Zuk leh hmuam kan han tih hian chi hrang tam tak a om thei a.Amaherawh chu a tam zawk hi vaihlo atanga siamchhuah ani.Zuk leh hmuam hi hnam changkangho pawh in an hmang tho nachungin, hnam hnuaihnungho in an hmang nasa bik a ni.
Zuk leh hmuam hi chi hrang tam tak a om a, chung zinga alar deuh te chu Meizial, Kuva, Sahdah, Khaini, Tuibur, Gutka, Tiranga leh a dang dang te an ni.
Zuk leh hmuam hi mihring hriselna atan a that lohzia kan hre theuh awm e.Pathian lehkhabu thianghlim chuan,”Kei ka thianghlim angin nangni pawh in thianghlim tur a ni”(IPeter 1:16) a ti a.Thufing pawh in ‘Fai hi Pathian an teuhna ber a ni’ a ti leh a.
Heta fai a tih hian a lang theichin faina ringawt a kawk lova,zuk leh hmuam leh rilru lam thianghlimnate a soi tel a ni.Zuk leh hmuam lo pianchhuahna ber vailo ah hian Chemicals chi hrang hrang 4000 chuang zet a om a.Chung zing a 60 lai mai hian Cancer natna an thlen thei a ni.
Vaihlo a om Nicotine an tih phei chuan tur a pai mai bakah zawngchhang theihna a pai tel nghe nghe.Chuvangin a titawh laklawh chuan ngei mai mai harsa an ti reng ani.Puitlin hnu a zu aiin naupan tet atanga zu ho in nghei harsa an ti zawk bawk.Vaihlo hnah hi han sawr la a tui hi rannung (entirnan Laiking,Sazu etc.) han hmuam tir la rei lo te hnu ah a thi mai ang.Heta tang hian a hlauhawm a ni tih a chiang mai.
World Health Organisation(WHO) ho chhinchhiahna atanga a lan dan chuan vaihlo hi thihna thlen tam ber te zing a mi a ni pha.Kan hriat tur pakhat erawh chu zuk leh hmuam avangin chawp leh chilh in an thi nghal lem lo.Mahse,zuk leh hmuam atang hian natna chi hrang hrang an kai thin zawk ani.Kan ram India ah ngei pawh nitin zuk leh hmuam kaihhnawih avangin mi 2200 vel zet an thi thin a ni.
Mi in zuk leh hmuam a tih chuan a hrisel tur ang pangngai kha a pha lo hrim hrim.A chhan chu zuk leh hmuam hian kawng chi hrang hrangin mihring hriselna a tichhe thei tlat a.Heng natna lungthalo,thisen sang,lunga thisen zam tha lo leh lungphuchawl te hi zuk leh hmuam hmang nasa ho ah a tam bik a ni.
Thluaka thisen zam chat leh pin avanga zeng(stroke) te,thisen zam that loh avanga kephah vel pan leh na bakah taksa zawi ngawih ngawihna te a thlen thei bawk. Thawchham te hritlang leh khuh benvawn te an kai hma bik bawk. Huap natna chi hrang hrang,chuap ro atanga chuap Cancer thleng in a la thlen thei zui.
Mipa in zuk leh hmuam a hman nasat luat tuk chuan a pa thei lo bawk.Hmeichhia ah pawh natna chi hrang hrang chhul Cancer thlengin a thlen thei bawk.Naupai laia zuk leh hmuam an tih nasat phei chuan nauchhiat a awl bik bawk.Naute lo hring pawh nise naute kha a hrisel tur angin a hrisel loh phah bawk.
Ha a tibal a, ka chhung a tih rimchhiat bakah pumpui cancer hial a om tir thei bawk.Mi thenkhat chuan zuk leh hmuam tilo ho an ka a rimchhe zawk fe kan ti mai thei.A chhan chu zuk leh hmuam an khawih loh vang nilovin an pumpui lam a hrisel loh vang zawk a ni.
A hmangtu tan chuan a zuk chi aiin a hmuam chi a hlauhawm zawk mah a.Mahse, a zuk chi a pawi riau na chhan chu an meizuk khu kha hmun 3 a then a hmun 1 an mahni in an hip lut a.A bak zong hmun 2 chu boruakah chambangin midangin an hiplut ta thin a ni.
