A Nih Duh Hmel – I | mi(sual).com

A Nih Duh Hmel – I

August 15th, 2011 12:02 am by vakul

1.1.1. Patlingpui, khawkhat parawn leh zir sang fute pawh hian hoh rukna riau an nei. Vantlang zuninah hian saidawium ruak emaw a khat lo deuh emaw lo awm se zun luh phet tum hian an bei ve ngar ngar fo-intifekfawn tak tak pawh hian an tin ran ran mai a ni.

1.1.2. Matric pass chhuakho zingah hian First-a passho chungah second-a passho an thu a; second-a passho chungah third-a passho an thu chawk. First-a passho hian science subject an la chawk a an zir an zir a, an zir chhuah hnuah science subject-ah hna sang han thawh mai tur kan ram(Mizoramah)ah a lo vang si a teaching line-ah an kal chawk a.

Second-a passho hian Arts subject an la chawk a an zir zel a competitive exam an hmachhawn loh leh hna dang dangah an inhnawmbei a, tam tak head of Department an ni hlawm a, administration/executive positionah hian Arts subject la pawh an tam ber hial ang.

Third division-a passho hi mi zakhawrawi thei tak an ni a, khawtlang leh pawl thilah an inhmang tam ber a; rual pawl thei tak an nih avangin tlanghriat an lo hlawh a, pawl thila an inhman tamna chuan politic-ah a hnuklut a, a tawpah politician-ah an chhuak nge nge fo thin. An tluk ngai lohho kha an PA/PS-ah an awm leh mai thin. A dik hlawm tawp ka ring bik miah lo.

1.1.3. Nupui ngam loh hi vei run chuan hrehawm tak tihngaihna tak awm si lo; a hmeichhia lamin an ngam thui hle phei chuan tawlh duai duai awl tak a ni a. Chhungte leh vantlang mitmei veng chunga chep taka nun a awl hle awm e. Vei ru ve si intihthiam loh aia ngawiha tlak mai ‘pa’ an thahnem viau maithei.

A damdawi tha ber chu ‘lungsi taka ngam loh’ hi a ni mai. Nupui huaisar leh pawngpawrh nei chuan lungsi takin ngam lo mai se la an damtlang a ni mai, kan ngam lo tih kha pawm thlap mai ila a him ber – tu huat kan sawi loh ahnu.

1.1.4. Tawngthei, thu hmuam thei lo, mi thuruk sawi chhuah chak em em reng mai hi an awm ve hranpa a. Thil lah hi a tlangpui hi an hre ruak duh khawp a, a chin chhuaka hre si lo hian. Hmai timawk tur tawk vel hian puipunnaah an chham zuah zuah duh khawp-hengho ven dan tha ber chu kan chanchin an hriat thawi tawh rau rau si chuan a falin an hriat reng tawh sa leh tlem dawt belhin thuruk thei ang berin hrilh ila ‘ka ring tawk che’ han ti ila, mi thuruk kawltu nih kha an chak ber a ni bawk a- an ngawi vang vang tawh mai a ni.

1.1.5. Committee meeting(rorel) nikhuaa a ding hmasaa tang fo hi mi insum thei lo an ni duh khawp a; a laihawl vela ding hi mi thil hre tak an ni chawk a. A hnuhnunga ding hi administration thiam an ni duh khawp. Chhan dang vak a nei lo, an fing em em pawh a ni lo va, mi sawi enah thu an lo thlifim a mi thil hreho sawi hnuah fin hmel deuhin an lo khaikhawm ta thin a-an finna tak pawh a ni ang chu.

1.1.6 Hmeichhe chhul leh an thluak hi a inzawm chiat a, chu chu theology hian a phuarkhawm tlat thung. Chhul a that loh chuan an rilru a buai chawk a, an buai tawh chuan Pathian thu mak deuh deuh hi an buaipui duh khawp.

Mipa samah hian mahni inhmuh dan hi a awm a, mehkawlhsak vek hian ka chak emaw an inti mai a; an zuah hian charms nei riau hian an inhre thung, bari an then phak pawh hi anmahni lam inhmuh dan kha a ni daih.

31 Responses to “A Nih Duh Hmel – I”

1
levodopa Says:
August 15th, 2011 at 12:05 am
a n1 thei em em ang
2
sihal Says:
August 15th, 2011 at 12:08 am
1 khi nuih a va za ve.
3
awmawmpuia Says:
August 15th, 2011 at 12:18 am
Ka zung lai min lo hmuru tawh emaw kan tih thut chu le. No 3 hi ka pawm thlap a, ka apply lai mek ani.
4
vakul Says:
August 15th, 2011 at 12:27 am
#3 no 3 khi ka zawn kual hnu fea ka hmuhchhuah
chuvang chuan thesis ziakhoin point an then tlanglawn dan deuhin ka’n then ve hian a nih hi findings a tha em a
5
Saitawk Says:
August 15th, 2011 at 12:29 am
Fair lo ee! ka Scheduled en nen a inmil lo tawp mai!
6
vakul Says:
August 15th, 2011 at 12:30 am
Lal saitawk i blog update tawh la a nih chu.
7
H.Vangchhia Says:
August 15th, 2011 at 12:35 am
1.1.4. awm ang tak2 khi ka hre teuh mai

