Sorkarin September thla thleng bak zirtirtu hlawh tur a nei lo?

October 4th, 2011 12:00 pm by TuaiSialA

Thulakna: (Tukin) Vanglaini.

Federation of Mizoram Government School Teachers (FMGST) chuan, sorkar kum kal mekah zirtirtute’n September thla hlawh bak lak tur an nei tawh lo niin an sawi a, sorkar chu Education department enkawlna khawp sum budget-ah dah turin an ngen.

FMGST hian nimin khan Teachers’ Inn-ah Executive Committee meeting an nei a; Finance department leh Planning department-te’n zirtirtu leh zirna enkawlna sum indaih tawk ruahman tawh se an duh thu sawiin, sum indaih lo renga an awm chu pawi an tih tak zet thu an sawi.

Sikul naupang chawchhun buatsaihna sum pawh thla nga chhung a bâ-n an kalpui tawh ni-a sawiin, FMGST chuan, sorkar laipuiin naupang chawchhun pekna tur sum a ruahman chu K-deposit-a dah lo turin sorkar an ngen a ni.

FMGST hian, Mizoram Revision of Pay Rules, 2010 chungchang pawh an sawiho a; state pay-a luh an duh loh thu leh, an hamthatna turin Central Civil Service Revised Pay Rules, 2008 hman an duh thu an sawi.

FMGST hian, sum awm loh chhuanlama zirtirtu Selection Grade-a hlankai tihkhawtlai a awm thu sawiin, tha lo an tih thu te; sorkar hnathawk dang ang bawkin, ACP Scheme chu zirtirtute tan tum thum hman theiha siam an duh thu te; SSA leh RMSA hnuaia sikul sak hna chu mission mode-a thawh tur a nih laia contractor-te thawhtir a ni chu tha lo an tih thu an sawi bawk.

38 Responses to “Sorkarin September thla thleng bak zirtirtu hlawh tur a nei lo?”

1
ngaihdan tha a Says:
October 4th, 2011 at 12:00 pm
post tha tak ani
Report this comment
2
Keimah Thingtlangpa Says:
October 4th, 2011 at 12:09 pm
Heihi maw an sawi CHANGE chu?
Report this comment
3
Soberboy Says:
October 4th, 2011 at 12:12 pm
nia ka lo chhiar a keipon!
Report this comment
4
tlau Says:
October 4th, 2011 at 12:15 pm
A lo mak thei ngei mai,
Derna anka maw min lo hlan
Report this comment
5
TuaiSialA Says:
October 4th, 2011 at 12:23 pm
‘Post tha tak a ni’ lam a ni looo…
Report this comment
6
chemtatrawta Says:
October 4th, 2011 at 12:30 pm
Ahmasain FMGST hian engtin nge sawrkar account hi an hriat??

