Bawng tar pawhin luang no tho a duh an ti a, kei luang no hian; nuthlawi pawh zuk duh ve tho a. A pawi reng reng lo. Ih ih, lenlaia ruallo hi a sawi rem theih an ti alawm. Sawi rem thei ngut ang maw? Khawnge thlawi law law chhai hi, a fair zawk an tih tho kha.
Len ve ngei ka duh thin. Ka len loh chuan, ka hnimhnai thei lovanga, engtikah mah blanket hnuaiah kan hui ha pap pap lovang. Mahse, han leng ve ngawt pawh nita reng reng ila, artui min lo chhum duh chauh emaw a nih ngai chuan; tlangvala hi nula inah Artui a khel ruak ruak ang tih a hlauhawm ve tho.
District khata “zak thei lo ber” ni lem lo mah suh i, ka “zak lo thei” ve fu. Zankhat chu ka’n lut ve rawih, a daizau deuh tawh a ni mahna; ka bulah a rawn intung nghal chat. Chheiraw, a fapa in a phallo nasa, “a nu bulah tumah thut ka phallo” a ti a; kan inkarah plastic chair a dah ta vun mai. Hmm..a nu deh chu sawi loh, plastic chair a chet vaih chuan; eeehh a ni mai.
Tlangval nula rim intih ve nak alaiin, vuun tih a ngai ta. A motor lem a la chhuak a, “A Pu (aw a Pu) min nawr rawh” a ti ta riap mai. Chhuatah ka thu sawp niai, kan innawr ta poh va; “v..u..u..n”. I v..u..n sei lo em mai, sei deuhvin v..u..u..u..n ti rawh. Hmui phe hlawp hlawp khawpin, v..u..u..u..n…
A nu tihlawm tum nak alaia, a fapa tihlawm hmasak a ngai a. Chutah, water pistol in kan han indo leh, lenglo chung chunga an thutphah hnuaia lu rawlh a ngai thul. Min kah apianga thih der a la ngai zui a, tlangval pumpa nula inah ka let hawl hawl mai.
A nu bulah a thu venvawn ang a, an fridge phen atanga “Pum” tia kah a ngai a. A nu malah a let tawp ang a, a thi der vel ang. Ka tih hun a thleng ve ta, a nu ke tlawh ränin min kap dur ang. Thih der ve a ngai si, tlukna lam tur vang duh tak a ni; vaaang tak.
Thih dera a nu malpui chunga han tluk der a chakawm hle rualin, rem lo chung chunga; a sir zawnga thih der a ngai a. A zankhatna chu Indo leh v..u..n in ka hun ka hmangral. Luh thuk ka’n tum vei nen, a buai zo vek. Len leh hun chu, ka fing tawh khawp ang.
Zankhat ka’n rial dek deka, hmuh ka chak em em lawi a. “Mi dang an lo leng ang a.” Hmm..leng pawh nise, indo an zir ve phawt a ngai tho ang. Nilo, nilo…naupang thlem lungawi thiam bik riau ang a… Inngaihzawn hma hauhvin, thikthu a’n chhe nghal deuh ngawt a.
An in lam ka pan leh ta ruak ruak a. Khai aw..zanin chu ka duhthu ka hrilh rualin, ka fawp khawp ang. Ka lut dek deka, a nursery rhyme zawngin infiam a ngai leh ta. Hei ham..pawlhnih ka zirlaia “Arpa hla” ka’n sa ngawt pek, rhyme dang thiam hek lo i. Ka hre ta. Ka len leh hun chuan, nursery rhyme ka vawng teuh ang…
“Tlanga lal lal herhâwtah” te ka sa, “Leilung mawi leh thangvansangah” te ka phuahchawp. “Siksihling bawm bawm” te nen lam tihmut ka tum a, a mu duh chuang silo. Zan dar 9 pelh hnuah pawh, kan pahnihin “Sakuh ui lut, ui lutah” kan ti dun zak zak. Nula chu ka rim ve tho…
A mu duh chuang silo. Awm-hmun-chhut of mind ngah mi ngang ka nihna ka chhawr tangkai ta. “Baa baa black sheep remix” te “London bridge is falli’n down remix” te ka’n phuahchawp hnuhnawh a. Remix hrang hrang ka siam, a mu ve chhawm mai a. Lenghnar ar a khuang leh der tawh a, fawh ka tum teh reng nen…
Ka len dawn apiangin, kei tlangval pumpa hian nursery rhyme ka’n zir thar leh thut a; ka tunu Nursery Rhyme Book a bo ta fo. Thlawihmeltha-i ka rim dawn apiangin inenlawk hmasak a ngai ziah a, ka inenlawk hmasak loh vaih chuan; ka fail leh tho tho ang.
