Ka puzawnte khua, thingtlang mawngping an tih – In 100 khua leka ka zin tumin zanah film kan en thin a. Khua a thim èk ék tawh chuan thenawm khawvengho an rawn lawilut laih laih thin. Zan khat chu, kan film en kha a’n hmuhnawm lo laileng khawp a! Chutah, kil khata Putar pakhat chuan “Ummm… heting film hi letlingtu an awm chuan insual bur bur aiin a hmuhnawm thin a nia… khawnge, Aizawl lam makpa khan han let sela…” a rawn ti a.
Kei lah, sap tawng thiam tak angin ka lo khi ver ver a. Thingtlangpaho ngaihsan tawk lekin ka lo pawih ngo vuk lah tak a. “ni e, ni e…” tiin, nuho leh naupanghovin kut an lo beng vei rà wl nen, ‘aih’ han tih rual a ni ta lo. Ka thiam lo… tiin tang ta tlat ila, “intithei… intichangkang… inti Aizawlpa…” tiin, a tukah min chuk nek hreh dawn lo tih ka hre si. A nih leh le… tiin, Film chu ka’n let ta tak tak a!
A changin an ngawi thriap a… A changin an nui dar dar a… A changin nuho lungchhia an insut fap fap a…! Film chanve vel kan en thlen meuh phei chuan, naupang tawng ring deuhte chu hnung lam atangin, “bengchheng s’u…” tih leh an lu ri fawk kha a inrual zel tawh mai a. A boruak a va sang tehlul em! Kei lah, lo kai sa deuh bawk ta chu, ka phur tual tual!… A changtute hmela thinrim hmel a lan chuan insah sawk sawk pawh hreh lo khawpin ka thinrim tir a. Lungngai hmel an put tawh chuan kham sang taka zuang thla mai duh hial khawpin ka lungngaihtir a.
Chutia kan tui tlan em em lai chuan ka pum a rawn ri kurh kurh a, In lengte phalna la thlapin inthiarna lam ka pan a. (A hnua ka hriat leh danin, chutia ka inthiar hlan chuan, ka puzawn inkhawm bangin “in film en hi a hmuhnawm loh hmel em mai” tiin, film-dang (insual bur bur film) a lo thlak niin.) In lengten engmah lo sawi ngam hek suh. Ka inthiar zo chu, ka thutna ngaiah chuan ka thu leh ta vah a.
Ka bula pa upa lam tawh chu kuhva ka’n dil a; a piaha pitar chu zial ka’n dil leh te te a. “chuan…” tia bul tanin, (film-dang an lo thlak tih hre mai hek lo ‘i) chù action film buru lutuk chu a hmaa kan en film kal zel emaw tiin, ka’n let chhunzawm leh ta mial mial a. Tawkfangah, ka ngaih a tha ta lo. A thawnthu kalphung leh a changtute a inmil thei ta lo. A ni lo… A dik thei lo… A inmil thlawt lo… Film-dang a ni… Engtin nge ka tih tak ang..? Zahthlak dawn haih haih ve le(h)!…”
“Hei chu part – II a ni maw… A changtute leh a thawnthu kalphung pawh tlem chuan a danglam hret hret… Mahse, a tihmuhnawm zawk…” te ka ti chho ta vel a. Thawnthu inzawm lo leh inper san lutuk chu inzawmtÃr tum reng rengin ka buai ta! (Vawiin thlenga mak ka la tih reng chu – tawngkam bahlah miah lova thawnthu 2, mam-nalh taka ka let chhuak thak thei kha.) Khatiang reng renga thluak sen ngaihna kha, tun thleng hian ka la tawng leh ngai lo! 🙂
191.
Aw le, thuhma ka chhep tam ta! Thupui-ah lut ang aw. Hei, kan ti nek nek a, he post hi ka post 191-na a lo ni reng mai. Thuhmaa ka inpuan ang khian, kei chu khiti vel mai mai… heti mai tê hi ka ni a. Thu leh Hla fahrah tè tê mah nise, Post 191 zet submit thei tura in mi fuih(pawrh)na, min phurpuia min fak(der)na te avangin kei, mimawl thawveng satliah hi ka lawm hle mai.
Chuan… Mi(sual) avang hian thian tha lah ka chhar tam narawh! Zoram leh rampawn lamah nen lam! Heng zawng zawngte hi kei atan zawng ‘a mak’ tih loh rual a ni lo e. A nihna takah chuan, heng ka thian chharte hi a tak rama ka kawm phak ngai reng reng loh turte, biak inthlahrunawm khawpa mithiam leh miropui tak takte anni si a. Bible-ah “Sual man chu thihna” tih ni mah se, kei atan erawh – (sual) man chu hlawkna! Ka lawm e!!
