‎12th National Muaythai Championship ah Mizo infiammi te’n Gold 5 an la

September 19th, 2011 2:04 pm by aduhi

from Hp Don Munirka at Facebook (Zoram Tan Group)

‎12th National Muaythai championship 14-17 sept, 2011. LB Stadium, Hyderabad-a khelh chu khelh zawh a ni a. State 21 atangin infiammi 165 ten he inelna hi an hmachhawn a, Mizoram Muaythai dinhmun chu heti ang hi a ni.

Mipa
Gold Medal:
Vanlalengmawia, Luangmual v/s Molid Shahid, Maharashtra: 63.5–67 Kgs
Johny Ngurthansanga, Hunthar v/s Narendar Pal, Chhatisgarh: 81-85 Kgs

Silver:
Zorinmawia, Luangmual v/s Mohd. Ghaus,AP: 54-57 kgs

Bronze:
Francis Lalnunhlima, Vairengte v/s Aditya Hira, Chhatisgarh: 48-51 Kgs.
Samuel Lalruatdika, Luangmual v/s Ashish, Haryana: 60-63.5 kgs
Thangkhuma, Champhai v/s Sharath Baba: 45-48 Kgs
Lalruathlua, Champhai v/s Milan Singh Marai, Chhatisgarh: 42-45 Kgs

Mipa pathumin medal an la phak ta lo a ni. Mipa team championship trophy chu Haryana an ni a; Chhatisgarh pahnihna, Pathumna AP te an ni. Tin, Mizoram hmeichhe team te an che tha hle a, pangate’n medal an la vek a ni. An medal lak dan chu heti ang hi a ni:

Hmeichhia:
Gold:
Lalzarmawii Ngente , Luangmual v/s Yamini, Chhatisgarh [a knock out]: 71 below
Laltlanmawii , Keifang v/s Soma Yadav: 54 – 57 kgs
Lallunghnemi, Zemabawk v/s Printu, Chhatisgarh: 42-45 Kgs
Silver:
Zohmingsangi Darlawn v/s Neha Chowdhary, Maharastra , nimkuma a knock out tawh: 45-48 Kgs.

Bronze Medal:
Zosangpuii, Chaltlang, Team manager-in Varanhi, Haryana a hneh lo.

Mizoram atanga kal Player 15 te atangin Final lut mipa 10 leh hmeichhia 5 te an ni a.

Hmeichhe team chuan Gold pathum latu Chhatisgarh team te chu Mizoram te chuan Gold pathum, silver pakhat leh bronze pakhat lain an lehpel a, an lehkhalh a team championship trophy ropui tak nen ni 21 khian Lengpui Airport an rawn tumpui dawn a ni. Tin, he championship kharna function ropui takah Muay Thai federation in degree a pek theih san ber Red Mongkoon a hlan a. Khuallian pu Shankar Dayal, Textile Minister-in a hlan a ni. Hei hi Mizoram tana chhinchhiahtlak tak a nih avangin Muay khunkhan takin he function hi hman a ni. Tin, Muay Thai team hruaitu pu K.Hrangzuala, an pawl Genereal Secretary chuan Mizoram State Sports Council sum pêk atanga an player tam tak kallam leh hawlam thlawhnaa an thlawhtir thei chu a fak a team member zawng zawngte’n sorkarah rinna an nghat tak meuh meuh a ni.

Muay Thai Association Patron pu Lalrinliana Sailo, Health Minister-in hun lo taka a nu a chân ta mai chu an tawrhpui êm avangin he team championship trophy an lak hi pi Lalringliani hriatrengna’n an hlan a ni.

Zosangpuii d/o K.Hrangzuala, Chaltlang chu 9th World Muay Thai championship, 2012 March-a neih turah India aiawha WaiKru-a chhuak tura thlan a nih angin federation headquarters-ah training a neih chhunzawm nghal bawk.
He championship-ah hian pu K.Hrangzuala chu jury niin national selection committee member atan ruat ngheh leh a ni bawk. He championship pumpui hi National referee pathum in an enkawl a, National referee class 1 Samuel Lalrozama Hmar s/o Dr.Thangchungnunga, Dawrpui [Karnataka state team coach ni bawk] chu center referee a chhawr rim ber niin chawimawina momentum hlu tak hlan a ni.

Player te uniform nalh tak – kawr leh kekawr tumsaktu Mizoram state sports council leh GI infotech, Aizawl te chungah lawmthu an sawi a. He’ng thawmhnaw te hi pawl bungrua tura lei a ni.

Hyderabad khawpuiah Muay Thai player ten Mizo hming nasa taka tilarin chanchinbu hrang hrang ten ni li chhungin Mizoram chet thatna an chhuah chuai chuai thin.

s/d
(K.HRANGZUALA)
Chief Coach, Mizoram Muay Thai Team.

NOTE: Closing ceremony-ah hian All india MTI President ngenna angin Samuel Lalrozama chu team leader niin Lalzarmawii Ngente, Francis Lalnunhlima leh Sulaiman (Karnataka-Samuela Student) te chuan demonstration team siamin demonstration federation aiawhin an pe a, ropui takin mipui mit an titlai. Mizo hming a tha leh sawt. Tin, chief guest- Dr. P.Shanker Rao (Minister for industries and textiles,govt of andhr pradesh)’s house, Hyderabad,hian Mizoram leh Mizo te chanchin a lo hriatin a fak hle a a tukah technical official te mai bakah Mizoram coach leh manager te chu breakfast ei turin a sawm bawk.

