A hmasain zawhnain tan ang… ENGVANGIN NGE MNF HIAN BJP A SUPPORT?
Mizoram politics chu kan hre theuh awm e. MNF leh Congress(I) in rorelna an inchanchhawk ti ila kan tisual tam awm love(akara party dang tlazep zauh tho nain). MNF hi Regional party a ni a, Congress erawh national party a ni a. An ideology hi chu a hrang em em hran awm love…
India hi Federal state anih avangin Centre leh State ah Govt hran kan nei ve ve a. Thiltithei zawk leh sum petu zawk chu centre hi a ni a. Chuvangin state sawrkar hian centre-ah hian thawhpui a neih ngei chu a ngai a. Congress hi chuan a thawhpui tur chu a chiang mai a. MNF erawh chu Mizorama an hmelma kumhlun an nih avang nge, centre ah pawh Congress hmelhma hlun BJP hi an thawhpui chat mai a.
Hetah hian MNF party hruaitute hian thil an tifuh lo deuh hian ka hre ve thin a. BJP hi Congress hmelma an nih avang ringawt hian nge an support a, an party ideology inang an neih avang nge, hruaitute an inhmufuh nge, Mizoram mipui hma an thlir vang ni ta ang?? BJP hi secular party an nih thu hruaitute hian hman atangin tlangaupui tawh mahse tunhnaiah RSS hian an party inrelbawlnaah zung thuk takin an kaih tih a rawn langchhuak a.
Niminpiah maiah pawh BJP hruaitu lawk tak L.K.Advani chu a rampum huap yatra neih tur thu kal vel avangin RSS hotupa Mohan Bhagwat chu Nagpur ah a va hmu vang vang mai. A yatra chungchangah RSS hi an lungawilo hle nia hriat a ni a. Niminah khan Advani pawhin dawih aw a chhuah ta zul zul mai. Hetiang khawpa RSS hi an inluling anih chuan, MNF hian engati nge BJP hi an la support tlat??
Babri Masjid an tihchhiat tuma, India rama sakhaw zalenna a tluksawp tum te khan L.K.Advani te hian pungkhawmho hnenah thu an sawi thu Police officer in a puang anih kha. Khami tum khan BJP hruaitu lawk tak tak pawhin an hmu a, engtinmah ti lovin an thlir mai mai a ni awm e. India rama sakhaw innekchepna thlen nasatna state hi a tam zawk chu BJP lalna state a ni tlangpui thin.
Hetianga RInglo mite nena nghawngkawl bah dun reng hi a Pathian thu em?? nge kan MNF hruaitute hian missionary rawngbawlnaa ngaiin an tanpui thin zawk??..
Similar Posts:
- Left goes out
- UK General Election 2010 Results
- Trinamool Party hmangin zoram thar i siam ang u
- NLUP atan cheng vbc 2500 Centre in rem ti
- USA Mid-term Election 2010
(Y)
September 23rd, 2011 at 9:07 am
Chhiar ila…
Report this comment
September 23rd, 2011 at 9:10 am
VHP, Bajrang Dal leh Shiv Sena te sawi tel law2 la…….hahha
Report this comment
September 23rd, 2011 at 9:19 am
Engvanga BJP hi thwhpui nge an nih ka hre lova(MNF Hian). Mahse congress oppose tu lian ber a nih vang ani ang. Central congress thawhpui tum ngawt se an duh awm der si lo……
No idea..
Report this comment
September 23rd, 2011 at 9:48 am
Pu Zoramthanga han hrilh vat tur anih hi…hehe
Report this comment
September 23rd, 2011 at 10:05 am
Politics lam chu tui vak lo mah ila, BJP
….. RSS phei chu 
Report this comment
September 23rd, 2011 at 10:11 am
post chhiar zawh hma in he questn hi kan chhang phot ange…
ENGVANGIN NGE MNF HIAN BJP A SUPPORT?
MNF hian BJP a support na chhan chu.. Central ah Congress led UPA in lalna an chang a.. Congress Vs MNF hi mizoram politricks a ni bawksia… UPA hi va support dawn ta se amzia a nei tlat lo.. Regional Party MNF tan hian party lian dang support tur awm chhun chu BJP a ni.. Chu vang mai mai chu lawm?? ho ltk…..
