A mak a na!

October 17th, 2011 11:02 am by H.Vangchhia

Thawnthu ang deuhin, thil tak tak nisi ka sawi dawn a. Hetiang hian Mizo thalai dangte chu lo awmve lul suh ang che u tih ka chah duh che u a ni!

Nula pakhat, Aizawl, Mizoram a piang a seilian chu ram dangah Mizo dangte finin a khawsa a. Mizoram a piang a seilian anih vangin Mizo zia leh dan leh dun pawh a hai ngailo. Hnam thiltihah pawh tangkai tak ni thinin, kohhran lamah pawh mi pangai tak niin, hlim hmel pu sarh fo mai a ni a.

Midang ang bawkin hna a thawk ve thova, thawhpui te pawh a nei ve bawk. Chumi a hnathawhnaah chuan Mizo dang pawh an thawk ve thova. Engpawh nise, a insawn chhuak ta a, a thawhna te ta tho branch hranah chuan thawkin a thawhpui thin te pawh chuan an tlawh zeuh zeuh thin a ni.

Chutia inhre tha ve tak, Mizo tawng a inkawma nui ho dar dar thin chu hriatloh karin a danglam ta vek mai! An va tlawh leh chu kan nula sawi chuan alo hre ta derlo mai a. Mizo tawng a hriat chhun pawh chu, “In fel lutuukkk (thluk sang chho),” tiin Mizo tawng pai tak maiin alo be ta tlat mai a. Mizo tawnga an biak pawhin English hlirin a chhang a, “In tawng hi tlem tlem chu ka hre thin,” te alo tih khum leh ta zel mai anih chu. Mak ti tak leh hnuk ulh teuhin an chhuahsan ta nghe nghe a ni.

A hnu chuan thian emaw an tih chanchin chu an han hrechiang ta a. An inhmuhloh chhung thla reilote karah khan Vunvar (White man) pasalah alo nei alo niawm a.

Choak, Arâwn chang intawn/inthiat:

Awle, ka sawi duh tak chu, “Tunge kan nih i hai ngai lovang u,” tih hi a ni. Khawvela thil zahthlak ber pawla ka hriat chu, kan chhuahna hriatloh/hriat loh der emaw, mahni tawng thiam reng si a thiamloh der tehi a ni awm e.

Ram dangah kan awm anih pawhin Zohnahthlak te hian kan fate hi kan hriat leh phak ang tawkin kan hnamzia leh tawng kan zirtir zel a, kan tih nun chhoh zel hi kan hna (duty) ani tih kan hriat reng a pawimawhin ka hria. Keimahni lek phei chuan thiam belh deuh deuh kan tum turah ka ngai.

Khawthlang lam ram hausa tak tak te hi a hausakna chhan chu an pi leh pu ten ngaihtuahna nasa tak an hmanga, an taihmak vang a ni. An tu leh fate hian an pu te thawhchhuah leh sulhnu chu an mahni kutchhuak emaw tiin an la chapo em em. Mizorama dik taka mi hausa te hi thingtlang chhuak anni hlawm. An tute hian an pu te thlan-huh (sweat) chu an thlan chhuak emaw tiin an chapo pui ang vel hi a ni. Chumi vang chuan vun var annih vang ngawt hian ngaihsan hi i sim teh ang u. Zofa tlemte zingah hian hnampui tam takin an tlukloh an kathnuk tawh tih hi i hria ila. Vun rawng emaw chawrchhuahna atanga inchung/hnuai-en ringawt hi kan sim a hun tawh ka rawn ti a ni e.

Ka thianpa pakhat chuan, “Sap ho te chu kan hnuaiah thawk mai mai sela a tawk chauh,” a ti. Amah hi Ph.D a ni a, a hnuaiah an thawk nual bawkin ka ring. Kan nihna a sang emaw sanglo emaw lam pawh a nilo, vun leh hawiher langlai a keu vuk avangin ngaihsan ngawt zel tur an nilo. Vun rawng emaw, an chhuahna ram emaw, an pi leh pu te vang ngawta mi ngaisang lovin, mimal zawkin mi i ngaisangin thlirdan i thiam ang u.

Go confidently in the direction of your dreams. Live the life you have imagined. But, never forget who and where you come from.

NB: PHUAHCHAWP A NILO.

136 Responses to “A mak a na!”

1
Aryan Says:
October 17th, 2011 at 11:07 am
Mizo diktak Aizawla piang leh seilian, vairama school/college kal ta te pawn Mizotawng pai hi intih changkanna a maw an tia, thlangra, dap (banga hman chi hi) hriat loh te hi in tih theih nan an hmang a, in hmuhkhawm ni a mizo tawnga i dam em, i tha em intih aia rik deuh hawr hawr a biang inchuktuah a MWAH intih vel te an ching nak alaia saprama sap pasal nei mizotawng inti pai te chu an demawm lo zawk a lawm.

NB: Keipawh khitiang mi khi ka hmu thin!
2
no_nick Says:
October 17th, 2011 at 11:08 am
vunvar(white) nilovin vundum(black) te kha pasala ah lo nei zawk ta se… I post hi Whistleblower ah khan a awm vang mai dawn ania.. lolzzz…
3
RenghangMan Says:
October 17th, 2011 at 11:10 am
Tulthir pawh nghathu instrument a tih dawn chu. Kan nihna hai loh hi a mawi ngawt mai. Mizo taka changkan kan thiam deuh deuh hun hi a nghahhlehawm hlein ka hre thin.
4
levodopa Says:
October 17th, 2011 at 11:16 am
thenkhat hian sap putar kher pasal atan an nei a 😀
5
DrAngel Says:
October 17th, 2011 at 11:28 am
Kum hnihvel vairam a unaua awm te chanchin pawh ka hria, ka ngaisang lemlo khawp mai. Unaua awm lehnghal mizo tawng han pai/lai nachhan tur reng ka hrelo. Ka lo zak lek lek zawk mawle..
6
sheldon Says:
October 17th, 2011 at 11:34 am
Sap rama awm an inti sap a, vairam a awm an inti vai a, thingtlang atanga khawpuia awm te pawh thingtlang hmusit ta riau an awm nia 🙂
7
nastycool Says:
October 17th, 2011 at 11:34 am
Vung ngo pa thil chuan a thluak a hawlh khawlo zo tawh a nih dawn chu. Zahpuiawm hle mai (N)
8
rowland vanlalawia Says:
October 17th, 2011 at 11:39 am
Pu Henrya america atanga mizo tan theihtawp i chhuah hi a lawmawmin iduh anga awm zel a chakawm khawp mai.
9
lr hlonchhing Says:
October 17th, 2011 at 11:41 am
Zahpuiawm roh fi ni (N) (N)
10
AmiGo... Says:
October 17th, 2011 at 11:41 am
Mihring te hi hmasawn leh changkang zel tur ka ni a,a mah erawh chu kan hnam , zia leh rang theihnghilh thak khop a hmasaawnna leh changkanna erawh…. (N) …
post tha tak a ni…..
11
kawlhawk Says:
October 17th, 2011 at 11:46 am
Ramhlun veng a awm, Art & Culture in Mizo hnam lam entir tura an tirh zinga mi kha a ni lo maw? Ka hmelhriat te thian leh chhawng a nia, sap pasal nei, mizo tawnga biak hleihtheih tawh loh… tiin an sawi tlat. :p
12
Soberboy Says:
October 17th, 2011 at 11:47 am
a tha dap2 e sawi belh tur ka hre lo 🙂
13
fatherphoenix18 Says:
October 17th, 2011 at 11:52 am
ka zak chem2 Mizo tawng pai tur ang in ka han in ngaihtuah chhin vela
14
Dr Mahminga Sailo Says:
October 17th, 2011 at 11:53 am
A va dik teh lul em (Y)

In sawi tak ah chuan…; Mizo inkhawm/kalkhawm a, saphla an sa fo te hi ka vei ve thin. Saphla kha chu hnamdang bulah sa mai rawh se. Hmun dang ah enge in dinhmun ka hre law, ka awmna ah hi chuan hma kan sawn viau (saphla inti-sathiam thlem la awm mah se 😛 ). Ka phak tawk ah thuziak pawh ka nei ta fo mai.