Hlawha lungawi thei lo zirtirtu, zirlaite aia mahni hrawk hmangaih zirtirtu kan ngah tulh tulh a, kan ram education chu a chhe tulh tulh thung si.. Kan ram education tlakchhiat tawhzia en hian heng zirtirtu hi hlawh hmu tlakah pawh ka lo ruat vak lem hleinem..(Thenkhat thahnemngai tak tak chu an awm tho na a)..
Report this comment
7
zeus Says:
October 4th, 2011 at 12:32 pm
Pi Riliani zawt rawh u. Ama sawrkar alawm!!
Report this comment
8
Chhuaklinga Says:
October 4th, 2011 at 12:35 pm
Pawimawh ber mai chu kan hnathawh theuh a rinawm hi a ni e.
Report this comment
9
chemtatrawta Says:
October 4th, 2011 at 12:39 pm
EDUCATION NGE AN NGAIH PAWIMAWH AN HLAWH?????
Report this comment
10
lamea25 Says:
October 4th, 2011 at 12:44 pm
#7 ka like..tinge tun sawrkar hi pawisa a neihloh viau le..mnf kha chu pawisa tam an zo lo a,an chhiatpui xawk ania
Report this comment
11
ngaihdan tha a Says:
October 4th, 2011 at 12:44 pm
#5 post thalo tak ani
Report this comment
12
PKfanai Says:
October 4th, 2011 at 12:45 pm
He thu hi keipawh ka lo chhiar ve a, a serious ka ti khawp mai. Mahni employee te hlawh pek theih loh hi thil zahthlak tawp khawk a ni. Sawrkar hnathawk hlawh a sang tawh rem rem mai si a, central atang a budget lokal a mil tawk a a pun ve hle a ngai ang tih a chiang reng mai. Financial management thiam tak kan mamawh tawlh tawlh dawn a nih hi.
Report this comment
13
Benny Says:
October 4th, 2011 at 12:55 pm
Thil pawi leh zahthlak tak, mak tak a ni.
Report this comment
14
thingtlangpapakhat Says:
October 4th, 2011 at 12:56 pm
Pu Chemtatrawt … Education cu eng ang poh in ngai pawimawh se tun lai khawvelah hlawh lak tur awm lohna ah tu nge maw thawk peih ang le. hna thawh hlawh chu an la tur a ni. a thawk tha lo erawh ban ngam se.
Report this comment
15
Ngente007 Says:
October 4th, 2011 at 1:03 pm
ava rapthlak em!
Report this comment
16
khirha Says:
October 4th, 2011 at 1:07 pm
Kan sorkar hian beisei a pha dawn lo a ang. Sawisel tur a tam ta em mai, engemaw hlekah midang a puh zel lehnghal a.
Report this comment
17
century child Says:
October 4th, 2011 at 1:08 pm
Zirtirtute hlawh tur tuakin kan minister ho hi rawra chhuin inhlawh rawh se. Mai mai saala.
Report this comment
18
chemtatrawta Says:
October 4th, 2011 at 1:27 pm
Hlawh pek chakawm deuh te hian thawk se a tha ang chu.
Report this comment
19
saint sammoo Says:
October 4th, 2011 at 1:28 pm
aw..zoram, harh tawh teh.
Report this comment
20
Alejendro Says:
October 4th, 2011 at 1:49 pm
OT loks. Sairang a mawni a nula bawp an chhar chungchang kha thuchiang deuh hria in awm mial em? Khawiah mah NEWS ka hmulo reng reng.
Report this comment
21
TuaiSialA Says:
October 4th, 2011 at 2:00 pm
Awm lo. Vawiinah a vuina programme an hmang.
Report this comment
22
chhangte_ll Says:
October 4th, 2011 at 2:25 pm
NE states ho zawng an ‘Extravagant’ em mai, an la buaichho zel ang. Khawngaih tlak pawh an ni hlawmin ka hre lo
Report this comment
23
ruatruatapa Says:
October 4th, 2011 at 2:25 pm
Tuaisiala chu titha hle mai… Ka comment chak e…
Report this comment
24
sheldon170 Says:
October 4th, 2011 at 2:48 pm
Teh rawt rawt a! Hlawh pek chakawm loh tamtak karah mi tha, hlawh pek phu ngawih ngawih an awm dawn asin. Kei chu hei vanga kan Sorkar hnuaia thawh ka duhloh, a hnuaia thawkte hlawh pek tur a neilo te in han ti leh niaih mai a nia
Report this comment
25
LR_rengsi Says:
October 4th, 2011 at 3:32 pm
Engtin nge maw kan tih dawn le..?! Mahni hnathawk tur a chawr/lak te hlawh pawh kan pek theih loh chuan.
Hlawh pek chakawm deuh hian thawk se…tih pawh hi ngatinge hlawh pek chakawm deuh a thawk tur an lak mai loh, ala thei tu leh la lo thei tu anmahni tho ani lawm ni.?
@24 sheldon sawi ang khian thil hi a ni leh niaih mai thin zawng anih hi.,hahthlakin. A pawi.
Report this comment
26
chemtatrawta Says:
October 4th, 2011 at 3:42 pm
sheldon…zirtirtute hian sawrkar account an en theih i ring ami aa??…false allegation ah ka ngai nghet bur tlat..
Report this comment
27
chawnghilh Says:
October 4th, 2011 at 3:58 pm
Teacher’s Day a pel tawh a nih dawn chu!
Report this comment
28
feeder Says:
October 4th, 2011 at 4:44 pm
Tun sorkar kal mek in a an mutan chu :

Lal Thanhawla : CM
Lalsawta : Education
Rohluna : Supply..

An chakna :

Rinliana : Health
Zodintluanga : Sports

chuan Finance hi Liansailova’n a chan hnu hian engtin tin emaw chuan a fel tan chuan ka hria
Report this comment
29
thiana Says:
October 4th, 2011 at 5:21 pm
Kan thian thenkhatte chuan in va duhthawh em em deuh ve le ! Zirtirtu nei lo ta ula eng ang tak che u maw aw ? Kawngpui a chhiat avangin PWD – a thawkte hi hlawh pek tlak loh niin in ngai/ sawi tawh em ? Damlo zawng zawng an tihdam vek loh avangin doctor leh nurse te hi hlawh pek tlak loh an ni ve tho ang em ? Power supply a khaihlak fo avangin…,tui hnianghnara min pek theih loh fo avangin…,Kan thing phunte an nun vek loh avangin…,Kan sa ei tur a thianghlim leh thianghlim loh an endik vek sen loh avangin…,etc,etc… ve tho ang em ?
KEI HI ZIRTIRTU(Teacher) KA NI E.
Report this comment
30
sheldon170 Says:
October 4th, 2011 at 5:37 pm
Kan state budget tam zawk hi sorkar hnathawk hlawh ah a kal. Sorkar chuan zirtirtu te hlawh tur pawh (non-plan sum) a dah ang, mahse, chu sum chu thil dang engemaw (NLUP?) a tan te pawt peng ta hlauh mai se, hlawh lak tur kha a neihloh lailawk ve thei ang em chemtatrawt?
Report this comment
31
H.Vangchhia Says:
October 4th, 2011 at 5:39 pm
Awm/tha leh mai turah ngai ang. Tih emah chuan khawvel ram ropui ber United States of America ah pawh tunkum ngawt pawhin sawrkar laipui tum hnih ngawt shut down lek lekin a awm tawh alawm. Pawisa an han siksawi fel anga hlawh chu a awm leh maiin ka ring.

