mi(sual).com

Khawnge tun ṭum chu mi tih loh ang deuhin ‘Thlawis’i han sep teh ang aw le. Kan pi leh pu te pawhin ‘Çhawngkhum dan tlang huatloh’an lo tih ṭhin kha maw, tuman lo helh awl awl lohvah kan ti a niang chu. Tumah dem ka tum lova, tumah fak teh luam ka tum bawk hek lova, ka rilrua awm hi ka han thlasik mau puah pui ve leh phawng phawng mai teh ang.

Mihringte hian kan hmalam hun kan hriat loh zia leh kan nunna chunga thu kan neih loh zia chu tu sawi leh hrilh ngai lovin kan hre ṭheuh awm e. Pathianin ama anpuiin mihring a siam a, chu a mihring siam chu Mipa a ni a. Mahse, ‘Mihring amah chauhva awm hi a ṭha lo ve; amah ṭanpuitu tur a kawppui awm mi ka siam sak teh ang’(Gen1:28) tiin mipa nakruh aṭangin Hmeichhia a siam a.Ti chuan he khawvel dan angin nupui pasal kan lo in nei ta tliar tliar a, Pathian malsawmna dawngin fanau rochan kan nei a, kristian chhungkaw din tum a chhungkaw hlim taka awm laia thihna kut vawtin kawppuite a man tak te, chhungkaw inremloh vang emaw khawsak phung pangngai ang ni lova khawsak vang emaw tein nupa inṭhen a lo ngai a.

Duh reng vang pawh nilova ‘Thlawi’ ta mai te hi hnualsuat emaw, iai emaw, hmuh hniam mai tur an ni bik lo asin. Vanduaina hi tu ta bik mah a ni lova, kan chunga thleng thei vek a ni tih kan hriat nawn fo a ṭha khawp mai. Tumah hi inṭhen leh tura Pathian hmaa intiama; innei an awm ka ring lo. “A nuam leh hreawmah pawh…..”ti a, “Tiam tlat e”an tih laia inṭhen leh hun tur lo thlira, lo ngaihtuah lawk nghal hi an awm ka ring reng reng lo. “Thlawi” tih title hi zawng title mawi tak zawng a ni mawlh lo a lawm. Tumahin he title neih hi an nulat tlangval lai aṭanga neih tum nghal an awm dawn em ni le?

Ka ṭhianpa pakhat pawhin tlangval lai leh a tlangval vawi hnihna chu nalh leh thiam takin zawhna tihian zu han siam a. “New Yor- ah emaw, London-ah emaw, paris-ah emaw kal dawn ta la, vawi khâtmah la kal ngai lo zui nge i duh ang vawi 2/1 tal kal tawh zui?”a tih chu. A ni reng lah taka la hre ngai miah lo ai chuan tlemte tal lo hre tawh chu a ziaawm deuh mahna le. Secondhand pawh hi kan suk fai sar a,kan nawh mam zar hi chuan a nalhin readymade aiin a mawiin a tlo zawk thei a sin. Puan than nalh tak pawh hi ṭhui sual chuan secondhand aiin hak a hreawmin a chhe hma ve thei tho nia. Secondhand thing thiam chuan nalh deuh, ṭha deuh, tlo deuhte hi an thing nawlh nawlh mai a nia aw…!

A lehlam kawng zawng chuan Nuthlawi ṭhenkhatte hi chu nula tamtak te aiin an LUCK zawk mah mah a sin. Chutiang bawkin nula ṭhenkhat chuan pathlawi an thlang zawk hlauhva, chu mai a la ni lo, nula hmelṭha fe fe te hian mi nu te pawh an lan nawlh nawlh fo a nih hi….Chuvang chuan nula tam tak pawhin hetiang hian hla in,
“Zuapa zawng chang tawh mah la e,
I hlui mawlh lo ka thinlaiah…..” te a ni an lo tih ni.

Tlangval pakhat pawh hian a ṭhianpa hnenah, “Ṭhianpa, nang nuthlawi zuna uai nge na a i rin nula hnahkhat zuna uai?”tiin a zawt a. A ṭhianpa chuan, “Nula hnahkhat zuna uai chu kan in ham tan ngheh leh nghehloh a thu a ni mai a, mahse nuthlawi zuna uai zet chu tlak kan tum nasat zawh poh leh kan invet tang nasa ting a ni mai”a ti e an tia lawm. Mi tamtak chuan thlawi ho hi an zaktheilo, an sih hnip, an zei zawk te an ti thul, dik na lai awm mahse mihring kan in an miau loh avangin teh fung dik berah kei chuan ka ngai chuang lo. Thlawi zawng zawng hi an zei vek kher lovin an zuam awm vek bawk lo tih hriat a ṭha hle. Ṭhalai tam tak te pawh hian eirawngbawl ngailo bawlsa ei aiin eirawngbawl ṭhin te bawlsa an duh zawk fo eng a ni. Nang pawh motor khalh thiam ṭantir khalha chuan aiin a khalh thiam senior khalha chuan chu i thla pawh a muang daih zawk lawng maw? Vawikhat chiah ka han sawi nawn leh teh ang, secondhand ṭha tak kan thinfuh hlauh chuan readymade hmelmawi satliah aiin a tlo zawk daih thei a nia aw. Mahse “Secondhand thing rawh” ka tihna che a ni miah lo a nia. He khawvel ram zau takah hian mi zawng zawng hian duhthlan theihna kan nei ṭheuhva, a thlang thiam thiam vannei, a thlang sual sual vanduai a ni mai……

A khalh ṭhanglo khalha chuan ai chuanin a khalh ṭhang deuh khalh a chuan chu a nawm zawk deuh ka ring ve mai mai zuk nia mawle kei misual satliah ve mai hian….!! Mahse a thar hlak, a tuamna pawh la phelh loh chu duhthusam a ni lawi bawk siiiiiiii aaaaaaaaa……….!!!!!

“Kha le, Pathlawi hmelṭhaa’n chawmkhuang lo beng la,
A laiah Nuthlawi hmelṭha-i lam rawh se.”

Similar Posts:

• ‘Thlawi mah mah hmêl tha!
• Nuthlawi nge Hmeithai?
• Mizo khawtlanga NUTHLAWI dinhmun khirh tak hi!!!!
• Nuthlawi zûn
• AIDS tak hi chu aw….

Recent Posts:

• ‘Silai’ by Rian B. Anderson
• Zaidawh tak a zalenna dil!
• Ngaihtuahna ṭawng (Mind language)
• Nun Tihlimtu – Naupangte -II
• Mizote leh Sex (A ruh langin)

This entry was posted on Saturday, October 15th, 2011 at 11:45 pm and is filed under Mizo Society & Culture, Opinion. You can follow any responses to this entry through the RSS 2.0 feed. You can leave a response, or trackback from your own site.