Saptawng hman a ngaihna hmun ah saptawng hmang mai se. “Mizo tawng ka thiam nal lo” ti tawlh tawlh thei si, saptawng hman an tum kher zel hi luak an ti chhuak 😛 Silchar vai, ‘Mizo tawng telem telem thiam” ti ho ai paw’n ka ngainep zawk…Nu leh pa thenkhat lah hian, intihtheih na’n an la hmang ta deuh deuh a (N)
15
Alejendro Says:
October 17th, 2011 at 11:54 am
#5, Marvinic

Mizoram hmel hmulo in kum 6 vel Vairamah ka awm tawh. Mizo Tawng ka la pei/pai?(Uii! kan buai ringawt chu :-P) chhin eihlo. Min ngaisang em? 😛
16
lrpa Says:
October 17th, 2011 at 11:58 am
A va nikhua loh thlak ve mawle..
A hmel te pawh hmuh a chakawm hle mai a, tribal hnar bawng deuh kha a lo ni reng si ange :-[
Ka apartment neitu pa nupui hi vietnamese ani a, fanu kumhnih mi chuan vietnamese tawng a hrevek tawh anuin a ti!
17
no_nick Says:
October 17th, 2011 at 12:03 pm
hahahah.. Mizo tawng a pai der niin a lang an sawi nu khian..A

14 Dr Mahminga Sailo: Mizo tawng chu kan thiam tlang thova..?? Mizo tawng bakah a hian saptawng ziak thiam viau thin mah ila, mawi taka tawngthei kan tam vak lo maithei.. saptawng hman uar a pawimawh ve tho ka tihna a nihcu..

Mizoramah te chuan English medium School chu an ngah mai mahse English medium a lut nazawng khi Saptawngin an biak theih miah lo nia.. an zak tlat mai aa.. lolzz

Mizoram hi global map a lang tak tak tur chuan English kan thiam a pawimawh khawp ang.. International Language a ni miau si a..

Pu Hv a rawn sawi nu khi chu a ti der anih ka ring.. a lo pai der vell.. lolzzz.. khitianga ti kher lo khian Saptawng chu hmang uar zawk ta ila.. 🙂
18
Pakak Says:
October 17th, 2011 at 12:04 pm
A va zah pui awm reuh ve. (N) Ka farnu a ni ang tih ka hlau e a…. 🙁
@7 (Y)
19
no_nick Says:
October 17th, 2011 at 12:05 pm
18 Pakak: I nupui a ni ang tih i hlau tho em?? lolzzz
20
shailendra Says:
October 17th, 2011 at 12:06 pm
post pawimawh tak a ni. Khitiang a mize thlak kher khi a va han tul lo tak em..
21
As_khiangte Says:
October 17th, 2011 at 12:08 pm
Vun rawng emaw chawrchhuahna atanga inchung/hnuai-en ringawt hi kan sim a hun tawh ka rawn ti a ni e.

A hun tawh tih hi a pawimawh khawp mai. Zosap-te chanchin hre si anmahni hmu pha si lo te khan sap ngaihsanna kha kan thisenah a intuh tlat a, vairamah kan zin a vunvar tourist kan hmuh te khan ‘sap hmu’ kan inti a hmuhnawm kan ti a kan ngaisang thei hle.

Tunah hi chuan vun rawng vang te, chawr chhuahna hmun avang tea kan inhmu sang/ hmuhniam, ngaisang/hmusit hi chu a sim a hun tawh khawp mai. A har fu nachin pawh a awm bawk ang.

U Awmpuia (cousin) kha naupan tet ata Mizorama awm lo a ni a, a nu (hnamdang) hnenah a awm a. Meghalaya Police ah a trang a, nepali nula nupuiah a nei a. Aizawla an lo chhuah vawi 2 naah kha chuan annu khan nal deuhin mizo tawng a thiam tawh, U Awmpuia kha fakawm ka ti.
22
Dr Mahminga Sailo Says:
October 17th, 2011 at 12:17 pm
no-nick… A dik chiah. Saptawng erawh kan hmang uar tur a ni (a bikin hmun dang a awm te’n). Ka sawi zawk erawh, Mizo kalkhawmna/awmkhawmna si a, tawngtial hman an tum tlat hi ka sawisel thung. Chutiang bawkin, hnamdang thawhpui/thiante awm lai a, Mizo tawng a tawng pawh hi tha ka ti chuang lo. Thiante mah nise, an tawng a an inbiak reng chuan, an bula awm a nuam miah lo. ‘A hun leh a hmun, kan bula awm te a zirin..’ a nih chu.
23
laltheri Says:
October 17th, 2011 at 12:18 pm
‘NB’ khi tel kher lo se chu phhuahchawp emaw ka ti tak2 ang,
Mizo tawngin hau nek chhin se ka van ti..hahaa
24
fatherphoenix18 Says:
October 17th, 2011 at 12:20 pm
chuan belh leh lok, an in nei tluang zel a, fate an nei te a nih chuan an fate an va ngaihtuahawm dawn ve aw…
25
Rinzova Khawlhring Lalhnam Says:
October 17th, 2011 at 12:21 pm
#14 (Y)
a dik chiah sap emaw english singer emaw anlo kal pwhin mizo hla an sa ngai chuanglo, an ramah phei chuan khawilama sak ani ringawt mai! Hnam run/Invade a an culture rapbet tu te hi kan lo ngaihsan vakna tur k hrelo e. Ziak leh chhiarte min rwn zirtirin hawrawp te min lo siamsak mahse kan hnam nun an khawih pawi dan hi thangtharte hian kan hriat ahun tawh lutuk ani.
26
boihapa Says:
October 17th, 2011 at 12:21 pm
Mahni nihna hai khawpa midawha kan Mizo zingah ngei ngei an awm thin hi chu..h, paidaih harsa chu ka ti ve thlawt a ni.

Tawng pai chungchangah chuan hriat thiam tul chin chu a awm theiin ka hria. Entir nan- ka ni fapa pakhat chu a tleirawl tet atangin punjab-ah a awm char char a, nupui atan lah chuan Punjabi nula ala nei zui leh ta nghal a! Kum sawmli deuh thaw Mizoramah a rawn chuang chhuak tawh lo a, hman deu lawk khan a rawn haw ve hlawl mai a! A tawng tlem ta em em mai a, Mizotawng, ama pianpui tawng ngei mai chu a lo pai deuh ti tih hi alo ni a! Chu chu hrehawm tiin a zak bawk nen, tawng tlemah a lo tlak hi a lo ni a. Heti ang mite hi chu an inthlahrung duk mai bawk nen an lainatawm lehling zawk tlat.

