Ka thil rawn sawi tum te hi kristian ram kan intihna ram atanga ka thlir dan ve mai a ni. Ka thlir dan hi a tha ber ka ti lova, a fing ber pawh ka ti hek lo. Kristian zaa za kan intihna ram atang hian, thlirna kil khat ka rawn thawhchhuah pui ve mai a ni e.
Pawngsual: Dt 31-8-2011 dar 4:00pm a TuaiSialA rawn post “Thlalak an lak” tihah khan ka comment zuai tawh. Sihphir Taxi Driver-in hmeichhe naupang pawngsual a tum kha a ni.
Kha pa kha ka hmelhriat pawh a ni lova, a thian tha pawh ka ni lova, thlahtute thlah leh chhawng zawng pawhin kan inlaichinna ka hre hek lo. A nunram ka hriatpui lova, a thlarau nun pawh ka hre hek lo. Mahse, a ma kaltlangin sawi dawn teh ang.
TuaiSialA rawn post-ah khan a thlalak lan dan atang mai kha chuan, kut chu a tuar ve hlek a ang. Kut thlak tute ka dem ka ti lova, ka dem phak leh ka dem thian pawh a ni lo.
Ka sawi duh chu hei hi a ni. Thil tisual thin tute hi Mizo an ni emaw, hnamdang an ni emaw heti taka kutthlak kan chak thin hi Kristian ram kan intihna atang hi chuan a mawi chiahin ka hre lo. An sual man chu hmu tlak an ni a, an phu hliah hliah bawk. Mahse, roreltute an awm a, an phu tawk hremna chu an dawn tir ngei a rinawm si a.
A tuar tu leh chhungte tan chuan a na khawp ang tih chu kan hre vek, roreltu ten a na thei ang berin an hrem ngei dawn a. Chutih laia na taka kut kan lo inthlak ve kher hi a tulin ka hre lo. Vawi hnih khan kan lo inthlak te a nih chuan ka hrethiam.
I sual leh thilsual i tih tawhna thlirkir la, sual buru lutuk i ti lo a ni thei. Mahse, sual chu sual a ni a, misual chu hrem tur an ni. Pathian leh van angel ten i sual ang leh ka sual ang hian min hremin, an kutthak hrikthlak nân min hmang ve dâwn se-engtin tak awm ang che maw? Engtin takin awm ang i maw? Dam tlak leh dam tur hi kan awm ngut ang em le?
I nau, i u emaw, i chhungkhat ten lo ti ve ta ang se, kutna tak tuar ta sela, nâ i tiin nâ kan tihpui viau lawng maw? A sual man a hmu a nih kha kan tihphal ka va ring lo em.
Kan Bible chuan phuba lak reng reng a phal lova, phuba chu Pathian lak tur a ni. Tu te pawhin sual eng ang pawh lo ti sela, kan thinrim pha a nih chuan kan chak lo dér tawh tihna a ni. Kan thinrim tur a ni lova, kan en liam mai mai tur a ni ka ti hauh lo. Pathianin engkim a hria- A mah chu ring la, A man a ti vek ang.
Eiruk: Kan sawi a, kan sawisel a, kan do hle bawk in ka hria. Mahse, kan la heti tho chu a nih si hi. Meihawl silfai var hlauh kan tum ta pawh a ang in ka hria. Kan sawrkar pawhin a zung nen lama min pho ro sak min tiam a, an pho ro ta hlawm em tih erawh ka hre chiah lo(kei misual mawla hian).
Kan do leh sawisel avanga sim ta, Pulpit hmaa lam dûr dûr kei chuan ka la hre lo. I lo hria a nih chuan, i lo chibai lawp lawp dawn nia. Kan hmuh tenawm ang leh kan huat ang hu hian, sim leh inhmuchhuak chu an tam lem lo niin a lang.
Eiru thei leh eiru ngam chuan, ei mawlh mawlh mai se, a theih chin chin eiru duai duai se ni mai lawm. Tumah hi Pathian hmaah rorel sak lova chhuak tur kan awm chuang em ni? Pathian hremna an tawh hun kan nghak zawk dawn lawm ni? Thlah zalen tawp ang u ka tihna a ni lo, heti taka kan duh loh pawhin a eiru te chuan an eiru tho si a nih hi.
Rorelna hmachhawn tur vek kan ni a, a tilui tlat tute chuan an tuar tam ve mai turah ka ngai. Nge ni fel famkim kan awm hlei nem maw kan tuar dawn tho kan ti ang a, kan ti ho dual dual zawk dawn le? Kut tling lova sum la lut reng reng lian thur thur mah se, an chhungril nun leh an chhungkaw nun a hlim tak tak ka va ring lo êm.
Zoram-Kristian ram kan nih angin Kristian takin do zawk ila, Pathian anchhia a ti lui tute chunga a thlen hun tur thlir zawk ila. Mitin kan thiltih ang zela lawmman min tiam tu kan nei a lawm. Hre reng chunga ti lui chu vawi tam vuak kan tawk mai dâwn a lo ni.
