Primary Sikul kan kal lai vel khan, chhun dar 12 ah hian ‘Chawfak ban’ kan nei thin a, darkar 1 chhung mahni inah hawin chawthing kan dap thin a ni. Thenkhat phei chuan chawtlang hi Sikulah te an rawn keng thin a, a then lahin bal chhum, kawlbahra, pangbal adt. hi sikulah an rawn keng thin a. a it awm ve duh lutuk a, han dil ila, “Ka chaw rin” an ti tlat zel si a. mi chaw rin lah chu han dil luih chi a ni thin bawk si lo. Thenkhat lahin ‘Tui thak’ te an rawn keng a, chutiang ringawt pawh chu naupang tan chuan a it awm thei zel mai.
Kan lo leikang deuh a, Middle sikul kan han kai a, Chhuna chawthing rin aiah thingpui leh chhangthawp/phai chhangte kan han ei tan ve a. Mahse a lo puar thlak lutuk thin loh bakah, nu leh pa te an awm remchan loh chuan chawthing bawk ban a lo ngai leh thin a. Theirah hmin hun anih hlauh erawh chuan, huan lamah lut thlain theirah hmin kan melh ta thin a ni. Kan chuktuah huan hi a zau tham ve khawp mai a, thei kung chi hrang hrang, ser mam, serthlum, zammir, theihai, theite, theitehmul leh kawlthei(Kawi-am) te kung 4/5 vel den den kan nei ve a ni. Han hralh chhuah tham em anni lo va, mahse, a hmin vanglai chuan, chawchhuna rin theih khawp an ni ve tlat hlawm a ni.
Nu leh Pa mit hmuhah chuan, a puam pawh an la puam em lo va, Lawh enah an la en thin lo. Mahse, keini Sikul naupang lehkha zir hah leh, thanglai chaw mamawh riltam kha chuan Nu leh Pa mit ang kha kan pu ve tlat lova, tukverh atangin kan thlir vang vang a, huanah kan chhuk thla a, a kung bul atangin kan han thlek leh vang vang a, chumi hnuah kan han lawn chilh a, kawlthei puam eng tan deuh tuih tawh chu kan han lo ta a, kan han ei nghal a. Chutah ei pahin a dang kan melh pah zel a, Chuti taka riltam in kan zawn kan zawn takah chuan, a puam thlum rual tak mai ei hun tak mai kha kan hmu kan hmu ta mai a, puar el euhva ei tur kan hmu thei mai thin a ni. Chutiang zelin, tlai lamah chuan a puam dang kan hmu leh teuh a, a tuk chhun riltam hunah phei chuan a hmin tui tawk tak a lo awm thar leh teuh hman zel thin a ni.
Chanchintha Johana ziak bung 4 naah khan Lal Isua leh Samari Hmeichhia te inkawmna (Counselling) ngaihnawm leh ropui tak kan hmu a ni. Khatia Lal Isua zirtirna leh rawngbawlna a lo hlawhtlin chhoh tak viauah khan, Pharisai te beng a lo thleng ve zel a, an mitmei ven leh a chang chuan han tawlh bo san deuh hial te pawh an lo ngai ve a. Judai ram atangin Galili lamah an kir ta a. Nimahsela, Judai ram leh Galili inkarah Juda ho hmuhsit em em, engmah an tihpui duh loh leh, an hnen atanga engmah ei leh in lam pawh an lak duh ngai loh SAMARI ram kaltlang tur a awm tlat si. Helai Ram Juda ho ten a theih hram chuan an hel tang tang hmunah ngei mai hian, Lal Isua chuan buh seng tur hmin tuar mai leh, a sengkhawm tu tur nghak thuap mai, a hmu bik ta tlat mai a nih chu.
A bul tan nan Samari mi ah pawh K.S. ni awm tak inneihna fumfe awm si lova pasal 5 lai mai lo nei tawh nu hnenah tui intur a han dil ta khauh mai le. Chu chuan Samari hmeichhe rilru a hneh tawh teh lul nen, a thuruk pasal 5 a neih tawh thu a han phawrh sak leh phei chuan, kha Samari hmeichhia nun tuihal ru em em mai kha a thinlungah tui intur diltu ngei khan, tuihna kangchat ve tawh ngai lo tur a lo pe ta zawk a nih kha. Chutah a vengte a va ko khawm ta a, Lal Isua tan Open air Crusade ropui a buatsaih sak ta a ni. Lal Isua Nazareth khaw Juda tlangvalin Samari khaw mipui hmaa Pathian thu nung a han puan chhuah meuh chuan, an khaw KS nu hnenah chuan, “Tunah zet chuan i thu sawi avanga ring kan ni ta lo; Keimahni ngeiin a thu kan hria a, he mi hi Khawvel Chhandamtu a ni ngei tih kan hre ta,” an ti ta mai a ni. A va ropui teh lul em.
