Thi turin kan lo piang a, chhan hrang hrang vangin kan thi thin a. Thihni ah hian Mizo nih hi a la nuam em em mai a, inchhung leng lovin tuallai ah te kan thu thup thin anih hi. Kan in tawrhpui viau thin mai.
Kan thawhpui pakhat a pasal in a boralsan a, keipawh ka va kal ve a. Mihring kan tam hle mai a, inchhungah pawh kan leng lova, bathlar leh remchang lai lai ah kan thu khat vek mai.
Inchhung ah thlalakna an buatsaih a, kan hawikual a, mitthi khuhna puan kha kilkhatah an rem teuh mai a, puan khuhna kha 150 ai chuan a tlem lovang.
Puan mai bakah pangpar lah chu an dah thuah tun mai a, a then phei chu fresh flower te a nia, Rose par te kha a nia, tihchhiat awlsam tak te an ni a, hling te a lo nei bawk si, khumah a leng silo, pangpar tak ho chu a dahna tur ringawt pawh kha buaipui tham ania. Pangpar lem ho chu han dah thuah nawk nawk mahse a chhe ve mai lova, a zia tak a awm.
Kan thih hian in tawrhpui nan pangpar leh puan inpek hi kan uar hle mai a. Pawisa a inral hi chu awm tho mahse a tlem zawk an nih ka ring. Tihian ka ngaihtuah zawm ta a :
- Puan kha 200 chuang pawh hmu se, tihdan tur dang vak a awmlo, hralh chi a ni silo, laina leh thiantha te hnenah an sem ral leh vek mai loh chuan.
- Pangpar pawh hi ngaihtuah a ngai, Office/Pawl/Veng etc. hming emaw a kan ral anih chuan pangpar pek chu a remchang mai thei e, mahse mimal ang hi chuan kan uar lutuk mah niin ka hria – fresh flower phei chu reilote ah a chhia ang a. Pangpar lem ho kha chu bangah an khai mawi ang.
Thenkhat chu reitak damlo, sum tamtak seng a boral te kan ni, puan leh pangpar kan dawn  ang hu kha pawisa dawng ta ila a hlu dawn mang e tih ka ngaihtuahna ah a lo lut ta ani.
Mitthi te tawrhpuina lantir nan puan leh pangpar kha a tha alawm kan ti ani mai thei, mahse, kan tuarpui a kan in sengso phal anih rau rau chuan pawisa a inral hi uar lehzual ila, mitthi chhungte kan chhawmdawl zawk ngei ang.
Chhungkaw thenkhat chuan sum kha an mamawh kherlo ang, an tan pangpar leh puan kha a langsar zawk mai thei, chuvangin kan ral tur te dinhmun en ila, an dinhmun  a zir in pangpar/puan/pawisa fai pek tur ber hi thliar thiam ila.
September 12th, 2011 at 3:32 pm
Chhiar hmain FIRST nih ka chak.
September 12th, 2011 at 3:38 pm
kei pawh khi thil khi ka lo ngaihtuah ve thin…in sawiho teh ang u..
September 12th, 2011 at 3:46 pm
He thil hi YMA Hruaitu, a hming ve maia ka chelh laiin ka sawi a, ka ziak thin. Puan pawh hi motor hrukfaina awm tawk lek a ni a, hmanna zeng a awm lo. A iaah SUM inpek a tha fe zawk. Pangpar pawh a man to to nen, eng tihna vak a ni lo, banglai a khat del dul a. Pawisa halral ang chauh a ni. Sum lam hian invur zawk ila, chhung tin tan chuan a chhawr nahawm zawk fe ang. MHIP-ho hian puan leh pangpar an rawn keng zel thin emaw ni le?
Inralna hi Kolasib ka kal tumin a bawm an lo hung a, kan vengah introduce ka tum a. Mahse, kan veng style a lo dang hret a. Kuta inhlan chat hi “ka lo kal ngei e” tihna a ni e, an ti a. Ka rawtna an pawm ta lo. Ka hun lai chuan ti ve ngial ila, HLAMZUIH pawh ka tibo (abolish) ve ngat asin!
