“Hmelchhia” min ti ti chu in daw duai;
“Hmeltha” min titu chuan hmeltha a hre lo!
“Thinchhia” min ti ti chu in daw duai;
“Zaidam” min titu chuan min hre thelh!
“Chapo” min ti ti chu in daw duai;
“Inngaitlawm” min titu chuan min pawi fak!
“Tawng thei” min ti ti chu in daw duai;
“Ngawichawi” min titu chuan min hrechiang lo!
“Mawl” min ti ti chu in daw duai;
“Fing” min titu chuan min bawl!
“Depde” min ti ti chu in daw duai;
“Dik” min titu chuan min fak der!
“Mi hlauhawm” min ti ti chu in daw duai;
“Mi nelawm” min titu chuan min la belchiang tawk lo!
“Khawvel mi” min ti ti chu in daw duai;
“Pathian mi” min titu chuan dawt a sawi!
Khiti tehnuaih khi ka ni a, ka chiang lo! Miten a chhe zawnga min hmuhin, ka nihnaa pawm phal lovin ka inhmu tha chawp a — chu ka inhmuh that chawpna ngei chu, ka nihnaah ka pawm ngam leh hlei lo a! A tha zawnga min hmuhin, lawm tak chuanga ring ngam lovin ka inhmu chhe leh hlauh thung a — chu pawh chu ka nihnaah ka pawm phal leh chuang lo a! Vawiin thleng hian hmelchhia nge ka nih, hmeltha? Thinchhia nge ka nih, zaidam? Mi mawl nge ka nih, mi fing? Pa hlauhawm nge ka nih, pa nelawm? Tawng thei zet nge ka nih, ngawichawi deuh… tih hi, zu inhre thei miah lo i’a!!
E… Hei erawh ka chiang! Mihring tupawh mai hian ze chi 2 — “ze tha” leh “ze chhia” kan nei vek a. A tha lam aia a chhe lamin kan nuna rorelna a chan apiangin, miten min hmu chhe thin a; ze tha lam a chet chhuah apiangin miten min hmu tha thin a lo ni. Chuti a nih si chuan, Khawvel hmaa kan hmai timàwktu leh mi fel – mi suala min chhuahtu chu tudang ni lovin, min èrtu leh thenawm khawvengte ni hek lovin, keimahnia awm – kan ze chhe zar zel vang a lo ni.
Chutiang zelin…
Mi rinawm ni thei, rinawm lova min siamtu -
Pa zaidam ni thei, thinchhiaa min siamtu -
Mi inngaitlawm ni thei, chapo taka min siamtu -
Mi fing ni thei, mawl taka min siamtu -
Pathian mi ni thei, khawvel mi-a min siamtu chu -
Liana emaw, Mawii emaw ni lovin keimah ngei hi ka lo ni tih ka chiang!
Lairil a fan ngawih ngawih e. Ni e...
Mite...
August 12th, 2011 at 2:07 pm
I chiang lo..1 ch1ang
Report this comment
August 12th, 2011 at 2:11 pm
Chiang thin tur asin mawle
Report this comment
August 12th, 2011 at 2:18 pm
Ka rin aiin a tha daih mai.
Mihring nature tarlanna tha tak a ni tih ‘ka chiang e’.
Report this comment
August 12th, 2011 at 2:20 pm
kei pawh ka chiang
Report this comment
August 12th, 2011 at 2:38 pm
Tha hle mai.
Report this comment
August 12th, 2011 at 2:50 pm
Ngaihtuah zui peih te tan….. a tha viau zel mai Pu Hawkte-a nge nge hairehai
Report this comment
August 12th, 2011 at 2:55 pm
Thuziak i thiam titu chu an daw duai,
Thuziak i thiamlo titu chuan i thiamna an hmuthiam lo.
^– Deuh teh nuaih a..
Report this comment
August 12th, 2011 at 2:56 pm
Pulpit-ah sermon pui hial tham a ni ka ti!! A va tha em!
Report this comment
August 12th, 2011 at 3:06 pm
I chiang lo tih chu i chiang fu bawk sia
Report this comment
August 12th, 2011 at 3:17 pm
“Vapual” min ti ti chu in daw duai;
“Kawlhawk” min titu chuan min hre fuh! …………. tih te mai hi ka lo contri ve ang che.
