(Ziak mi ka nilo na a vawiin ka piancham 15 Aug. ah ngei mai hian ka post hmasa ber han vawmbei ve ka duh si a. Thiam ang tawk tawk in ka’n rawn ti ve ange..)
Tawng chungchang kan khel hnem ta, a humhalh na lampang thu hi ka la hmu mang miah lo mai a. A thiam lo ber te zinga mi ka nih vang leh inzir a ngaih tak meuh meuh avangin tunhma atanga ka vei tawh ka rawn puahchhuah pui ve phawng mai teh ang.
Tunlaiin kan Mizo tawng kan chingphar hneh hle mai, a bul berah chuan cell phone sms vang kan ti lo thei lo ang. Thenkhat phei chu a ziak dan dik in ziah tir dawn ila ti hleithei tawh lo pawh an tam ta viauin ka ring tawh.
Mizo tawng ziak dik phei hi chu alo har phian lehnghal si a, chuti chunga kan thehphar kual ta vak vak thin hi chu kan lo ip chawih chawih mai zawng anih hi. Hmanni kan naute lo zin pawh min rawn message a “Khawi ah nge in awm?” ti a ka zawh chu “A ‘gay’(NGAI) ah” tiin min rawn reply a,”Min va ngai GAY awm ve a” ka tih chu an nui nasa mai.!!
Higher Secondary kan kal lai khan kan zirtirtupa khan Bible hmang hian ziak zawm tur te, thlukna dahna tur te, ziak zawm tur te hi min zirtir thin a, a lo tha ngei mai. Chin chhunzawm zel chi niin ka hria, eng tak in ngaihdan ve ni maw! Lehkhabu dang a hnam anga chhiar leh ziak zir nana kan rin theih hi a tam awm lo asin.
Chumi avang a ka thu laimu tak Bible leh Kristian Hla Bu kan letling thar ta fo mai hi ka tha a lo na thin a. A thu un, kan Mizo tawng ti hausa tu tak mai te kha a tunlai zawkin kan let ta daih mai thin hi zawng a tha ber ang em ka’n ti ani. Kan chhung inkhawm naah hian kan chhiar thiam loh te leh a thu awmzia kan hriatloh te hi ka pu hi kan zawt a min tihdik sakin min hrilhfiah nghal mai thin.
Tunah chuan chhiar sual deuh chang te pawh awm mahse a tam berah mahni in kan ti thei ve ta. Tawngkam thar a letling letling lo hian a hlui hi dahtha ta zel ila a tha awm mange. ‘Old is gold’ tih anih kha maw.. Chutiang zelin tawng chungchang lo ah pawh kan hmanlai thil hlu te vawn that a lo tih tunlai aia a hlui/chhiat ang anga vawn that kha a tha in kan tangkai pui theuh zawk awm si a. Thil hlui apiang hi a lo hlu thin si a, kan harh a hun tawh tak meuh meuh ani.
Chuvang chuan kan tawng hmanlai mek hi uluk zawk a kan vawn that a, a hman dan te, a ziak dan te hi kan inzirtir thar ava pawimawh em ka’n ti ve anih chu. Ka lawm e.
August 15th, 2011 at 11:02 pm
Chhiar ila..
Report this comment
August 15th, 2011 at 11:15 pm
A dik ve reng.
Report this comment
August 15th, 2011 at 11:16 pm
Kan Mizo Bible hi tawng zir nan chuan a tha khawp mai tih hi ka pawmpui che. Mahse lehlin thar zel erawh pung deuh deuh se pawi lem lovin ka hria, a hlui leh a thar awm zel rawh se. Mizo Bible hlui kha a dik famkim chuang lo nain, Mizo tawng zir nan chuan a tluka tha a awm kher chuang lovang. SMS a kan thil ziah dan erawh hi vei tham chu a ni ta, tleirawl rual ho han inbiakna tak tak phei hi chu man thiam hleih theih loh a awm fur ta mai chu a ni e
Report this comment
August 15th, 2011 at 11:26 pm
Vei a ngai a, zir a ngai bawk. Chhim, hmar, chhak leh thlanga kan tawng hman dante hi a inang lo leh zeuh thin. Heng hi innuihzat mai lova tawng tih hausak nan kan hman a thain ka hria.
Ziak chungchangah chuan Bible hi a rawn tlak khawp mai. Tuna a chhuak thar ber erawh hi chu ka la hmang tam peih vak lo, a hlui zawk khan ka lung a la len rih deuh atin ni.
