chhe em2 a, sapzu a to em2 a. chu zawng chu.
August 10th, 2011 at 5:10 pm
Kan fapa hi thawmhnaw aha bal zel sia hak tir tawhlo mai ang tih ai chuan ha sela enkawl uluk tawh tur a hrilh hi athat zawk kava ring e.
Mahsela, An la khuahkhirh reng dawn anih tho chuan Dan kengkawh tu Sorkar hian chak zawkin hma la ngamse a kengkawh tu ber angaih Exisce leh Police te duty lai a rui an tam em mai .
Sorkar chak kan mamawh chu chu a bul ber ani kati
August 10th, 2011 at 5:15 pm
‘Mi paw’n an khapa; an hlawhtling chuang lo’
He thu hi Mizo inti fing, zu duh hle si ho hian thupuiah an neih kumkhua dawn a ni maw? Chhiatna tawpkhawk, chatuana thihna min thlen tu tur a nih hi.
Post tupa hi,kum khata zu vawikhat tal (ka tim lutuk zawk maithei) a in loh chuan ka…..ngam sak.
August 10th, 2011 at 5:23 pm
Zu leh drugs in anna te, ruih nan kan hmang ve ve a damdawi a ni ve ve bawk, a ngawl a vei theih ve2, a ngawl vei tawhten zalen takin lei theih se an ti ve2,hmaiphih nan a hmantlak loh ve2, rv ah an zuar ve2…adt.., hehe lol..
August 10th, 2011 at 5:27 pm
Inzep leh teh ang:
MLPT act hlip ta ila, kan ram leh hnam, kan khawtlang, kohhran leh mimal nun a thatphah meuh zawk ang’e maw chu…? Zu duh te avanga zu zalentir chu ka ‘chek’ hian a mil hauh lovang
August 10th, 2011 at 5:29 pm
Paws tha e (Y)
RV kawngdung tluana zu in I hmuhho kha maw, in chhunga leng lo annih kha. In tinah khan han dak lut la an lo zi mur2 mai ang. Tin, chu ai maha tam chu world bank road/ chhimphei kawngah hmuhtur an awm bawk. I sawi ang deuhin mi ram zu ang ni lo – Tur an in a ni ber e. (N)
August 10th, 2011 at 5:30 pm
Ngaihnawm hle mai, (Y)
August 10th, 2011 at 5:36 pm
Tui luang lai hi engin emaw han dal ila , a sirah leh a kua lai2ah a put ru zel a . Thil lian tham deuh hlek hian khuap ila a luanglai chu a tawp a , mahse a tling khom a tam tial2 a , a lo dal tu kha eng anga lian poh nise kha tuiluang kha a hnar lam atanga tih tawp anih loh emaw tlem te2 a luan chhuahna kawng kan siam loh chuan a lo dal tu khan a daih rei chuang lo . 😀 😀
August 10th, 2011 at 5:42 pm
Zu in a rui trin hi kei pon ka hua, mahse chu ai mah a ka huat zawk le poimawh zawk chu corruption hi a ni, zu YMA in kan do a, CORRUPTION kan do ngamlo tlat kha mak ka ti, Kristian ram 100 a 100 kristian om na inti ngam ngat kan ni si a.
August 10th, 2011 at 5:43 pm
YMA kumpuan KHAWTLANG NUN SIAMTHAT a ni a,zu tha demand te chu a inperhsan lutuk.Lu hai chuai chuai thin ho hi alawm Setana’n a zuam,sualna a pung a,kan ram hi Paradise-ah kan siam thei lo,khawtlanga sualna te erawh chu kan do tlang tur a ni.Thiltum a awm a,chu pawh tha tak a ni.He mi achieve tur hian tan em em a ngai a ni.
