Khawvel politics thli tleh vel avang hian hnam hrang hrang an lo darh tawh. A then an darh hlen a, a then erawh an insuihkhawm leh thung. Khawchhak lam atangin thlang kan tla a, inbenbelna tur remchang zawngin kan lo vak kan lo vak tawh thin.
Tichuan, a tawi zawngin, tuna kan awmna hmun theuhah hian kan inbengbel zui a, khawvel thar kan sual ta hlawm a ni. Khawvel politics virvelin state pakhat-Mizoram a hringchhuak a, keiniho hi kan lo heti ta a nih hi. Chu politics vek chuan kan unau thenkhat chu Burma ramah a dah a, a then Assam-ah, a then Manipur-ah, a then Tripura-ah, a then Bangladesh-ah a dah bawk. Chu chu khawvel politics thli tlehin min nuai vel dan a ni.
Chutianga kan awm lai chuan, chhan eng engemaw avangin Lusei-ho chu an lo lian ta a, tin, an tawng pawh a lo darhzau ta ber bawk. Tichuan, Anglo-Saxons behchhana hmanga English a lo piang ang deuh hian Lusei behchhanin he hnam hian kal a siam ta a ni mai em?
Behchhanah Lusei kan hmang hi,”hawh u, Lusei behchhan a hmangin i awm ang u,” kan tih vang a ni hran lo; thil thleng palh a ni thei, Pathian remruat ve reng a ni thei bawk.
Hnam dang pawh hi chutianga khawvel lo hmachhawn tawh, chi leh peng hrang hrang inkuahkhawm, a lian ber emaw a remchang ber emaw behchhana hmanga hnama lo insiam ta an ni hlawm. Mihring an ni phawt a, hringei ang maia mawl lai te pawh an nei. Eizawnna hmun remchang zawnga ‘gypsy’ ang maia vah kual vah kual lai an nei ve tho a, tichuan, thisena inzawm na na na chu an duhzawng leh duh loh zawngte a lo inang a, chutianga inangte chu hnam khatah an lo insiam ta thin a ni. Hnama an insiamnaah chuan a chi peng hrang zinga a remchang ber an behchhhan ve tho.
Tuna kan dinhmun angah hian hnam ropuite hi an lo ding ve tawh thin a, tribe hrang hrang inngeih loh lai leh ui leh kel thlun pawlh ang maia inrem loh lai te pawh an lo nei ve tawh thin. Hnam tam takin an paltlang hnu-ah chutiang hun chu kan tawng ve a, khawvel hi a la awm zel anih chuan kan hnu-ah pawh midangin chu kawng chu an rawn zawh ve zel ang. Insuihkhawm lova kan awm anih chuan keimahni atang ngei pawh hian hnam thar a piang daih thei bawkin a rinawm.
India rama awm kan ni a, India zalenna champhaphak kan hmang leh mek dawn. He hunah hian kan ram leh hnam hi rilruah awmin i theihnghilh lovang u. A thuhrimah zohnahthlakte hi inpumkhat tum lova kan awm phawt chuan a tuartu kan ni dawn a. Mizoram-a awm te hian tihtur pawimawh tak kan nei a, inpui nghak kan nih angin kan fei angai a, kan rilru pawh a zau deuh a ngai a ni.
(Ramhlun North YMA chuan kartin chhuak chanchinbu “MARYMA” a ti chhuak thin a, chanchinbu tha chawimawina pawh a lo dawng nual tawh thin. Tun inrinni 13.08.2011 issue Editorial hi a tha ka tih em avangin mi tam zawkin lo chhiar ve se ka duh a, Editor phalna in angai ngaiin ka rawn vawmbei ve a ni e.)
