Ka post hmasa kha chhunzawm leh ka rilruk laiin thil dang ka ngaihtuah san leh ta daih si a tlai khawhnu ah ngaihtuahna alo kir leh a han pawr thar leh ta vel ila.
Sawi tawh ang khan naupan lai thil kan hriatreng te hi chet fuhlohna lam hi a ni duh viau leh nghala, thil ṭha tih nei ve nual mah ila han ziah tlak em em a awm loh avangin chet chukchu na lam bawk hi han sawi leh ta mai mai ila:-
1) Anganwadi bawnghnute bar ruk: Primary sikul tual ah hian hruizel thlungin, thing phel suih hmanga Tennis khelh kha kan rual u deuh (boss rual vel) te khan an hrat thei em em a. A kotlang ah an ball vuak liam chhar sak pahin kan lo thlir ve ṭhap ṭhin, an khelh peih tawhloh hnu ah ball boys taima deuh te kha min khelh tir ve ṭhin a. Primary sikul opposite ah chuan Anganwadi school hi a ding bawk a.
Tlai khat chu anganwadi building ventilation chhung ah chuan ball chu an vaw lut palh a. Kan ṭhian zinga patê ber leh chal ber mai, Sena chu ventilation a a luhlen avangin ball chhara turin an ti a. A lut thla ball a rawn vawm chhuah hnu ah rin aiin a thang rei ta phiana, tlai thim thet thet ani bawk nen a hrang a nih ringin kan ko vak vak a.
A hnu reilo te ah chuan hmaia bawnghnute kai nuau in a rawn chhuaka. A kawr leh kekawr ipte a amulia ak khat ṭan chuan alo chhuaka, kan dil ve a ala uikawm em em zui lehnghala.
Chumi tuk aṭang chuan ball kan vaw lut ta ziaha, ventilation bar pawh chu kan pawh kau nasat em avanin lut lenglo a bar pawh kan awm ta lova. Ball pakhat chhar turin mi panga te kan lut rual ta ṭhin a. A box thar chhung a mi te chu phawrh in kan bar ta hawng hawng a, a bur ruak apiang chu an dah khawmna box kil ber ah kan dah zel a.
Chutianga kan tih fo tak hnu chuan anganwadi naupang ho in bawnghnute dawn tur an lo nei ta lova, sikul tuallai a Tennis khel thin ho zawng zawng zinga lut ru apiang chu Pi Chhuangi (anganwadi teacher) hnen ah mahni ei zat ṭheuh nen in report vek tur an rawn ti ta a.
Zan laiah kan zinga boss ber chuan “An in ah kan kal anga kan vaiin ngaihdam kan dil tur a ni, a kal lo chu kan report tho ang, kan kim loh chuan JAC ah min pe vek dawn” a ti a. Chutih lai chuan kei ka chhungten zan chhuah an phal loh avangin in ah ka awm a, kan ṭhianpa Sena chuan kan in ral lehlam aṭangin zan lai ah ral hla tak aṭangin min rawn au liah liah maia, ring mang khengin “Rawn phei vat rawh, i rawn kal loh chuan JAC ah an report dawn che ” a rawn ti a.
Keichuan ka nute chhuah ka dil ngial pawhin zan chhuah an phal tawh bawk silo, ka thinrim bawk nen “Kan nu ten chhuah an phal lo” ka ti ve ta taurh tuarh a. Ka kal theih ve tak lovah chuan Sena chu thinrim ve ta “Kan kim loh chuan JAC ah min report vek dawn, kan ei zat nen sawi vek tur” a rawn ti leh a, keipawhin thinrim takin “Ka chhungten chhuah an phal lo alawm, bur chanve bak ka ei lo, lo sawi mai rawh” ka ti leha, a ni chuan “I ei hnem lutuk kan sawi vek dawn” a rawn ti leh, kei chuan a aia pawr in “Sen-pate a lut hmasa ber i nih kha aw, ka sawi ve mai ang” ka ti leh…
chutiang reng reng chuan zan laia ral leh ral ah kan han in ankhum khawk rum rum mai chu nia, tun hnua ka ngaihtuah hian ka nuih aza in lung aleng mange 
Pi Chhuangi hnenah chuan kan hming leh kan ei zat (thirfian hnih/thum tih lek lek) ziakin kan thianpa/boss Dâk-a ho chuan ngaihdam dil in kan kal khawm ta a, nu zaidam tak chuan min lo ngaidam ta tliar tliar hlawm a.