Amaherawhchu, mi thenkhat hi chu mahni tawng thiam loh kha changkanna emaw ti tlat an awm. Tin, Mizo nihna leh hnam zia hmusit zawnga intih changkan tum tlat hi an awm ve hrim hrim. Hnam changkang zawk nia kan hriatte zia entawn hi chu a awl khawp mai. Mahse mahni hnam nihna leh ziarang bosan zawnga inti changkang tur chu kan ni mawlh si lo.

Post tha tak a ni e (Y)
27
Dr Mahminga Sailo Says:
October 17th, 2011 at 12:27 pm
# 23… (Y)
Dik chiah, Saptawng thiam lo (der) in Mizo tawngin hau vak se, Mizo tawng nal lutuk hian a lo hnial let hrep ka ring 😛
28
Rinzova Khawlhring Lalhnam Says:
October 17th, 2011 at 12:31 pm
17 a thiam tawhloa a lo theinghilh anih cuan a lo theinghilh ve mai ania, mahse theinghilh tur khawp chuan kum eng emaw zat awm angai ang! Chu pawh niloa lo pai der emaw lo hriat tawhloh der emaw ka hrethin lo tih vel te chu a ka ngaisanglo tawp mai, a hnam a zahpuia miboral anih chu,malsawmna dawng tlak pawh anilo e
29
littlerascal Says:
October 17th, 2011 at 12:33 pm
Lolzz nuihzathak top 😛
30
chepahakhata Says:
October 17th, 2011 at 12:34 pm
Tunhma dueh khan khawchhak lam Mizo zingah hetiang mi hi an awm thin a, tunhnu hi chuan hriat tur an awm meuh tawh lo va, rilru piansualna chikhat a ang berin ka hria. Hnam dang ngaisan luatna atanga rawn chhuak a nih duh chek a, mawlna chikhat pawh ti ila a sual awm lo e.
31
PKfanai Says:
October 17th, 2011 at 12:36 pm
Hetiang ho hi, an hnukchah dawn tak takah chuan mizo tawngin an tawngvai nawk nawk thin a, an bula awm ten enge an sawi an hrethiam thin si lova, an lainatawm duh lutuk anti a sin. Chhemthei pawh ‘kawtawn'(cotton) a ti vel ang a?
32
Pakak Says:
October 17th, 2011 at 12:48 pm
@19 😛 😛 😛 😛
33
khamrang Says:
October 17th, 2011 at 1:09 pm
badboy a gauhati kum khat zuk awm ve pawh kha:

1. thil transfer na iron round kha enge a hming kha? (suankual) 😀

2. Nula rimna ah ti hian a ti vel. Nizan chu horror novel ka chhiara, chuan ka sleep hnu ah nightmare a ka neia, ka frightened lutuk 😀

3. Picnic naah thiante bulah. Pool ah khuan ka zuk swim anga, ka drown chuan, min rawn save dawnnia aw 😀
34
AmiGo... Says:
October 17th, 2011 at 1:12 pm
Post thar khi 1st ka tum teh reng nen comment off tih mai2 chu le….. 😀 😛
35
rohlupuia chalrang Says:
October 17th, 2011 at 1:12 pm
Chu hmeichhia chu ademawm thlawt ani. (N) Ithianpa pakhat in `sap ho te chu kan hnuaiah thawk mai mai sela atawk chauh` atih khi, Ph.D mah ni se la, sap leh vai, thluak hi khum tumin zofate tan kan la ngai hle asin..
36
badboy Says:
October 17th, 2011 at 1:26 pm
Khamrang is back… 😛 khamranga guwahati thlakhat zuk chamchhung ringawt khan an thlen na bul zu zawrh na a.. a senchi hming zawng2 kha rawn hre chhuak vek hman a mawle 😀
37
lr hlonchhing Says:
October 17th, 2011 at 1:31 pm
Pkfanai leh ka post hi comment an off duh bik.
38
Pc-a Says:
October 17th, 2011 at 1:33 pm
A hriatrengna ava tha awm lo ve.
39
ngaihdan tha a Says:
October 17th, 2011 at 1:35 pm
post thar ah khian ka 1st e.
40
rohlupuia chalrang Says:
October 17th, 2011 at 1:57 pm
Post avil loh tum tak ani tlat mai, Pu Hv-a hi. Rel hrep ang u..
41
DXBFreak Says:
October 17th, 2011 at 2:12 pm
I va han dik tak em, engtia rei emaw, Mizo awm loh na ah pawh awm mah ila, ka pianpui tawng hi chu ka pai ngai lovang.

Mahse Hmar bul a ka awm tam lutuk hian ka tawng hi a pai lek lek thin NOI.
42
zualbonez Says:
October 17th, 2011 at 2:27 pm
@41,,,lolzzz @ 2nd para 😀
43
Rinzova Khawlhring Lalhnam Says:
October 17th, 2011 at 2:27 pm
HE POST HI A PAWIMAWH KHAWP MAI
44
Rinzova Khawlhring Lalhnam Says:
October 17th, 2011 at 2:29 pm
post picture h tinge download theih miahloh a!
45
Alejendro Says:
October 17th, 2011 at 2:35 pm
liandova kholhring, http://i53.tinypic.com/15yw5ed.gif
46
DXBFreak Says:
October 17th, 2011 at 2:42 pm
@42 Bonez, nui suh…ka uang lo 🙂
47
chhangte_ll Says:
October 17th, 2011 at 2:42 pm
misual dot com wateva… phek dinglam a “Sandman’s Zo Bloggers Updates” tih a lang reng bawk si a, ka nui huk mai. Zo Bloggers zingah pawh English-a ziak thei ngat an tam hi mawle. NOI. :-$ :-O 😛 😀
48
Alejendro Says:
October 17th, 2011 at 2:45 pm
Zo Bloggers nih vang ringawtin Mizo Tawngin write vek kher a ngailo a. Mahni comfort na Language in an write mai ang chu.
49
chhangte_ll Says:
October 17th, 2011 at 2:48 pm
“Mahni comfort na Language in kan write mai ang chu…”

Uihaaaaa…Mizo awm lohna hmuna seilian leh la cheng reng keini ang tan English-a ziah thiamloh a va zahthlak ta ve mawle :-S :-$ 🙁 ;-( 😀
50
zualbonez Says:
October 17th, 2011 at 2:48 pm
keipawh bengali in ka blog ve dawn 😀

51
no_nick Says:
October 17th, 2011 at 2:56 pm
sawisel suh, sawisela i awmloh nan
52
PKfanai Says:
October 17th, 2011 at 3:04 pm
no_nick, kha daih kha asin. New generation ho hi English hi in used over thin a lawm maw le. Chhangte_ll a te ang mizo zinga khawsa ngai reng reng lo pawhin dak nalh thlarh a a la thiam reng hi.
53
Asteric™ Says:
October 17th, 2011 at 3:39 pm
Chapo silova hnam hrang hrang chunga lên dan á¹ha ber chu Pathian thu hriat tam leh zawm hi. 🙂
54
H.Vangchhia Says:
October 17th, 2011 at 4:22 pm
He nuu chanchin sawitu leh hria te chu an nui thu zel. Nuih thu na chi niin ka hre tlat lo. Dawn thui ngai tak niin ka hria. Kan khawsa ziaah te, kan tawngkam lên duhzawngah te etc. inchhunga kan tawng hmanah te hian vawiin mai nilovin, kan tuchhuan awm zel turte kan ngaihtuah thlen a tul tlat mai.

