Archive for September, 2011

Thianpa James Bond-a

Saturday, September 24th, 2011

A nunah entawn tur leh ei tlaka nun mawi a awm lem lo. Fak tlak a awm hek lova, chawimawi tlak pawh ni hek suh. Mahse, a thianpa ka nihna changchawiin ka ziak ve hrim hrim dawn.

Kan zawt lem lova, kan zawt peih hek lo. Ka hming chu a bul atanga a atawp thlengin, zep ruk leh zep then awm miah lovin James Bond a ti miau. Tun thlengin kan la pawm chiah lo nain, thianpa James Bond ti bakin kan ko ngam chai lo.

Naupang chumchiap kan nih atang tawh renga Val Senior kha a ni a. Nupui hi a hmu zo lo a ni bik lo. A duh aten an duh lova, amah duhtute a duh bawk si lo-an chhe ve em a nih kha kan la tihpui fan. Duh ngat se chuan, khawkhat V.C chhungkaw zinga Job Card spare nei pha chin ngat kha a ni ve tawh ngei ang. Nei ve tawh la an tih pawhin, ka nghei dawn chuang lo a ti khur mai leh nghal.
(more…)

Posted in Fiction, HAHAHA | 15 Comments »

Isaac Muankima Hnamte Jr. (chawnghilh fapa) kan chan ta!

Saturday, September 24th, 2011

Source: Vanneihthanga Vanchhawng

Isaac Muankima Hnamte Jr., kum 30, Pu Isaac Hnamte (chawnghilh) leh Rosy (Hnamte Press), Khatla te fapa chu tukin zing dar 9:30 vel khan an chenna inhnuai press khawl dahna room chhungah a ruang hmuh a ni. Isaac Jr. hi Music Video hmanga Zoram mipuite chawkhlim thintu Mighty M.Junior-a an khaipa ber a ni.

Isaac Jr. te chhungkua hi Church of God (7th Day) an ni a, vawiin Inrinni hi an chawlhni a ni. Tukin dar 9:30 vel khan Isaac-a chhungte chu inkhawm turin an inpeih thawkhat tawha, an awmpui nula chuan pheikhawk charna tur Dendrite lak tumin Press khawl an dahna room chhung a zuk luh chuan Isaac-a chu a zuk hmu ta mai a ni. Thudawnna in a sawi danin Isaac-a hi an hmuh hian a taksa a vawtin a lo khawng vek tawha, nizan lama thi anih an ring.
(more…)

Posted in Information, Mizoram, More than words, News | 127 Comments »

Leilung kalral thin hi

Saturday, September 24th, 2011

Kan chatlak mai a hlauhawm avangin he thu tlemte hi kan zirlai leh ka ngaihtuahna hmangin ka lo dahlang ve mai mai a ni e.

Mizo te hi kan chenna ram hi hmun chhengchhe tak tak te an nih hlawm avang hian insakna tur pawh a rem hlawm lo hle a ni. Kan chenna a awih hian kan thlang lawk ah luikawr a awm tih kan hre theuh awm e. Heng luikawr te hi engemaw chang chuan harsatna min thlen thei a ni, chung zing a langsar zual te chu Lui kawr a nih avangin fur ah tuikawk leh tuidang alo tam thin a, chu chuan a kam vel a lei muklo tak tak te lenthla in a hawrh zau a, a chang chuan leimin a siam thin a ni. Hei hi a pawi hle a ni kan ram zimte neih hi kum nga a ral meuh chuan inhmun tiat pawh kan nei tha thum thin lo a ni

A dang kan sawi hma in eng nge remedial lo en hmasa ta ila.

Kan inthlangah luikawr a lo awm a nih chuan kan tih tur ka han tarlang ang e.

1. Thing kan phun a nih pawh in sang vak lo buk deuh thung si hi an tha hle a nia, sang deuh kan phun emaw lo awmsa hi a thalo thei hle a ni.