Len tlut tlut takah chuan, indo, motor lem chùan, rhyme te ka thiam nasa tawh mai a. Vawikhat hnih han thih der a, rhyme pakhat hnih ka sak tawh chuan; a mu ve ta mai zel a. An kawmchhak dawra ka bat ngam zan phei chuan, thuawih tak a ni tawh a. Thlawi lam chhai tur chuan, nauawm thiam a ngai a nih hi ka ti ta a.
Chengkawl fawh (ka sitail) ka tum apiangin, Khaini a lo hnawh hman ziah a. Insum theihloh fawh laklawh chang chuan, lu hai ram rama infawh chang a tam. A hnute kawnghren pel pelin zen dawn mah ila, Khaini bur ka thamchhuak nawlh nawlh ang tih a rintheih. A hnuailam pawh han tuaihnum viau dawn ila…eh ehemz helam chu sawi lovang, a tuidul tlat. Lo sawi pawh ni ta reng reng ila, Sahdah “RUM” nuai ngat a paipawn thu bak sawi tur ka hrechuang law’ng.
Nau awih mut a han tum a, “Eating sugar no pa pa” a tih vel lai a; “Nia, nia” ti a ka buk nghut nghut vel lai ka ngaihtuah a. Tunhnuah hian ka lo va changkang tawh tak em!! Nuthlawi zûna uai chu, indothiamna te, rhyme thiamna te leh nauawm thiamna te a ni hawt e 😛
December 12th, 2011 at 9:31 pm
1st
Nuthlawi mai pawh nilo Nu tawh hrim hrim hian min ngaizawng duh khawp mai 😀 eh! a chhan ni a ka hriat chu pasal an neih hnu in pasal atana tha tur ah an harh chhuak ve chauh thin a… :* chuks ….mahse a tuai thar ngat lo chu ka ti ve tlat 😉
December 12th, 2011 at 9:37 pm
ZoRempuii ka nghak char2 dawn (F)
@ReMpy-Scissor rawn comment rawh le, enge i ngaihdan (K)
December 12th, 2011 at 9:38 pm
🙂
December 12th, 2011 at 9:43 pm
Haha..i va ziak thiam ve 😀
Ka putea nula rim min ti hrechhuak. A nula rim u fapa leh i nuthlawi rim fapa khi an inan hmel eee. Ani pawh thuthleng sir kua atangin silai lem a mu awm ang hian min tin reng a, ka ip ru reng atia 😀 Chuan inchhungah Cycle in a tlankual reng a, ke khawkherh pawn a thut theihloh, inveng reng rengin ka tluanparh, ka leng leh tawhlo ati 😀
December 12th, 2011 at 9:44 pm
Nuthlawi ngaihzawn dawn chuan thawnthu ngaihnawm deuh deuhte hi hriat a ngai asin 😀
December 12th, 2011 at 9:44 pm
‘Ni lem lo mah suh i’ i tawng chher thar ani ngei ang, awmjia aneih loh hmel. . 😀 😉
December 12th, 2011 at 9:46 pm
Fiction mai mai hi, a haw tawk an awm ang tih ka hlau leh hnuhnawh a. Englekhawle, khawkhawle le, sual lo turah ngai ngawt ang.
December 12th, 2011 at 9:47 pm
Kum 1936 vawiin ni anga Edward VIII an American nuthlawi Wallis Simpson neih a duh vanga a Lal thuthleng a kal san te nen pawh inhmeh khawp mai he post chu 🙂
Nuthlawi hmeltha deuh deuh hi chu an awm ve chiang alawm *nghe3*
December 12th, 2011 at 9:49 pm
#5, i nei tawh a ni ang a. Hre ril fuk fuk ve 😛
December 12th, 2011 at 9:50 pm
Post tupa, tuman an haw lovang. Misual te chu engmah hawlo awmkhawm alawm kan nih.