Kuang nawrna trolley hi Mizoram-a a duangchhuaktu leh siamchhuaktu hmasa ber hming min puttir ve a. Shillong-a an innawr ka hmuhin chumi hnu kum 16 dawnah Aizawl veng pakhat ka awmnaah steelstructure-in ka siam ve hluai mai a. Tha an ti phian a. Thlingthlawn theih vekin, a ke pawh Rickshaw wheel kan hmang a. Kohran rawngbawltuten an han nawra an han vuan thap mai chu a mawihnai ve khawp asin! Siamtirh a nih lai phei chuan, “YMA-in mahni kuang lo nawr” tiin fiamthu titihin chanchinbu-ah an chhuah nghe nghe.
September 12th, 2011 at 3:49 pm
I sawi khi ka tawmpui khawp mai che. Puan mantlawm tak engahmah hmantlak loh emaw (hman tlak pawh nise) inpek ai chuan pawisa a inral hi mitthi chhungte tan a chenfakawm, a tangkai zawk daihin ka ring ve tlat (Y)
Mahse, thi tur ngawtin ka piang hauhlo vin ka inhria. Khawvelah hian tu emaw ni turin ka piang a, Kristian te tan chuan, “Pathian chawimawi tura piang kan ni,” kan tithei bawk ang chu. Thi tur ngawta piang nilo vin, mihring nun inherdan (life cycle) ti hlawhtling tura piang te pawh kan ni ang chu. Kan nun inherdan (life cycle) a tawp hunah chuan thih erawh kan hmabak chu a ni teh meuh mai, pian chhanah erawh sawi chiah ka ngailo hairehai 😛
September 12th, 2011 at 3:59 pm
Post dik tak a ni e.
September 12th, 2011 at 4:03 pm
Feedback tha tak tak a lo luh ka beisei. Kan Society a a taka kan chhawr zui theih tur i thawhkhawm ang u.
September 12th, 2011 at 4:07 pm
Ni e, pawisa ngei a inral hi tha ka ti, pangpar Rs 200 man ai chuan Rs 50 a hlu ka ti zawk…
Pawisa a inral hi chuan a raltu hming an ziak ve ngai lova, pangparah chuan an ziak thin a…. 😛
Tunhma deuh a an lo tih thin yma in an phal tak loh, makpa fel deuhin registerah a raltu hming leh a ralna zat kha lo ziak leh se pawisa chu kan pe tha khawp ang ka ring.
Kan thil tih that hi miten an hriat loh hi kan hlauh ber a ni hlawm si a. 😀
September 12th, 2011 at 4:19 pm
Envelope chhunga pawisa dah a pek mai hi a remchang ka ti ber. Pawisa lawng lawng a inpek hi a mawi ka ti chiahlo, envelope ah han thun than mai ila a sap ch.. zaih mai 🙂 Hming erawh ka ziak ngailo thung.
September 12th, 2011 at 4:30 pm
pawisa a inral hi a hluber pangpar hian rei a daih lo
September 12th, 2011 at 4:46 pm
Chhiatna lamah hi chuan mizo te anga intawrhpuithiam hi hnamdangah poh an tam lo maithei. Mahse inlawmpui tur chi ang thil ah hian hreh a la tlat kan la tam niin ka hria
September 12th, 2011 at 4:49 pm
(Y)
September 12th, 2011 at 4:50 pm
ReMpY_ScisSoR#10 hreh nge nianga thik vang zawk aw ka ti thin…”Engemaw anih bik vak le..chuti ve mai.. anih kha,” tih ang zawnga thil kan sawi diah thin hi a pawi ngawt tak asin.
September 12th, 2011 at 5:02 pm
Ka lo ngaihtuah ve thin chu..Inchhung a leng lo kan han kal khawm huk thin hi chu a ropui laiin, pawn lama om te ina kan hun senral hi a uiawm ka ti thin (hun hi a hlu tawh si a). Kal a tul lo ve ka tihna ni lovin, kal hun hi in remsiam thei ila. Theih phei chu nise thianzaho emaw, mual khata awmte hi kan kal theih hun te hi Hruiatute hriattir thin ila, anni in lo siamrem thei sela chuan a changa bawk luih, achanga kiam leh duak te hi a zia deuh ka ring. Mahse a harsa deuh maithei..
September 12th, 2011 at 5:13 pm
Hnam H…fual ten mitthi an buaipui a, hnam changkang in thih tlai dan an buaipui a, tih Lengzem ami kha min ti hre chhuak. Mitthi tan hian hum leh sum kan seng nasa asin aw. tih dan thlak ang u khai. Khawhar chhungte’n hun fianrial an duh ang tih pawh dawn lek lovin kan leng hum hum reng mai a. Leh lamah naupang te takte nei nuten an len san veng veng mai a. Mizorama employer nita ila khawhar ina kal leh thlanlaih nana hun hmang vak vak ka ruai dawn teuh lo.