2. Heng hmun kam velah te hian mau leh rua kan phun hian lei a tinghet thei deuh tih hriat a ni.
(more…)

Posted in Advice, Mizoram | 14 Comments »

Mak taka din kan ni – Part 1

Saturday, September 24th, 2011

Mihringte hi Pathianin duh taka a siamte kan nih thu hi Bible-ah kan hmu a. Mihring taksa nihphung leh hnathawh dan hrechiang apiangin kan Pathian themthiamzia leh ropuizia an hrechiang tawlh tawlh dawn niin a lang. Kan taksa leh nunphunga mithiamte thil hmuhchhuah i lo tarlang thuak teh ang:-

1. Kan thluak hian Encyclopedia Britannica aiin a let 5-in hriatna(Information) a khawlkhawm hnem thei zawk. A khawlhnem theihzawng hi 3-1000 terabytes vel ni-a chhut a ni.

2. Chhun lam aiin zan lamah thluak hian hna a thawk chak zawk. Tin, IQ nei sang te hian thil dream an hrat zawk thin.

3. Taksa hmun dang te aiin hmai hmul (Facial hair) hi a thang chak zawk. Mipa te hian kan damchhungin khabe hmul hi met ta lo ila, kan khabe hmul hi ft.30 vela sei ni tura ngaih a ni.
(more…)

Posted in Education, Health, Information | 54 Comments »

Khawnge i fa? Part-2

Saturday, September 24th, 2011

Part-1 kha ka ziahna a rei ta hle mai. Lung te pawh a leng hman dawn alawm le.. :-)..

Engmah sawi se se lovin thupuiah lut leh thuai mai ang aw…

Zawhna- Khawnge i fa??

Chhanna- Computer/Video Games a khelh kha..

Tunlaiah mi kan changkang tawh a, in tin deuh thaw ah TV leh Computer chu a in hung fur tawh a. A thei fate phei chuan an room tin maiah hian an hung emaw chu a tih theih. Keini hun ve laia COmputer hian thil a hre lutuk a, kan bialnute hming pawh chhutchhuak thei hial anga kan ngaih thin leh a bula kan awm hreh tut thin kha a pel ta hle mai :-) .
(more…)

Posted in Advice | 123 Comments »

Thinlung Hliam

Saturday, September 24th, 2011

               Mihring-te kan dam chhung hian kan nun-ah hliam emaw kan tawk theuh thin a. Midang tena kan chunga diklo taka thil an tih hian kan thinlung ril takah hliam chhete a awm a, chu hliam chuan kan dam chhungin kan hriatna thazam ah thu a sawi. Zirtirtu tena hmangaihna thinlung leh duhsak taka min tih tir thil, kan duhthu ngeia kan tih duhloh avanga min vuak emaw min hauh hian, kan chungah hleihluat taka lalna an tilang tia ngaiin hliam kan nei. Chu chu, nikhua a lo reia chu zirtirtu kan hmuhlehin kan rilru ah hriatloh thinrim, phubalak duhna thinlung kan pu thin. Chumai nilovin, kawng hran hran (Nu leh Pa te zilhna, U tena min tihdan, hnathawhna kawnga pu emaw pi te thiltih dan, adt.) avagin hliam kan thinlung ah a awm a. He hliam hi kan enkawl loh chuan, a hliam a pun a, rah thalo tak a chhuah thin.

                Thinlung hliam kan tawh hi sawithamloh chhete mai ani ti thin mahila, kan rilru chhungril takah a cham reng avangin thawidam ngai a ni. Kawng thenkhat ah chuan, tih luih nimiah lo mahse keimahni lam kan dah sang zawk avanga hliam nia kan nithin a. A dang ah erawh midangten’a kan chunga an tihluih avang hrim hrima hliam nei kan ni bawk. Heng hliam kan neih te avangin kan nun chen a nuam hlei thei lova, chumai nilovin, thiltha lo sual tam tak kan khawih leh tihna bul hnar a ni. Eng tin nge kan tawrh thinlung hliam hi kan thawi dam ang?

(more…)

Posted in More than words | 8 Comments »

Hei pawh – Belhkhawm leh!