Report this comment
August 15th, 2011 at 11:31 pm
happy birthday lamji, paws tha khawp mai, han ti zel teh.
Report this comment
August 15th, 2011 at 11:40 pm
Thu pawimawh tak i rawn post a, a lawmawm hle mai.
Nangmah ngei pawh khian Mizo tawng ziak dan dik zir i la ngai ve deuh a nih hmel mang e! (Higher Secondary School i chhuahsanna a rei tawh deuh pawh a ni maithei e
).
Pathian Lehkhabu Thianghlim (Mizo tawnga a hming an dah dan tak chu hetiang hi a ni tlat!) letlingtu leh chhutu te pawh hi tun aia an fimkhur a duhawm ngawt mai – chhut sual a la awm nual zel.
Report this comment
August 15th, 2011 at 11:47 pm
Gud Post.
Report this comment
August 15th, 2011 at 11:49 pm
I ziak a tluangtlam tha a, chhiat a hahdam bawk. Ziak awm reng i ziak ni pawhin ka hria. Kei hi, Mizo tawng ziak ngun viau e tilo chuan ziakzawm tur chu sawi loh a sipel thleng mai hian kala buai nasa thin ngei mai.
I thurawn angin Bible chu inzir nan lo hman thin ve fo tur anih chu. Rawtna leh inlo tih thin tha tak ani e.
Report this comment
August 16th, 2011 at 12:13 am
“Mizo tawng ziak dik phei hi chu alo har phian lehnghal si a,”
Dik chiah, a har a nih hi!!
Report this comment
August 16th, 2011 at 12:36 am
Admin te,post min chhuahsak avangin la lawm em em e!
A tawp ah ka inthlahrun thu lehka tih/ziak dik loh lai member pui ten inthlahrung loa min rawn tihdik sak tura ka ngenna admin ten an lo telh lo anih hi.I rawn sawia ka lawm hle mai.
@Pu Muantea
@Telphawka Lawm tuk2 e.
@Hlatekhua 2nd para last sentence
@Pu Hv Lawm tuk2 e.
@Saitawk A tih dik na khawngaih in…
Report this comment
August 16th, 2011 at 12:38 am
Post tha tak, chhiar liam puat atana pamhmai tak a nih hi maw le.
Report this comment
August 16th, 2011 at 12:52 am
“Mizotawng ziak dik phei hi chu a lo har phian lehnghal si a,”
@Post tupa, nangmah mimal in improve i duh tih ka hriat hian ka awt tawp che. I thlarau chan ang chang phalo hi kan awm nawk a nia.
Han thawh zel teh.
Report this comment
August 16th, 2011 at 1:29 am
nia…a har a…zir tluk tluk mai ang..kei chu..sms ka ziakte hian a pangngaia ziak ka tum hram hram thin…amaherawhchu, hmanhmawh chang hi chuan ….kn l jyk dk l lh nug thn…:)
Report this comment
August 16th, 2011 at 2:35 am
“Mizo tawng ziah dik phei chu a lo har phian si a.” Hehe.
I birthday ka lawmpui che a, hlim taka i hman pawh ka ring. Thu tha tak tak dang i rawn post zel ka beisei bawk e.
Report this comment
August 16th, 2011 at 2:36 am
SMS bik ah hi chuan sawiselna em em ka neilo, a dik pum pap tur chuan kut a kham vek ang a, hun kan paih viau thei bawk, a dawngtu leh mahni in kan hriatthiam chuan a tha ka ti mai. A bik takin Magazine/Newspaper..etc, vela ziak zawm tur leh turloh takngial pawh tidik thei manglo hi chu chhiar a hahthlak,..magazine editor ni turte hian written/gramar test emaw te nei hial se, a ziaawm phah ngawt ang, kamtam leh luruh ring nazawng ni ve ngawtlo hian, ka ti mai mai …. (high hope)
Report this comment
August 16th, 2011 at 2:47 am
Hehe.
Report this comment
August 16th, 2011 at 2:55 am
@Ts lawm tuk2 e…
@Atom nia a thiamlo ber te zinga mi ka ni awm e..thu formal a hman na chi ah te hian sms language hi hmang lo ila.Sms a shorthand over uchuak rapthlak ho hi sim hmak tura hmalak dan awm se a tha ngawt mai ti raw..
Report this comment
August 16th, 2011 at 6:38 am
Va tha em
Report this comment
August 16th, 2011 at 8:15 am
Post tha tak a ni.