Tak tak a, OT deuh reuh : Nuthlawi hian enge a huam chiah? Pasal sun/pasal then/sawn pawm, hengte hi nuthlawi an ni vek em le?
December 12th, 2011 at 9:51 pm
I ziak thiam hle mai. Phurlo zetin phur awm tak i nauawm vel hmel khi nangmah tak tak nen i inhmeh (i pianzia nen) hairehai 😛
Hmanah nuthlawi hmeltha eltiang mai te nen kan rawl-ho tawh a. Induh em em in kan awm a, pawisa a zo chiah a kan inthathen hmak hlawm. A fair angreng khawp mai. Inkawplai chuan induh thei ang bera awm hi a fuh ber, rilru pawh a hlim. A hnulamah insawichhe zuilo thung ila. 🙂
Ka blogah ka ziak nial nual maithei (blog la bo hrih lovah) :-S
December 12th, 2011 at 9:53 pm
Nuthlawi/Pathlawi chuan an Pasal/Nupui an duat thiam nge nge. Mihring zia an hriat chian tawh bakah zah tit tet an nei tawh lova, “zei” nih an hlawh thin a, an zuna uai pawh a na, tal chhuah mai mai a harsa an ti. Chuvangin sit reng reng tur ani lo 😉
December 12th, 2011 at 9:53 pm
A ngaihnawm narawh e.
December 12th, 2011 at 9:55 pm
#11. Mi hmu tawh ngut em ni aw? I pianzia te tih mai mai le. Ka mitmeng a paw raih lo nain, ka pa (man) ru riau a nia 😛
December 12th, 2011 at 9:55 pm
A ni dawn tak maw… Ziak thiam khups mai.
tren tren.
December 12th, 2011 at 10:00 pm
lr hlonchhing #14 i thlalak ka hmu tawh alawm mawle. In veng/khua pawh ka hria. In in awmna pawh ka hre thiak thuak… maithei ania hairehai 🙂
December 12th, 2011 at 10:00 pm
@10, sheldon, min tan tlat dawn em ni kha? 😛
December 12th, 2011 at 10:03 pm
#16, Eiach, ka post pakhat i kawmen naah khan, i sawi zauh tawh. Kha kha kan khua ni lo rengs…
December 12th, 2011 at 10:04 pm
Nuthlawi lam timi deuh mi 1 ka hria a, ani chuan a lendawn hian ‘Wai Wai etc a keng nghek zel, naupang chu an puar chuan an muhil vat mai ani a ti ve tlat… a dik em 😀
December 12th, 2011 at 10:08 pm
19, Ehh..ka hre nang. Hei chu fiction mai mai nia. :-O
December 12th, 2011 at 10:10 pm
Post (Y) (K)
December 12th, 2011 at 10:13 pm
#18 ka hriat a dik mai tur ania, i thlalak purana zet (color da tawh) pawh ka nei maithei ania aw 😛
Nau awm chu i train zo ta em 🙂
December 12th, 2011 at 10:15 pm
Rawn in report zuai…la chhiar hman lo…
Nuthlawi rim chu chhangthawp nen kan leng a bawnghnute nen kan hmehpawlh dek2 tawh mai ani an tih kha. 😉 😛 😀 😀
December 12th, 2011 at 10:19 pm
😀 ziak thiam thin mang e. (Y)
December 12th, 2011 at 10:19 pm
#22, ehhh…nauawm ka zir lo. Hei chu fiction mai mai nia.
Tleirawl viak tha, hratkhawkheng leh luhlul ve tak ka ni a. Dawt pakhat sawi mam nan, dawt dang pasarih ka phuah belh thiam. Mahse, ka khua tak erawh, i rinloh lam daih a ni ang.