Similar Posts:

Recent Posts:

22 Responses to “‎12th National Muaythai Championship ah Mizo infiammi te’n Gold 5 an la”

  1. 1
    Ozima Says:

    Go1d Medal1st te ka 1awmpu1 e (Y)

    Report this comment

  2. 2
    chawnghilh Says:

    Lawmawm khawp mai!

    Report this comment

  3. 3
    awmawmpuia Says:

    A va ropui ve. Mizo players zawng zawng te ka lawmpui e. Muaythai game hi Olympic ah a tel em aw???

    Report this comment

  4. 4
    drake Says:

    eng a tinge a medal dawng zawk thlang lo a, a dawng lo ber(bronze dawng lo) zawk saw india aiawh tur a thlan anih dan, polytriks em ni??

    Report this comment

  5. 5
    PKfanai Says:

    Ka chhuangin ka va Lawmpui hlawm ve aw.Weight Category awm Combat games lam hi a uar chi viauin ka hria.

    Report this comment

  6. 6
    Aryan Says:

    Muaythai sawi takah chuan Ong Bak film hmuhnawm kan tih theih thin zia kha :-D

    Report this comment

  7. 7
    H.Vangchhia Says:

    A tha, chak zel tur (Y)

    Aryan, Tony Ja te chu a thiam em alawm le

    Report this comment

  8. 8
    Dr Mahminga Sailo Says:

    An va lawmpuiawm em… Mizoram team leader, Tv Sammy-a a chhuanawm e.. (Y)

    Report this comment

  9. 9
    chemtatrawta Says:

    Khaaa…ka tih mai khaa..kan englo thenna lam hi chu a ni alawm tiraw?/..aduh.. :-D

    Report this comment

  10. 10
    H.Vangchhia Says:

    Vaingalsin ho hnehlo kan la tam tlat, tan zual sauh sauh angai anih kha.

    “Vaichhia kan tia, an han tang ve a “Huh” an tia kan let leh tawp thin,” Duata :-P

    Report this comment

  11. 11
    ReMpY_ScisSoR Says:

    an lawmpuiawm..hmalam pan zel se (Y)

    Report this comment

  12. 12
    lushai_er Says:

    (Y)

    Report this comment

  13. 13
    chhingdailova Says:

    E hiau, in lakna source, HP Don (Munirka VCP nih tuma tan la mek) khi ka like bawn let tawp tawp e.

    Report this comment

  14. 14
    LR_rengsi Says:

    An va chhuanawm tehreng em….mahni tlat na mual hran theuhah hian kan ram tan ti zelin aw.

    Report this comment

  15. 15
    H.Vangchhia Says:

    Kan chhiar chiang a Red Mongkoon tih khi kalo hriat ve thin dan chuan Red Mongkhon an ti tlatin ka hria. Red Mongkhon chu Karate a black belt ang level hi a ni a, a hming ka hriat ve na chhan pawh Thailand miss, kan thiannu Fontip kha Red Mongkhon anih vang a ni.

    An hotupa Pu Zualtea te nen khian kan ti ho lauh lauh thin hairehai :)

    Report this comment

  16. 16
    H.Vangchhia Says:

    doc_lib in han zir chiang teh se:

    http://i53.tinypic.com/2mdktnt.jpg

    Report this comment

  17. 17
    Chhuaklinga Says:

    Hv@16, chhe lo tawi tawi ve, doc, i hna thawk rawh le. (Y)

    Report this comment

  18. 18
    doc_lib Says:

    EE Pu HV hetiang lam te chu ka tui pui lo tih hre renga han zir chiang teh se i lo tih vel a..han zir han zir se, a hman hunah chuan detective lung fing tawh chin hian in zir vak loin kan lo keuh thlu leh tual thin tih hrethiam tur khawpa upa i ni tawh a sin maw le :-P

    Report this comment

  19. 19
    H.Vangchhia Says:

    doc_lib, Thai nula hmeltha/piannalh/zei etc a ngaih ania, in thlir mai khan enge a an hmel? ;-)

    Report this comment

  20. 20
    doc_lib Says:

    Ku HV tak hi chu aw.. nula leh tlangval kick a in ang thei nang..hehehe

    Report this comment

  21. 21
    H.Vangchhia Says:

    doc_lib, nih leh Red Mongkhon Ni ngeia ka hriat, Red Mongkoon an rawn ti khi enge i ngaihdan/ilo hriat ve dan? ;-)

    Report this comment

  22. 22
    doc_lib Says:

    Pu HV sorry kha chu ka comment ngam lo, Red mongkhon emaw, Red Mongkoon emaw hmangin suahsual rawng han bawl se la, eng mongkhon nge mongkoon nge kan hre mai ang chu..a style leh hmingah hian ka buai vak lo, sual vrs thudik ah hian ka buai deuh ber :-P

    Report this comment

Leave a Reply

You must be logged in to post a comment.