Ngaihsam leh intihvei hmang hnam kan ni kher kher hi a pawi khawp mai. Pathianin ram kilkhawr taka min dahna chhan pawh hi kan ral/rem mai a hlauh vang te pawh ani mahna. Min awptu ten kan hnam dam nan dan chi hrang2 min siamsak te lah chu a oalzuttu kan ni zawk zel bawk a.

Kan mizia ang zelin khawvel hmun hrang2 ah kan thlahtuten hmun an khuar hlawm a. Kan hnam zia leh ram venhim erawh tunlai mite zel mawhphurhna a ni.
55
Ignatia (33-115 AD) Says:
October 17th, 2011 at 4:27 pm
Thil pawi ber chu mahni nihna- IDENTITY hlauh hi a ni thei ang. Hemi postah hian TAWNG ringawt a lo thlur bik a, a fuankim lo deuhin ka hria. Kan thil ei phung (food habits) bak kan rilru la peng thei zawng zawng hi chu fimkhur taka ngaihven ngai vek niin ka hria. Thu leh hla lama kan ngaihsan leh duhzawngte pawh hi enfiah a hun viau. Miin sap hla hriat tam leh duh em em avanga CHANGKANG emaw a intihna pawh hi tuna kan thukhel (issue) nen hian huang khatah a awm thei ang.

Haleluiah Chorus sak laia zahna (standing oviation) kan pek chuan ‘Aw Lalpa chungnung ber ka fak hle a che’ tih hla kan sak pawh hian mizote thinlung a ko em em turah ka ngai. Bawih chhuah tluka lawmna- tisaah leh thlarau-a a awm kher lo vang. Chumi puanchhuahna hla mizo irawm chhuak a phuah a ni hi turu tak a ni!
56
H.Vangchhia Says:
October 17th, 2011 at 4:32 pm
#54 Mihring te hi kan mizia ang zelin…* tih zawk tur ania’ng chu.

Mizo leh Mizo, Mizo tawng thiam ve ve inkawmnaa tawng dang an hmang kher te hi tullo ka ti ve tlat :phunchiar:

Mizo 4 awm ila (entirna) hnamdang Mizo tawng thiamlo 1 awm ve bawk se, hnamdang 1 awm tawng hriatthiam a inbiak tlan a hawihhawm (polite) in ka hria.

Facebook ah hian thlalak fahrah te te ka dah ve. Mizo pakhat chuan English hlirin a hmuhdan a rawn dah thin. Zawhna a neih pawhin chuti tho. Mizo tawngin ka chhanglui char2 a, English vekin min chhang zel thova. Mak ve tak kan ni Mizo te hi! :-S
57
Dr Mahminga Sailo Says:
October 17th, 2011 at 4:38 pm
Sawi zel ang aw… Vawi khat chu kan thianpa pakhat, Mizo inkhawm a zai tur a ni a. Mizo hla sa turin kan hrilh a. A hmeichhia thian thenkhatte chuan, ‘ani chu Mizo hla a sa thiam lo, a aw nen a inmil lo’ an lo tih chu. Mizo tlangval, a aw Mizo hla nen a inmil lo, saphla nen a inmil si kha, kei misual ngaihdan ah chuan piangsual ka ti :-O Nge a thian te ri hriatna kha a lai zawk pawh ka hre lo 😛
58
Dr Mahminga Sailo Says:
October 17th, 2011 at 4:41 pm
# 56… Pu HV, paragraph thumna khi ka thlawp zawng tak a ni e.
59
no_nick Says:
October 17th, 2011 at 4:51 pm
@56 Pu H.Vangchhia : Mizo lo leh Mizo lo kan in kawm pawn keini chu Mizo tawng kan hmang tho asin… lolzz.. Pianna leh seilenna azir te pawh ani ang chu..

Mahse in thiannu USA a mi hi chu a over ve deuh reng2 anih hmel…!!
60
Prof. Snake Says:
October 17th, 2011 at 5:16 pm
Ava lo hot ve hei chu. 😛
61
no_nick Says:
October 17th, 2011 at 5:17 pm
Funny tih nick kha hmang leh tawh la…!!
62
H.Vangchhia Says:
October 17th, 2011 at 5:18 pm
#57 :-S (N)
63
Benny Says:
October 17th, 2011 at 5:38 pm
Post tha leh hlu tak a ni. Hman tul hun a awm a(mizo leh mizo ah pawh). A thlarau han chan lai a awm bawk a, han inkawm emaw infiam nana hman chang te a awm bawk a. Mahni tawng hman zahpui phah nana tawng dang hman chu tha ka ti lo ve tawp.
64
Prof. Snake Says:
October 17th, 2011 at 5:49 pm
Ka nuih a ti za tlat anih chu mawle. 😀
Visa tawp tawh hnu ah pawh awm hlem hram hram tum an tih tur ang chi anih ka ring. Sap a ngaisang fal bik emai. 😛

Illegal a US a lut tamtak hian in thup nan leh anmahni tanpui thei tur ang chi hi chu mutpui pawh hrehlo hi an tam ve viau in ka ring. Mizo ni kherlo mexican lampang tepawh.
65
H.Vangchhia Says:
October 17th, 2011 at 5:57 pm
#64 😉
66
lrpa Says:
October 17th, 2011 at 6:24 pm
2008 ka haw khan ka work and residence permit kha 2010 Feb thleng a nung a, ka hmang lo..hnathawh tur kha ka hre lo hrim hrim a, bakah ka hna ber a tawp kha chuan hman zel kha ka tum hran lo a. Ka boss ka hmuh khan i va vannei ve, khatiang kha euro sangtam takin an lei duh ang a tia..e ani maw te ka ti mai mai..ka haw a, aizawl ah thawh tur ka hre tawp si lo a 🙂
67
H.Vangchhia Says:
October 17th, 2011 at 6:36 pm
lrp #66 niah nuah che chuan 🙂
68
lrpa Says:
October 17th, 2011 at 6:43 pm
Pu Hv..thil ei chuanga type anih hi 😀
69
H.Vangchhia Says:
October 17th, 2011 at 6:45 pm
lrp, Ilo in la Spanish/Spaniard ve ringawt ange aw hairehai 😉
70
lrpa Says:
October 17th, 2011 at 6:47 pm
Tawng ka rawm pai ve vel anga.. 🙂 Spanish ka ang ani mai thei, vawikhat mah spanish ini lo em min la ti lo 🙂
71
H.Vangchhia Says:
October 17th, 2011 at 6:51 pm
#70 Hispanic emaw an ti zawk che ani lo maw? 😛

Mizo tam tak hian Central/South American hi kan ang asin. “Chinese/Japanese kan ang,” tih te hi chu tih mai mai mawle. Kan an ber a ka hriat chu Vietnamese, Filipino leh Hispanic.
72
Alejendro Says:
October 17th, 2011 at 7:02 pm
Hetah pawh chuan in va OT nasa ve.
73
lrpa Says:
October 17th, 2011 at 7:02 pm
Kei chu ka pa ka ang deuh ber 😀
74
H.Vangchhia Says:
October 17th, 2011 at 7:05 pm
lrp, khaw thenkhatah hian nu leh pa Mizo diktak nisi, an fapa emaw lukir chiat, vun hang/dum tak si hi an awm leh nawlh thin asin. A then te phei chu Mizo thlah han tih ngawt tur nithei hlawllo, sang pui, dum ren run, lu kir chuat pawh an awm hahahaa. An nu leh pa te leh an fa DNA ensak an chakawm ka ti thin asin aw 😛

