Tangkaipui kan awm takin Pathian thu lam ka rawn post ve ang nge, a vawi khatna tan.
“Zingtin ni chhuak hian mihring nunah hlimna rawn thlen ziah ta thin sela; van ram chakna kan nei ngai lovang.”
Khawvel hmuntin leh ramtina, chhungkawtin fang chhuak ila, mahni tawka harsatna sawi tur nei miah lo chu an awm a rinawm loh.
Kan harsatna nia kan hriat aia thuk nei deuh vek kan tawng ngei ang. Khawvelin chhiatna, lirnghing, accidents, indo thuthang,.. a tawng chamchi a; chutih rualin mi tam takte’n rinna tihderthawn nan lo hmangin, “Pathian reng a awm lo”, an tih phah fo thinna hi enge a chhan ni ang le?
Khawi lai hmun pakhata puaktheithil puakin ka fapa duat leh hmangaih em em, mite pawisawi tam lo nunna a lak avanga ka hreawm tawrhna nasa takah hian ka Lalpa beng hi a ngawng tlat em ni?
Ni hauh lo e, Pathian chuan thi thei tura A din mihring chu hmang tangkaiin kan nuna kan la hriat fiah loh A thuruatte kan zir theih nan tihhreawmin kan awm mai a ni zawk.(Sam 119:71, Job 36:15)
Chu thil chuan midangteah chhinchhiahna(warning) tangkai a siam bawk thin. Chutiang atana ka fapa ngei A hman avanga vui mai lova fak tura hnena Lawmthu sawi mai hian, kan hmelmate pawh hmangaih tura min titu hi, a tih lawm viau ka ring!
Chanchintha hriltu ropui ber pawl Paula hian harsatna a tawng mai a ni lo; a nun pui hial zawk a ni. Pathianthu hrila a vahna hmuntin rengah tihduhdahna nasa tak, vuak, lunga den, tan ina khung, tihhlum tumna hial vawi tam tak a tawng a.(II Kor. 11:23-27, Tirh. 16:19-24, 21:27, 14: 19-20) .
Mahse, chung a harsatna tawh zawng zawng chuan a pawt ding lo, a nuna eng lo la thleng tur chu thlirin a tuarnaah lawm zawkin a chak lohnate chhuangin hreawm tuara chanchintha hrilhna lam hna thawk turin min la ti zawk a ni. (II Kor. 12:8-10, II Tim. 4:5)
Tunah khan harsatna engemawin a tuam vel ang che, I chhungte hun I tih loh taka boralna khan a tilungngai ang che, I tisa leh thlarau retheihna khan a tihreawm ang che, mite aia chan chau bik nia I inhriatna khan a tihreawm ang che. Mi thenkhatten anmahni nunna ngei an lak phah hialna ang harsatna I tawng chamchi ang.
Chung avang chuan I siamtu hnenah vui mai lo la, Lalpan zirtir tur che a nei tih leh A hmangaih che a, I chungah a lo thlen a phal a ni tih hrethiamin pawm thlap mai rawh. Joban mihring chu buainaa khat pangpar anga lo para vuai leh mai thin a ni a tih thu te; Kristan amah zui duh apiangin hreawm tuara an zui tur a ni a tih thu te, Rilrua retheite engthawlna leh van ram an ta a ni a tih thu te leh Lungngaite chu thlamuana an la awm tur thu a sawite hian nun a va khawih em!
Heng nun harsatna kan hriat thiam lohna hian tihtawp ahnekin a tibelhchhah zawk a. Amah ngeiin Tirhkoh Paula hmanga hreawm tuar tur kan ni tih thu min hrilh te hrerengin Amah kan hmuh chian zawkna leh van ram lo la thleng tur nawmzia puanna a ni tih I pawm thlap ang u.
Joba pohin a hreawm tuarna nasa tak atang khan a ni, Pathian chu “Benga hriatna mai zawngin ka hre tawh chia, Mahse tunah zawng ka hmu ta che”, a tih hial ni! Lalpa’n malsawm rawh se.