Chuvangin midang tan mihnawk an nih phah ta a ni.Zuk leh hmuam hi eng anga chang kang leh tha pawh hmang mah ila phuarna tham a ni tak tak lo ani.Chuvang chuan sum khawhral na tlak a ni lo.Pathian thu chuan,”Engah nge puarna ni si lo ah in sum in khawh ral thin”(Isaia 55:2) a ti a ni.
A siamtu Company lam lah an fing phakar em em a, mi duh tur an ngaihtuah thiam a.Chi hrang hrang a filter, a tlawn sei leh tawi,a rawng chi dang deuh te an siam chhuak ferfur a.Chuvangin a then phei chu aman pawh a to reng a ni.
A heh deuh phei chuan sum tam tak an seng ral ngei in a rinawm.Heng an sum sen ral te hi tangkai zawkna hmanna tur dang chu a awm ang male.Zuk leh hmuam ti chuan a ti lo te aiin sum an khol thei lo zawk bawk.
Khristian te tan chuan zuk leh hmuam hi hman chi a lo ni lem lo.A chhan chu bible in chiang takin min hrilh.Kan taksa hi Pathian Biak Inn a ti a ni.Mi tupawhin Pathian Biak Inn a tih chhiat chuan chumi chu ka ti chhe ve ang(IKor3:17) a ti tlat.Hei hi a then phei chuan thih hnihna ni hial in an sawi.
A enga pawh chu nise,Pathian biak in tihbawrhban kha thil tha chu a ni lem lo.Pathian biak In chu sawi loh mihring te siamchawp in te pawh hi a balh viau chuan a mawi lo thin a ni.Ringtu te hi Pathian fa Isua hnungzui tute kan nih avangin Isua duhdan hian kan nung tur ani.
Kan entawn tur ber chu Setan a ni lo in Isua zawk hi ani.Isua duhdan chu khawi a tangin nge kan hriat theih ang kan tih chuan Bible atangin kan hre thei ang.Kan Bible ah hian thu chi hrang hrang a kim em em a,tinreng Bu ti hiala vuah tlak a ni.Bible ah hian Isua Meizuk put put leh Khaini hmuam lam kha kan hmu ve lo.Isua kan chhun theihna tur chuan kan zu in kan hmuam tur a ni lo.
Paho hian Naute in neih hunah in naute khan nangmah kha chhun lovin in kawmchhak pa emaw kha chhun daih ta se in ngaihdan a ni miah lovang.In nupa inkar pawh a chhiat phah hial thei ang.Chutiang bawkin kan chhun tura ngaih kan chhun si loh chuan thil dikhlel a om ani tihna.Isua chhun tura ngaih kan nih laia Setan zawk kan chhun chuan kan lal Isua lung a awi hauh lo ang le.Kan rinna te pawh hi a taka kan lanchhuah tir kha a poimawh.
Rinna ringawt a taka langchhuak si lo chu engmah a ni tak tak lo.Isua hnungzui khristian inti ve si Isua duhdana nung chuang silo hi engtihna mah a ni lo.Pathian in midangte tana malsawmna ni tur in min duha meizial kan zuk chuan midangte tana malsawmna nih ahnekin mi buaithlak kan ni zawk asin.
Zuk leh hmuam mai mai nghei har kan ti maw?Isuan kan tana kros a a tawrhna kha ngaihtuah ila,zuk leh hmuam lek te chu a theuneu lutuk.Insum zawh loh tur thil ani lo reng reng.Kan Pi Evi te nupa in Eden huana chhia leh tha hriatna an lo ei atang khan duhthlanna hi a lo poimawh ta em em a.Chhandamna te pawh a thlawna Pathian min pek kan ti nain keimahni duhthlana ngeia kha a poimawh tho.
Keimahni duhthlanna ngeia chhandamna kan lo dawnsawn ve a ngai tlat.Pathian lam tih tur chin a om a, mihringin kan tih tur chin a om.Mithenkhat phei chuan fiamthu titak deuh in zuk leh hmuam insum zolo chu vanram kai tlak pawh an ni love an ti thin.Van ram kai hi thil namai a ni lo.Awlsam chu nise mi zawng zawng an kai ang chu male.A harsat avangin amah Pathian ngei pawh khan ‘Koh an tam ang a,thlan erawh an tlem ang’ a lo tih ni.
Zuk leh hmuam that lohzia hi khawvel sawrkar hrang hrang te pawh in an hre chiang hle a.A dona turin an theih chin chin ah sum tamtak sengin hma an la mek a.Chutih mek lai chuan a siamtu Company lam an hlawk si a, sawrkar tan lah mi’ eizawnna va tihtawpsak ringawt kha chem loa lula an ni mai dawn si a.