Sawi leh ta thin ila, mi thenkhat chu Mizo tawng pai miahlo pawh an kawmte emaw zirin an pai ve ngawt asin hairehai. kei zawng, mahni tawng ka thiam hi ka van lawm tak em
75
pathlawi virgin Says:
October 17th, 2011 at 8:14 pm
post tha khawp mai…ka thin pawh a ti rim pha lo, ka nuih a ti za tawp…a takah chuan va hmu ve ila chuan ka nui nasa ngawt ang, a hma lawka ka hriat ni ve ta sela..nih loh pawn Dr.Hrekima hnenah hruai ka tum ngei ang….
76
Saitawk Says:
October 17th, 2011 at 11:06 pm
Hei ngei hi a ni maw FB lama i sawi kha. I sawi hmeichhia khian kan ngaisanglo over bawn let tawp tawp tih inhre teh se.
(N)
77
lrpa Says:
October 18th, 2011 at 12:35 am
Engpawhnise, lo ropui ta viau ila emaw, lo changkang ta viau ila emaw, kan nupui/pasal emaw kan fate emaw lo meng hring nghilnghial tase emaw; kan pianna, kan hnam, kan culture, kan tawng te hi kan hmusit in kan hnuaichhiah tur ani ngai lo vang.
Mizo hnam hi khawvel a hnam ropui ber a la nih chiah lo anih pawh in a ropui ber dawn ani tih hi kan rilruah a riak reng tur ani.
78
lrpa Says:
October 18th, 2011 at 12:55 am
Engvangin nge hnam dang hi ropuiah kan ngaih? Kan awmna, zawng leh ngau chettlatna hmunah hian awmve ta se hnamdang hian min tluk angem?
Kan survive thei a, thil mak pawh kan ti ang. Tlang a lawn thei leilet khawl pawh kan siam ang. Kan ropui zel ang!
79
lrpa Says:
October 18th, 2011 at 1:06 am
Hnam mawl ni a inhria te chu an mawl mawl in mawl rawh se..an finna chhawr tur awn hek lo le..
80
Mx Says:
October 18th, 2011 at 1:16 am
lrpa #77, 78, 79 LIKE (Y) (Y)
81
H.Vangchhia Says:
October 18th, 2011 at 1:38 am
lrp Yay (Y) 🙂 (B)
82
flying Says:
October 18th, 2011 at 4:30 am
Kan Zoram ka chhuahsanna hi Pawl 5 ka pass hnu in ania, Mizo tawnga ziak leh chhiar zir miah lo ang tluk ka ni. A tawngthu ah chuan Pu @HV, ka pai lo ti raw? A ziah erawh chuan na men lo a sawlsei ka ni fo misual.com ah hian. Hui Ha, ka thiam thei tlawt lo ani a ziah hi chu. 😀 Nan, ka zir reng zel e ziakthiamte ziah chhiar hian. Ka lawm e!! 😛
83
H.Vangchhia Says:
October 18th, 2011 at 5:12 am
flying #82 tawngah chuan pai love, ziak lam erawh kei ai pawhin i thiam lovin ka hria 😛 🙂
84
liani Says:
October 18th, 2011 at 6:44 pm
Pu Henry he nula i sawi hi ka hriat mi tak mai a ni a,i thusawi hi pakhat mah hi ka awi lova, i rui thu khawchang lek a ni lo maw?Nge he mi ni hian mahni Mizo pui tih zakthlak khop in i rui a ni zawk lo maw le?han in ngaituah chiang teh khai, Police koh ngai hial khop khan i che mawi lo lo te hi a ni lo maw le?mi chanchin chhia hi i sawi zut zut a,i chanchin chhia hi sawi tur kan hre ve teuh a sin,he tia dawt hmang a in tih mualpho kher hi a tul lova,i thu sawi hi nangmah hre chiang tu te chuan kan awi hauh lo tih hi lo hria ang che.Mi chanchin sawi hma hian mahni hi in bih chian hmasak fo hi a tha a sin.
85
Alejendro Says:
October 18th, 2011 at 6:46 pm
Nula?? Sap pasal nei a ti bawk sia ka hrethiam teh nuaih tawhlo e. 😛
86
Alejendro Says:
October 18th, 2011 at 6:47 pm
Pu H.V-a Vs liani 😛
87
lrpa Says:
October 18th, 2011 at 6:50 pm
Hot ta teu teu hle mai! new comer ka U Liani’n laipui a rawn paipawn e 😀
88
H.Vangchhia Says:
October 18th, 2011 at 6:51 pm
liani #83 i hriat hi ani emaw nilo emaw, i kiangah a sawi velo ani mai lawm ni? Tin, zu ka inlohna hi a rei ta hle mai, kum a chuang ta der mai. Meizial phei chu kum 4 dawn ka nghei ta.

Mahni Mizo pui ngei, mahni thawhpui thin ngei, Mizo leh Mizo, “In tawng hi tlem tlem ka thiam thin,” English a han intih khum kha chu a dawngsawngtu khan alo ve thawhkhat anih hmel e. A hrilh/sawina te hi Champhaia ka thianpa, Education department a thawk, hmanni lawka thita fanu te anni nghe nghe.

Ka chanchin hi zep lovin keimah leh keimah ka inpuang zel mai. Police koh chungchang kha chu a hnuaia linkah hian a chiang khawp mai. Court lehkha nen a tel e:

http://www.misual.com/2009/10/15/roreltu-hmaa-din/

Ka sual thin zia te, ka zu heh thin zia te leh damdawi ka tih tin thlengin ka blog lamah ka ziak zel e. I peih chuan ilo chhiar char char dawn nia. Ka zia ka tup ve ngailo.

KNOW WHAT YOU KNOW. DON’T KNOW WHAT YOU DON’T KNOW kan hriat thatte annih vangin kan tawngpawng tan gawt tur a nilo. Mimal inbeihna pawh ani lova, hnam hnuk khawih thei thil anih vangin hming leh engmah dang tel lovin ka post zawk a nih hi. Midang inzir nan.
89
Alejendro Says:
October 18th, 2011 at 6:51 pm
U Liani chanchin hi a lo ni reng lo’ng maw? 😛 Mizo tawng chu a lo thiam lehsi a ni ang 😛
90
Prof. Snake Says:
October 18th, 2011 at 6:53 pm
teu teu mai a. 😛
91
Alejendro Says:
October 18th, 2011 at 6:54 pm
Woo hooo!! A nuam e.. U Liani i reply kan nghak. Vatss 😛
92
Prof. Snake Says:
October 18th, 2011 at 6:56 pm
Alejendro #89 hi ka rilru ah alo lang ve nghal chiah anih chu.
(a him chin atangin lo thlir ang) 😛
93
mate ainawn Says:
October 18th, 2011 at 7:41 pm
@ 84..a va mak bawrh bawrh thin ve aw…Hrechiang lovin Post puitling post Submit ngawt chu thil tih chi ah ka ngailo.

@88 ..i sawi khi i Komen ah hian-ni e-zep lovin a sawi fo thin, Insulting tak a HV hi accuse na tur a awm lem chuang lo..