October 4th, 2011 at 2:07 pm
A tha hle mai, i thu leh hla 191 lai i post tawh ho hi misual tan hian an hlu tih kan sawi ve mai2 ang e
October 4th, 2011 at 2:12 pm
misualdotcommers te tunlai chu ka 1st,2nd ti an awm tlem a(awm toh mang lo zawk), kan changkang chho zel e…..
Zika kan ngai a che 😛
October 4th, 2011 at 2:34 pm
A thuhmahruai hi ka ngaithla zel chak e…… I taima hle mai. Heti zat post han siam chu(h). Pu HV-a nen hian a thawh hlawk pawl chu in ni phawt ang. Tunlai chuan Chemtatrawta post hian comment a hlawh zual, nula post tih lohvah chuan. Hman deuh khan princess kha a lar a, tunah chuan a rawn comment khat ta eee
October 4th, 2011 at 2:37 pm
Vaipa Kasauti let ‘Pi Prena chu a thinrim khawp mai.’ an tih thin te pawh kha min ti hrechhuak alawm le. 😀 Korean movies hi let ve leh chhin teh a… 😛
Anyways…CONGRATS!! i thu ‘fahrah te2 emaw i tih’ te hi kan tan hlawk na. (Y)
October 4th, 2011 at 2:39 pm
I thawh hlawk hle mai. Chutiang zat zat ziak tur chuan hun leh ngaihtuahna pawh i seng viau ang – midang te tan hlawkna tam tak i siamsak avangin chawimawi i phu hliah hliah.
I rawn puan chhuah hun hi a laklawh ang reng – 191!
October 4th, 2011 at 2:42 pm
A ropui e…. Pu kawlhawk, i thu leh hla hi a ngaihnawm a, a bengvarthlak thin. Tin, i post mai bakah comment te hi a bengvarthlak lehzel thin… Ti zel la..ngalfim in dam rawh.
October 4th, 2011 at 2:42 pm
‘Thingtlangpa ho ngaihsan tawk lekin ka lo pawih ngo vuk lah tak a…’ Hahai!! 😀 😀
October 4th, 2011 at 2:51 pm
hmangaihna
October 4th, 2011 at 3:26 pm
Thu hi chu i thiam a ni, i duhna lamah min han hruai kual vak phawt a, kan tui tak tak ta maw tihah, ngaihtuah miah loh lamah hian min thal leh der thin.
I kam liam ka la beisei dawn chauh a nia. Han ti zel teh. (Y)
October 4th, 2011 at 3:36 pm
I thuhmahruai chu a va han ngaihnawm tehlul em! Mi tihlim takzet. Ka khi vur vur mai! 🙂
Kawlhawk hi i post hi lehkhabu leh hmundang atanga lakchhawn a awm ka la hre lo va, (awm mai thei bawk) hei hi i ropuina leh midangte aia i sanna a ni. Post naran leh ho mai mai i nei mang lo va, thu tha tak tak leh hmun danga chhuahchhawn tlak an ni deuh vek a, chhuahchhawn pawh an hlawh narawh. Chuvang chuan han tang sauh sauh la, post 191 ni mah se, mite tana i malsawmna hi 191 mai a ni lo tih a lang reng e. GMI hunah i post 200-na kan lawm theih ngei ka beisei bawk e. Dam zel teh, i phu e.
October 4th, 2011 at 3:39 pm
Mizorama Korean movie an lehlin min ti hrechhuak e. Korean pa ka en tir a, a lehlin leh Mizoram lehlin chu i thawnthu lehlin hnuhnung zawk ang vel khi ani awm e. 😛
Tawngkam hi i thiam pherh hrep mai 😛
Rawn ti tang2 rawh, 200 vel chauh min umphak nan i la mamawh ania 😉
October 4th, 2011 at 3:43 pm
Mithiamin ka thiam an ti ngai lo, @Kawlhawk pawh hian saptawng thiam a intih duh miah loh hi.. 🙂
October 4th, 2011 at 3:51 pm
Post chhelo tak ani… (Y)
October 4th, 2011 at 3:53 pm
Kawlhawk hi ka ngaisang mahse a ngo phuk vang ni lo in!lolz ngo deuh nge hang deuh a nih pawh ka hre hauh lo a nia!!
October 4th, 2011 at 4:00 pm
Punctuation a tha hle a, a ngaihnawmin a creative tlat thin! A thu kalphung a Mizo thluam bawk. Grecian writer i ang deuh zawkmah!
October 4th, 2011 at 4:04 pm
(Y) ka inchan chhin a,a hautak dawn hle mai 😛 ka fak khawp mai che 🙂
October 4th, 2011 at 4:09 pm
Thil hi niawm deuh hian i ziak thiam tlat bik zel. 191-na, a va thahnem tawh bik ve. Misual.com hian hlutna a nei tih hi phat rual a ni lo ve. I thu hmawrbawk dan hi ka duh ru ang reng mang e.