August 17th, 2011 at 5:38 pm
chhiar ang!…. post tha e.. No comment
August 17th, 2011 at 5:44 pm
Hnial rual loh, hmakhalh rual loh Zephenath 😛
August 17th, 2011 at 6:02 pm
Mizoram chhung leh pawn lama zo hnahthlak, lusei ni lo ho zawng zawng te pawhin he thu hi chhiar ve se ka ti khawp mai
August 17th, 2011 at 6:03 pm
Impumkhat hi chu a tha. Chutih rual chuan Lusei ho emaw mizoram a cheng te bik emaw mawhphurhna kan pe vak bik zel hi chu a dik lo ka ti. Kan pawimawh dan a in chen vek. Zohnahthlak zingah mizo ka ni ti hi lusei hoin mizo i ni lo an tih ka hre ngai lo. A hnambing/ chibing then khat, in ti mizo duh lo ho vang mai mai hi a ni zawk. Tunah hian lusei tawng beh chhanin mizotawng pawh a piang mek a, Mizo hnam dinin a awm mek ani. Hei pawm tlang vek ila, mizo ka ni hi ti vek ila, lusei hoin mizo i ni lo an ti lo tawp ang.
August 17th, 2011 at 6:03 pm
Post tha tak a ni. (Y)
August 17th, 2011 at 6:05 pm
@hehe: Ramhlun North-ah i awm em ni?
August 17th, 2011 at 6:10 pm
@tuaisiala, aw awm e… i blog pawh ka tlawh thin a..i fiamthu a tharlam in min tihlim thei khawp mai…ka nu pawh samdala kha ka chhiar sak a..kan hlimpui khawp a nia..
August 17th, 2011 at 6:11 pm
nia tiro
August 17th, 2011 at 6:24 pm
#4 khi ka rilru sukthlek dan ani fo mai. Mahse, dikhlelna a awm lehin ka hria. Zohnahthlakah Duhlian tawng hmang te bik hi kan inti Mizo bik a, Duhlian tawng hmang velo te mahni hnam/chipui ngei pawh nise kan ngai Mizo lo deuh ngawt zel; pawi tak a ni.
Entirnan: Chhui leh chhut vak pawh ngailo vin, Aizawl ami Duhlian/Mizo tawng hmang te hi eng hnam nge kan nih han thlir teh u. Lusei, Hmar, Lai(Pawi), Paite, Ralte, Laizo(Zahau), Thado kan ni nuaih asin. Heng hnam te hi mahni hnambil tawng hrang nei deuh vek kan ni awm e.
Lusei hian tunhma in eng tawng tak hmang ang maw ka ti mai mai thin! Sailo hla hlui zual ho kan en hian an pawlhsawp vel niin ka hria. Chumi chu an khawmi hnamchawm ( mi tam zawk) ten an tawng nen pawlhsawp zelin Mizo tawng/Duhlian tawng hi lo piangta nite pawhin rinna ka nei thin. Duhlian/Mizo tawng upa hi Laizo(Zahau)/Falam tlangdung tawng ania, Laizo tawng upa hi Lai holh (Pawi)/Halkha tlangdung tawng tualleng ani leh thung.
Ziaktu chhut dan angin Lusei ho lalna khuaah khan hnam tin inpawlhsawp annih avangin tawng hrang2 chhungkhawma Mizo tawng hi piang ta anih ka ring ber. A awmzia chu Duhlian/Mizo tawng kan tih hi Lusei hual chhung atanga piang ani ngei ang.
August 17th, 2011 at 6:32 pm
A sentence hnuhnung pahnih khi a á¹ha khawp mai.