September 12th, 2011 at 5:26 pm
14@ chu lu ila sun lo a nih duh hmel, i sun tawh a nih pawn i tuarna teh chiam lo a nih duh hmel, i comment a tang khian. 😛
tlangval thlanlai taima tak leh nu leh pa khawharin a kal taima tak te hi ka ngaisang lutuk. An kal hlan hian a kal ve lo ho hian eng vak an lo ti hman miah lo mawle, nu leh pa hetiang a kal taima deuh ho hi kum 60 chho an ni tlangpui.
September 12th, 2011 at 5:30 pm
YMA in mike a kan puang fai leng thin hian alawm ngaihtuah ti thui thin chu! An hming leh kum adt. duhtawk mai lovin “zunthlumin a thi a…” kan han ti dum dum mai a. Kha natna ang nei ve tan khan thaw a ti ipik duhawm. Tin, chhan sawinuam lo, entirnan inawkhlum chhungte hian dawt an puantir ve mek bawk. Tul kher lo ka ti e…
September 12th, 2011 at 5:40 pm
Mike is a name
Mic is a thing 🙂
September 12th, 2011 at 5:45 pm
@8 HV Ni ngawt mai. Pawisa fai a keng lang vu vu lo hian envelope ah thun than mai ila, a dik zaih mai. I hmang tan nghal teh ang u.
@15 I sawi dik ka ti. Khawhar in a kan kal hian kan inhnem ve a, chhungkua chauh a lusun hlim a awm chu khawhar thlak duh tak ani. Chuvangin kan chindan mek khawhar in lenpui hi chu chinzui zel tlak ani ka tia.
September 12th, 2011 at 5:50 pm
Post tha viau mai (Y)
Hnam chitin hian tihdan hrang hrang kan nei nuaih mai a, mithi sawngbawl dan hrim hrim ah hian.
Bali/Indonesia a an mithi sawngbawl dan leh sum sen a hautak zia nimin khan youtube lamah ka lo en mai mai pek a, Khasi ho tihdan deuh a mithi chhungte insenso vak ngai chi deuh ani.
Keini Mizo te tih dan hi a that lohna em em ka hre lem lo a, mithi chhungte tana hautak em em a awm lem lo. Mahse kan in zar buai nasa deuh mah mah em aw a tih theih deuh ta e. Mithi ralna lam hi chu a petu rilru a a thawhdan ah dah ta mai ila, puan, pangpar, pawisa..pawisa dawn tun pawh kha thil mawi teh vak chu ani chuang lem awm lo e a.
September 12th, 2011 at 6:08 pm
A ni ngawt mai, zawm a hriat ruk chi a nih khi..Good Post (Y)
September 12th, 2011 at 6:11 pm
@lrpa 19 Nia Mizo te tihdan hi a tha khat viau a, mahse post a ka ziah ang khian kan in tuarpuia kan insengso phal anih rau rau chuan mitthi chhungte hlawkpui tur kha ngaihtuah ila tih kha ngaihtuahna ah a awm a, a tha sa tha lehzual tura duhna rilru ani mai e.
In zarbuai tih khi thenkhatah chuan a dik thei tho mai. Tunlaiah mi kan changkang tawh a, kan tah pawn, kan nuih pawn privacy kan dahsang tawh. Mahse, la mahse talh ila, tuna Mizo nawlpui rilru ah chuan midang mamawhna a la sang in ka hria – lusun lai chuan.
September 12th, 2011 at 6:13 pm
MUP hian heti lam kawngah hi chuan hma la in duhthu han sam deuh sela kan fel duak mai lawng maw? Nge ni a YMA kan phut leh deuh tlat zawk ni.
Good post. (Y)
September 12th, 2011 at 6:18 pm
Pawisa chungchangah chuan Pu. HV-a style envelope a thun ka support e, hman nghal chi. Ralna hrim2 ah chuan ‘pawisa fai’ pawh hi a tha khawp mai. Mahse mihring hian lan ropui hi kan duh ve viau mai a, khawhar ina kal changa pangpar a lo in tar teuh hi chuan ropui ta riauin kan hre chawk.