Chuvang chuan an thil siam chhuah te ah hriselna atana a that lohzia a lem leh a thu a ziak tur in thu an pe ta a ni.”Tobacco is injurious to Health”tih leh “Tobacco Causes Cancer” tih te bakah ‘Not for minors” tihte heng zuk leh hmuam bur/bawm ah te kan hmu thei ang.A that lohzia hria leh hmu reng chunga kan la ti a nih chuan kha sualna man kha kan chungah a tla ngei ang,chhuanlam engmah kan siam thei lo ang.A chhan chu thilthalo tih hre reng chunga ti lui tute chu misual dik tak an ni.
National Family Health Survey(NFHS) atanga alan dan chuan Mizoram hi India rama zuk leh hmuam hmang nasa ber State kan nih bakah Cancer vei tamna ber State a ni bawk.Kan ber kaina te hi a chhuanawm lemlo ti ru, in ti ve em?
Mahse kan sawrkar chak tak mai hian a theih tawp in tan a lain,Meizuk khu awm lohna(Smokefree) mizoram siam a tum mek a ni.
Mipui awmkhawmna(Public place) ah te hian meizuk khap a ni vek tawh ani.A zu chu dan in a phal angin man theih anih bakah cheng 200 chawi tir theih an ni bawk.Kan sawrkar hmalakna kan thlawp nan leh kan hrisel theih nan zuk leh hmuam hi i bansan ngam ang u.
Chu chu Pathian duhdan pawh a ni zawk si a.Midangte tan malsawmna nih i tum zawk ang u.Zuk leh hmuam han nghei la i inchhir miah lovang.Pawisa pawh i khawl thei zawk ang.I nghei chuan i BP te a pangngai anga,i chaw ei pawh a tui zawk ngei ang.I hmel te pawh a langtha zawk mai thei a ni.
Zuk leh hmaum nghei dan awlsam ber chu tih loh tawp hi a ni mai.Zuk leh hmuam nghei theih nan ti in chaw ni 10 pawh nghei hial mah la,i ban leh tho chuan engtikah mah i nghei tak tak thei lo ang.Chu ai chuan ban miah loh tawp kha a tha ber mai.Tuman i ka ah an barh lo ang che.
Zuk leh hmuam chanchin hi han chhui han chhui pawh in mihring tana a tangkaina a om thlawt lo.Taksa hriselna nasa takin a khawih pawia, tul loa sumkhawh ralna a nih mai bakah midangte tana mi hnawksak nihna a ni bawk.A tha lo tih kan hre tawh bawk a, i nghei ngam ang u.Thiltha lo tih hre reng chunga tihluih tal hi atna chikhat a ni si a.
Similar Posts:
Recent Posts:
This entry was posted
on Wednesday, August 17th, 2011 at 9:00 am and is filed under Health.
You can follow any responses to this entry through the RSS 2.0 feed.
You can leave a response, or trackback from your own site.
August 17th, 2011 at 9:02 am
First ah zuk leh hmuam hi chu tihloh a tha ber..
Report this comment
August 17th, 2011 at 9:12 am
Fai hi Pathian an teuhna ber tih Bible ah a awm a mi? Fai hi Pathian anna a ni tih a ni mai in ka hria. Tisa fai mahse,rilru a fai loh chuan awm zia awm lo..
Report this comment
August 17th, 2011 at 9:38 am
Zuk leh hmuam a tha tihna ni lovin Kristian thurin bulpui ber atan hman chi ani lo. Ka thurin pawimawh ber pawl chu midang kan treat dan ani. Relationships. Kan laina, thian leh thenawm mai nilo, Bru mi te, Bengali te, Muslim te kan treat dan a pawimawh daih zawk.
Chubakah he Bible chang, pulita an sermon zen zen loh hi a pawimawh lo in ti nge Tirhkoh pawla sawia ai mahin a pawimawh?
Mathaia 15:11 Kaa lut chu mihring tibawlhhlawhtu a ni lo va; kaa chhuak chu, chu ngei chu mihring tibawlhhlawhtu a ni zawk e,” a ti a. (Isua sawi ngei)
Report this comment
August 17th, 2011 at 9:38 am
Post tha khawp mai athui deuh mai pawh. Zuk leh hmuam hian kan rawngbawlna pawh nasa takin min tibuai a ni. Kei pawh tive nasa tak mai ka ni a.. zawm kan lo tum ve phawt a nge.