December 12th, 2011 at 10:19 pm
lr hlonchhing, tan e tan e 😀 Mahse a post tu ber hian ‘nuthlawi’ hian enge a huam i hria em aw ka ti :-O
December 12th, 2011 at 10:21 pm
24, Min fak der mah la, ka lawm e 😛
December 12th, 2011 at 10:24 pm
@sheldon, a thlawi leh thlawi lo lam ramri ka kham thiam chiah lo. Aaa…hmangaih chuan a tawk. :-O 😛
December 12th, 2011 at 10:35 pm
In hriat tawh leh tawh loh ka hre law. ONGC chuan Meidum ah gas an hmu tih an confirm e
December 12th, 2011 at 10:38 pm
#29, Doordarshan News leh LPS news lamah chuan, an puang tawhin ka hria. (Y)
December 12th, 2011 at 10:41 pm
hahaha. Lo nih chu mawle. Ka hre ve chiah a lawmawm ka ti em a kan puah pui lawk nih hi
December 12th, 2011 at 10:45 pm
#31. Puah pawp pawp tur. Puah pui tur kan neihte chuan, a tha.
December 12th, 2011 at 10:58 pm
Sweet keng ila, ‘anu tete bo’ tih leh sweet pek leh nu hnute hup rual chaih tur!! 😀
December 12th, 2011 at 11:01 pm
Nuthlawi rim dawn a mamawh te kan hre leh ta.. Post (Y) Comment #29 pawh..
December 12th, 2011 at 11:03 pm
#33, hahahaha…
December 12th, 2011 at 11:03 pm
Kei chiah Khaini experiance nei ka ni tih ka hriat hian ka va lawm em 😉
nang hi i thlalak atag khan i nghal ka ring reng a.i hmel ag hi am nghal duh.
December 12th, 2011 at 11:07 pm
#33 khi sheldon chuan a vawng ru leh khiau ang chu sawi chhuak silo in! 😀
December 12th, 2011 at 11:08 pm
hahaha… (K)
December 12th, 2011 at 11:09 pm
La-me-a leh, nghal pawh ni lo. I ngai dàm mai mai nih kha. :-O
December 12th, 2011 at 11:11 pm
Chhiar a va khamawm loh ve. (Y)
postupa@28 einch…hmangaih phawt chuan..einch..dik lutuk tlat. Keipawh min duat no vek tawh mawle..amah ngei pawh in nauawm ah min tluk tawh lo mawle..
December 12th, 2011 at 11:11 pm
Nuthlawi zun lam chu commemt tur ka hre ve lo tlat 🙂
December 12th, 2011 at 11:19 pm
@saitawk, 33 a awm a mi…hihi
December 12th, 2011 at 11:20 pm
I zei kirh kerh ang.ha hai, mi(sual) nula ho hi han chhai teh.
December 12th, 2011 at 11:25 pm
La-me-a, mai mai a. :-O 😛
December 12th, 2011 at 11:26 pm
I thei tih ka hria. Tang ro pip
December 12th, 2011 at 11:29 pm
La-mea, ka duh lo ti ta ila :-O
December 12th, 2011 at 11:34 pm
Mut hmain ka rawn dak zuai a, ka’n nuih nghek chu le. Ngaihnawm nuihzatthlak khups mai. (Y)
December 13th, 2011 at 12:02 am
#29 a hmunpui angreng an dinna tur hmun anih nghal chuan khaw rauh-san tur a awm nawk ang a?!! :-S
Ka hrelo khawp mai a mahse, gas line atang hian population/khua awmna hi hla tak tur niin ka hria a. Anih chuan …..
December 13th, 2011 at 6:03 am
A ngaihnawm mang e..haha. Nuthlawi i sêp thiam bîk e… Tin, nuthlawi ngaihzawn i hrât a ni hrim hrim, i hriatchian em em danah. 😛 Mahse, nuthlawi hi iai reng reng loh tur. Thlawi lo neih ang an nei ve vek. Training chhuak ngat tawh lehnghal.
December 13th, 2011 at 6:16 am
tren tren.
December 13th, 2011 at 6:23 am
Chuan, nuthlawi anni emaw nula anni emaw intithei tak hian nupuiah kan nei anga, tute emaw hian kan hnung lamah hian minlo nuih ru tet tet ang tih ka hlau roh (rilruah a lang thut) hihii. :p :d (OT em aw..)
tren tren.