2) Pi Hnuni Arpui tui: Pi Hnuni arpui te hi an archhiar a lawi lovin an in hnuai, kan meizial zuk rukna ṭhin kawmkil ah hian an tui ṭhin a. Chu chu kan hmu fuh hlauh a, kan ak haw a amah Pi Hnuni hnenah bawk Rs 4 in kan hralh leh ṭhin(an tui regu phian lehnghal). Dawr nei anih avangin zozial tel 5 nen te kan thleng ṭhin a kan in sem leh den den zel, Pi Hnuni khan a hre ngailo reng reng…..haha…
3)Sarzûk lawh: Ṭumkhat chu kan ṭhenawm te huan a sarzûk hi a rah hmin tuarh maia, a kung zar a buk tham avangin a rah pawh atama ral aṭang pawhin ei chakawm takin a sen tlep tuarh a. Ka ṭhiante pahnih chhun ah an lo leng a, kan tukverh aṭanga chu sarzûk rah chu an han hmuh chuan lawh ruk an rawt ta maia.
Keichuan ka ngam lova, a chhan chu a nei tupa in a veng uluk tih ka hria a, a thin a chhe bawk a, min hmuh vaih chuan min vawm nek duh ka ring a. Mahse ka ṭhiante chuan “Kan rawn chhukna lamah an kawngkhar kan hmu a a inkalh vek” an ti a, an in tukverh ka han en chuan a in khar tlat bawk avangin ka awih ve ta maia. Tichuan huan pal chu keu kau in kan lut ru ta a, keichu an ṭhenawm lawk aṭanga hmu fo tawh ka nih avangin a rah hmin tamna lam chu ka hre deuh a chuvangin ka lawn sang ber bawk a.
Thawklehkhat ah tukverh a rawn in hawng ta ṭhuaia, rang lutukin ka ṭhiante chu an zuang thlaa huan mawng lamah put chhuakin kan inhnuai lamah an tlan nghala. Keive chu ka lo lawn san avangin ka che tlai deuh a, a kung bul ah chuan ka bawk ran maia.
Ka ṭhiante chuan ral aṭangin a rawn hawi thlak leh thlak loh min lo signal a, a hawi loh veleh a tlan thlak ve ka inring reng a. Chutia a kung hlim hnuaia ka bawh run lai chuan “Bawk duh suhhhh…..i lang vekkkk… kal mai rawhhhh….” a rawn ti a. Ka zak lutuk a, kan ṭhenawm pa ni bawk si a ka la che duh chuang miah lova.
A khat tawkin a rawn ti reng lehnghala, ka hmel ala hmuhloh beiseiin ka la inthup ve ṭang ṭang a, midang chu ni ila ṭha takin ka tlan chhuak ang, kan ṭhenawm pa ni kher kher khan min ti che ngam lo a ni.
“Ka rawn perh dawn che nia aw” a tih paha a sairawkherh la tur ke pen thawm niawm ka hriat tak hnu ah chuan kawr lukhuhin chak lutuk in ka tlan chhuak ve ta a.
Similar post hnuai bera khu part hmasa chu a awm ker 
Similar Posts:
- Prof. RL. Hnuni a Pastor lo
- Baptist Kohhran in Dr. R L Hnuni pastor atan an nemnghet dawn em?