Bible chungchang bikah ṭawng un humhalh duh vanga lehlin thar zel i ngaina lo hi a dik a, kawng lehlamah chuan Bible hi mitin, pute zawh tur nei lo pawhin an hriatthiam mai theih tura ṭawng danglam ang zela lehlinte pawh a ṭha a nia.
Report this comment
August 16th, 2011 at 9:37 am
Ka thiam ve ang chin bak hi chuan a bak vak ka thiam belh leh pawh ka inring niau-khak lo ve. Mizo Bible-ah pawh hian punctuation dik lo leh lehlin dik lo a tam tho mai. Tih tak emah chuan, King James Version-ah pawh lehlin dik lo a awm nual tho. Chik peih erawh chu a ngai viau a ni. KO LOM E (BRTF tih dan) —a thiamte rawnin, a dikin han ziak ve mai se!
Happy berth day! Mu-zal nileng rawh, hrin chhuah hlawl i nih lai pawhin a letlingin an khai che a, i tap raih raih a, an mut che tih ka chiang.
Report this comment
August 16th, 2011 at 9:42 am
Dik taka sawi chuan, kan rama kan chhiar ni tin Chanchinbu Editor-te hian punctuation chu an thiam vak hran lo a ni.Magazine lam khawihtute pawhin material chu an nei ngaihnawm, an punctuaton erawh a phuailuai. Pulpit-a thu sawitute lahin a dik lek lek an rawlh hnem. Kei tak hian ka thiam lo.
Report this comment
August 16th, 2011 at 11:37 am
@ Postupa, i ngaihdan khi ka tawmpui khawp mai che, mahse SMS ah erawh chuan dik thlapa tih chu a har ani. Sap tawngSMSte hlei hlei hi ania lo man loh ka ngah ni. A bak khi chu ka thlawp khawp mai che.
Report this comment
August 16th, 2011 at 1:36 pm
Saptawng hian Bible lehlin chi hrang hrang a thahnem khawp mai a; a that pawh a tha. Mizotawng hian nei ve nual ila kan thatpui zawk ka ring.
Tawng reng reng hi a thi thei a-Bible tawngkam ‘zakhamna. hrai, duai, adt.’ hi tunlai tawngkam a nih tawh loh avangin thangthar tan buaina tur a tam.
‘Lalpa chu min vengtu a ni a’ tih aiah ‘min awmtu’ te lo ti se a chiang zawk tur. Mizo chuan nau kan awm thin a; Judaho chuan Beram an veng thin. ‘Mi dotute mithmuhah ka hmaah hian dawhkan i buatsaih thin a’ tih ai chuan ‘mi dotute hmuh laiin fatu hluiah ruai min kil tir ve a’ ti ila a chiang zawk ang-hriatthiam kha a pawimawh ber a ni.
Bible hmanga inzir erawh a tha ka ti.
Report this comment
August 16th, 2011 at 2:01 pm
happy birthday lamji!
mizotawng hi a va han har tak em! sms chungchangah hi chuan vei tham tak tak a ni ta, an kaihtawi ang chi hi ka chhiar ve thiam mang tlat lo, hawrawp kim hian kut a kham phah chuang lo a, a awlsamna ai chuan mizotawng humhalnan a tha a ni!
Report this comment
August 16th, 2011 at 5:03 pm
Mi hrang hrang hian Bible chu letling se ka lo tih nak a lai a! L. Keivawm khan hmar tawngin a let a, a tha viau turah ka ngai. King James bible a mi “and” tih hi mizo bible-ah hian “tin” tih hian zu han let deuh zel a maw le. An lehlin thar hi ka la bih miah lo nangin “tin” tam lutuk kha chu an suat thawl then ta a ni awm e. Ka chiang chiah tawh lova, a hria chuan lo correct se: Kan zaikungpui R.L.Kamlala(?) pawh khan a ma thuin kan bible a mi thufing te, sam leh hla thlankhawm te hi a letling ani awm e.
Report this comment
August 23rd, 2011 at 2:10 am
“A chi nang”
Tunlai kan thangtharte sap ngaisang lutuk hian (ngai) poh an ti gay zo ta a ni , zoram mifing te leh mipuitlingte zirtir na rah a ni miau si a,
Zoram a seilian 60% hian zirtir ngai lovin Sap ngaihsan leh hnamdangte hmuhsit hi kan thiam sa pianpui BA na a ni,
tawng chungchang ah hi chuan zohnah thlak unaute tawng hi zo tawng hausak nan i seng lut zel ang u ,
Tomato = Bawk bawn thur
Report this comment