Hman deuh kha chuan Aizawlah hian Ramhlun Veng a awm á¹hin a, tunah chuan a awm tawh miah lo a ni awm e. Ramhlun North, Ramhlun South, Ramhlun Venglai, Ramhlun Vengchhak, Ramhlun Vengthar, etc. a awm a, Ramhlun Veng erawh a awm tawh lo!? :-O
August 17th, 2011 at 6:37 pm
Pu HV,duhlian tawng hmang ve lo ho poh hi in la mizo lo nghal ngawt lovin in ti mizo hlur mai se la,Lusei ho a tangin mizo i ni lo ti ti chu kan Hey den rial pop dawn nia. Kan vaiin mizo kan ni. Chibing hnambing tawng kan nei anih pawhin duhlian tawng a tanga piang mek mizo tawng hi pawm tlang theuh ila ( chibing/hnambing tawng kha ral rawhse ka tihna nilovin kan hnam tawng chu tuna mizo tawng lo piang chho mek hi ani ka tihna ani), kan chibing/hnambing in lak hran tumna hi i paih ang u
August 17th, 2011 at 6:42 pm
#9, i thil chhut dan chu a awm khawp mai..amaherawhchu tunge thiam a tunge thiam lo tih vel ai chuan zohnahthlak zawng zawngte hi hnam anga kan lo dam khaw chhuah ve theihna turin inpumkhat ila, hnam ropui ni ve turin ke pen tlang ang u tih lam hawi zawng hian ngaihtuahna hmang tlang ta ila a tha zawk angem aw ka ti thin…
Mizoram ngei pawh india population 1% pawh kan tlin loh avang hian chimralna hi chu hlau ngawih ngawih tur kan ni e..
August 17th, 2011 at 6:43 pm
doc_lib #11 chu chu Aizawl leh Lunglei tlangdung vela chengte duhthusam ngei ani ang. Duhlian tawng hmang tam zawkna ani tlat. Mahse, chenna khua leh ram ah hian in kohdan alo dang ve zel si a Eg: keini tlangdungah Mizo, Lai tlang lamah Chin….Manipur lamah Zomi etc. Assam lamah Kuki etc…
“Pathian ah mi 3 an awm a, pumkhat anni,” tih ang deuh te pawh hian kan inen thiam angai niin ka hria. 🙂
hehe #12 Chimral kan hlau tur ni e, thlahpawlh loh theih ang bera kan khawsak theih te, ILP leh special immigration law kan neih te anih ang ngeia kan kenkawh ngam te angai reng a ni. hihi
August 17th, 2011 at 6:45 pm
#11 Pu HV chutah tak chuan a in ti mizo zo kha mizo chu kan ni mai alom. engah nge mizo nihna chu lusei ho kan pek vek bik ang 🙂
August 17th, 2011 at 6:54 pm
Trinity hrilhfiah tum ang deuhah ka ngai thin a chiang lo zawk fo. Mizo inpumkhatna kan sawi vak vak hian kan tiphirsi zo mahin ka hria, awm mawp mawp ila kan chiang tlang ber chiang lo pawh zawimuangin an rawn chiang ve zel bawk a.
Inpumkhatna sawitu tamtak hi chuan Lusei nek deuh ran leh Lusei-ho tan pawha ngaihnawm bik vak lo hian kan chhuah fo va, a fuh bik hian ka hre chuang lo. Tuna post hi ka tihna pawh a ni chuang lo va- a post hrim hrim hi erawh tha ka ti.
August 17th, 2011 at 6:58 pm
#15 …chian tir zel tur chuan mizoram a awmte hi inpui nghak kan nih angin kan fei angai a, kan rilru pawh a zau deuh a ngai a ni…tiro…
August 17th, 2011 at 7:01 pm
#15 Vakul ka thlawp e. Hnam inpumkhat sawi a pianga Lusei nek ran emaw, a duhlian tawng hmang nek rana kan sawi ziah hi kei pawh a dik lo ka ti tawh. Chuvang ania comment no 4 ah khan ka rawn sawi chhuah. Kan pawimawhna a in chen vek.
August 17th, 2011 at 7:03 pm
Inpumkhat kan tih hian, MIZO INTI VEK ANG U, tih lam hawi zawng chuan a theih ka ring lo. Ram leh khua hmun a hranga in kohdan a dang thin ;tun kan hailo. Mihrang kan nilo tih hi hre reng ila, tawng hrang, in kohdan hrang hmangin nei mah ila kan buai lovang. Tawng a hran emaw, khaw awmna a vanga kan in en hrang dawn2 mai thin hi a fuhlo a ni.