Report this comment
August 17th, 2011 at 9:54 am
Punctuation i uluk lo rem rem hle mai. A thuchah erawh a tha e.
Kei chu ka fihlim.
Report this comment
August 17th, 2011 at 9:54 am
Pathian thu vang em em pawh ni lovin, zuk leh hmuam kan han tih ang chi hi ka ti ngai lo ve hrim hrim. Chawhmeh a zirin ka rimchhia ti reh tur atan kuhva, etc. han ei zeuh chu ka ching. Rawngbawltu tan chuan fihlim tluk a awm lovang.
Report this comment
August 17th, 2011 at 10:09 am
thu tha hlui pui mai, sei pui mai lehnghal, kan hriat nin hlei hlui, kan zawm theih si loh…Huiha, a thei chuan lo zawm sak teh un..
Report this comment
August 17th, 2011 at 10:16 am
Gutkha leh Tiranga danglamna han sawi teh? Zuk leh hmuam timi paw’n i hriat ang lek hi chu an hre vek. I buaina lo turah lo buai vak vak duh suh. A duh chuan an ti a nga, a duhlo chuan an tilo a nga. Bible nen a tehkhin chi pawh a nilo. Pathian thu in hre hlawm lutuk a, uanangah hian in hmang tawh hlawm a nih deuh ber hi. Thil reng reng a hleihluak a tih hi thil tha a awmlo a nia, Pathian thu pawh hriat lutuk hi a him berlo.
Ta deuh deuh a, zuk leh hmuam tih loh vanga thianghlim ta viauah i in ngai elaw? I thianghlimna lai ber pawh kha Pa hmaah chuan pawnchhe hnangkhai ang lek a sin. Thianghlimna a tih hian ei leh in thianghlim lam hi a sawi tum ni in ka hrelo. Ve tlat mai a. Duh ai in ka ziak tui lutuk dawn, ka duhtawk mai ang. Min chhan dan a zirin ka la rawn ziak zel ang.
A tawp ber a tan. I thuziakah hian ‘H’ i ren mah mah a nih hi.
Report this comment
August 17th, 2011 at 10:26 am
Post tha khawp mai.
Report this comment
August 17th, 2011 at 10:56 am
Sual anga sim theih chu ni se ka sim daih tawh ang
NOI
Report this comment
August 17th, 2011 at 10:59 am
Mizo tawng tluang tlam nilo deuha thuziak hi chu a thu ken tha viau bawk thin mahsela chhiar a nuam lo va,thil dang daih ngaihtuah a awl.Zuk leh hmuah hi chu a tilo/nghei hmasa apiang an vannei hmasa a ni mai.
Report this comment
August 17th, 2011 at 11:24 am
Ka’n ti leh teh ang. Zuk leh hmuam hi thil tha lo tak a ni. Mahse sin leh ethic hi a awm hrang ve deuh a. Zuk leh hmuam pawh hi Bible zirtirna atanga sin ang zawnga inzirtir vak hi chu a felhlel deuhvin ka hria. Nghei thei lo fe fe an tam tawh bawk si a, sual kan ti pung mai mai a nihna lai pawh a awm. Bible kan base dawn a nih rau rau pawh in, christian ethic atang zawka inzirtir hi a fuh in ka hria.
Report this comment
August 17th, 2011 at 11:38 am
Post tha khawp mai. A thui deuh mah mah, ka chhiar seng lo. Spelling mistake tam khawp mai.
Zuk leh hmuam hi sim a har ani e. Thil changkang tak a ni lo lehnghal.
Report this comment
August 17th, 2011 at 12:26 pm
zuk leh hmuam ti ho tam takin a Biak In hmai zah miah lo a an han ti thin hi ka ngaimawh ve khawp mai. Hnam dang ho hian an pathian biak in hi an zah thin zia han hmuh phei hi chuan Biak In chhung leh a kawt vela sahdah, supari, tiranga, kuhva, meizial leh a behbawm vel kan ei thin te hi hmu ta se min hmuh dan chu a diklo ve ngawt ang. Thil reng reng hi a hun leh a hmun te hi thliar hrang thiam ila, kan chakna ringawt ngaihtuah lo hian..