Report this comment
September 23rd, 2011 at 10:16 am
MNF ka tan tihna ni lovin, an coalition zawm kha NDA (National Democratic Alliance) zawk ani lo maw? Mizorama Congress nen an inkhin tlat chuan NDA nena tan tlan chu tih makmawh ani mai lawng maw? Mahse NDA ah khan BJP a lian filawr a, BJP nena nghawngkawl bah dun chu nuam an ti chiah lo. Lalna leh sum hmuhna anih chuan anni chang lo pawh Diabola lama tan zawk hreh lo kan tam hi.
Report this comment
September 23rd, 2011 at 10:25 am
MNF hian central-ah congress support ve mai se, central congress ho chuan mizoram chu himsaah an ngai ang a, MPCC an rawn campaign pui vak vak a tul tawh lo ang a, MPCC ho sum hnar ber pakhat a chat ang a, MNF ho tan chance a tha phian lawng maw? te ka tia(t).
NOI
Central congress ho pawh khu christian chu an ni chuang lem hlei lova.
Report this comment
September 23rd, 2011 at 10:32 am
Hamthatna an thiam ang angin an um hlawm anih hmel e.
A hmasa berin state rethei ber dawttu nilo turin tan la phawt hlawm teh se.
Report this comment
September 23rd, 2011 at 10:35 am
no nick, i chhanna khi chu post ah vek hian ka ziak tho chuan ka hria…
James bond, NDA chu BJP kaihhruai anih avangin layman tawngkam ka rawn hmang mai a ni e. I ti dik chiah e… UPA pawh hi COngress sorkar tih mai pawh hian a chiang thawkhat ve tho a ka ti mai mai..
Report this comment
September 23rd, 2011 at 10:43 am
BJP leh Congress(I), ringlo mi te kaihhruai Party ve ve. Mizoram BJP leh Congress(I) erawh ringtu inti te kaihhruai ve ve. Central Congress hi BJP ai chuan an Hindu kulmuk lo deuh e tih mai chauh a ni. Politics ah chuan eng Party pawh an thawkdun mai ang chu mawle. An survival khel theuh an ni a, demna tur ka hre hran lo.
Report this comment
September 23rd, 2011 at 10:48 am
awmawmpuia, congress chuan secular party nihna an claima , sakhaw zalenna an claim deuh zawk lo maw, BJP hi chuan claim ngam tur an ni tawh lo a.
Report this comment
September 23rd, 2011 at 11:20 am
MPCC leh MNF hi kan state-ah chuan inbei ber tur an ni rih a, mahse Mizoram leh hnam thatna tur atana inbei an nih hi an hriat chian hle loh chuan, A PAWI ZAWK ANG. Central sorkara intlaktlumsiakte hi sim hmanhmawh se a tha ang. Kan polilitician-te hian thil tak tak an ngaihtuah ve a hun ta e. Thu-neih hmel ve ber ber viau lo maw?
Report this comment
September 23rd, 2011 at 11:45 am
Congress party dintute zingah hian Kristian an telve tlat. BJP ah hian chuan an tel hmel loh.
Report this comment
September 23rd, 2011 at 11:50 am
Lal Isua kan sum ngainat hi milem biak angin alo sawi a,tlangchunga a thusawiah khan kan hmu thei a ni. Chuti a nih chuan sum Pathian tute hi congress ho an va ni mai awm ve aw. 1 CWG scam, Bofor,2G scam, foreign a pawisa chheprelh te hi a tamzia hi heng ho hi mirethei sem ta ila india rram mipui ho hian cheng singkhat theuh an la chang thei theuh ang. Chubakah congress ho hi socialist ideology zuitu te an ni a, secular an ni bawk a ni, secular tih chu sakhaw awmlo tihna a ni. Tin NDA ah khan Kristian tha tak tak George Fernandez ten dinhmun sang tak an chelh tih i hria ang u. Sum hmang a milem betu te ai chuan a tak a milem betu te hian pathian an tih hmel zawk tlat mai. Chubakah congress ho hi kan ram tihchhiat vek duhtu kha an ni a, tuna hruaitu te pawh hi an fate leh an tu te vek an ni. Pu Gandhi-a ngaisang em em chung siin communism lamah an rilru a awn tlat mai hi a pawi a ni. MNF pawh ka tan chuang lova amaherawh chu Indian politics ah hi chuan NDA ah khan corruption a tlem zawk daih a ni.