Mahni tawkah tupawh kan chapo ar hlawm si a, chuvangin ka sawi hi a fuh ber ka ring.
doc_lib Duhlian tawng nek ranin kei chuan ka sawi ngailo ania, i chhiar uluk chuan i hre theiin ka ring. A lai atangin ka thlir thin. Aizawl lam hian Duhlian tawng leh MIZO tihah hian kan thu bur zawk a nih hmel. Ka lawm e.
hehe #16 Mizoram ai hian pawn lamah Zohnahthlak te an tam zawk mai lo maw?
Khawnge ka chhuah lawk agai. In ngaihtuah dan lah hi tha ber ang maiin in in sawhsawn duh hlawm der mai si lova hairehai 😛
#13 na 1st para khi rilru takin chhiar ula a dik intih loh chuan in daw hle ang. (Y) nothing more, nothing less
August 17th, 2011 at 7:07 pm
@18 Misual nawmna a lawm le. Misual a lut ngam tawh chin chu kei ka ni in ti thalh, mahni tanna lama Vankal sial ang mai a tang tlat chin kha kan ni hlawm a. A nuam ve a lawm
August 17th, 2011 at 7:37 pm
doc_lib #19 chumi chu i detective mit atanga i thlir dan em ni hairehai 😛
August 17th, 2011 at 7:39 pm
@hehe: Ka lawm e. 😛 Ka veng a ni thin a, ka’n zawt mai mai che mawle.
Kawlhawk post hi comment an close leh ta tlat mai nia.
August 17th, 2011 at 7:57 pm
A tawpna “Mizoram-a awm te hian tihtur pawimawh tak kan nei a, inpui nghak kan nih angin kan fei angai a, kan rilru pawh a zau deuh a ngai a ni” tih hi ka thlawp e
August 17th, 2011 at 8:04 pm
20 Pu HV a ni chiah alom le. Comment hrang hrang post tin ami han thlir hian mahni ngaihdan a tang nghet tlat hi kan ni tlang pui 😛 Hairerai
August 17th, 2011 at 9:06 pm
Chhim, hmar, thlang, chhak, kan rilru put hmang hi chu inpersan ve viau thin in ka hria. Kan awm na hran vang ni maw??? 🙁 kan mizoram zim te ah hian..
August 17th, 2011 at 9:08 pm
Kitty#24 Chapo ar hlawm vang mawle. Kan nep zia tilang chiangtu.
August 17th, 2011 at 9:24 pm
kan duhthusam hi kan dam lai ngei hian thleng hman tak ang i maw le..?
August 18th, 2011 at 12:24 am
#25 Hv-i va duhthawh ve. khawii ramah pawh a ni vek, a inang thei ngai hleinem.
August 18th, 2011 at 1:17 am
@10 hlatekhua. Ramhlun venglai, Ramhlun N, ramhlun S etc hi Ramhlun vek a la ni tho lo em ni?
Mizo zingah hian hnam hming atana ‘Lusei’ tih ziak hi ka hmu ngai lo hle mai a, hria kan awm em? Lusei tih hi History a nia, Mizo tih hi Lusei tih tlukpui, a aia zau zawka sawina a ni mai lovem ni?
@25 Kan chapo ar vang leh kan nepzia tilangtu chu a ni ngot bik dawn em ni? Kan environment a zir threuh hi a ni mai a lom. Aizawla awm threuh threuh poh kan rilru put hmang hi a danglam nuaih ang chu. Engmah ni silova chapo ve ar hnam kan ni i tihna a nih chuan ka rilrem khawp thova.