Thlalak chungchang pawh hi sawife tur a awm. @Pu chawnghilh : kuang nawr trolley an hmang erawh ka la hmu lo, mahse tha ka ti. Khawi veng/ khua in nge hmang?
September 12th, 2011 at 6:27 pm
Hei chuh…. i huaisen hle mai!
Kei chu kan hnamdan kalphung thlak tum hi ka duh lem lo tlat pek thin a nih chu mawle. Puan han dawn ngei maite hi a hlu ka ti vawng vawng… Khawhar inah kan han leng a chhuah dawnah ‘Aaaa kha hei te hi….’ ti paha an kutphaha cheng zahnih khat han humtirte hian lung a kuai bik riau ka ti asin. Sawi tur a tam. Mahse min tibuai miah lovin i sawi ang khian insiam rem thei sela ka duhthusam a ni leh tlat siiiiii….
Post tha tak a ni. Helai site-a serious taka i comment thinna te leh post hian khawtlang lam tana thahnem ngaihna lam a hawi ka ti reng thin… (Y) (H)
September 12th, 2011 at 6:50 pm
Super (Y) (Y) .
September 12th, 2011 at 9:09 pm
Hnam tin hian tihdan phung danglam bik tak hi kan nei theuh a, Mizo te ang reng renga tihdan tha zawk zawng hi an awm ve ang em aw ka ti.
Heng te pawh hi sawi sawi kher lo pawhin hunin a rawn herchhuah pui veleh mai tur niin ka hria.
September 12th, 2011 at 10:16 pm
@ posttu… i rawtna chu a tha ka ti viau mai.. (Y) (Y) Mahse hnam dan han thlak pawh hi a tha ka ti tehchiam lo.. Pawisa a inral leh ral lo tu a raltute thu nise ka ti deuh..
Mi rethei tan chuan pawisaa inral chu a hlu viau ang, mahse mi hausa officer tan chuan pangpar a hlu zawk thei tlat! chuvang chuan kan rala te chhung dinhmun a zirin ral ila a tha ka ti..
September 12th, 2011 at 10:57 pm
Pawisa hlut dan leh Pangpar,Puan hlutdan a inang lo ve thei tlat, Ralna pawisa a hriatrengna tur thil lei aiin, Hriatrengna thilpek a hlu zawk ve thei tho. A tuartu rilruah chuan…
Engpawhnise, pawisa nge in duh Pangpar ?? ti a inzawhna hun a awmlo chawpchilh thin si a. A petute pekdan ang angah lungawi zel ila, pawisa chu a tangkai ber ka ti deuh.
September 12th, 2011 at 11:14 pm
@24 Ignatia – Ka on-line hmanloh vangin i comment ka hmu chiah a. Tlai tawh hle mahse…thanks a million. Nia, ka serious lutuk hi Misual ah pawh hian ka inthlahrung deuh a!!
September 12th, 2011 at 11:21 pm
Post tha khawp mai. KZP
Ni e, chhungkaw harsa zawk te chu a sum fai a inpek khan ko ri atu zawk ngei ang., uar ta zawk ila a that ka ring. Mahse thenkhat chuan an lo mamawh vak lo maithei tho bawk a. A petu tur ten thliar thiam ila a tha khawp ang.
Tin, thilpek chungchang bakah khawhar in riah pui chungchang pawh hi sawi tham fe a niang.
September 12th, 2011 at 11:35 pm
In ral dan te pawh hi ngaihtuah chian a ngai. Kohhranin a ral hnuah Chhungkaw aiawhin kan kan ral leh a,yma a hruaitu pui anih avangin kan fapa ten an han ral leh a. Chutah sande skul a nuber thawhpui an lo awm avangin an han ral leh a,an fate lam chu ss a an zirlai a lo ni a,kan nula ten an han ral veleh a… Sum laluttu pa ber hian kan chawi tlut2 mai thin a nih hi. Engpoh nise a raltu lama tan chu a la duhom zok e
September 12th, 2011 at 11:47 pm
@31 Sawmtea pa – Ni ngawt mai. A raltu lama kan tan chhung chu lungawi teh ang. Thihna meuh hi chuan nghawng hi a ngah khawp a, chu chu a tha e kan han tih ve te pawh hi a kim theilo. Kan chhia leh tha hriatna in dika a hriat ang hi a pawimawh khawp mai. A chunga ka ziah ang khian he post hi thahnemngaihna vanga ziah ani.