Report this comment
September 23rd, 2011 at 12:07 pm
15@ an sawrkar reilo thei em a lawm.
Report this comment
September 23rd, 2011 at 12:10 pm
Report this comment
September 23rd, 2011 at 12:12 pm
MNF-in BJP a support em ni? 1999 general election zawha sorkar thar a pian dawn khan MNF-in National Democratic Alliance (NDA) a support mai a ni lo’m ni?
Tunah pawh MNF hruaitute hi zawt ta ngat ila, BJP support an inti chiah emaw ni le?
Report this comment
September 23rd, 2011 at 12:14 pm
#15, covenanter..dik ve hmel tho mai.. Heti hian i ngaihtuah zawk teh ang. An sawrkar hunlai hian an eiru ve vak lo nge, transparency a tha lo??? Muslim biakin pawh vawchhe duh khan mihring nunna chu an ui vak lem lo tih a lang ve zeuh zeuh thin reng asin..??
Transparency hi congress sawrkarah hian a tha zawk tihna a ni zawk mai angem??
Report this comment
September 23rd, 2011 at 12:16 pm
Hlatekhua, dik viau tho..#10 ah khian ka chhang tawhin ka hria… Vodka-ah tui i pawlh pawhin a la ruih theih tho lawm le tiraw??a vodka kha a tam ber miau chuan…
Report this comment
September 23rd, 2011 at 12:21 pm
chemtatrawta@20, ni ngawt mai. Mahse i ruih chu tui ni lo-in vodka a niang chu. Layman pawhin NDA chu BJP nen chuan an thliar hrang thiam ve viau ṭhin asin.
Report this comment
September 23rd, 2011 at 12:33 pm
hlatekhua…ni ve viau tho..mahse,NDA tui chu BJP vodka chuan a pawlh hneh ve em a tih thilthu mai mai mawle..
Report this comment
September 23rd, 2011 at 12:49 pm
Chemtea zawhna hi a chhanna a awm sa in ka hria amah ngei pawn a lo ziak tawh. Mahse kan kalphung hi siam that dan lam ngaihtuah turin he post hi a lo chhawp chhuak a ni zawk em?
NDA kha kawng tamtakah ka iai hran lo khawp mai. Sakhua leh mahni kohhran hmachhuana thil ti an awm erawh chuan tha ka ti lem lo. Sakhuana kawra hman hrim hrim hi thil tha a ni ngai lo.
A chang chuan Sikkim ang deuh hian Party huapzo tak nei ila. Sorkar apiang thlawp mai pawi tih loh chang ka ngah. A chhan chu MPCC hian IMPACT a nei tham lo thin em mai. Mi fel tak kan mamawh zawk ni hian ka hre thin.
Report this comment
September 23rd, 2011 at 1:10 pm
UPA central a an tlin khan Chanchin bu lam chuan an sawi dan chuan sakhua avanga cong leh athawhpui te hi tling an ni ati. Muslim , Kristian leh sakhaw dang India rama awm ho te hian Cong hi adik zawk ni a an hriat vang leh BJP chu Hindu hi ani tih Sakhaw dang betu te poh hian an hre vek tho i sawi khi adik hmel fu ani.
#8 Chhuaklinga sawi khi dik hmel fu mai.
Report this comment
September 23rd, 2011 at 1:17 pm
kan ot teh ang… Puan bih leh puan veng chungchangah hian Facebookah kan inhnial tlat..ka hriatchian tehlul nen.. Enge a danglamna han sawi teh u?
Report this comment
September 23rd, 2011 at 1:27 pm
chemtatrawta@25, Mipain puan an veng a, hmeichhiain puan an bih thin. Ka chiang.
Report this comment
September 23rd, 2011 at 1:28 pm
hmeichhiaiin puan an bih a, mipain an veng thin. puan ven chu khup thleng a ni. chu chu a ni mai.
Report this comment
September 23rd, 2011 at 1:31 pm
Puan ven leh bih tih hi a buaithlak mai mai riau….”puan veng” ti vek mai ila a pawina a awm viau em ni le?