1.1.6 mithiam ten “A nilo” pawh tise, ka dam chhungin A NI ka ti fan ang
8
D_auaChwngthu Says:
August 15th, 2011 at 12:37 am
First …… em aw….
9
Saitawk Says:
August 15th, 2011 at 12:40 am
@vakul, min ti harh zawk mai! Update ka van tum phah dawn chiang em!!!!!
10
eL Says:
August 15th, 2011 at 1:25 am
putar hlir an online chu le..vakul a thlawk chak thei fia fia ngei mai….a tha e…committte vel khi a dik ngawt mai…a hmasa ber khi chu(h) kan veng pa…khirh ve tak…han ti vel tur ka mitthlaa..mahniin kan khi sung mai alawm mawle…
11
Chawngzawng Says:
August 15th, 2011 at 1:35 am
nih duh hmel hle mai a..
12
Saitawk Says:
August 15th, 2011 at 1:39 am
Mipa zurui chu an lu a hai a, hmeichhe zurui chu an kap a hai!
13
nghasih Says:
August 15th, 2011 at 2:00 am
Tamtak chu pawm mai a tha anih khi,I tih dik hmel fu mai.

IN VAIIN HAPPY INDEPENDENCE DAY vek ule
14
sparta Says:
August 15th, 2011 at 2:04 am
In vai in happy vai awp na ni u le.
15
sparta Says:
August 15th, 2011 at 2:05 am
In vai in happy vai awp na ni u le. Happy saltan na ni zawk u le.
16
TuaiSialA Says:
August 15th, 2011 at 2:12 am
A va nih duh hmel hlawm tak ve! Ngaihnawm ka ti riau mai a, 5.5.5 thlengin awm teh se. I rawn chhunzawm leh turah ka ngai.

Vakul hi i thuziak thenkhat hian psychologist a nihtir chein ka hria; a taka i nih leh nih loh phei chu ka hre lo va.
17
Asteric Says:
August 15th, 2011 at 4:33 am
Hei hi nachinnnn ah khan ka chhiar zo daih tawh a, pakhatna khi ka nuih a za angreng khawp mai. Khitiang ang (1.1.1) khi thuruk (secret) mitinin kan neih theuh, puan chhuah tul kher lo habbit a neih hi nuihzathlak deuh deuh kan nei fur a, chung chu sap ho hian tunlai movies ah hian belh tel zauh zauh an ching. Real life a thil thleng, lang sar silo nuihzathlak si anih avangin hetiang belha film an siam te pawh hi en a ti nuam thei hle.
18
chawnghilh Says:
August 15th, 2011 at 6:56 am
Mipa chu aim neiin kan zung tlangpui, hmeichhiate erawh hi chu pangpar tui an pe ai pawhin an la zung duhdah spray zawk vel!
19
Chhuaklinga Says:
August 15th, 2011 at 7:16 am
Mi fa te hi chu thil in va ngaihtuah chhuak tha thin em. I han sawi takah chuan ka hriat hnu vek nih hmel bawk si ni der silo, finna thar a ni leh ta.
20
Maya Says:
August 15th, 2011 at 7:34 am
A Nih Duh Hmel khawp mai .
21
Ozima Says:
August 15th, 2011 at 8:11 am
Kobang based a han zun pawh hian fanghmir eng ilo kua fahran pawh hi tinzawn ran ran a awl viau a nia Balu leh leivungah chuan tum bik nei lova khawh kual deuh pap pap a nuam.
22
PKfanai Says:
August 15th, 2011 at 8:36 am
Kan mize ril leh rùk, dik bawk si pho chhuahna tha tak a nih hi. Zun chung chang pawh kan thlawp tliar tliar hlawm hi. (ks).
23
Tete-i Says:
August 15th, 2011 at 8:45 am
dik hmel fuuu ni
24
ChhanaPa Says:
August 15th, 2011 at 9:31 am
1.3. Khi a dik lutuk tlat.. A vai khian ka
25
filliz Says:
August 15th, 2011 at 9:39 am
1.1.2 pawh khi a dik duh hmel ka ti, tun a kan ram hruaitute en hian,heheh… Tha vek e.
26
Raltepa Says:
August 15th, 2011 at 9:50 am
1.1.1.khi a dik duh hmel khawp mai. Leng hawn paha thiante nena kawngpui dung a zun ka han zawm thin kha a nuam ve hran pa….
27
vakul Says:
August 15th, 2011 at 10:47 am
Ts, psychologist te zawng ni awkawng lo ve. nupui ngam loh tih mai maite chu mahni expe. atang ngat le.

A tha lo hi ka zia, a tha zawng hi mi ziaa ka hmuh.
28
ZerO Says:
August 15th, 2011 at 11:08 am
Ka nui huk…..
29
Maisek Says:
August 15th, 2011 at 4:01 pm
Tinge zin kawnga an zun a chhuah hian, mipa ho hian thirban emaw ko pang emaw an melh ziah le? Enge maw tal zunkhum kha a nuam bik em mawni le…?
30
H.Vangchhia Says:
August 15th, 2011 at 4:04 pm
Maisek, kan naupan lai chuan kan veng hmeichhe naupang ho hi kan thuttlar tir a, a rualin kan in zunthuisiak tir thin. An eu san deuh leh an spray hla mai hairehai
31
Maisek Says:
August 15th, 2011 at 5:47 pm
@ H.Vangchhia… Hairehai