August 10th, 2011 at 5:44 pm
Zu hi kan sawi teh fo va, khap leh khap loh ni lo hian a tangkaina rawn sawi teh u tihna lam pawh ni lo in, zu hrim hrim hi i khel ve tawh ang u. Khap/ khap loh tih ringawt hi chu a ninawm tawh ka ti kei chu 😛
Entirnan, kum enge maw ti chen chu zu hi ka in ngai lem lo a. Kha tih chhung zawng khan zu khap hi ka duh hauh si lo va. Kum hnih lai chu hei premium beer hi ka in ta zeuh zeuh va. Sipai ka ni a, ka quota pawh hi dan ang thlapin ka la thei na a, tun thlengin ka la la chhuak ngai hauh thung lo a. Khap a ni miau a, ka in loh tur kha midang pek kha sual ta riau a ngaihna hi ka nei ve deuh roh va. Zu a kha a sual e ka tihna ni lo in, sawrkar phal loh han khilai vel kha sual a nih tak tlat avangin man to tak takin an lei tih hre reng mah i la, ka pe ngam thak si lo. Sual a ni dawn si.
Chutih laiin thil tha tam tak, dan leh thupek awmsa paltlang ngaiah erawh thil tha ka ti lo fo thung si a. Sual a ni leh daih thei tho si. Tih harh deuh chu ka ngaiin ka inhria…. han sawi awm ve teh u 😀
August 10th, 2011 at 5:59 pm
Pu Vaiva chu mi inthlahrung thei tak i nih chu aaa …
ZU hi
1.sawrkar tan chuan KHAPLOH a tha (sum hnar tha tak ani)
2.Kohhran tan chuan DO ngei2 a tha ( Bible pon a thatlohna a sawi hnem)
3.Khawtlang tan pawn KHAP hi a tha (veng chhung a ti tawp)
4.Chhungkaw tan pawn KHAP hi a tha (Nupa inkar tan a him)
5.Mimal tan chuan …. KA SAWI THEILO
August 10th, 2011 at 6:00 pm
Ka chhiar chhuak hman lo nang a, i tan dan deih deih chu
ka hne ka kham,. a tul hunah chuan an khap lo mai ang.
Tur tih kual vel a ngai lo-zu tha pawh tur a ni tho. engkim hi uchuak chu tur vek-tur vek-.
zu—–ad nauseam again…..khap hi ka duh bur lo khap loh kan duh chhan hi in teuh kan duh vang a ni a,chu chu ka duh lo thung.
August 10th, 2011 at 6:39 pm
Hmanlai zu in te kha chu an biang a puam a,an mawng a dep thin. Tunlai zu in ve thung chu an biang a puam hman lova an mawng pawh a dep hman hek lo….pumna, thawhah vangin an thi thut zel…ngaihtuah a ngai e.
August 10th, 2011 at 6:45 pm
Zukhap na dan hi kan khel rei tawh a, a that na leh that loh na pawh kan sawi tam tawh. Mahse, hetia Misual a kan tha hnem ngaihna te kan thawh khawm hi thu nei tute lam hian chhiarna chang an hre ve angem? Anih loh chuan Zukhapna dan kan hlip duh tak tak anih chuan KAWNGZAWH MAI ANG U.. Thawm kan neih na na na chuan hma kan sawn deuh lo maw???
August 10th, 2011 at 7:00 pm
A post tupa thlir dan hi a tha angreng khopin ka hria,dan phalloh anih chuan tih loh hi ahim bera.Amaherawchu in sawi ang khian khap hlohtling tak2 theih anih hmel loh avang hian zu in thinte tan hian zu chhia an in thoa zu tha i in tirve ang u an hriselna tan a rhat rei deuh theih nan ati ber in ka hria..Zu in mite angaihtuah in a care thiam2 em2 a ..chuvang chuan zu tuman in toh miah suh u han ti deih mai ila.. 😛
August 10th, 2011 at 7:02 pm
Tak2 post tha tak ani e..hrisel rei thei leh that rei theih dan chu mi zong2 te ngaihruah tur ani tlat alom.. (Y) (Y) (Y)
August 10th, 2011 at 7:03 pm
Mi thahnem ngai ten huaisen taka khap burna dan that lohna an sawi chhuah apianga an puhna chu tlawm taka lei duh vang, zalen taka zu in chak vang, tih te ani thin. kan puh chhe mah2 thin. Delhi ah ka awm tawh a, Bangalore ah nen, Mumbai ah thla2 vel lek ka awm ve tawh bawk a, kolkata khu chu kan kawtchhuah ania ka hre bel ve khawp mai….Mizoram aizawl tluka zu in zalen na leh zu ( Chhia ) tamna ka hmu lo. a induh tan duh hun2 ah lei tur a awm, R.v kawng, World bank road, hangi lunglen tlang, zokhawsang, berawtlang ah leh hmun kilkhawr remchang laiah an in luih2 reng…New capital complex ka la sawi tel lo. a zalen thawkhat ani lawm ni?vai ramah chuan mahni inchhungah kan in thin, pub/club/bar ani leh mai
August 10th, 2011 at 7:10 pm
be carefull what you wish for, you might get it.
