Mizo te pawh hi kan changkang ve ta tial tial a, lehkhathiam pawh tunhma ai chuan kan tam tawh hle. Subject hrang hrangah pawh mithiam doctor ni pha (PhD degree nei) pawh kan nei ta fur mai. Chutihrualin medical lamah pawh doctor kan nei ta teuh mai.
General Practitioners (MBBS), Specialist (MD/MS/DNB), leh Superspecialist (DM/MCh/DNB) te pawh kan nei ta nual mai. Tuina leh thiamna a inan loh avangin kan ngaihsan zawngte pawh a dang ngei a, amaherawhchu doctor dangte hmusit zawng leh deuhsawh zawnga thusawi leh thuziah hi a awm ta zeuh zeuh mai.
Medical doctor-te (a bikin MBBS) hian a bikin sawi an hlawh viau mai, “MBBS mai mai, doctor nih pawh an phu lo! Bachelor degree mai mai! Doctor dik tak pawh va ni suh! PhD ngei mai hi lawm doctor dik tak chu!, etc” tih vel hi a ri zing malh malh hle. Hetiang ang ngaihdan leh medical doctor te ngaihnepna thinlung hi mi tamtakin kan pu a ni!
Hei hi chhan hrang hrang a awm thei awm e, doctor te lo inthlahdah vang leh thiam tawk loh vangte, specialist leh superspecialist ten insawitheihnan an hman vang te, doctor dang (PhD) ten medical doctor te hnuaichhiaha mipui hmaa lanmawi an tum vang te, MBBS zir pha ve loten an thik vangte leh chhan dang tam tak pawh a awm thei ang. Misual ah pawh doctor te ngainep leh haw tak tak an tam tih pawh ka hria. Hemi post ah hian Medical Degree (MBBS,MD, etc) a lo ropui zia leh a lo hlut zia hi han tarlan lawk ka duh a ni!
1. MBBS bachelor degree chauh nei mai mai ho hian “doctor” tia koh an phu lo hrim hrim! Subject dang atang chuan masters degree neih hnuah leh doctorate degree neih hnuah chauh “Dr” tih hi hming hmaa dah phalsak an ni a, amaherawhchu medical lam ve thungah chuan bachelor degree (MBBS) hi a tawk!
Hei hi mi tam takin a ngai thei lova, fair lo an ti hle bawk. MBBS mai mai ho hian an hming hmaah “Dr” dah an phu lo ti tawk hi an tam reng bawk a ni. Dikna chen a awm thei awm e, amaherawhchu tunhma atang tawhin medical degree nei reng reng hi chuan “Dr” an lo dah tawh thin a, India sorkar leh Dan pawhin a phalsak a ni!
Chumai ni lovin ram changkang ber ber USA, UK leh Europe ramah te pawh doctor tia koh an ni zel (MBBS in India and other countries, MD in USA, BMBS, BMBCh, etc.). Hetiang a nih laia, Mizoram zimtea an phu lo (chu e kha e) lo tih vel hi a dik ber dawn a mi? Mimal ngaihdan mai mai a ni, midang hnena I sawi chhawng dawn a nih pawhin ‘ka ngaihdan chuan…’ ti zel tawh ang che! Chutilova thudik awm ang ziazanga sawi vak vak hi a dik ber lo!
2. Bachelor degree atangin ‘Dr’ a nih thei! Ka sawi tawh angin subject dang atang chuan PhD emaw a equivalent (DSc,Dth,etc) neih a ngai a. Mahse medical lam atang erawh chuan bachelor degree (MBBS) hi a tawk! Hei hian he degree hi a hlutzia a tilang a, a unique bik riau a ni. Dentistry, homeopathy leh ayurveda atang pawh hian theih ve tho mahse ‘doctor’ kan han tih hi chuan medical (allopathy) doctor hi kan sawina a ni deuh zel!
3. Tlin a har! Medical entrance exam tawh reng reng chuan kan hria ang chu. Inziah tlin hi thil awlsam a ni lo, taimakna leh tumruhna tel lo chuan tlin theih pawh a ni lo.