Chutah khawpui lam atanga chhunchaw tur an va lak chu Lal Isua ei tir an han tum ta a. An pu lah chuan, “Chaw, in hriat loh ei tur ka nei e” a ti hmiah mai si. A hna (Ministry) ah a va han inpumpek teh lul mai em! “A ei tur miin an rawn ken sak em ni le?” an tih he haw lai chuan, “Mi tirtu duhzawng tih leh a hna thawh zawh hi ka chaw a ni. Nangnin, ‘Buh sengna tur thla li a la awm,’ in ti lawm ni? Ngai rawh u, ka hrilh a che u, dak ulang lote en rawh u, tun apangin seng turin a eng a ni”, a ti ta daih mai a ni.
Kan Lal Isua mit ang hi kan put ve loh chuan, thil hi kan hmu cham put mai a, KS, Zu leh Drugs ngawl vei, Pathian awm ring lo, Sakhua intluk tlang vek leh Khawi atang pawh a vanram kai theih vek ni a ngai te, Lehkhazir ringawt ngaihtuah te, leh sum leh pai ringawt ngaihtuah ni a kan hriatte hi an nun chhung rilah chuan, thutak zawng ru reng, tuihal huam huam an lo ni reng thei si. An beisei loh deuhva anmahni va ngaihsak a va care tute lakah hian an rilru a inhawng thei hle thin tlat a ni. Juda hovin Samari ho an en dan ang maia lungten a hlauhawm hle mai. An chhungril hmutu tan chuan ‘Buh seng hun hmin tuar tawh’ an lo ni reng thei si.
Hmanni a ka Post pakhat a Pi BMW-i Comment khan min tiharh hle mai a, ka chhiar lai rengin he sermon hi post duhna thinlung ka lo pu ta a ni. Pathian hian kan talent loh deuh lam hian min hman tlat a tum ngai lem lo. Kan Talent a hre chiang em em mai a, chumi hmang ngei chuan a rawng bawl turin min duh thin a ni. Missionary emaw Pastor emaw Evangelist emaw Gospel Singer emaw kan ni kher lovang, Amaherawhchu kan bul maiah hian kan thiam zawng tak a Lalpa Rawngbawlna tur hi a lo awm reng thin. Thil hi phek en champo satliah mai lovin, Lal Isua mit ang pu chungin thlir I han zir teh ang u. Kan thil hmuh dan a dang daih ngei ang a, kan tih tur theuh chu kan hre mai ang (Thlarau Thianghlimin min hriattir mai ang). Have a blessed Sunday.
Similar Posts:
- Kana khua a inneihna
- Isua i pai ngam dâwn em?
- Isua hi Pathian a ni
- Tute Nge Kan Nih!? Part 4
- Lal Isua Zui Tan Tawrh Tur A Awm!
October 16th, 2011 at 8:40 am
Post tha tak a ni
Report this comment
October 16th, 2011 at 8:42 am
Pk comments off hi chu site adm. lam a ni zawkin ka hria.
“Thlawi fakna” ah ka sawi tawh, comments 30 naah a awm.
Report this comment
October 16th, 2011 at 8:43 am
Report this comment
October 16th, 2011 at 8:43 am
Post tui loh phah suh. Post zel rawh. Chaw ei phawt ang…lol
Report this comment
October 16th, 2011 at 8:55 am
Ziak tha hle mai
Report this comment
October 16th, 2011 at 8:56 am
Keini inkhawm ve thei lo tan chuan sermon tha tak ani. Lawmawm hle mai. Inkhawm ang tluk ka ni e. Khawnge ward ka va round angem
Report this comment
October 16th, 2011 at 8:59 am
Comment theih leh tawh e. Admin te pawn an lo tisual palh ve thei alawm. Pu Pk, hnual phah reng reng suh. Diktak chuan nanglo chu Sunday zing Sermon thlaktu kan awm loh hi. Keipawh vawiin chu ka inkhawm theilo tlat a, i sermon hi kan chhiar ang e.
Report this comment
October 16th, 2011 at 9:34 am
Lrhlawnchhing & Sheldon, min fuihnaah ka lawm tak zet e. Nia, Sunday pual tal hi chu chhunzawm zel ka lo tum ang e. Comment theih loh pawh hian thil pawi tak a ni lem lo bawk a. Mahse feedback a awm hi misual nawmna riau a ni bawk si. Lal Isua pawhin a pianna khua Nazareth ah comment an closed tlat kha chuan thil mak a tih mang hauh loh kha. Feed back hi a pawimawh ve tlat.
Report this comment
October 16th, 2011 at 9:46 am
@Pk i sawi duh i sawi tawh tho alawm. Ti zel tawp rawh, a hlu thin a nia.
Report this comment
October 16th, 2011 at 10:22 am
Report this comment
October 16th, 2011 at 10:38 am
A tha hle mai, vawiin chu kei ni pawh mitthi kan nei a, ka inkhawm thei lova, kan velah pawh hian thawh tur tam tak chu a awm a ni.
Report this comment
October 16th, 2011 at 11:20 am
inkhawm bang ciah ka chhiar nawn leh a, a tha khawp mai..