He thu ka ziah avanga âr chuk tui lo khawpa min liak pherh diai duh an awm ang tih pawh ka ring. Mahse, mi pakhat talin a hlawkpui theih nân, he thu ziak hi ka tawngtaina ni mawlh rawh se.
( Let the ordinary people do ordinary things)
Similar Posts:
- Lazydog’s “KRISTIAN RAM ANI SI A”
- Zu in hi Kristian te tan sual a ni em?
- Corruption leh CBI koh hla
- Kristian chhungkua leh kan tehdan diktawk lo te
- A tak ram khawiah nge?
September 4th, 2011 at 9:41 pm
??
Comment vak chi pawh a ni lo, a kristian lo tlat lo comment duah kha te ka ti leh deuh.
Report this comment
September 4th, 2011 at 9:53 pm
EIRUK tih khi chu ka like khop mai PONGSUAl chungchang eroh khi chuan i thusoi hian keichu min hleh zok tlat soi thra inti viau mahla
Report this comment
September 4th, 2011 at 10:21 pm
Kriatian ram kan nih pawh ka lo hre ve hlei nem
Report this comment
September 4th, 2011 at 10:24 pm
Rinna hi thiltih tel lo chuan thi a ni.. tih ang deuh khan, lungte tal an au chhuah hun nghakin kan kuangkuah san mai dawn em ni? Hnai love, Thiltih a ngai. Sual do tur hian tha thawh a ngai. Thisen chhuak khawpa do turin min ti. Sual ka do avanga min hawtu ten thisen hial min chhuah paw’n, ka lawm zel ang, lalpaah chuan. Eirukna a ni emaw sualna dang a ni emaw, diabola leh a hnathawh do tur hian, ka theihna hmun apiangah ka ziak anga, ka komen anga, ka sawi bawk ang.
Report this comment
September 4th, 2011 at 10:30 pm
I thlirdan hi a tha ber lova a fing ber lo bawk anih hi.
Report this comment
September 4th, 2011 at 10:32 pm
Pawngsual emaw rukruk emaw a thlen a thil tisualtu thlalak media lama an ron tilang leh kulh mai thin hi chu a zialo ka ti ve thlot … hetia kumkhua a ser siam sak ai chuan sawisa hlum nghal law2 se a tha zawk in ka hria .
Report this comment
September 4th, 2011 at 10:45 pm
eiruk chung changa i ngaihdan hi ka pawm lo bur
Report this comment
September 4th, 2011 at 10:50 pm
Englekhawle, Miin Sual a tih ngam mai mai loh nan a rik deuh thak hi chu a tha zawk lo maw aw? ka ti deuh (Ignatia ka zah viau na a.) Sual hremna dan pawh hi, Capital punishment pui pui ni lo mahse, na deuh thak hi chu ka support tlat mai a. Tlat mai a.
Report this comment
September 4th, 2011 at 11:34 pm
I ngaihdan hi a mawl ang angin hnawl a ni ..
Hetiang ngaihdan hi Thuthluang Kristian dik takte ngaihdan a ni ang. Isua Krista, Temple thianfaia tharum thawh duhtu zuitute tih dan tur a ni lo. Engmah tel lova Lazara kaitho theitu khan, ‘Lung lum sawn rawh u,’ a ti kher. Engmah tel lova ei tur siamchhuak thei khan mipui a hrai dawn khan, ‘Han la rawh u,’ a ti kher. A duh chuan uaiin hlirin bel ruak zawng zawng a tikhat thei a, mahse tui a chhuntir kher. Sawi tur a tam lutuk. Mihring hian kan tih theih tawk kan tih a ngai ve tih lam hawi hian i rilru lo seng ve zeuh la chuan hetiang thu hi i post a nih pawhin, mi pangngai – PKfanai, doc_lib leh midangte hian mawi takin an comment sak ngei ang che maw le!
I inhuam bawk a, ka’n liak zeuh teh ang che
I post leh dawnah chuan nasa zawk leh zau zawkin ngaihtuah la, lehkhabu chhiar tur i nei mai lo a nih pawhin hawh la, internet pawh FB leh misual nan chauhva hmang lovin han hawl zau ve deuh la, i kaw sawt sawt mai ang. Mizo tawng pawh i thiam lo hran lo ve. 
Report this comment
September 4th, 2011 at 11:45 pm
Post-tupa hian Pathian thu atangin a thlir a, a thlirna atang chuan a dik thei ve tho mai.
Pawngsualtupa tana ser lian ber kumkhua tur chu, miten kut an thlakna ser ai chuan a thiltih tenawm tak a vanga a dam chhunga mite endawng a nihna tur ‘ser’ engtikah mah reh tawh ngai lo tur, a thlah kal zelte pawhin an rawn chhawm tawh tur hi rapthlak tak a ni.
Pawngsual tawktu mi vanduai tak pawh hi ‘ser’ chu awm ve bawk mahse, tuma’n thiamloh an chantir ngai lovang a, mite thinlungah khawngaihna leh lainatna-in a zui tel zel zawk ngei ang.