Mizoram entrance mai mai pawh a har a nia, all India level entrance phei chu har tak a ni. Lehkhathiam tak tak tan lo chuan tlin theih pawh a ni lo, hemi vang ringawt pawh hian a degree hi a hluin a ngaihsan awm a ni tih a hriat! Mizorama class 11 leh 12 zirlai hi zawt ila a tam zawk chuan doctor nih an tum ang.
Merit list atanga counseling an neih dan atang pawh hian a hriat theih – Biology group a titha zual 30-35 velin MBBS an thlang a, a dawt 4-5 velin BDS, a aia hniam hovin BAMS,BHMS,BVSc, BSc nursing, BPharm, etc. an thlang ta thin a ni. Mathematics leh Biology exam kawp ho hi an tlin kawp chuan MBBS an thlang deuh zel (100% in a ni lo a nia).
Tlin a har vang hrim hrim pawh hian MBBS degree hi a ropui a ni! Mi thenkhat ten an tlin theih loh avangin an rilru a na a, an thiante tling an han hmuh phei chuan lawmpui leh ngaihsan a hnekin an thik a, an er em em a, khitiang tawngkam mawilo leh duhawm lo tak tak khi an chhakchhuak ta thin a lo ni (emphasized: mi zawng zawng ni lo, mi thenkhat chauh). MD/MS emaw PhD degree emaw i nei i nih chuan ka hriathiam che (mahse I dik chuang lo!), chutiang pawh ni lova MBBS doctor ho i lo ngainep ve ringawt a nih chuan inenfiah deuh a tha ang NOI!
Sawi tawh angin subject hrang hrangah ‘Doctor’ an awm a, an hming hmaah ‘Dr’ dah a thiang vek. Amaherawhchu ka ngaihdan (personal opinion liau liau) chuan hming hmaa doctor dah reng hi a tul lo ka lo ti ve mai mai. Mi thenkhat hi chuan intihtheihnan tak hian an hmang hian ka hre thin – an hming hmaah ‘Dr’ emaw ‘Prof’ tih hi an dah ve ziah lehnghal! Dahna hun leh hmun hi a awm hian ka hre ve tlat!
Entirnan History-a professor (PhD) chuan a department ah emaw history conference emaw history article a ziah, etc emawa a hming hmaa ‘Dr’ emaw ‘Prof’ a dah hian a hlu a, history lamah mithiam a nihzia leh a rintlak (credible) a ni tih a lantir a, a doctor nihna in awmzia leh hlutna a nei a ni.
He professor vek hian kohhran khawtlang thiltihna tinrengah ‘Dr/Prof’ a dahzia hi a tul lo, music lam article a ziah pawhin a dah tho phei chuan a degree khan awmzia leh hlutna a neih pawh ka hre lova, intihtheihna leh chapona chikhatah ka ngai NOI! Chutihrualin Medical doctor ho hi chuan eng hun leh hmunah pawh hian hming hmaah ‘Dr’ dah thei se a tha ka ti. A chhan chu rikrum thil (emergency) ah zawnbuai ngai lovin an hriat nghal zung zung thei dawn a ni.
Point la ziah tur ka nei nual a, mahse post a sei lutuk dawn. Nakinah part dang ka la rawn chhuah leh ang. Min tantu in awm ang a, min ei lo tu pawh in awm bawk ang. Han sawiho teh u!
Similar Posts:
- MBBS Doctor ho ve mai mai hi…. (Part –II)
- MBBS Doctor ho ve mai mai hi…. (Part –III)
- RIMS ah seat 7 chauh kan nei tawh
- Kan Reverend/Doctor te bihchianna
- Facebook lama ka school hlui group a ka hmuh ve mai.
(Y)
September 8th, 2011 at 7:14 pm
kanidar cu leh!. .lolx
Report this comment
September 8th, 2011 at 7:15 pm
kanidar cu leh!. .lolx
Report this comment
September 8th, 2011 at 7:24 pm
JF Kennedy-te unau kha, pa berin …” In puitlin hunah enghna nge i thawh ang tih hi ka lungkham ber a nilo..ka lungkham ber chu, Hmunphiat (Sweeper)ah in tang a nih pawh in, khawvela hmunphiat fai ber nih in tum tur a ni” a ti.