Inkhawm hunserh pangai laia thenkhatin sahdan,tiranga, supari vel an han hmuam ru thin hi chu Pathian Biak In zah loh thlak thin khawp mai, a bikin tleirawl(tleirawl kherlo pawh) hmechhia hi anni duh khawp ka hria. Hei hi mawl vang hrim hrim nge, inchhung leh Biak In lama in zirtir that tawk loh vang…
Report this comment
August 17th, 2011 at 12:52 pm
Zuk leh hmuam tih hi vanram kai lohna khawpa chhuah chiah ka ngailo. Tih miahloh a tha, hriselna atan..pastor mei zu put put, kuhva ei sen huam erawh a mawi ti lo berte zinga mi erawh ka ni.
Report this comment
August 17th, 2011 at 1:25 pm
zuk leh hmuam hi chu a tha lo ani.A sim thei chuan sim hmiah hmiah tur. Amaherawhchu zuk leh hmuam te, zu te thlengin, misual teh nan kan hmang fo hi chu a dik lo deuhin ka hria. Lal Isua thianghlim tih a sawi hi chu thinlung lam ani. Thil reng reng a tawk chauha min a tih a, a mah leh pathian inkar a buai loh chuan, a sual leh sual loh chu keini ni loin Pathian ngaihtuah tur ani.
Report this comment
August 17th, 2011 at 3:48 pm
#12 na comment ka thlawp e. Duhtawka Bible hrilhfiaha kan duh loh zawng suala puh mai zawng a ziaktu (Paula) sawi tum piah lam a ni ang.
Post-tu thuziak hrim hrim hi chu hmeichhiain ṭhahnemngai deuha thu an sawi hi a ang
Report this comment
August 17th, 2011 at 3:59 pm
Sual kan tih hi a dang thei viau in ka ring. Bangkok a sual an tih leh Phuaibuang khua a sual chu a dang viau ta ve ang. Sual reng reng PA atanga chhuak a awm silo tih hian PA atanga chhuak lo zawng zawng hi Sual a ni tihna a nih kher ka ring chiah lo.
Thil reng reng kan rilru leh ngaihtuahna sual tih puitlinna atana kan hmang a nih chuan Sual ah ka ngai nghet miah thung.
Report this comment
August 17th, 2011 at 4:01 pm
Punctuation i uluk lo emmai. Ka chhiar chhuak peih ta lo mai e. ” Awm” tihna turah te “om” i ti tut tut mai a.
“Poimoh” tih ai chuan ” Pawimawh” te han ti la mit a la zaih ang maw le. I post hmasa lamah pawh kan hrilh tawh che kha maw.
Report this comment
August 17th, 2011 at 4:08 pm
“Fai hi Pathian an teuhna ber” kan lo ti pawh hi a mak ve mai mai ngawt mai..cleanliness is next to godliness tih ni maw kha?
Report this comment
August 17th, 2011 at 7:15 pm
Zuk leh hmuam ti nasa nazawng hi a thi hmasa an ni ziah kher bawk silo a, a ti ngai miah lo cancer a thi pawh sawi tur an tam tho mai a. Zial zu nasa tak kei aia hrisel leh chak zawk lah chu ka hmu treuh mai bawk si. Kan rilru mil leh tum lawk ang zel hian engkim hi kan hmehbel mawp mawp thei vek mai a nih hi maw.
Report this comment
August 17th, 2011 at 7:50 pm
Tuibur/Sahdah/Kuhva ka ti vek thin. A thatloh dan chu turu tak ani. A mawilo bawk. Kumin World No Tobacco Day tang khan Tuibur leh Sahdah ka nghei thei ta hlauh a, kuhva erawh chu tlem tlem la ei. Thiante nghei thei vek turin ka duhsak che u, nghei duh ho chu.
Report this comment
August 17th, 2011 at 8:16 pm
”Kei ka thianghlim angin nangni pawh in thianghlim tur a ni”(IPeter 1:16)- tih thuah khian thianghlimna hi taksa lam thianghlimna (Cleanliness) ni lo vin thlarau lam thianghlimna(holiness) a kawh zawk hmel…Eng pawhnise, Zuk leh hmuam a in sum hi chu ringtuten kan tih tur ani khawp mai.
Report this comment
August 19th, 2011 at 3:19 am
Haha!!a thu hi Middle school naupang essay assignment submit hma a rawn post anih duh hmel.
Noi em mai inzir nan kan hmang teh ang…
Report this comment
August 19th, 2011 at 3:29 am
Report this comment