August 10th, 2011 at 7:12 pm
Hei aia zu in mi te zalenna hi a awm leh thei ngai dawn em mi?zu an khap hlawhtling lova, a rui an veng hneh lo bawka, zu tha pangai mihring in chi dan anga lakluh chiah an khap hlawhtling ka ti ve thlawt a ni.
August 10th, 2011 at 7:17 pm
MLTP ACT hman that loh na pakhat chauh: ZU LEH A KAIHHNAWIH THIL AVANGIN MIZORAM SUM/PAWISA KAN LEIHBUAIN KAN HALRAL HNEM TAWH LUTUK, ZU A TLEM PHAH DER SILO.
August 10th, 2011 at 7:27 pm
a dik khawp mai,a zu ngawr2 lam thlir lo pawn, mizoram sum chu a luanral hnem tir khawp mai (Y)
August 10th, 2011 at 7:29 pm
Hahahahahah mi awm mai mai indo vei anih kha.
Zu kal pawh kal thei hleilo awm mai mai indo a.A do ley ve chiah che u a chhe deuhin a insiam a in thi zung zung mai anih kha.
Ka hmel hriat pakhat kum 94 mi ka zu in pui zeuh zeuh chuan kum ka tlin atangin zu hi ka in regu a ka hrisel phah zuk ti mauh a mawle.
August 10th, 2011 at 8:08 pm
#43,hmingtea, i hmel hriat pa chu kum a tlin atang a a in chuan kum 94 vel zû a in tawh tih na ni maw…senior theng thawng ve le,hehehe
August 10th, 2011 at 8:14 pm
I thuziak hi a hruithlun phelh an tih ang chi a nih hi a..i sawi thla par par mai. Tute emaw nen in inhnial anga i lo ziak a ni lo maw?
I thu keuh tluk dan erawh a awmzia viau.Kohhran hi a bul chu ni teh meuh mai; mahse puhchhiat viau tur erawh a ni lem LOin ka hria! Mawi hnai taka dawr chi a ni in ka hria, kei ngei pawh hi ka fimkhur lo leh thin.
August 10th, 2011 at 9:32 pm
An khap hianin a in chuan intur an hmu zel tho si a,han khaplo se zu alo that deuh phah te anih chuan a pawi vak dawn ami aw ka ti,mahse ka thu ve lo em mai a,,,,,
A tui loh teh reng nen hianin nghei mai nilo a,sim hmak chi mawle.
Tak2in Zu te,Ruihtheih thil dang tih vel hi chu thalai tih tur neilo lutuk hian anti nasain an hmang sual tlangpui ni ber in ka hria.
August 10th, 2011 at 9:49 pm
zu khap bur ka duh lo ka tih hian ‘zalen taka in i duh vang.. adt’ min ti fova.. Keini state aia zu in leh zuar zalenna state hi a awm chuang amaw ni le.. Melriat, RV, Tuirial adt. (zu khap bur chung hian) a hre deuh khan han sawi teh u. Phai ka awm ve lai kha a rei deuh tawh a. Zoramah zu rui leh zuar an zalen ber, chhiah an chawi bawk si lo. A chhe ber a, a to ber ringawt (in khap bur lai ngei hian)
August 10th, 2011 at 9:49 pm
#36 zodaifim (Y)
Post_tu_pa sawi ang hian a in thinte hma-ngaih vangin zu hi han thlah zalen lehzual ta ila a tha tak tak a ngem le? Tuna la in ngai lo zingah hian engzat takin rawn in phah ang maw! A consequence tur han ngaihtuah kual hian a hlawhtlin loh ang ang hian, a hlawhtlin leh zual theihnan, la khap zel hi kan ram tan hian a tha ka la ti fan e.
