A khumah a mu bam a, a thaw leh hawk á¹hîn; rethei a inti êm a ni. A lu nâ avângin a meng á¹ha thei lo va; a luak a chhuak em em a, a luak thei chuang lo va; a pumpui á¹ha lo chu a entir tawh a, pumpui ulcer an lo tihsak a, a damdawi pawh inentirna lehkhaa leng lo khawpin an lo chawh a, ‘Ka dam phah leh tak tak chuang lovang’ a ti a, pakhatmah a lei chuang lo, leina tur pawisa a nei tlat lo.
A mit a entir a, tarmit an lo chawh a, tarmit leina tur nei thei khawpin a hausa lo. Ni dangah chuan inentir mai mai pawh a duh tawh lo, nghah rei a ngai thei êm a, a dawhtheihnain a tlin á¹hîn lo. A kâwng a na em em a, a naupan laia a ritchawina lama a kâwng herh nâ kha a rawn chhuak leh a ni. A kalah lungtë a awm bawk a, zun a harsat phah em em a; inthiar a duh, mahse, a e thei lo, an septic tank a khat tlat.
Ngaihzâwng lamah lah ni se, a luck lo em em lehnghal a. A ngaihzâwng neihchhunte lah chuan rei lo të-ah an kalsan zung zung a, taima taka an SMS a lo dahá¹hatte chu khawhar takin a chhiar ruk ruk a, a lâktlâk lai leh amah an duhna deuh ber ni-a a hriat chu thawn lêtin ‘He thu min thawn laite kha..’ a va ti leh ringawt a, amah a intihrehawm mai mai a ni. Mahse, khawharna tur a neih phahna a ni ve miau va.
A hla duhzâwngte lah chu ‘A riang chhuihthangvala’ tih lampang hlîr. A inhnemna ber hla chu a lung tilêngtu ber a ni tlat thung. A tawpah rilru na takin a bialnu hluite chu SMS-in an iná¹hen avânga a tawrh nasat zia a va thawn leh dâwk dâwk a, anni’n awlsam takin ‘A va pawi ve’ an lo ti liam leh puat a. A thawn hma aiin a na leh á¹hîn; a lu nâ rawn chhuah hun nen innang miah hek!
A retheihna a theihnghilh ngai lo, a hre lutuk hi a buaithlâk letling zawk. Mi khawngaihna pawh nghâk zo lovin amah a inkhawngaih nghâl sa em em a, a tawpah SMS-ah bawk a á¹uan leh a, ‘I insawi khawngaihthlâk thei êm mai’ tih bâk a dawng leh chuang lo; chu pawh hmána ‘Ka hmangaih ber mai che’ a lo tih hnûp hnûp hnên aá¹angin.
Zâna a mu thei lutuk hi a buaipui, ‘hîl’ tel loh vângin. Tlaivar dâwn dâwnin a inngaihtuah lungpuam a, chumi aá¹anga mittui lo chhuak chu a mutbu-ah engzât tak thámral ang maw? Chhûnah erawh duhthusamin a muhil thei zék thung a, chu pawh lehkha zirna hmunah a nih loh chuan a thei chuang loh. A thil ei a tui lo va, chaw lah a ei thei hek lo; chawhmeh á¹ha leh tui hmeh ngai hek lo le.
Chumi a nih avâng chuan a chêr tawlh tawlh a, a rihna a tlahniam chak hle bawk a. A inbûk hnuhnun ber á¹um chuan kg 5 ngawtin a rihna a tlahniam a, chu chuan a tilungngai em em a; lungngai viau e ti lo chuan a biak remchâng apiang a hrilh thla zen a, a rilru takin a là wm emaw tih mai tur hi a ni. A inkhawngaihna rilru tân chaw á¹ha a ni tlat.
‘Thian ka kâwm tam lo va, mahnia awm hi nuam ka ti zâwk a..’ tih thu hi a á¹hian chhar thar apiang hnênah a hrilh á¹hîn. Nia, amahin a tawm cheuh cheuh a, a phone erawh a rim tlak tlak hle thung. ‘Mahnia awm chi ka ni lo’ ti chungin fianrial a ngainat zia a sawi reng mai.
He’ng thil zawng zawngte hi a ngaihzâwng hlui tlémtë-te-ah a burbun vek! A.. A rethei ve êm bawk a ni!