- Hei le, mi(sual) Brazilian World Cup Squad chu…
- Thlalak mamawh tut tut
- Mizo Day Report
:)
August 19th, 2011 at 11:05 am
Chhiar ila!
Report this comment
August 19th, 2011 at 11:07 am
nia chhiar ila
Report this comment
August 19th, 2011 at 11:10 am
Chhiar phawta comment i tum theuh ang u
Report this comment
August 19th, 2011 at 11:18 am
ka chunga mi chuan thikthu a va pe chhe ve lolz
Report this comment
August 19th, 2011 at 11:32 am
Naupang sual tak i lo nih hi mawle
Report this comment
August 19th, 2011 at 11:36 am
No Comment.
Report this comment
August 19th, 2011 at 11:49 am
Misual.com-a i character han en chuan naupang fel i nih ka ring lo hrim hrim a.
Report this comment
August 19th, 2011 at 12:24 pm
A va han ngaihnawm biah biah em!! lo ziak zel rawh, artui hralh khi ka lawm tawp LOZ
Report this comment
August 19th, 2011 at 12:34 pm
a ruka thiltih kha a lo nuam ber mai. mi thlai/thei lawh rukah kha chuan ‘cial’ tak ka ni. thiante ngamloh kha ka ngam zel.
Report this comment
August 19th, 2011 at 12:36 pm
Aganwadi i la nau awm ve le.
Kan naupan lai chuan nusary ah kan kai thin kan inkhal lem thin.
Report this comment
August 19th, 2011 at 12:36 pm
saint keipawh, ka hman remchan ah ka la post ve ang, theihai, sarzuk, sapthei, kawlthei, champara thei hrim2 ruk tih vel ah chuan sulhnu ka ngah ve ropui lol
Report this comment
August 19th, 2011 at 12:39 pm
Ziak ngaihnawm phian roh mai a hairehai
Hetiang rual nih kha alo nuam ber mai awm e a!
https://i53.tinypic.com/9ho1l4.jpg
Report this comment
August 19th, 2011 at 12:55 pm
Ngaihnawm. Naupan lai min tingai rum rum mai!
Report this comment
August 19th, 2011 at 1:32 pm
naupn lai nun h cu… Ka la thlahlel tk zet ani..
Report this comment
August 19th, 2011 at 1:55 pm
Tunlai chu hetiang ho te te ngaihtuah kir hi nuam ka ti riau, duh aiin kan fing tawh lutuka nuam lo
Naupang sual tak kan ni a, tunlai inti fel deuh biak har leh in ti Pathian thu awih ai chuan hetiang nun ka lo tem hi ṭha ka la ti zawk thau2. Mi fel deuh bula awm ai chuan kan bula awm hian mi an leng hnem zawk
Report this comment
August 19th, 2011 at 2:32 pm
pitar/putar innghak mi um thei lo turte inchung/bang vawm sak kan ching thin te kha aw… min um lo tih hrereng chung khan kan van tlanchhe thui thei tak.
Report this comment
August 19th, 2011 at 2:44 pm
nanpan laia nuam kan tih em2 pakhat chu: halpuah fuse hi la mut duh chiin kan zawm sei a, kan dep a, mi bang/kawngka-ah kan zep a, hla tawkah hnim kar atangin kan thlir thap mai a. A han puak a, an lo chhuak a tute nge …tiin an han zawng kual vel kha nuam kan ti thin a sin aw..
Report this comment
August 19th, 2011 at 2:58 pm
Haha..min tihlim lutuk lal Asteric… in nghal ve hlawm hraih hraih hle mai a.Ngaihtuah lêt hian khang hun lai kha a nuihzathlak duh, mahse hringnun vawrtawp leh kan lung ti leng tu a ni tlat si a nih hi..A dang pawh han ziak leh teh. Post tha tak a va han ni em…
Report this comment
August 19th, 2011 at 3:03 pm
haha similar post hnuai ber chu
Report this comment
August 19th, 2011 at 3:28 pm
min van ti nui nasa em! zanlaia i thianpa nen rala in inhnial dan vel mawlh mai khi ni, ka lawm ber chu! lol Naupang chimawm tak i nih thin ka ring rengah
Report this comment
August 19th, 2011 at 3:40 pm
I naupan lai i va chhun ve….!!!