He thu hi ka pa (21th June 2009-a min boralsan ta) damloh lai Good Friday, 2009-a ka ziah a ni.
August 25th, 2011 at 11:01 am
chh1ar 1 la
August 25th, 2011 at 11:01 am
A tha e
August 25th, 2011 at 11:04 am
Tha hle mai……..
August 25th, 2011 at 11:21 am
No Comment.
August 25th, 2011 at 11:40 am
A tha khawp mai. Thui tak sawi zui pawh ka chak zawng tak a ni. ‘How to handle Adversity’ by- Pastor Charles stanley hi ka mangan laiin ka chhiar á¹hina ngaihnawm ka tiin minpui khawp mai.
Harsatna/thinlung chhunga tuihal na kan neih hian kan bula kan á¹hiante hi min thlamuantu an nihloh vek chuan min ti hrehawmzualtu an ni ngei ngei…
Joba chungchang i rawn sawi bawka, a mangan em2 na ah khan a tuar chhan hrelo mahse lawm a tum a. A lawmthusawina tur apiang te kha a chân ta zel mai si a. A tawp ah chuan lawmna chhan tur engmah a nei lo. A nun tuihal laiin a á¹hiante 3 Elifaza, Bildada, Zofara te an lo kala Joba tuar chhan an han zawng fat fat a, a thil tihsual vang ah an puh thlu vek ringawt.
Joba lah chuan an puhna te chu ni zawk thei hram sela inthawina hlana ngaihdam dil mai a duh, mahse a ni bawk si lo. Joba tuarna hriatthiam tum aiin a sualna zawn ah an buaia, Joba tan manganna ti zual tu te lek anlo ni. A tawp ah engtinnge Pathianin Joba leh a á¹hian 3 te chungah a tih kan hre hlawm ang chu.
August 25th, 2011 at 2:57 pm
#7 jahauruaia -ka sawi tum min sawi khalh.
#5 Asteric: Joba chanchin a mak ka tih thin chu, a tawpah khan Pathian khan Joba kha thil awmzia a hrilhfiah chuang miah lo. Setana nena an in ‘deal’ dan kha Pathian khan Joba lakah a thup tlang thak.
August 25th, 2011 at 7:13 pm
21th chu a ba mak be? First … twentyfirst chu ST, twentysecond chu ND, twentythird chu RD … 21st, 22nd, 23rd … 24th HRIAT CHIAN VANG VANG ATAN AW!
August 25th, 2011 at 7:22 pm
Tha ve pah reng
August 25th, 2011 at 8:33 pm
>>Chung avang chuan I siamtu hnenah vui mai lo la, Lalpan zirtir tur che a nei tih leh A hmangaih che a, I chungah a lo thlen a phal a ni tih hrethiamin pawm thlap mai rawh.
Dik lutuk. Amen! Krista vanga hrehawm tawrh hi thil hrehawm over a ni hran lovin ka hria. A hrehawm pawh a rei vak lo chawk. Rilru zawng² hretu hian atan tawrh kan zuam a ni tih hi a hmu tlang vek a, thinlung ah hian thlamuanna mak tak mai min pe leh thuai mai thin. ( Keima expi ve dan a nia ka sawi hi )
”Then you will experience God’s peace, which exceeds anything we can understand. His peace will guard your hearts and minds as you live in Christ Jesus. Phil 4:7
August 25th, 2011 at 8:55 pm
#12
Ka lawm e. Ka lo tihsualpalh a ni e.
August 25th, 2011 at 9:06 pm
Pathian thu hria ka ni lem lo a. He thu hi chuan keimah ngei hi mi khawih nasa em a. ka rawn share ve tawp a ni e. Ka Pa’n rei tak chhung khum betin min natsan hnuah min boralsan a. Chutia a boral hmaa he thu ka rilrua a lo lang a, ka’n ziak ve tawp hi chuan a boral hnu khan nasa takin min hnemin chakna min pe khop mai.Zirna avanga a ruang kil thei lova ka awm lai pawh khan he thu mawlh hian a ni mi hnem chu.
December 18th, 2011 at 12:19 am
END