August 10th, 2011 at 10:12 pm
zu in lo rui leh ta e law?
August 10th, 2011 at 10:37 pm
hmana central YMA in question air an siam kha in la sia em?zu khapna dan tha ti leh tilo option tick tur a siam kha,khatah kha chuan ka la hawi zim khawp mai a, tha ti lamah khan ka tick chiang khawp mai, se he dan hnuaia mizo theuh2 an in khuangrual lo ka hmuh hian fair ka ti thei lo ani. a dan kengkawh tutur ho lah in lo aram awm c lo….a dan tal hi siamtha rawh se. zu zuar supply tur changa hlawh nei miah lova tlaivar ve tawh thin ka nia, se milian leh thil ti thei in duhtawkin an lalut tih ka hmuh atang khan ka in let hlauh ;-(
August 10th, 2011 at 11:12 pm
phek thar hi lawm takin ka hawng e.
August 11th, 2011 at 9:55 am
Zu in lo mi fel em em mai, zu haw tlat mai. Midangte dinhmun dawn pha/duh miah lo. A zavaia chhutin kan thatpui nge chhiatpui tih ngaihtuah duh miah lo. Medieval hunlai ang deuhva Kohhran pawng apuia tan hlur (midang tam tak, a hnuaihnung leh chenbeh zawk te’n an tawrh tlawk tlawkna)leh sualna hi a khap a khap bo tur ani tih rilru pu chu ni ve ila chuan Zu khap hi ka tan bur ang. Mahse chumi chu ka nih loh avangin Rilru ngaihtuahna tam tak ka lo nei thei ta. Bible khan sualna hi khap turin min zirtirin ka hre hran lo, mahni chhia leh tha hriatna a thlang lo turin leh midangte zirtir turin min hrilh ni hian ka hria.
Zu hi khap lo ta ila, in lo mite chu an danglam phah dawn chuang a mi? A in mi te tan erawh tlemin an senso a tlem anga, an lo dam rei deuh anga. Tin, commodity pakhat ang chauhin (Cigarette, tobacco product dangte) ang ve maiin, economy ah a revenue a kal kual tir ve mai dawn ani.
August 11th, 2011 at 11:19 am
@stevenG.. MLTP Act vang awmchhung chu 5*Hotel kan neitheilo.. zu khapna dan vangin zu-tha kan hmu phalo kan ramah. zu-chhia ah an tuan, zu-chhe in avanga thi an awmphah nia mawle..
August 11th, 2011 at 12:42 pm
lawngtlai, saiha velah sawn Rv zu a tam nia. Hmanni pn hrangchalkawn ah local an man teuh kha.
August 11th, 2011 at 1:52 pm
MLTP Act. Hi la hmangta lo inla, Zu thihpui hi an tam zawk ang. Zu hmun, zu zuar in a chenchilh tlat pawisa neih loh pawha ba thei chin, chaw, thlah thak thak ho tam tak kha he dan hian a chhan chhuaka lawmna chang pawh an hre lo.
MLTP Act. hi Hlip mahla, tura i hrai lohna chhan tur a awm lo. In hrai tam ting ang a, i hrai hlum hnem ting a ni mai. Zu inmi hi khawvel ah hian an bo dawnlova, an awm ve reng dawng tih hi tlang hriat a ni.
Kan pi leh pu te khan zu an thlawr ngai lo. An sawr…
August 11th, 2011 at 2:00 pm
#52 chu thlir kual thui a intih hmel hle mai a.
A in ve lote chep zia kha ngaihtuah ve tho a ngai a ni. Zurui zalen viau lo se tuman zu khap kher an duh nang, zu kha a zalen thin em a lawm.khap pawn heti hi a nia.
August 11th, 2011 at 2:01 pm
A kal ngai hian a nih leh ka kal tir leh rih mai dawn e, khap duh an la awm ve bawk si. Bakah zu zuar la hausa ve hman lo hoin fair an ti lo palh ang. LoL
August 11th, 2011 at 2:30 pm
Kan Society hi i her danglambawih a nih loh chuan lo la hlip lo mai teh.
