Source – Vanglaini.org
Pay Anomaly Redressal Demand Committee (PARDC) member-te chu hlawh siamthat phûtin nimin khan mass casual leave an la a, MIFCO hnathawkte pawhin nimin atang vek khan mass casual leave hi an la bawk. PARDC nawrh chungchangah hian Finance Minister, H Liansailova chuan, sorkar a tawlh a rin loh thu a sawi.
Vanglaini zawhna chhangin Finance Minister chuan, tuna PARDC-te hlawh atana ruahman chu uluk taka ruahman a nih thu sawiin, “An dinhmun hrethiam chunga uluk taka tih a ni. Cabinet-ah pawh uluk taka thlir ho niin, tuna an dinhmuna kan dah hi kan pawisa dinhmunin a tlin tâwkah kan ngai,” a ti a; service dangte a nghawng theih dan tur pawh uluk taka ngaihtuah a nih thu a sawi.
H Liansailova chuan, PARDC-te chu nuar mahse sorkar a tawlh a rin loh thu sawiin, “Tuna an hlawh tura kan ruahman hi kan pek theih sang ber a ni. Sorkar tihmualpho an duh vang hrim hrim a nih loh chuan nawrh hian awmzia a nei vak lo ang,” a ti.
Finance Minister chuan, hlawh atan budget a kal nasat thu sawiin, “Kuminah phei chuan department-te’n hlawh indaih rawh se kan tih avangin hnathawhna tur pawisa a tlem hle. CSS hi kan innghahna chu a ni deuh mai,” a ti.
MIFCO hnathawkte nawrh zawhna chhangin H Liansailova chuan, theihtawp chhuaha an awm dan tur ngaihtuah mek a nih thu sawiin, “Hlawh lâk theih loh bik hi chu tun hnua thil thleng thar thut a ni lo,” a ti a; kumin sorkar kum atan chuan an hlawh an lâk ngei theihna tura ruahmanna siam a nih thu a sawi a ni.
Tarlan tawh angin, PARDC hian Pay Committee 2011 rawtna chu a nihna anga hmantir ngei turin Mizoram sorkar an ngen a, hlawh sang ngawr ngawr an phût lo a, an tlukpuite nen inang tlanga dah an nih dawn phawt chuan tuna an hlawh aia hniama dah pawh an hnial loh thu leh, sorkar sum harsatna an hriatthiam avangin arrear pawh lâk loh an inhuam thu an sawi.
MIFCO hnathawkte leh PARDC-te hian vawiinah mass casual leave an lâk chhunzawm ang a; PARDC chuan an ngenna tihhlawhtlin a nih loh chuan July 18-ah Millennium Centre tualah innghâkkhawmin, Chief Minister Office thleng kawng zawh a, an thil phûtte CMO-a thehluh leh an tum a, July 19-ah mass casual leave lak leh an tum bawk.
Similar Posts:
- Sorkar hnathawkte hlawh a pung dawn
- Hnathawk peih lo chuan hlawh sang phut suh se – CS
- Mizoram Deficit Mission School Nov. 8 atangin indefinite strike
- Mizoram Sorkar 6th pay ruahman i belchiang teh ang
- Sorkar hnathawkin budget sum ei tam
July 13th, 2012 at 5:02 pm
An ṭawng huai ve phian zël a, hêngho lah hi.
Report this comment
July 13th, 2012 at 5:24 pm
A tu zawk tak chu chak leh ang maw…
Report this comment
July 13th, 2012 at 5:49 pm
A va zia lo ve. MNF lal hun lai kha chuan nuar thiam nazawng an hlawhtling thin asin mawle.
Report this comment
July 13th, 2012 at 6:23 pm
Nuar lovin PARDC member-te hian party membership fee kan pe vek ang tise an hlawhtling mial maithei asin
Report this comment
July 13th, 2012 at 7:39 pm
Lam tawi leh pawl hming hrang hrang hi atam thei lutuk a, hriat ve zel ani thin si lova, ka hul thei hek hawk khawp mai
Report this comment
July 13th, 2012 at 10:12 pm
Sawrkarin ‘stand’ mumal tak a neih chuan tawlh suh se…nawrh te chu a thiang alawm…lo nuar mai mai ang hmiang
Report this comment
July 14th, 2012 at 12:11 pm
Hetiang hian bureaucratic dependency kan hnaih nasa tual2 mai dawn nih hi maw,an dang bet thei a ngem aw………..Ram retheihna a nasa zual dawn nge dawn lo, lo en chhin teh ang, mi tamtak ho theory hi a dik dawn nge dawn lo.
Report this comment