HV..hi ka hrechiang a, a life a struggle ve nasa, a tleirawl (curious) lai chuan ruihtheih thil pawh a ti ve ..a post hi chu Hmeichhiate’n inzir ruk nan hmang zawk ila..

Tin, comment a in tivaklo hian ngaihdanlo deuh hi chu Mimal a in contack hi a fuh awm mang e.
94
H.Vangchhia Says:
October 18th, 2011 at 7:50 pm
Mimal inbeihna ang chi post ka tumlo ania. Tunge anih pawh tuman an hre chuang lem lovin ka ring. Hnam pum huap thil anih hriain thil thleng tak tak ka post mai a ni.
95
Highflyer Says:
October 18th, 2011 at 8:01 pm
Kan ti leh hram teng, min hrethiam ula America a mizo awm chuan khawngaihin ka email addy cameroncolney@gmail.com ah min rawn contact teh u( inthlahrung takin). Kei chu Delhi a awm ka ni a, thil hriat duh ka neih avangin in mi tanpui leh puihna ka mamawh ani e
96
H.Vangchhia Says:
October 18th, 2011 at 8:04 pm
Highflyer #95 ka rawn chibai che. Keini ang hnathawk naran chuan puih theihna che ka nei tlem viau maithei, mahse ka theihnaah Mizo puih hreh ka nei lemlo. Rilru chhe sual tangrang emaw, Mizo tawng theihnghilh der te inih ngawt loh chuan hairehai 😉
97
Alejendro Says:
October 18th, 2011 at 8:05 pm
U Liani a reh daih. 😛
98
sheldon Says:
October 18th, 2011 at 8:10 pm
U Liani… 😛 😀
99
Chhuaklinga Says:
October 18th, 2011 at 8:16 pm
Ku hv a blog a chhiar rih a ni ang.!? 😀
100
Chhuaklinga Says:
October 18th, 2011 at 8:19 pm
100 🙂
101
thiana Says:
October 18th, 2011 at 8:23 pm
Mimal inbeihnaah chuan chhuak lul suh se.
A posttu hian ram leh hnam a vei a, chu chu mi pangngai chunglam tihdan a ni. A bik takin mizo zingah chuan mipate hian kan pi leh pu chen ata tawh khan ram leh hnam hi kan kuta awmah kan dah bik a, a chhiat a thatah a mawh pawh kan phur nasa bik asin.
Zu leh ruih theih thil dangte hian min titawmkai lo takzet a, chu aia nasa chuan hmeichhe hur lutuk leh nawmsakna zawng nasa lutuk hnam (entirnan Nepali) te pawh hi a hmeichhia chauh ni lovin a ram leh hnam huapin an mualpho a ni ber lo’m ni ?
Hnam dangte kan sawi kai ta lai a, a zia lo hle mai.
Insiam that nan i hmang theuh ang u aw… ?
102
mamboihi Says:
October 18th, 2011 at 8:24 pm
Hv hi tunlai I chiangkuang maw? Tawngtai pui I ngai hialin ka hria! Sailova lah chawei ah I sawm a, a hnuah a ministry member te hnena a email negative zawngin I tidarh a, US. Lek phei chuan mi privacy an in zah sak tehlul nen. Tunlai chu thil hi mi reason lam ngaihtuah lo in I la negative zel mai. Sim the!!
103
H.Vangchhia Says:
October 18th, 2011 at 8:35 pm
mamboih, sawi chhan ka nei emaw neilo emaw, mimal beihna ka ziak miahlo ania aw. Chumi chu privacy ka zah sak vang zawk a ni lawm ni le?

Mizo tawng thiam reng si, Mizo tawnga tawng thei a be thin reng siin English hmanga, “In tawng hi tlem tlem ka thiam thin,” intih khum ang kha emaw, Mizo tawng pai der te hi Mizo te hian kan sim a thain ka hria. Hnam thil anih vangin huai takin ka sawi mai a ni.

Privacy inzahsaklo ilang chuan mimal hming leh veng, khua etc. ka ziak lang kelh ang chu mawle. Mi privacy ka zahsak vangin ka ziak tello mai a ni zawk. Tunge anih pawh tu’n an hr tawp nang!

Khawngaihin a negative zawngin min ngaihsak lo hram la ka duh a ni. Mizo te hian hnamdang kan tawngpawng ngaihsan lutuk hi kan sim a hun lutuk tawh reng reng.

Mizo tawng te hi hnamdang tam theiang ber thiamtir tum zawk tur ania sin. Chutiang chuan Mizo kan inchawimawi ani anga, anni pawhin min chawimawi a ni zawk bawk ang.
104
Alejendro Says:
October 18th, 2011 at 8:41 pm
U mamboihi leh U liani hi sap(putar) pasal nei an ni hrim hrim Ka rin dan ka rawn sawi ve mai mai. Tuman huat awih loh.
105
mamboihi Says:
October 18th, 2011 at 8:46 pm
Hv kei pawhin sap tawng broken deuh hlirin ka be toh mai tur. Che ania!!! Chutih hunah chuan ram hnuk thlengpha thil anih avangin mi sawisel ve dup dup ang che!!

Privacy chungchangah chuan tuna I post hming thup vel ka sawi lo. Ka comment khi chhiar leh teh
106
Chhuaklinga Says:
October 18th, 2011 at 8:48 pm
Alejendro@104, anni chu mizotawng an la thiam tal a lawm. (huat awi bik loh, phiamthu)
107
mamboihi Says:
October 18th, 2011 at 8:49 pm
#104 zo tlangval ngat le!!
108
H.Vangchhia Says:
October 18th, 2011 at 8:52 pm
mamboih, I duh leh English broken tak chuan min bia la, ka thiam tawk broken takin ka beve mai ang che hairehai

English a, “In tawng hi tlem tlem ka thiam thin,” i tive anih loh chuan a nuam letling viau tur ania
109
Alejendro Says:
October 18th, 2011 at 8:53 pm
Ka va han risk sual nasa em em. Nula i nih ka lo ring ru deuh a. U liani nen khan unau chu in nilo maw? In thu a inhmu riau mai
110
littlerascal Says:
October 19th, 2011 at 7:53 pm
Comment zel ulaa
111
Lovely Says:
October 21st, 2011 at 7:22 am
U Henry, “Privacy inzahsaklo ilang chuan mimal hming leh veng, khua etc. ka ziak lang kelh ang chu mawle. Mi privacy ka zahsak vangin ka ziak tello mai a ni zawk. Tunge anih pawh tu’n an hr tawp nang!” i tih hi hetiang khopa anih dan ron soi chipchiar chuan hai rual ani dawn em ni?.. Chuan, i soi tam tak khi anilo tih ka hriat pui e. Ka u ani a, nitin kan inbe reng2 a, shap tronga kan in biak ka hre ngailo. Nangpoh ka u i ni a, mahse hetiang em2 a i mizo pui i ti hmingchhe duh hi mak ka ti ngot mai. A duh leh hnamdang chu nei se enge poi? Naupang chhia anilova, hur-herh leh mawilova khawsa anih i hre ngai bok hek lovang.. i hrechiang tak2 anih chuan. An dinhmun hriat pui lova hnamdang an neih vang mai a heti fakauva mizo nula in sawisa thrin hi chu a zialo thrin ngot mai.
112
Chhuaklinga Says:
October 21st, 2011 at 7:30 am
littlerascal@110, an comment leh tan tawh a nia..
113
chhingmam Says:
October 21st, 2011 at 7:40 am
Nia Uu Henry, ka chung-a mi (comment #111) sawi ang hian hnam humhalh niawm taka langa ziak si hian, mimal intih-mualpho na chu anih hi mole…… i sawi chipchiar danah !!!!!!

kan chengho rei ve thawkhat aa, mahse saptawng (vun-rang tawng)-a kan in biak ka hre ngai lo…

“Khawngaihin a negative zawngin min ngaihsak lo hram la”….i -tih hi..negative lama ngaih kher ngai lovin..Amah chu sawi loh a-naute leh thiante tan tak ngial poh hian ana asin.
114
Chhuaklinga Says:
October 21st, 2011 at 7:59 am
Lovely@111, lawks aw..
An dinhmun hriat pui lova hnamdang an neih vang mai a heti fakauva mizo nula in sawisa thrin hi chu azialo thrin ngot mai.