Tun hnua i fel chhoh tak dan te pawh han ziak zel la, ngawihnawm hle mai a. Post kawlhrawng tak a ni e.
Report this comment
August 19th, 2011 at 4:10 pm
Min ti lungleng mai dawn alawm mawle.:-)
Report this comment
August 19th, 2011 at 5:29 pm
Ka ngaihtuah chet2 a i va han kawlhrawng tak em..nui3
Report this comment
August 19th, 2011 at 5:45 pm
nostalgic tih bak sawi tur ka hre lo.. sarzuk lawh ruk tih te, amulya bar ruk te khi.. naupan lai chuan kan lo ti ve vek anih hi…!! tawlailir siam te, sairawkherh suih te…!! aa ngaihawm mai mai.. post chhiar nuam tak ani…!!
Report this comment
August 19th, 2011 at 7:33 pm
#19@ Grey_RM: haha…preview ah kha chuan a hnuai ber ah a awm asin le
hahaaaa…kawlhrawng inva ti hlawm em, K-a te zu kan ruk a amah kan khilai ve pawh ka sawi tello mah mah
Henga kan ṭhian ṭhenkhat te hian mual min liamsan tawh hlawma, dawn changin lung a leng vawng vawng ṭhin
Report this comment
August 19th, 2011 at 8:15 pm
Asteric chu dai chi kim ve hle tak mai. Ka naupan lai kha chuan, Nu leh Pa ten an fa te entawn leh kawm atana an duh kha ka nia. Ka College ka kal lai kum 3/4 vel kha khawvel lam a ka han tlan ve deuh lai chu a ni mai. Mase, expi kim ve ang reng tak chu ka ni.
Report this comment
August 19th, 2011 at 8:16 pm
26.*Ka college kal lai*
Report this comment
August 19th, 2011 at 8:51 pm
@PKfanai: hmanlai tawh lutuk thil a nih khi
Kum khat chhung hian ni tam tak a awm a, kar hnih khat chhunga thil thleng mai mai a nih khi….. 
Dam rualpui te rau rau ah pawh hian dai chikim pawl tak chu ka nive in ka ring
Naupan tet aṭanga awmhmun nghet nei ta lo chu a awm ve viau bawk a ni. Ka Chilka awm lai chanchin phei chu ka ṭhianpa (Vaipa) hian a story ka ziak dawn a ti ve thlawt alawm….lolzzzzz
Pathian lamah pawh nise Camp-a piangtharna chang nilovin (rawngbawltu camp bak ka la lutlo), nun khawharna hian min ti piangthar nive pakhat in ka hre bawk…..chu chuan philosophy lamah tuina min pe bawk, nuam ve mai mai….
Report this comment
August 19th, 2011 at 9:32 pm
ngaihthlaknawm hle mai,a dang pawh sawi tur i la neih teuh ka ring han ti zel rawh
Report this comment
August 19th, 2011 at 11:09 pm
#29 Rawn ziah belh zel tak nang a…
Report this comment
August 19th, 2011 at 11:35 pm
Asteric hian a la sim ka ring lo
Report this comment
August 20th, 2011 at 1:06 am
Hei zet chu PHO RO a ni chiang mai! Confession ngaihnawm a tling. Hetiang hian Zakaia anga che chhuak ngam vek ni ila, kan ram chu a thianghlim kuar ang.
Report this comment
August 20th, 2011 at 1:10 am
#32 chawnghilh
Kan sualna te hi kan zahpui tawhloh chin ah chuan kan in hawng hiu hiau tawh tihna nimai 
Report this comment