Report this comment
August 12th, 2011 at 3:20 pm
A tha hle mai, i rawn sawi chhuak thiam lutuk tlat. Kan mize tha zawk hi a kawng engkim ah kan lantir theilo a nih poh in, a tam zok ah hian lantir tum ila, kan nun ho na a nuam a ni mai si a, chawi awmlo, hlawkna zawk zel a ni a sin..
Report this comment
August 12th, 2011 at 3:28 pm
ka fak dawn che a “min bâwl” i tih ka hlau bawk sia… I van ziak…….. em em ti mai teh ang …
Report this comment
August 12th, 2011 at 3:30 pm
nia, chiang lo ngam hi an chiang tlangpui.. Tlar 2 na zel khi ‘word’ ngai hmang nawn lovin a dang zel han ngaihtuah chhuak peih la, a mawi leh zual ngei ang.
Report this comment
August 12th, 2011 at 3:32 pm
A dik hmel e.
Report this comment
August 12th, 2011 at 3:33 pm
Mihring theuh theuh ngaihnatuahna hi kan inhman tam hleih teh e. A tam zawkin kan tawn vek, heti tak mai han sawichhuah thiam tak bik mai chu(h).. Nalh kual mawi khawp mai.
Report this comment
August 12th, 2011 at 4:02 pm
Kawlhawka a ni. A va tha kher ve ! Nia, keimahni-ah hian Dr jekyll and mr. Hyde hi a awm vek mai
Report this comment
August 12th, 2011 at 4:08 pm
dik em le o
Report this comment
August 12th, 2011 at 4:36 pm
dik tawh em
Report this comment
August 12th, 2011 at 4:40 pm
Hmanni zanah kan inkawm em.. ka chiang, ka chiang lo
Report this comment
August 12th, 2011 at 4:46 pm
Marcos hian enge a rawn test chu aw…?
Bad, kawm lo
Report this comment
August 12th, 2011 at 4:55 pm
lol, pu kawl, nia marcos khan engemaw tak chu rawn test a ni ngei ang!!
i thuziak hi dik lutuk. Hla ah pawh ‘i am my own worst enemy’ te an lo tih bawk kha maw. mahni ah hian a innghat thui khawp mai…mahse kawppui neitawh ah chuan 100% chu ni lo chiang tih ka hria. Nupui/pasal te hian min lo influence nasa thei khawp mai. Ka trona leilung a zir a ni thei tlat…kan nupui/pasal te kha leitha leh leichhia an nih dan a zirin, kan nungchang a danglam thei hle.
Report this comment
August 12th, 2011 at 5:01 pm
Pi bm, Marcos khi keimah angin a chiang lo a, a chiang ve leh mai ang
I komen ngaihnawm/dik/tha lutuk!
Report this comment
August 12th, 2011 at 6:18 pm
funny pawh hi tlangval fel leh zaidam em2 a nia, a ze 1 zawk a chhuah apiang hian tlangval sual leh thinchhia a ni mai pawh a! Tu va tihsual mah a ni lo ve, amaha awm hnathawh a ni zawk. <>
Report this comment
August 12th, 2011 at 6:21 pm
ngamtlak fiamthu
Report this comment
August 12th, 2011 at 6:28 pm
kawlhawk#23: hahaha.
I ziah dan style khi a creative in chhiar ati nuam khawpmai. A thu ken a tha tho sia. Sermon ang maiin han ziak hluai la chu, chhiar ti peihawmloh tham rawk ani awm sia.
Report this comment
August 12th, 2011 at 6:37 pm
#25 funny,
HVa pawh hi silai kah thiam, kungfu thiama a chhuah takna chhan chu : a ze dawi zawk paihthlaa a ze rorum zawk a len vang
Report this comment
August 12th, 2011 at 6:40 pm
Hui ham….. ka chiang lo lutuk a. ka chiang ta avarter hi lom. lol. :lol:
Report this comment
August 12th, 2011 at 6:46 pm
Kei chu chhiar hahthlak ka ti. Lo chiang tawh rawh
Report this comment
August 12th, 2011 at 6:52 pm
That ka tum ve leh hian ka sual leh thin, mahse that tum hi tum loh ai chuan a tha zawk ang. A…ka chiang lo!
Report this comment
August 12th, 2011 at 7:02 pm
Tawngkam thiam lo zawk zawk chu i nih loh loh hi.
Pu kawla zet chu.
Report this comment
August 12th, 2011 at 7:03 pm
Chiang lo em anih tak khi ti dawn ila chiang viau bawk sia…..hehe. Tha thin khawp mai..like e
Report this comment
August 12th, 2011 at 7:21 pm
kawlhawk: ka facebook wall kha han en teh, zanin chu party ka phu ve riau in ka hria ka’n ti deuh hluai teh ang.