December 13th, 2011 at 7:36 am
#10@sheldon….Nuthlawi chu nu nihna tem tawh hrim hrim nula anga leng leh te hi. Fa nei tawhin pasal a sun emaw a ṭhen emaw pawh nise Nula anga an len tawh lohva fa te an ṭulpui chuan hmeithai an ti.
December 13th, 2011 at 7:39 am
@Aste, i va tho hma ve. Good Morning vek u.
Tukin chu a va vawt ver vur ve. A thlahrang inlarna khua ruih mai :-[
December 13th, 2011 at 8:11 am
Kan khua chu a va dur kheih khuih ve
December 13th, 2011 at 8:14 am
@sheldon….Ka muhil thei tawhlo veia Fiction ka ziak alawm male, alo chhuah hunah i huang ah ilo khung dawnnia 😉
December 13th, 2011 at 8:18 am
@Aste, sure. Keipawh zing firah min rawn call harh a, ka tho hma phah. A tha phian e. Fiction chu ka lo chang e. Kei chu fiction lam hi ka thiam der lo. Ka post ve chhun ho kha (a vaiin 15) fiction lam pakhatmah awmlo. Tawnhriat leh engemaw mai mai vek an nia. Fiction ti mi hi chu ‘imagination’ nei tha tihna.
December 13th, 2011 at 8:21 am
Asteric chu Rempy a nghak a, a nghak chhuak zo si lova; sheldon ah a tuan ta vak a ni maw?
REMPY nizan ka kidnap tih a hre si lo, ka khawngaih mang e aw. 😛
December 13th, 2011 at 8:26 am
@lr hlonchhing…ka nghah chhuah dan i catch lo nih kha, hemi post next chiah ah hian a rawn comment kha, hetah chuan ka comment kha a hmu a a laia comment lo nih kha 😉 tuna i topic te hi chu a chhiar nuam tih chi tak a nia, chuvangin a comment loh khan thu tam tak a sawi 😀
December 13th, 2011 at 8:29 am
Asteric@58, Rempy kawmen han chik mah teh. Rilru a pe vak tawh lem lovang che. Ramri kan lo kham fel diam tawh a 😛
December 13th, 2011 at 8:37 am
#59@lr hlonchhing….nei rawh ka pe ang che, mahse a duhtui ania aw 😀
December 13th, 2011 at 8:41 am
Asteric@60, Rempy chuan; kei Angelina ka ni ang a. Nang Brad Pitt a ti a :-O
December 13th, 2011 at 8:50 am
#61@lr… Nang Angelina i ni anga kei Brad Pitt-a maw ni ang…ka duh lo reng reng 😀
December 13th, 2011 at 9:00 am
Asteric, a theih loh. Ka phal tawh leu. 😀
Hmm, ka chhuah a ngai ta e. Lawkaut nghal…
December 13th, 2011 at 9:29 am
Nih leh Fate lian tawh, enkawl ngai tawh lo..mahni a awm hi eng nge…Swich-off a mi..???
December 13th, 2011 at 9:33 am
Ka va uai ve chak tak em chu nuthlawi zunah chuan he2
December 13th, 2011 at 9:47 am
64 mate ainawn, lluck lo or duhtui te pawh a niang chu haha
December 13th, 2011 at 11:21 am
Nuthlawi ngaihzawn chu an chhuat nawh nawh te hi a awl teh a nia aw
December 13th, 2011 at 11:29 am
Keichu nuthlawi ka ngaizawng dawn.Engkim thiamsa,zei sa,nuam dawn kher mai.
December 13th, 2011 at 11:43 am
Zan lamah hian in lo bei hawt thin riau!
December 13th, 2011 at 3:59 pm
Nuthlawi lactogen bur khawih dawn chuan;a nu te2 a bo daih tih a, hup thut tur.
December 13th, 2011 at 5:58 pm
Experiance tawh hle ang chu maw, chhai tlu ngei turin duhsakna ka hlan a che :-[
December 14th, 2011 at 11:07 am
Eheee…. tinge ka chanchin in lo sawi luai luai a??? 😉