Mihringte hi Pathianin duh taka a siamte kan nih thu hi Bible-ah kan hmu a. Mihring taksa nihphung leh hnathawh dan hrechiang apiangin kan Pathian themthiamzia leh ropuizia an hrechiang tawlh tawlh dawn niin a lang. Kan taksa leh nunphunga mithiamte thil hmuhchhuah i lo tarlang thuak teh ang:-
1. Kan thluak hian Encyclopedia Britannica aiin a let 5-in hriatna(Information) a khawlkhawm hnem thei zawk. A khawlhnem theihzawng hi 3-1000 terabytes vel ni-a chhut a ni.
2. Chhun lam aiin zan lamah thluak hian hna a thawk chak zawk. Tin, IQ nei sang te hian thil dream an hrat zawk thin.
3. Taksa hmun dang te aiin hmai hmul (Facial hair) hi a thang chak zawk. Mipa te hian kan damchhungin khabe hmul hi met ta lo ila, kan khabe hmul hi ft.30 vela sei ni tura ngaih a ni.
4. Nitinin samzai leh hmul 60-100 vel hloh ziah ang kan ni.
5. Hmeichhe samzai hi mipa samzai aiin a sin zawk.
6. Samzai pakhat hian 3.5 ounces a rit thil a chawi zo ve.
7. Kuttin zingah kutzunglaitin hi a thang chak ber. Kuttin than chak zawng hi kuttang sei zawngah a innghat ni-a hriat a ni.
8. Kuttin te hi ketin aiin a thang chak zawk.
9. Mihring hmul/sam hi kum 3-7 vel thleng dam thei ni-a chhut a ni.
10. Internal Organ zinga lian ber chu Ril te (Small Intestine) a ni a. Patling sanzawng let 4 laia sei a ni.
11. Kan Pumpui-a Acid awm hi Bakmehchemte (Razor blade) chiahzawp thei khawpa chak a ni.
12. Kan thisenzam te hi kaipharh ta vek ila, mel 60,000 vela thui a ni ang. Kan awmna lei (Earth) hi vawi hnih vet chhuak thei hial a nih chu.
13. Chuap (Lungs) hi pawtpharh ta ila chuan Tennis Court zauzawng nen a inang reng ang. Tennis a khelh theih han han a nih chu!
14. Lungphu vawikhat hian thisen hi ft.30 a sang vawrh thei khawpin a pump na a ni.
15. Thin (Liver) hi organ zingah chuan hnathawk nasa leh hahrim ber a ni. Zu in mite thin hah dan tur I chhut pha em le?
16. I taksa chhung atangin i Pumpui, La (Spleen), Thin (75% of Liver), Ril (80% of Intestine), Kal pakhat leh Chuap pakhat te la chhuak ta sela, i dam khawchhuah lohna tur chhan a awm chuang lo. I taksa hnathawh a chak lo tih mai chauh a ni ang. Thih ngawtna tham a ni lo.
17. Hahchhiau speed hi 100 mph vel a ni.
18. Khuh speed hi 60 mph vel a ni.
19. Hmeichhiate hian mipate aiin a let 2 in mit an khap zing zawk. Mihringte hian dan naranin minute khat chhungin vawi 13 vel mit kan khap thin.
20. Phing (Bladder) tihpuar leh ball (football) size hi a intiat reng.
21. Chawhrualin khawvel pumah nitinin mipa leh hmeichhia inpawlna (sexual intercourse) hi vawi maktaduai 120 thleng ang a ni a. Chu chu khawvel pum mihring awmzat atanga 4% ang vel a ni.
22. Mihring taksaa Cell lian ber chu hmeichhe chi (Female egg) a ni a; a te ber erawh mipa chi (Male sperm) a ni thung.
23. Hmeichhiaten an naupai tantirh lai (1st trimester) huna an ngaihtuah chhuah tam ber thin chu- Chungu, Changpat leh Pangpar khawi te a ni.
24. Kan ha (teeth) te hi kan pian hma thla ruk atang tawha lo thang tan tawh an ni.
25. Puar taka chaw ei kham hian kan ri hriatna hi a tlahniam deuh thin.
26. Kan hnar hian rim chi hrang 50,000 a hre thei.
27. Mihring ruang halna vap hi 9 pounds vela rit a ni tlangpui.
28. Thawhtanni (Monday) hi lung tha lo (Heart attack) neihna chance san ber ni a ni.
29. Zingkarah hian tlailam aiin 1 cm in kan sang zawk thin.
30. Mihring tihrawl (Muscle) zinga chak ber chu Lei (Tongue) hi a ni.
31. Dingkhawr te hi veikhawr te aiin kum 9 in an damrei tlangpui thin.
32. Thil hlauh kan neih hian kan bengek hi a lo pung sawt thin a ni.
( Chhunzawm tur)
September 24th, 2011 at 11:56 pm
Engineer zirchhuak hlim hian an thluak hi an hmang nasa ber a ngaih a ni a, chutiang zat let vaibelchhe 4500(??) chu kan thluak hian a la handle thei tih hmaaaaaaaaaan ah ka chhiar tawh tak e.
A ngaihnawm e, mahse a GK level mah mah, ‘know how’ lam pawh han ti teh khai….
Report this comment
September 25th, 2011 at 9:06 am
A bengvarthlak hle mai, chhiar a manhla e.
Report this comment
September 25th, 2011 at 11:08 am
Ot zuai, post tupa kan khaw pa lar Pu Vanhrila kha kum 79 mi niin tukin zing dar 3:30 khan cancer natna vangin an mahni chenna inah a boral. Vawin chhun dar 12:00-ah vui tur a ni.
Report this comment
October 2nd, 2011 at 12:57 am
21 khi
Report this comment
June 17th, 2015 at 6:18 pm
Bengvarthlakin ka hriat duh tak ka hriat phaha; ka lawm e. Awih a awih hleihtheihloh thil erawh a awm nual a nih hi.
Report this comment
June 25th, 2015 at 11:01 pm
gran post para leer
Mak taka din kan ni – Part 1 | mi(sual).com
Report this comment
June 29th, 2015 at 12:57 pm
redirecciona aquí
Mak taka din kan ni – Part 1 | mi(sual).com
Report this comment
July 1st, 2015 at 2:01 am
Más material
Mak taka din kan ni – Part 1 | mi(sual).com
Report this comment