Report this comment
October 16th, 2011 at 11:49 am
tlangval awm tha duh vak lovin kan thalai hruaitute a hmuh dan:- an tlin lohna kan lo hriat ruk ve reuh reuh, kan lo ngaihsan bik vak loh ten, an thinlung chhungril ni miah lo, awmdanmawi bu atanga an zir chawp tih hriat fahrana nui sawng chungin, kan tel ve tak tak hlau ni awm fahrana pawnlang in “i dam em?..rawn inkhawm ve la…” min han ti liam puat thin hi chu ngeiawm lamah a kal hma khawp… tanpui kan ngaih dan leh kan harsatna han hrilha a saseh han thlen pui tak tak dawn chuan puithiam tu emaw ang khan kawng sirah min hel leh daih dawn tih kan hre sa reng mai si a….
Report this comment
October 16th, 2011 at 12:03 pm
A tha kher mai, a ngaihnawm in a tha tak zet a ni e.
Report this comment
October 16th, 2011 at 2:30 pm
A tha hle mai…inkhawm ve thei lo tan a manhla zual thin e.
Report this comment
October 16th, 2011 at 3:34 pm
Tukin khan comment are closed a inti tlat mai pek a, tunah ka hman ve leh chiah a, a lo comment theih ta hlauh e.
A dik a ni. Isua mit ang put te, a rilru ang put te hi a va pawimawh tak em. Chuti ang mi chuan thlarau bote a hmangaih thin a, chhandama an awm ve theih dan tur a ngaihtuahpui thin. Chu chu miin chhandam nih a inhriatna atangin a nei thei thin a, midangte pawh chhandama awm ve turin a duhsak thin a lo ni e. Chu chu Pathian hmangaihna a ni a, Isua mit ang an put vang a lo ni fo.
Isua mit ang pu ve lote erawh chuan an tihthat hmachhuanin midang an ngai thei lo a, thlarau bo vei chu khawi lam, mahni ropuina chauh ngaihtuahin midang hnawl dan ngawt ngaihtuahin an hmanhlel ta mai emaw tih turin an awm fo thin. Heti ang mite hi lemchang leh mahni inbum chawp mai an nih avangin an tana tawngtai hi kan tihmakmawh a ni a, chumi hmang chuan Lalpan chaw tha tak, thlarau lam tana hriselna min lo hlui thin a ni. Tuar tur erawh tam tak kan hmachhawn a tul thung. Mahse chu chu midang tan malsawmna a ni tlat si a ni. Lal Isua kraws chhuang ila, mahni kraws puin kan Lalpa Isua hniak hnung hi hi i zui ang u.
PKfanai, i rawngbawlna Lalpan malsawmsak che rawh se.
Report this comment
October 16th, 2011 at 3:54 pm
Report this comment
October 16th, 2011 at 6:00 pm
@ 16.boihapa, i comment hi ka ngaihlu khawp mai. Tunlai chu Itanagar boruak a hrisel vak lo a, bandh leh rally a awm reng mai. Min lo tawngtai pui thin dawn nia.
Report this comment
October 16th, 2011 at 6:15 pm
Ka lawm e. Ni e, tawngtaipui teh reng ang. Hei kan nu pawh engti zai zia emaw ni inkhawm a tum ve tlat! Tak taka in lamah kan fate lo awmpui tura ka duh zawk avangin in lamah a lo awm thin a. Zanin chu kan nupain kan va inkhawm ang e. Inkhawm ban ve leh rawn comment leh ka tum ang. Ka tawngtaisak thin che tih i lo hre dawn nia.
Report this comment
October 16th, 2011 at 8:28 pm
>>”Nangnin, ‘Buh sengna tur thla li a la awm,’ in ti lawm ni? Ngai rawh u, ka hrilh a che u, dak ulang lote en rawh u, tun apangin seng turin a eng a ni”, a ti ta daih mai a ni.”
He lai hi a pawimawh khawp mai. ‘Now’ ti nghal mai lova, ‘Later’ tih hi a awlsam a, mahse keimahni leh keimahni kan in thiam chawpna mai a ni thin. Tunlai ah mahni tawkah kan buai theuh a, full time missionary nih lo chuan chhuanlam tur hi lo awm thei zel bawk nen. Entirnan, ka naute hi han lian deuh se, ka zirlai hi zo phawt ila, hna nghet ka neih velah ka buipui ang, etc….mahse mahni thil tihlai thlah thraka Pathian witness nih hi a lo ngai em em hran lo…mahni thiltih/hna nen hian a lo combine theih khawp ( duh tak tak chuan).
A pawimawh ber leh first step chu, Pathian in kan tih ve theih leh phak tawka min hman theih nan a hneha kan thinlung hlawn tawp hi a ni. ‘I surrender all’ han ti phawt mai ila, kan rawngbawl ve theih dan ( mahni hna leh chhungkua thlahthlam chuang si lovin) chu Lalpan min hriat tir mai dawn ni.
Tawngkam thiamlo ber hian sawi ve chiam hi ka chak thin sia…hahthlak!!!
https://www.youtube.com/watch?v=e1PNhv1iPYI
Report this comment
October 17th, 2011 at 1:36 am
A ropui e.
Report this comment