October 4th, 2011 at 4:15 pm
Khuanu zarah i dam anga, kan dam anga, 191 mai ni lovin 911 na te pawh i la ziak zel anga, kan la chhiar leh ang chu maw le……..
October 4th, 2011 at 4:21 pm
hahaha: tak tak anih chuan kawlhawka hi pa pui leh thluak vawrh vir thiam tak anih dawn hi a. (Y)
October 4th, 2011 at 4:36 pm
Dek nalh thin ve aw…. (Y)
October 4th, 2011 at 4:46 pm
Congrat Kawlhawk, post 200 na chu ropui takin kan lawm ang chu mawle (Y) 😉
October 4th, 2011 at 4:48 pm
191-na pawh a hlimawm khawp mai… (Y)
October 4th, 2011 at 4:50 pm
Engzat nge ka chhiarsak chuanglo nang chein, thu leh hla 191 i post tawh ah hian chhia tih theih a awm ka ringlo. (Y)
October 4th, 2011 at 5:03 pm
I thu leh hla a ngaihnawm in, lung a dum thin. Tin, misual.com a ka thu leh hla fahrah ve tak tak min hlutthiampuitu i ni a; i thuziak leh i comments atang hian mi puitling tak i ni tih a hriat e
Vawi 191 zet, thu tha tak tak i post thei hi Ka lawmpui a che, han ziak zel rawh khai.. (Y)
October 4th, 2011 at 5:07 pm
191 ka lawmpui a che. Nia, chhiar leh komen hlawh pawl i ni fo. Chawl suh. Punctn. i uluk peih hi ka fak hle.
October 4th, 2011 at 5:22 pm
I thu leh hla chhiar a nuam thin. Thuhmahruai a ngaihnawm ngei mai.
October 4th, 2011 at 5:27 pm
Kei lehkha chhiar peihlo tak hian i post hi ka chhiar zo thak thak thin tih i lo hre dawn nia. Happy 191st anniversary… einch!
Kha (G) (W)
October 4th, 2011 at 6:24 pm
Ava ropui ve le. Hmana Pu muantea sawi ang khan, uluk tak a thlankhawm a Lehkhabu buatsaih chi a nih tawh hi. Silent reader ka nih lai atanga ka hmaih ngai loh an ni thin. Tidaih ila, admin ho hian a tir atanga post tam top-10 te, comment tam top-10 te, Century leh half century score tawh te, kumkhat chhung (Jan-Dec) chhunga post tam, comment tam, adt.category hrang hrang te hi kumhlui thlah zanah puang thin se la a va tha dawn em! Double century hunah kan lawm dawn nia.
October 4th, 2011 at 6:31 pm
kawlhawk hi ka thianpa!
October 4th, 2011 at 6:47 pm
I bul tan dan leh i tihtawp dan chu mawi dangdai hle mai.
A chhungthu pawh a ngaihnawm. TSa sawi ang khian i post hi a dangdai ka ti thin!
Kan zingah hian lo tel zel rawh. Ni khata vawikhat luhte chu a awlsam em hi…. 🙂
October 4th, 2011 at 8:47 pm
Misual.com hi ka chhiar thinna chu arei ve angreng tawh a, ka luh ve takna hi chu nimin piah lawk mai kha ania. 191 lai mai ithawh hi ava hlu em… THINGTLANG tih hian zu han inngaihbel tlat zel ia… Nuam hi ka ti veng veng zel nia.
October 4th, 2011 at 9:44 pm
COMMENT PETU ZAWNG ZAWNGTE CHUNGAH KA LAWM E (F)
October 4th, 2011 at 9:52 pm
post ve chu sawi loh i post zat pawh coment ka la pe lo hial ang a . .i thu leh hla te a ngaihnawm thin khawp mai . (Y) . kan naupan lai a Tv a vai film vai pakhat in min leh sak thin ka hrechhuak . . ‘ kal rawh sawi ‘ . ‘ a mah kha hmangaih sawi . . ,’ a mah kha tingrim nih kha . etc etc kan ngaithla ve dauh dauh thin . hmuhnawm kan tih phah ve em em tho nia .