August 18th, 2011 at 1:34 am
Insuihkhawm tur chuan hmabak a ko hle mai, thu a saisa nuaih mai. Independent country kan nih dawn loh chuan tul pawh ka ti lo. Ramri kan kham chhin mah aw
# Thlang lamah Chittagong hills tracts kal zel Jampui leh sakhan ram zawng zawng telin. Hetia tih loh chuan kan unau te kan hmaih teuh ang chuvang chuan Tuikuk leh Takam ho pawh hi telh vek ila.
# Hmar lamah Cachar tlangram leh Dimasa ho awmna telin Manipur tlangram Naga luah loh chin zawng telin.
# Khawchhak ah Tiddim, Falam Halkha, Miandad Bay of Bengal thleng rakin.
# Chhimah Akyab tuifinriat leh thliarkar ho tel vekin.
Heti hian tuna Mizoram zau zawng let 5 lai ani anga, mihring pawh tuna Mizoram micheng let 10 chuang kan lo ni ang. Province 10 velah then nise Presidential type democracy in rorel ila. Kristian pawh 60% vel kan ni ang.
Kan ram hming atan Monsoonland titawp mai ila, capital atan Thenzawl leh mat phai ruam zawng hi world class in plan hmiah mai ila. India, Burma Banglasesh hnuaia minority nia retheih viau ai chuan a nuam zawk tho tho ang.
August 18th, 2011 at 1:37 am
vakul, A diklo em ni?
August 18th, 2011 at 2:15 am
Kei chu kan unau Lushei(Lushai sap ho koh dan) ho hi leh lam ah chuan an fak awm ka ti, an rilru pawh a zau ka ti, Lushei Hills tih te pawh kha inpumkhat na duh avang in huap zau zawk tur a ngaih MIZORAM tia thlak hmak pawh kha an pawi ti lo a, Keini ho Paite, Hmar, Lai, Mara emo Ralte etc etc HILLS lo ti ve ta se kan thlak duh kher lo mai thei a sin. A thu hrim ah rilru zau apiang bula awm a nuam ang in, an bula awm pawh a lo nuam deuh te pawh a ni mah nang, lushei trawng base a MIZO trawng a lo pian na chan te pawh lushei trawng han hman ve pawh in sawi sual lo awm thrin mahse min nuih zat mai lo a trawng dan dik zawk min lo hrilh thrin avang in a ni ang Lushei trawng hi hman a ta tawh a lo darh chak em em ni. Zohnahthlak te hian trawng khat hmang vek thei ila chuan eng mah sawi ngai lo in kan inpumkhat sa hmiah a ni mai dawn si a. Rilru zau zawk pu a kum chu mi hnu ah chuan ti chung a mi tin in hmasawn kan tum hi kan in unau na kawng chu ni ta ber in ka hria.
chuan posr tra tak a ni e (Y)
August 18th, 2011 at 2:38 am
OT: mi mutrem tawh hnu a mahni ngaihdan huai taka sawi hi nuam riau 😀
Zanin Post tamzawk hi chu ka chhiar vek tawha he post pawh hi tlai chaw ei kham khan ka chhiar daih tawh. A post tu in chhiar vek tura min duhna ang ngaihtuah chuan a ho ka ti. Thufing em em pawh paiin ka hre lo, a á¹ha normal ve mai in ka hria. 😀 NOI
“Editorial ah ziah tur awmlo lutuka nang lo contri teh a” kan tih á¹hina tu emaw rawn ziak a ang. 😉
August 18th, 2011 at 4:07 pm
Hv dik lo tih pawh ka sawi chuang lo ka hre thui lo; mahse mizote hi nep min ti ngawih ngawih reng mai a 😛
August 18th, 2011 at 4:41 pm
vakul#33 mipui/mihring zia etc. an sawi hian a tlangpui (average) laka sawi ani thin. Neplo leh taima, mifel tam tak an awm laiin a tlangpuia lak erawh chuan kan dang lawi si, tihna ah ngai mai ta che… a thu hrimah “Average in phone i dawng ve ngai em” hairehai 😛 😉