Report this comment
September 23rd, 2011 at 1:32 pm
Kan hakna hmun a zir zawk hi a ni lo maw, gender lam ni lovin… Lu ah puan them kan dah chuan kan khim a, awm bawrah chuan bih, kawngah chuan veng a ni lo maw aw???
Report this comment
September 23rd, 2011 at 1:34 pm
hlatekhua, dik chiah mai..puan bih tih hi ka hriat dan khi hmana kan inhnial pawhin he site ah hian kan thutlukna kha a niin ka hre ta a…puan veng ti vek mai ila, pawnfen anih chuan an feng mai anga..
Report this comment
September 23rd, 2011 at 1:34 pm
A la chian loh takin puan bih chuan a kawngah puan hmawr chhung lamah an bilh lut a, puan ven chuan pawn lamah an bilh chhuak thin.
Report this comment
September 23rd, 2011 at 1:36 pm
hmanlai chuan -tuna kan traditional dress kan tihah pawh mipa chuan a khup thlengin puan a kaih a, veng kan ti. hmeichhia chuan a kerek thleng a kaih a, bih kan ti. tichuan sawi zawm leh ru
Report this comment
September 23rd, 2011 at 1:37 pm
Ka rin dan chuan, BJP kaihhruai NDA sorkar kha an chhe lo ve em a nih kha.
Kawng engkimah an support ka ring lem lo. Mizoramah BJP te pawh an awm ve hi a.
Nghet taka zawm neih hi a fuhlo hial zawk lo maw? Tunlai UPA sorkar te khu tawp tak a nia, kan support tawh lo mai dawn em ni?
Report this comment
September 23rd, 2011 at 1:37 pm
Ti daih ila MNF hel pawl (tuna political party nilo) ho kha hnam dang hel pawl te nena khaikhin chuan an lo bawn ka ti, ka ngaisang thlawt
Report this comment
September 23rd, 2011 at 1:38 pm
Kan Mizo ṭawng hi keimahni a neitu leh a hmangtute tan hian kan tih harsat-khermei lutuk chuan ṭhangthar zelin hman nuam an la ti lo thei ang. Tarmit pawh hi ṭhenkhat hian ‘vuah’ tih tur a ni an tih bur laiin a tam zawk hi chuan ‘bun’ kan ti tho tho a, a pawina em em awm chuangin ka hre lo….(OT nasa ṭiah ṭiah…a posttupa ber a rawn OT hmasa vei a nih kha!)
Report this comment
September 23rd, 2011 at 1:41 pm
rose,hmeichhia khan an awm atanga a ke rek thleng em em an kaih thin ami…
Report this comment
September 23rd, 2011 at 1:42 pm
Khirha, transparency chhiat vang te pawh a ni zawk lo’ng maw??
Report this comment
September 23rd, 2011 at 1:46 pm
ka sawi thiam tawh lo alawm chemtATRAWT
Report this comment
September 23rd, 2011 at 1:48 pm
rose.ka sawi khi pawm mai rawh, ka sawi thiam em khi…hairehai…
Report this comment
September 24th, 2011 at 12:25 am
LK Advani tlaktlum tawh loh chhan zinga ka rin rilruk chu Nitin Gadkari daih hi a ni. daih mai a…ka sawifiah thiam lo…a ril lutuk
LK Advani chu a mawina ber, mi moderate lutuk Atal Behari V. kha a awm tawh tlat lo va…a ni hi a extream bawk si. RSS hian an policy implement nan power an mamawh si…an nei thei hrih si lo…
Mahse an buai thovin ka ring Modi-a hian Priministerial Candidate nih a inbeisei a, Sushma-in a tum rilru bawk si a-RSS lamin Modi-a an duh chiah bawk si lo va-Nitish-an a duh lo hulhual bawk a-Sushma-i an ruat chuan Modi leh mi dang Jaitley-te khan an support chiahin a rinawm si lo va-an lal ka ring chiah hrih lo.