Mizoram mipui rawih (hire) minister leh MLA tam tak kan nei a, an tifel thei ngei turah i ngai ang u. An tifel theilo anih chuan rawih (hire) tlak miahloh an ni tihna ani ang.
Report this comment
32
Mama_B Says:
October 4th, 2011 at 6:04 pm
Zirtirtu inthlahdah leh thatchhe lutuk an lo awm palh a nih paw’n theih tawpa thahnemngaitaka thawk kan la awm ve e. Thla thum thla li hlawh kan lak theih loh paw’n extra class te kan la kalpui tauh tauh peih asin! Mahse a hun takah te hian hlawh te hi min pe ve thei se chuan a lawmawm khawp ang. Pa tan chuan a luhai thlak duh khawp. Sorkarin education an ngaihpawimawhna hi hlawh chungchangah te hian tilang thei se chuan kan lawm hle ang.
Report this comment
33
sheldon170 Says:
October 4th, 2011 at 6:20 pm
Nia Pu Hv, a hun a lo thleng mah nang a, hlawh chu a pe ve leh thei mai ang. Eng fund emaw a mi kha an va tham ang a, an va tham a due viau hunah khawi fund emaw an pawt chhawng leh ang a, engtin tin emaw chuan hlawh chu a pe ve leh mai ang!
Report this comment
34
Ignatia (33-115 AD) Says:
October 4th, 2011 at 6:35 pm
Zirtirtute hi teh thiam a har thin khawp mai. Trawta khi a tang viau mai a, a dikna chen pawh a awmin ka hria. Sorkar sikul tam zawka thawkte hi hlawh duh vang chuaha zirtirtu ni awmin an lang. Ai kal tamziate a lawmawm vak loh thin e. Mahse fel tak tak erawh an awm pheuh pheuh. Thingsai lama zirtirtute phei khi chu tunhma leh tunhnu hian DEM theih rual an ni lo. Kohhran sikula thawkte hi an thawk tha leh viau a. An inpekna pawh a sang. Mahse anmahni ber hian hlawh an hmu chhe leh ber thung lawi si!

Hetiang harsatna hi kei chuan ka beisei sa reng. Kan CM-in Finance a chang tel khanglang kha a fuh loh chhia va niin ka hria. Amah hi mi taima tak niin a lang lo hrim hrim. Sorkar sum thawnkir(LAPSE) cheng vaibelchhe 72 zet kha inhria ang chu maw… Tin, kumin kan Plan sum pung mang miah lo te pawh hian thil kalphung tur chu a hrilin ka hria.

Nakinah chuan TREASURY pawh hi an la KHAR leh hial ang a sin.
Report this comment
35
sheldon170 Says:
October 4th, 2011 at 6:46 pm
@Ignatia, chemtatrawta tanna khi a diklo ka ti miahlo a, mahse a one-sided lutuk deuhin ka hria a. A thahnemngaih vang ania. Zirtirtu thalo leh tlaktlailo thenkhat avangin zirtirtu zawng zawng hlawh pek phu lo ah kan dah thiang nang. Profession zahawm ber pawl ani si. Kei paw’n Zirtirtu fel leh thahnemngai taka hnathawk ka hre teuh mai, chutih rualin zirtirtu si, thle ve ber ber reng mai te pawh an awm bawk a, engpawhnise, a tha lo te vanga zavaia judgement inang pek ngawt chu dik ka tilo
Report this comment
36
Ignatia (33-115 AD) Says:
October 4th, 2011 at 6:53 pm
Sheldie: A dik khawp mai. Fimkhur hi ngai thin tak a ni. Thil generalise taka thlir fo pawh hi a fuh lem lo thinin ka hria. Thenkhatte phei chuan an thil hmuh leh hriat tlemte avangin CONCLUSION pawimawh lutuk siam mai an ching thin. Kan seilenna leh khawsakna mila thil lo TEH tawk lah bo lo!
Report this comment
37
caribou Says:
October 4th, 2011 at 7:55 pm
Zirtirtu hlawh pek tur a awm lo a niha hnathawk dang zawng zawng tana hlawh pek tur a awm a nih lawi si chuan a fuh lo ang.
Report this comment
38
khirha Says:
October 4th, 2011 at 8:27 pm
Tang ulh deuh chu an lo awm ngei a nih khi, a zia lo thin!

NLUP pawh dept. hrang hrang ami an pawh khawm tho an ti a, he ta tang hian hlawh pawh chu pe mai ang hmiang.

Kawng te pawh hi NLUP sum atanga siamthat dan a awm lawm ni aw.
Report this comment