Hnam dang pasal neih ngai khawpin eng ang din hmunah nge a din le? An lo laklawh palh nge? Thil dang vang? te ka lo ti ve mai mai a.
115
Lovely Says:
October 21st, 2011 at 8:09 am
@Chhuaklinga, ‘an lo laklawh palh nge?’ i tih hi a omzia ka hrelo tlats..
116
Chhuaklinga Says:
October 21st, 2011 at 8:18 am
Lovely@115, mizotawnga thu khuh tak a, a lo rai/naupai tihna mai a ni e.
117
Lovely Says:
October 21st, 2011 at 8:30 am
Ohh ok! Ka lawm e.. chutiang lam chu ani lo hlauh! Mitin te hian kan thil tawn hi a in ang lova… chuvang chuan puitling pakhat in a thu tlukna a siam chuan eng ang poh nise in zahsak hi a thra ka ti… an dinhmun kan hriat pui bok silova!
118
H.Vangchhia Says:
October 21st, 2011 at 4:27 pm
Lovely #111 Chutiangin detail pawhin ka ziak lovin ka hria asin mawle. Hnamdang nei leh fa pai emaw nei te hi ka sawisel ngai lovang (period). Ka sawi chhan zawk chu ka sawi ang khi a ni mai, amah pawh ka haw hauhlo. Tih mualpho pawh ka tum heklo. Chumi vanga a hming leh awmna veng/khua pawh ziaklo ka ni. Australia ami daih pawh ka ziak thei asin. In rawn puang chhuak tep zawk anih khi.

Thup thei ang ber tura Hnam pum huapa tha tur emaw tih hi a negative in kan la thin tlat mai a a pawi khawp mai.

Keipawh tlinglo ve thin tak ka ni. tlinlohna theuh kan nei, mahse chumi karah chuan pretending hi alawm Mizo ten kan sim ngai ka tih chu.
119
Lovely Says:
October 21st, 2011 at 8:21 pm
Hnam pum huapa tha tur hi in han ti thla ve leh rawk zel a.. kan hnampui te chanchin mawilo zawnga sawi hi hnam tan a thatna ka hre ve hauhlo pek a kei chu.

Engpohnise, nia a hming leh a awmna chu i soilova.. mahse a hnathoh dan leh kohhrana a in hman dan zawng2 i soi te atang hian a obvious viau lo em ni le? Kan rawn puan chhuah trepna ka hrelo.. mahse puang chhuak trep ang a nangmaha a lan ang khan i thil post hi kan tan chuan a chiang kelhkolh ve tho asin.

Chuan, mihring hi tumah fel famkim kan awm lova, kan awm ngai dawn bok hek lova.. chuvang chuan mi rilru nat theihna tur thil ani tih kan hriat reng soi te hi kan bansan a trul reng asin. Hnam hmangaih vang in inti a.. mihring tel lovin hnam hian hlutna a nei ngut emawnile? Hetianga kan hnampui mihring sawichhe zel chung hian Hnam ka hmangaih engtin nge in tih theih le?

Negative zawng in in la tlat thrin i tih khi chu ka chhang toh lo mai ang che.. comment #113 a chhingmam soi ang khi ani mai e!

Oh btw, i thilsoi hi dik hlom chu nise hetiangin kan rawn chhang kher bok hek lovang che.. thudik i hriat duh chuan nangmah ngeiin va prove ta che (Shap pasal a a neih i soi bak khi a dik a awm poh ka hrelo).
120
H.Vangchhia Says:
October 21st, 2011 at 11:06 pm
Mizo hmeichhia tam zawk hi khawvelah mahni kohhrana inhmang tak anni hlawm asin.

Fel famkim awm love, kan tlinlohna te hi kan in ngaihthiam tlan a, kan in ngaihdam fo a pawimawh. Mahse thil nilo lutuk, mahni tawng thiam loh hi chin loh a tha ka tih vanga rawn ziak mai zawk ka ni.

Inphawrh kilh kelh ka tum love. I facebook inboxah chiang takin ka rawn sawi tawh e.
121
Lovely Says:
October 22nd, 2011 at 3:00 am
Ka u, fb msg lamah rawn kawmen sek lo tur in min ti na a.. heta i post ngei anih avangin, ka u i nihna ah respect viau che mah ila thil nih dan dik tak soifiah law2 tha in ka hria a.. ka ron chhang leh a che. Msg a ka ron soi ang khan I thu lakna a ho deuh anih kha mawle.. patling in a thutak khuk a khuk pui atan chuan a zialo deuh zawng anih kha.

I thu lakna nu hi Mizo nula ani ve tih hre tur in mizo society ah tel ngai hek lo, i ron post chhan poh hian a hre ngailo reng a.. a thohna restaurant a a kal pui, a thianpa nen an in hriat avangin chupa chuan a introduce chawp mai ani. Engti tih a in hre tha ve tak leh thawkho thin anga insoi nge anih eroh ka hrelo.

Nangmah ngeiin “Mizo 4 awm ila (entirna) hnamdang Mizo tawng thiamlo 1 awm ve bawk se, hnamdang 1 awm tawng hriatthiam a inbiak tlan a hawihhawm (polite) in ka hria.” i tih hian i msg a ‘Mizotrong thiamlo chiah nilo, mizo nula ngei poh a biak chu’ i tih hi chu a soifiah thawkhat in ka hria
Engpohnise, hetiang taka ka ron soi chhan hi thildang vang anilova.. thil nih dan felfai taka hrechiang lova mi chanchin website ah te hial pholan hi tha lo ka tih em avanga tlai khaw hnu a rawn kawmen leh vak ka ni e.

Btw, i chhanlet ka beisei lem lo.. i post lo chhiar tute’n thil nih dan an hriat ve nan a ron kawmen ve mai2 ka ni e. Ka lawm e!
122
mamboihi Says:
October 22nd, 2011 at 7:50 am
Helai chu in lo la luangliam ani maw?. Lovely thusawi hi ngun takin zir chiang rawh HV….ka english broken tawka ka rawn chhiatkhum hma che hian!!