Eiru-te pawh hi anmahni leh an thlah kal zelte thlengin ser an insiam a ni, an hnunglamah miten a kawk zui zel dawn. Chu chu thilsual ti-tute tana Pathian khawrel dan pawh a nih ngei a rinawm. Thinrim hrikthlak nana kut lo inthlak leh lo intihmualpho te hi chu Pathian mite zia tur chu a ni chiah lo mai thei e.
Report this comment
September 4th, 2011 at 11:59 pm
Full support ka pe e.
Report this comment
September 5th, 2011 at 12:04 am
Ka ngaihdanah chuan he i thil thlir dan hi chu he khawvelah hi chuan a hman theih ang em aw ka ti deuh. He khawvel dan hnuaiah chuan, sualna zawng zawng a intiat lo. Hremna pawh a thuhmun lo. Chuvangin, Lalpa ngaihah chuan ruk ruk leh tualthah pawh a in ang mai thei e. He mihring khawvelah hi chuan sikul naupang thuawihlo, pencil a khawn karh atanga pawngsualtu talhtum a khawn chu a awm ngei ngei ang.
Report this comment
September 5th, 2011 at 12:44 am
Insawisak hi tha lo reng a ni.
Eiruk chung changah chuan ka support lo che. Kristian ram iti ta sa sa, eiruk do tak tak tur chuan kohhran pawh a inhuam a ngah.
Eiru ni ngei a vantlang pawhin kan ngaih te lakah chuan eng anga thawhlawm tam pawh thawh se, rawngbawltuah te ruat lo ngam se. Eiru case nei phei chu phuar ve se la.
Kohhran phuar nitur hian sex chiah kan hmang a. Eiruk te hi sual lian tak a ni si a,…..a sawitur a tam, kan thatpui leh chuang lovang.
Report this comment
September 5th, 2011 at 2:07 am
‘KRISTIAN RAM’ ‘KRISTIAN TE TIH TUR EM NI?’ tia sawi fo hi tih tawp tul berin ka hria,kristian kan in tihna hi khawiah mah chhuan lama sawi tlak a ni toh lo!!!!
Chuvangin pawngsual tu (or tumtu) chuan kut a lo tuar a,hrereng chunga sual a tih chu atuar nghal ani mai.Roreltute kutah dah tih mai mai…hmeichhe naupang chhungte leh a mah hmeichhe naupang dinhmun ngeiah hian in dahchhin vek teh ang u!!!!..thildang eiruk etc tih lam hi chu comment vak lo mai ang.Sawi leh hriat hnu vek a ni e!
Pathian zara vawiin ni thlenga eiru lo leh eiruk theihna dinhmun a kan din loh avangin ka lawm em em ani.
Report this comment
September 5th, 2011 at 5:23 am
Kristian ramah hian hetiang renga kan la luhlul hi ka ring pha lo. Kan comment ang theuh hian min hrem dawn se, tuar peih tunge awm che u? Kan chunga a thlen meuh chuan kan tap ngei ang maw le.
Report this comment
September 5th, 2011 at 7:16 am
Kristian zaa za ka ni tih hi a ri tleh thin a, ka rin dan chuan Kristian za a 25-30 vel anni. Kristian lem tiam chuan za a 80 vel lai. Mahse a tak tak a Kristian, vanram kal tur chu za a 80 an tling teuh loh.
Report this comment
September 5th, 2011 at 7:55 am
Road accident a thlena driver kan khawih mai thin te, rukru leh pawngsualtu kan piai liam liam thin te hi Vai ho tihdan kan zir a ni thei mai ang em? Pawikhawihtu man a, thuneitute hnena hlan hi kan tih tur a va ni mai awm ve?
Report this comment
September 5th, 2011 at 10:06 am
I thlir dan chu ka tawmpui khawp mai che. Thil dang daihin chhunzawm te’ng, kha TuaiSialA pawngsual post kha Sihphir Taxi Driver a ni lova; Durtlang khuaa cheng, khaw mi nihna ration card, voter id, Kohhran leh YMA-ang chi hoah engahmah a tello/duhlo. Amah kha Vairengte khawchhuak a ni nghe nghe. Sihphir ram chhungah, Sihphir khaw mite’n an man avangin Sihphir mi niin i hre mai niin ka hria; ka hriatdan ka’n rawn tarlang a ni e.
Report this comment
September 5th, 2011 at 1:03 pm
Mizo ngei pawh hi za-ah za kristian kan ni pha ta lo ve
Report this comment
September 5th, 2011 at 3:55 pm
Mizo kan kut ram lutuk hi inzir angai ani.
I thil rawn post chu ka support rual chein za ah za in anilo
Report this comment
September 5th, 2011 at 8:16 pm
Bible hi ka hre tam vak lova. ‘Marawhchu “thisen chhuak khawpa tang” tur a intih te pawh kha awmin ka hria
Report this comment
September 6th, 2011 at 2:02 pm
‘BALANCED’ taka thil ngaihtuah a ṭha!
Kan Pathian Lehkhabuin phuba la lo tura min zirtir rualin, sual do tûrin min fuih bawk!
Phuba la zawng ni si lovin sual hi a do theih em em ang! Na takin a do theih. Vuak a ṭul pawn vuak mai tûr.
Report this comment