A reng reng thuin rangvamuala zuin te avang lo zam ve viau mai. Rangvamual awmna pawh hrelo, a hming chauh hria tam tak an awm ve tho. Advirtisment in chhuah sak a ni ringawt a lawm. Zuin chintawk hrelo tam tak kha an sum neihin tlin hek lo, an in tlem phah a, an thau mum kung kung zawk a nih hi. Chutihlai lai chuan mitlaw zu in, doctor ten sim tura an tih tam tak an awmlaiin, a chawh eraw tlem te.
August 11th, 2011 at 6:29 pm
He inhnialna tawp thei lo thil hi, a sawi a sawi fel chi anilo in ka hria, kum10 khap chhin ila a hlawhtlin thlawt loh chuan kum10 chhung hlip leh ta ila a chiang ber ang, khawnge effective zawk tih te chu. tunah hian kum engzat nge kan khap tak le…?
August 11th, 2011 at 6:35 pm
society chungchang khi ka chhang chak tlat….kan Mizo society i tih chu enge niang aw….
a danglam tawh zia ila hmu velo anih chuan ka khawngaih ngawt mai che…society hi chu ram achangkan ang zelin a danglam zel thin…
August 11th, 2011 at 6:48 pm
59 chahbi@ ka hriatsual loh chuan kum 14 kan khap tawh.
August 11th, 2011 at 7:04 pm
KUM 20 a tling tep tawh tihna nia…kum 20 ah pawh heti khawpa ala hlawhchham chuan kum20 chhung hlip ve chhin sela… A NIH LOH VEK PAWN KAN HLIP PHAL LOVA, A HLAWHTLIN KAN DUH BAWK SI ANIH CHUAN, HE TOTAL PROHIBITION DAN KENGKAWH TUR HIAN ZU IN NGAILO SPECIAL POLICE FORCE LA SELA, TUNA EXCISE HO TE, KAN POLICE HO TE AI HIAN THU NEI BAWK SELA. ti chuan a ziaawm mahna…(an la dawn silova…beidawn thlak raih raih thin teh e…)
August 11th, 2011 at 7:20 pm
62 @
August 11th, 2011 at 8:07 pm
60 chabi@ danglam tawh zia hi ka hmu e, MLTP Act kan hman hma ai chuan kan hman hnuah kan nunzia pawh danglam chak khawp mai. Sawrkar sikul a rem a, man chawi ngai, private sikul an muk tual tual a ni hi. Fa te sikul fee ai a, zu mana hmang liam mai mai an tlem ta tihna a ni.
Tunah puipuina, khawharin ah te zurim nam vung vunga kal zahthlak an tih tawh lai hian, a hreh lo pawl, tlar hnunglama meizial pakkhu vut vut duh mai pawl i nih duh hmel.
August 11th, 2011 at 10:09 pm
i risk huai hmel pap2 hle mai,i thinrim chu ni em loang chu maw….ka pawm hlawl lo i thusawi khi. kan changkan tawh vang zawk ani e.hman ai khan zu in an tam tawh zawk, chuan Pathian hmingin ka sawi e, meizial ka zu ngailo. thil dang phei chu sawilo zawk mai teh ang…
August 11th, 2011 at 10:15 pm
Sahdah hi an khap emaw khap lo emaw, ka hmuam duh map lo. Zu pawh hi khap lo mahse ka in chuang lo ang. A duh chuan in se pawi pawh ka ti chuang bawk lo, khap leh khap loh hian min tibuai ve lo ani ber mai.
August 12th, 2011 at 3:33 am
A pawng atakin a changkan ngawt theih loh. Kan hnam kan ram minrapbettu zu laka rual u zawk ten fimkhur tak minlo kalpui hi kan vanneih pui a ni mai zawklo maw? Ka thian. Mipa BA pass ai a hmeichhe pass an tam zawklai te khan kan ram hmangaihtu kha an mangang thin teh a sin.
Sex leh zu, HIV/AIDS leh kan Society hi lo zir chiang ve teh.