Report this comment
August 12th, 2011 at 7:24 pm
A va tha ve . .
.A dik khawp mai . kan mize chhe zawk hi a lang chhuak duh zawk lehnghal a .
Report this comment
August 12th, 2011 at 7:44 pm
Kei chu Pu kawla hian thuziak a thiam tih hi ka chiang.
Report this comment
August 12th, 2011 at 7:57 pm
Hmel hriat loh in lo va tam toh ve…hehe…Ku Shaia iangin ka online tha a tho lo lutuk-a tunlai chu. Ka lo dak zawk mai mai
Report this comment
August 12th, 2011 at 8:10 pm
Hetiang thu ngaihtuah chhuaktu thluak hi ka va duh tak em! Thu tha tak, chhawp chhuak tura tawktarh mi hip tak, subject related ni bawk si han pharh thiam hi mihring an tam lo teh a nia.
Mahni meuh hi chu sual kan inti ngai lo, tha nia kan inhriat laiin kan that lohna hmuchiangtu kan ni bawk si. Kan ze tha lam lanchhuah tamtira, ze chhe zawk up bet thiamte hi mi zahawm an lo ni mai thin a nih hi.
@BMW, KFC chi dang kan din leh mai dawn em niang?
Report this comment
August 12th, 2011 at 8:24 pm
Kawlhawktea ziah anih ka ring reng ah!
Chiang lo ruaiin ka ron comment ve e
Report this comment
August 12th, 2011 at 8:41 pm
Wow! Kum eng emaw zat hnuah hotunu – miss Irre a rawn lang nawlh mai, ka post-ah lehnghal… ka va lawm em! I thi emaw kan ti hman alawm le…
Pu muantea’n duhtawka min han fak tak2 hi chuan, duli chauh nei hi kan inhmu lian fu zel
Report this comment
August 12th, 2011 at 8:43 pm
Kawla chu I chianglo hle tak mai a.
Report this comment
August 12th, 2011 at 10:06 pm
Post of the Month a puan mai chi
Report this comment
August 12th, 2011 at 11:07 pm
Awi ka rei, Irre a rawn lang hlawl mai! nuam leh dawn tran e!
@muante, kan big boss phatsan turin min lo thlem suh. lolzzz Rulin Evi a thlem vel ang mai mai khan ka easy ve lo nia aw!! KFC 4evah
Report this comment
August 12th, 2011 at 11:13 pm
Comment pe tlak ka ni nge ni lo ka va inhrechiang mai lo e aw. Hairehai
Excellent post.
Report this comment
August 12th, 2011 at 11:18 pm
#37 irre chu van ti lawmawm tak ve awww… i reh rei lutuk hi kan theihnghilh trep che alawm… Kawltea post chu… ka fak peih tawh lo… min bawl ati leh pek ang… engpawh ni se, mahni inbih chian hi a tul hle reng ani e….
Report this comment
August 12th, 2011 at 11:21 pm
save keuh
Report this comment
August 12th, 2011 at 11:47 pm
Dr.Jekyl & Mr.Hide!
Report this comment
August 13th, 2011 at 12:18 am
Ziak tha phian mai. Keimah hi chu ka inhre chiang thawkhat viau a, mi min ngaihdan tur pawh hi ka ngaihruat sual tam pui lovin ka ring. Pathian mithmuhah hian hawisan tlak lek ka ni ang tih chu ka hlau deuh thrin.
Report this comment
August 13th, 2011 at 5:20 am
Ziak tha kher mai. Mahni ngaihtuahna leh rilrua awmte ziak chhuak thiam bik riau zinga pakhat i ni. I thuziak atangte hian inzirna tur leh inenletna tur ka va’n lo ngah thin tak em.
A last para khi ka duh lutuk. Kawng engkimah hian “mahni” hi kan lo va pawimawh tak em.
Report this comment
August 13th, 2011 at 5:59 am
Vana pa leh Pawngvina min hriatchhuah tir,ze tha hi kan tum phawt chuan kan chhuah thei tih hi ka chiang a ni.Ze tha lo hi pawh phawi zel a,ze tha apiang enkawl hi a tul a ni.Ka ngaihtuahna a tithui hle mai.
Report this comment
December 8th, 2011 at 1:38 pm
book chiang mai hotel…
[...]Ka chiang lo!… Ka chiang! | mi(sual).com[...]…
Report this comment