August 27th, 2011 at 8:08 pm
em ooo
August 27th, 2011 at 8:20 pm
E khai aw ! Ka va khawngaih em ! ;-(
August 27th, 2011 at 8:25 pm
Lung ava kuai ve le, he post chuan…
August 27th, 2011 at 8:28 pm
Damdawi leina neilo in top up na man chu a nei reng tihna mi?
August 27th, 2011 at 8:33 pm
A va riang awm ve…..
August 27th, 2011 at 8:44 pm
a in pawh valrianga run an ti.
August 27th, 2011 at 8:48 pm
i thianpa kaia chanchin ni maw??
August 27th, 2011 at 8:51 pm
@aduhi. lolzzzzz…
August 27th, 2011 at 9:06 pm
ka khawngaih lutuk a, ka mittui a tlaa…sob!sob!sob! 🙁
August 27th, 2011 at 9:11 pm
Kaia tak hi chu aw…!!! (Y)
August 27th, 2011 at 9:13 pm
Ziak thiam hle mai, a chhiar pawh a nuam e.
August 27th, 2011 at 9:18 pm
Va ngaihnawm ve. Rihna kg 5 tlahniam khi ka like :-$
August 27th, 2011 at 9:26 pm
Ka chanchin in lo post a ni maw 😉 ;-( :-O 🙂
August 27th, 2011 at 9:51 pm
Kaia hi ka hria… Kei pawn ka lainat thin a sin, Tuaite! Mahse, a pumraw tèt ang aia thluak erawh nei lian zet mai a nia, a la dingchhuak ang! (Y)
August 27th, 2011 at 9:55 pm
Hei zet chu,kei ni ila ka pum tha bawk sela zu ka in teuh ag 🙁
August 27th, 2011 at 9:56 pm
@kawlhawk #14, nia…
August 27th, 2011 at 10:06 pm
Ka la rawn kan ve dawn nia…
August 27th, 2011 at 10:27 pm
I thianpa aia rethei, mobile phone leina tur pawh nei zo lo, mobile phone pawh la hum chhin miah lo hi an tam asin aw. Mi khawngaihna nghak zo lova mahni leh mahni inkhawngaih ngawih ngawih hi, hrehawmna achunga hrehawm lehchhawnna ah ka ngai.
“A ngaihzawng hlui tlemte tea a burbun vek dan khi ka va’n hrechiang chak reuh e.
August 27th, 2011 at 10:56 pm
Ka rilru ang pu mi Cariboua’n a rawn sawi hmasa. Pumpui ulcer damdawi leina tur leh Tarmit leina tur nei si lo-mahse Mobile handset nei zo si-mobile handset man to tak a ni hial em? Ts-fiamthu fiamthu…ka rilrua lo lut mai mai a ni e. 😛
August 27th, 2011 at 11:03 pm
A handset hralh se Omez-D emaw tarmit emaw lei se a thratpui ngei ang mawle.
August 28th, 2011 at 12:24 am
haha.. Chhiar a va nuam par2 ve.. K nui hnem.. 😀
August 28th, 2011 at 12:27 am
Hrisel lo tak2 a ni ngem le:-)
August 28th, 2011 at 8:06 am
mi rethei…..mahni pawh rethei inti em em mai te pawh hi an tam a sin..an retheihna hmachhuana midangte khawngaihna ngen hrim hrim tum te hi ka lo hmu ve nual taw..i ziak tha leh hle mai…
August 28th, 2011 at 9:27 am
😀 I thianpa hi ka hmelhriat ni tlat in ka hria, mahse i soi ang khi chu a nih loh hmel, retheih chu an rethei ang reng nang a , i hriat dan leh ka hriat ve dan chu a in ang miah lo mole……… (Y) 😀 😛 .
Ziak thiam khop mai fiction lamah i sang tlat 😉 😉 .
August 28th, 2011 at 11:31 am
Thiam khop mai….lo post jel roh
August 28th, 2011 at 11:54 am
Asporo eitir mai chi a ni lo maw, apa ts.. 😀 (Y)
September 2nd, 2011 at 10:17 pm
pumpui ulcer hi a dam har a nia, i thianpa chuan pawisa a eihloh leh tui tal inhnem teh se… a mobile khi mi pek…topup poh sms pack nih hmel e….a rihna tlahniam khi chu ka thik khawps mai
September 2nd, 2011 at 10:20 pm
pumpui ulcer hi a dam har a nia, i thianpa chuan pawisa a neihlohva i puih theih bawk si loh chuan tui tal inhnem teh se… a mobile khi mi pek…topup poh sms pack nih hmel e….a rihna tlahniam khi chu ka thik khawps mai