October 4th, 2011 at 11:30 pm
Pu kawlhawk, han inpuang ta ila, misual.com a ka luh chuan i post hi ka zawng hmasa ber á¹hin. I thuziah dan hi chhiar nuam ka tih zawng tak a ni. 191+ pawh hmaih hauh lovin chhiar zel ka lo tum dawn nia. 🙂
October 4th, 2011 at 11:45 pm
Thank Q! 🙂
October 4th, 2011 at 11:58 pm
Khawi hmunah pawh hian Kawlhawk hi an vang tawh ania…Thu thiam tak phei chu vang tak anni…i thu ziahte hi keu let leh ngailo pawn sawi theih anual2 chu ka la nei.Keia post pawh tur hreveloa misualve reng ringawt(coment poh peih manglo) nena tehkhin chuan 191 in i post tam !! Han dam reng phawtla Kawlhawk sava hi rem lul suhse kan ramah hian…
October 5th, 2011 at 12:17 am
🙂
October 5th, 2011 at 12:19 am
#37 mit khup lupin a nui hui ang chu hairehai 😛
October 5th, 2011 at 8:26 am
Misual hi ka regular em em lo,min tlawh zintirtu ber chu news update a that em thin vang hi a ni,chutih karah post dang uluk tak leh full stop leh coma pawh hmaih miah lo a ka chhiarchhuah dap thin chu Pu Kawlhawka post hi a ni.Mizo tawng hi chu a thiam tettawt khawp mai,a thuziah reng rengah hian a ma rilru a awm leh a vei zawngte thiam takin a rawn puangchhuak thiam thin.
Hnam sakhua post hi a interesting ka tia ka chhiarchhuak dap zel bawk no.2.
October 5th, 2011 at 10:50 am
He pa (kawlhawk) hian mi(sual) ho hi min ‘bawl’ ni berin ka hre thin.
Sexy deuh maite a han post a eg: Thenawmnu, Hur hlen etc. ngaihtuahna min her kawisak a, keini ang duang phei chu a thu ken hmufiah thiam lovin a ‘sexy’ lai ber kha emaw tiin kan lo tuicheng hlim ve vak vak a.
Misual tak tak, hmeichhia pawh kutthlak hnial lo, khawlaiah pawh pawr reng mai, zu heh tak angin a inlantir hreh lova, a phenah erawh thutak a phum pawng thur lawi si. Chutih laiin a tawktarhah ka intlan puar a, a thutak erawh ka pawh lo leh lawi si.
Thawnthu tawi tha tak mai a rawn phawrh chhuaka, a thu ken aiin a changtunu zunah ka lo uai hmanhmawh pek a.
Mi hi chu a bawl kual nasa deuh chu a ni:-) (Y)
ATTENTION!!! SALUTE!!!
October 5th, 2011 at 11:00 am
Kawlhawk, ngal fim in dam la.. i kamchhuak te ka lo chang reng thin ania. I post te hi ka chhiar hmaih ngailo, midang sawi chhe lo a nangmah i han insawisa hrep mai thin te hian i thuziak te chhiar an ti nuam
October 5th, 2011 at 11:17 am
Awm dan thiam chu a har ve dawn nih chu mole……….. 🙂 😛 😀 . Tha thei khop mai, misual nih man hi Pathian ah chuan thihna zu ni ngai miah lova mole (ka hriat ve dan chuan) keipoh ka vannei lel lol a nia aw..
October 5th, 2011 at 11:47 am
@muante Ka sawi duh ang zawng chu i sawi kim. I sawi dan ang hi thla thum pawh draft ila hetiang ang tawi fel fun kim hian ka chhuah lo ang. Kawlhawk hetiang comment hi a phu – phu hliah hliah.
Kum lama ka fa rual, thu leh hla lama Ka pa tur hi # 191 vawiin tlaiah ka lawm sak dawn a ni tops. Ka lawme (Y)
October 5th, 2011 at 12:58 pm
Kawlhak i i like (Y) (Y) (Y)
Dawn ve teh u lenrualte u
Zawlbuk thingnawi fawm rual a kai a
Lengtin khum a rualtin elna runsang lawiin
Thiamthai kan rel thin zaleng zawngten
Sep rawtui thiam chungleng va mawi
Kan thlir zel dawn e laisuih tuahrem
Kawlhawl thlakhawng ri iang a
Chung Kawlhawk va iang a hram thiam
Sual rau rauah ilo sual thiam ngei e
October 5th, 2011 at 1:14 pm
I post 191 zingah chuan engzat nge ka chhiar ang a, engzatah nge ka comment ang tih ka lo ngaihtuah. Midangte tana thil tha duhtu leh midangte ngaihsakna rilru nei lo tan thu hi ziah mai mai theih a ni lo. Ziak pawh ni ila midangte tan a ngaihnawm thei tak tak lo. Hetiang zat post a, khitiang khawpa fak rawn hlawh i ni thei khi chu i pangngai ve thawkhat hle tih a lang. 😀
191-na hi : A awi-awm loh viau. Awi-awm miah loh pawh kan chhiar chhuak tlat zel hi a ziaktu thiamna lairil a ni awm e.