…..mahni eizawnna taima tak tlin taka thawktu te hi chawimawi tur zawk an ni e
.
Report this comment
September 8th, 2011 at 7:31 pm
he paws chu a hawt dawn veleh in threlh leh daih a, min vuak hawt kan tum hram2 a…, ngainawm dawn chau a sin mawle..
Report this comment
September 8th, 2011 at 9:20 pm
MBBS degree neia doctor ho ka sawi chhe ngai lo a,sawi chhiat phak an ni lo,an ngaihsanawm hliah hliah. Mahse,PhD ngei neia doctor ho hi ka ngaisangzual leh tlat pek a. MBBS chu zir a hautakin a harsa an ti tih poh ka hre fo tawh a.PhD pawh hi a harsa niang chu subject thenkhatah hi chuan; Mizopa Mathematics,Physics leh Chemistry-a PhD nei hi an vang pharh mai a… Engpawh nise, eng hna pawh hi a thawktuin thiam tak leh tui ti taka a thawh tluka hlu a awm chuang dawn em ni le. Chuvang chuan Dr. tih hming hma-a dah thei na na na chuan dah vek mai se a pawina awmin ka hre lo khawi hmunah pawh.. Misual-a i hming, facebook-a i hmingah pawh dah rawh, i phu hliah hliah, rim taka i thawh atanga i lo neih a ni si a…..te ka ti ve mai2 a!!
Report this comment
September 8th, 2011 at 9:25 pm
Mahni sawi peih zawng leh rilrem loh lam sawi avanga ‘ A HO’ tih ziah hi a khamawm ang reng, maw Pu HV….
Thu inchuh neihte chu a thiang alawm. Duh leh lo inhnial mai mai rawh se. Sawi ve tur kan hriat loh chuan ngawi hmak mai tur.
Report this comment
September 8th, 2011 at 10:53 pm
Tunlaiah chuan doctor aiin medical officer an tam tawh zawk an ti
Ka tlinglo chiang khawp mai, tling turin ka exam lo bawk a. Rannung zai mah tih nak a laia mihring zaite chu a, a romantic lo tlat 
Hei vang tak erawh chuan ka mi ngaihsante zingah an tel pawi si!
Mahse, a post tupa ziah dan kher kher kher chu BA narân/ mai mai an awm lo tih emaw chawkidar title ropui zia kan ziak ve chiam dawn em ni? :biru nghal:
Report this comment
September 8th, 2011 at 10:55 pm
mihring an enkawl thih leh dam kar an nih vang ani pakhat ani. Doctor hi chu an phu Ph.D hi mahsela kei chuan ka hnual suat lo aharsa zawk ve ang
Report this comment
September 8th, 2011 at 11:12 pm
“chini chini, bhai bhai” in hau tawh su mizo theuh theuh
Report this comment
September 9th, 2011 at 1:15 am
Sawichhiat lamah hian sang vaklo phawt ila a hnu ah kan inchhirlo duh tlangpui.
Report this comment
September 9th, 2011 at 1:31 am
A dah thei chuan dah sup sup teh se, music video ah te nen lam dah zel rawh se. Dr Dre pawh hian medical degree/Phd a neih kan hre bik hleinem :)…
Report this comment
September 9th, 2011 at 4:21 pm
Hei chu ka hmanloh hlanin alo hot khanglanga a. Ti hot leh rawh u han ti ngawt dawn ila a phek a liam tawh sia.
Report this comment
September 10th, 2011 at 11:31 am
[…] Post hmasa chhiar duh tan : Part One […]
Report this comment
September 12th, 2011 at 2:27 pm
hahahah…..lehkhathiamtheilo ve deuh(NET poh thru hleitheilo) poh hi M.A /Msc a joh hun ah ph.d te an in register a.kum 5 vel hnu ah chuan dr a ni thei der mole…..mahse lehkhathiam vaklo tan erawh MBBS a zir thei hauh lo male….
Report this comment
September 12th, 2011 at 9:32 pm
[…] Part I , Part II […]
Report this comment