Saturday, September 24th, 2011

The last word – thingtlangpapakhat

Ka dawn thin nunhlui te, tawn leh ni reng i awm dawn si lo maw! Theih chang se koh kir ka nuam e, mahse kir rel lo ten zamual an liam zo ta. Mittui nen ka thlir thin kan hlimthla, nangnen hlimte’n kan lenlai. Hei hi maw ka chan tawk khuanu ruat lo ni le. Tawrh thiam a har lunglen hi. A dam lo’ng e nangngaih lunglen, thlafam run ka thlen hma chuan. Mahse ka theihtawk i tana ka hmangaihna hlan tawh kha, ka vawng reng nange fam ka chan hma chuan. Hring chan chhung hian ka tan vul lo mah la, pialral ah tal ka lo nghak ang che. Hunin a liam pui mai ang an ti maw..! Kei zawng nghilh thei hian ka mawi si lo. Lo kir reng hian I mawi ve silo, mite’n an lawm thin hmangaihna par hi kei katan chuan tahna mai maw lo ni le. Fanau maltluan chawi a dam chhungni te hlim tak a chhiar liam tur in ka duhsakna ka hlan a che.

Anthurium Festival 2011  – moloch

Anthurium festival, the festive event of the rich and fabulous. How we (the rest of Mizoram) adore
your songs and dances, your laughters and overflowing glass with our miserable half-empty rice
-bowls

Computer – Zee

Laptop cdrom tha si lo hi pendrive hmangin boot dan a awm mial em le??? external cdrom ka neih a tha bawk si lo va, dawrah boot that man 350 lai ni bawk sia, keini ang thiam ve nual, thiam ziktluak si lo tan 350 chu to ti ve khanglang bawk si….. HELP

Posted in Ask | Help | Suggest, Luangliam, Mizoram, Opinion | 23 Comments »

Min pui teh u

Saturday, September 24th, 2011

Ni 20 (Thawhlehni) khan ka chhung ten ka haw na tur Rs 4400 ka account ah min lo thawn a, Rs 4000 ATM atangin lak chhuah ka tum a. Ka lak chhuak dawn hian ‘INSUFFICIENT FUND’ a in ti a, mahse balance ka en chuan Rs 400 chauh a lo awm tawh a. Pawisa min pe chhuak miah si lo khan balance ah an cut anih chu.
Bank lamah kan sawi vat a, an ni chuan “Statement ah a in ziak vek bawk sia i la chhuak ngei a ni ang, a nih loh vek pawh in midag in i ATM card kha an lo hmang ru a ni mai, keini chuan a tih ngaihna vak kan hre lo” an lo ti bawk sia.

Ka ATM card hi tuman a code min hriatpui lova, bank lamin an rin dan ang khi chu a ni lo phawt tih ka chiang. Ka rin tak bera chu a ATM booth kha a ni. Hetiang thil hi eng tia tih chi nge le? Khami tuma a transaction receipt lah chu ka lo paih daih tawh mai bawk si! Tih dan min han hrilh teh u khawngaihin…

Posted in Ask | Help | Suggest | 46 Comments »

A lunglen thlak mange!

Friday, September 23rd, 2011

Tun hma western movie larzual thenkhat i thlir ang aw.

The Good The Bad & the Ugly Finale:

YouTube Preview Image

The Magnificent Seven:
YouTube Preview Image
(more…)

Posted in Luangliam, Movies and Videos, Music and lyrics | 24 Comments »

Mîm Kût (I han ti leh teh ang)

Friday, September 23rd, 2011

‘Mîm Kût’ hi min thlahtu mualliam tawh zawng zawngte, kan pi leh kan pu, nu leh pa leh u leh nau famchang tawh zawng zawngte hriatrengna, zahna leh sûnna kût anih angin urhsun takin i hmang ang u.

Famchang tawh te pual thlaichhiahna hunkanhmang dawn a, he huna lo kal zawng zawng ten pawisa emaw, mahni remchan ang angkanhmangaih fam chang tawh te thlaichhiah nan i hlan ang u.

Heng kan thil hlante hi kan hmangaih fam chang tawhte chuan hring danin an dawng dawn lova, Lal hnenah awm  vek tawh annih avangin, Lal hnen thleng tur “LAL NUMBER’ chu a ni. A lang lamah mi harsate ţanpui nan hman tur a ni e. Chuvangin Pathian hnena thilpek kan hmangaih kal ta te puala thlaichhiah chu a remchang leh phal apiangin i hlan ang u.
(more…)

Posted in Mizo Society & Culture | 17 Comments »

« Older Entries
Newer Entries »
  1. Page
  2. 1
  3. …
  4. 4
  5. …
  6. 6
  7. …
  8. 8
  9. of 8