Congress lam pawh an buai hle mai a-Chidambaram vs Mukherjee a ang tan tlat. Rahul Gandhi-an Prime Minister nih a la duh hrih loh chuan mi dang a ngai si…Home sate lamin Chidambaram-a Prim Minister salute an lo pe dahrawl nen…Mukherjeea’n a duh loh vang a ni thei ang em hetia 2G scam-a chidambaram-a a hnuh luh tlat mai dan hi.
Sonia i leh mi langsar dang hian Pranab-a hi PM-a tan an duh zawk hmel a-Manmohan- hi chuan Chidambaram-a hi a ring viau thung. AK Antony hi Sonia-i Religious agent a nih avang hian a tlatlum viau va…Manmohan singh hi a good Ambasador to America a nih avang hian a thu a ngaichang viau bawk ang…Pranab-a PM Candidate a nih chuan Chidam-a chu a lang chiang ang a-Congress circle-ah hian conspiracy theory hi a chhuak nawlh nawlh dawn a ang.
Inthlanleh hun chu a pui dawn khawp mai-pherh ve ve intuamhlawm an tum dawn chu a ni phawt mai…ka OT em.
Report this comment
September 24th, 2011 at 11:53 am
Pu Vakul..Ot lo e..in sep tak2 ang hmiang.. Vawiin the Hindu edition a an cartoon phei kha chu ka nui chhuak huk alawm. Pranab Mukherjee hi a prime minister atan meuh chuan an iai ve deuh niin a lang, a Bengali nih avang hian. Bengali hi India aia an Bengali nihna dah ropui leh duhsak zawk zel an nih avang hian kei Prime minister chu anih ka ring chiah lova. Manmohan Singh ai hian Pranab hi chu mi zawng zawngin prime minister tura an rin ania.
Pranab hi chu a vanduai nge, Rajiv-an a nekchhuak tawh bawk a, tunah Manmohan singh an.. Party chhungah tak hi chuan a tla na lutuk lo a ang, cabinet minister ah chuan No-2 chu a ni a, minister tha ber pawl a ni a. TIn, inflation a handle dan hian ngaihtuah a tithui thei hle bawk ang.
Report this comment
September 24th, 2011 at 1:29 pm
Pranab Mukherjee PM a nih lohna chhan hi kawng dang vak a ni awm lo e. Indira Gandhi cabinet hnuhnung berah khan Finance Minister a ni a, Indira Gandhi thih takah khan PM ni tura inring ber pakhat a ni. Rajiv Gandhi PM tura propose a nih khan a support mai duh lo ta reng a, chu chu Sonia Gandhi leh Gandhi family loyalist-te hian an theihnghilh thei lo a, PM atan an pawm thei lo a ni.
President ni tura sawi rik zin ber zingah a tel mek.
Report this comment
June 10th, 2013 at 5:38 pm
@Chemtatrawta, i thu post hi tha viau mahse,nangpawhin i thu post hawn nan MNF in NDA an tel loh theih lohna chhan te chu chiangtakin i post a ni lawm ni?MNF hian a hranpa takin BJP hi a thawhpui reng reng lova,123 Deal a Vote lak anih dawn vang khan,Congress Oppose zawngin MNF khan Vote a thlak lo thei lova ni tih hriatpui a tha. Thawhhona a hranpa in Ziak in dah a awm lem lo. Dem viau tur pawh an awm ka hre lo. Lal Nebukanezara Lal na hnuaiah khan Daniela te thian zaho pawh khan nihna pawimawh tak tak an chelh a, an pathiante erawh chhete pawhin an tawmpui ve lo. Chutiang chiah chuan loh theih lohin MNF khan Central Congress Ministry in 123 Deal kaltlangpui atumlai khan a dodal (opposed) zawngin MNF MP khan vote a thlak ta ani mai. An milem pathian erawh a biakpui ngai lo.Thawhho chu sawi loh, i tan em em Mizoram Pradesh Congress Committee chuan INC, an Election Symbol ah pawh Hindu pathian pakhat Om Shiv Shankar an tih mai Kutphah dinglam malsawmna ngat an hmangin an then hran theih miah lohin inzawm tlat a, tunah phei chuan Lal Thanhawla te nupa phei chuan an milem pathian hma ah chibai bukin an kun zur ta zut zawk anih hi. Tunge ti diklo ta zawk le? MPCC nge MNF?
Report this comment