Ram leh hnam kan hmangaih dan hi a in ang vek lo ang… Community a contribution nei tlem tlem ho hian tawng lamah an hmangaih tlats zel!!. Action speaks louder than words an ti mi kha?
123
chhingmam Says:
October 22nd, 2011 at 10:06 am
Uu Henry, i source ni-a i sawi kha, ka va bia aa, in tawng tlem2 ka thiam a tih chu Chin (Lai tawng) a thianpa mizotawng poh thiam lo hnen-a a sawi ani ee…Chuan an inhriat ngai loh thu leh a hming rengot a hriat thin thu te min hrilh leh ta zel aa…

Chuan tun-a i thu post poh hi i hnen-a direct aa, a sawi a lo niawm love..
ka lawm ee…(no offensive)
124
pinkii Says:
October 22nd, 2011 at 11:19 pm
Mr. H. Vangchhia, Pa tling ve pui si, mi cung chang ziah hi a va mawi lo ve.. A tih tur neih lo thlak khawp mai! Mahni fate buaipui tur i nei zawk lo maw?!.. by the way that’s not a question..more like a statement :)… Wedding invitation dawng lo vang zawk nge I thinrim a i lo ziak zawk.. anyways mahni hnam pui in, hnam dang a neih vang rih ngawt a in sawi chhiat chu a zahtlak khawp mai.
125
doc_lib Says:
October 22nd, 2011 at 11:38 pm
eu he ti lai chu a lo va hot ve, tran tha leh ang aw
126
Asteric Says:
October 22nd, 2011 at 11:53 pm
Helai chu ka awmloh hlanin thupui inlo vua animaw
127
H.Vangchhia Says:
October 23rd, 2011 at 12:37 am
pinkii #124 (Blexy), Inneih chungchangah Mizo leh hnamdang inneih hi an in hmangaih anih chuan tumah ka sawisel theih a awm lova, ka sawisel ngai bawk hek lovang. Kan chhungte pawh hnamdang nei an awm nawk.

Ka sawi thin erawh chu, “Kan fate/chhungte theuh te hi Zohnahthlak ngei nei a hmangaih tum turin kan fuih thin tur niin ka hriat thu ka sawi thin. Kan fuih kan fuih hnua hnamdang an nei tho anih chuan kan fate an ni a, kan support ngaiin kan support anga, kan enhrang tur pawh ani hek lovang. Chutiang tho chuan eng hnam nei pawh hi kan thlir dan tur niin ka hria. Kan fate kan fuih lova hnamdang an neih chuan kan thiam loh (nu leh pa)ani anga, kan fuih reng kara an neih erawh chuan kan thiamloh a ni tawh lovang,” tiin ka sawi thin. Zirtir loh ngawt chu a tha love , ti zawngin ka sawi thin.

Tin, hnamdang an neih avangin kan ngaihsan phah emaw kan ngaih hniam phah bawk tur ani lovang. Chumi ka sawi chhan chu Mizo tu emaw in, vai emaw midum emaw a neihin kan nuihsawh emaw kan en dan a dang fo thin. Sap an neih erawh chuan kan en sang nghal chawk! Hei hi kan sim a hun a, a mihring mimal zawkin mite kan thlir tur nia ka hriat ka sawi thin fo zawk a ni.

Chutiang chiah chuan he site-ah ngei pawh hian Manipur Hmar emaw Paite emaw, Burma Lai (Pawi) emaw, Paite emaw Burma mi hrim hrim an rawn sawichhiat pawhin, “Mimalin en tum zawk tur,” tia fuihna ka ziah zawk thin hi.

Tumah mimalin khei ka tum lo. Chumi avang chuan hming leh khua leh veng etc. engmah hetah hian tun thleng hian kala sawi langlo a ni. Keimah min rawn chaldelh tute zawk hian ka sawi ahi USA a awm anih in rawn puang vek zawk niin kei chuan ka ngai.

Tin, Mizo society puipun nikhua anih loh chuan thatna lam aiin mi tawrhpui theihna lama kal hi ka duh fo zawk hrim hrim. Keini ang hlawh tlem tan phei chuan hunawl neih a khat a, hunawl insiam tur chuan pawimawh fet angai thin.

Ka ziah chungchang khi ka sawi chhia ani lova, Mizo hmeichhia te hi tawng pai in awlsam hlawm fo thin avangin (Mizo hmeichhia zawng2 erawh ka tilo), “Mizo inkarah tal chuan pai lo thei hram ila,” tia fuihna tawngkam zawk a ni e. Mimala beihna ni lovin entirna a nih zawk chu!
128
kawlhawk Says:
October 23rd, 2011 at 1:07 am
Nu-ho rual khat/ thianza/ chhungkhat an inhawrkhawn… HVa an chuk luai2… A dâng lo naa ni dang ang ngawt chuan a pawr ngam lo… hihiii…

Mimal tihhmingchhiat tumna anga an puh lui tlat khi mak ka ti. Ka hlauh zawng tak, an rawn chim ang huk bawk siaaaa… a source khi hriatchianloh leh fuh lo deuh chu lo awm mah se, a thu laimu khi zir ila, darthlalang atan hmang zawk ang u hmiang..
129
Saitawk Says:
October 23rd, 2011 at 1:12 am
A mimal ang zawng chuan inbei/in sawilo ila, ‘tu emawni’ kan ti a nih chuan thuhran. Chhungkua leh hnam level in kan duhthusam leh kan duhdan kan sawi thin a, kan duhthusam chu sawiloh kan duhloh ber anga thil a lo awm anih pawn khawi hmunah pawh awm ila mizo leh mizo, duhlian tawng hmang theuh theuh chu in hmusit lo in indawmkang zawk hram ang u.
Tin, zo hnahthlak te tan chuan mizotawng hi vawrh darh theilo mah ila a tul huna hman hi kan bat ah i ngai ang u.
Silchar vai ho in theihtawp a mizotawng an zir laia kan lo hman hreh mai ten a dik nang!
Tin, a Post ah khian hming leh khua leh veng(Nula pakhat, Aizawl, Mizoram a piang a seilian tih loh) sawi fak fakna chiang tak ka hmulo, mahse pan lovah tho a fu ngailo an tia lawm upa te’n.
130
kawlhawk Says:
October 23rd, 2011 at 1:17 am
Buichhia laih lohin a inpuang thelh alawm le…

Nula 1, Azl mizorama pianga seilian, kohhrana inhmang ve tak chu an tam e…
131
Asteric Says:
October 23rd, 2011 at 1:22 am
hahaha….Hmeichhe pali leh mipa pakhat an inbei a nimaw

han tang zel teh u, kan lo chhiar zel anga thu thlukna fahrah te te kan lo chhawp chhuak ve zel ang
132
H.Vangchhia Says:
October 23rd, 2011 at 1:23 am
Asteric, a in fuihpawrhna chi loh lutuk
133
Lamji Says:
October 23rd, 2011 at 1:51 am
Pu Hva vs Desperate Housewives???
Guilt ilo neih phah ange aw i tih tur tak i ti e Pu H.
US mizo te hi ngati nge nangmahni chhungkua hi in in khei neuh2 reng a.,..Pu Hva anga ram leh hnam hmangaih hi in awm ve em?sap in ngaihsan hmel hlawm! sap a in piang lo te hi Pathian te hi in dem thin lo maw? a mal te2 in ka la rawn kuk ang che u. :khu luih,bo nghal:
134
Asteric Says:
October 23rd, 2011 at 2:01 am
#132@ Pu HV ka tan che lawmmm i hnialpui te rilru put hmang tur khi ka lo suangtuah/estimate thiam vek tawh Hairehai….

:bo leh lawk:
135
lrpa Says:
October 23rd, 2011 at 3:06 am
A post khi ka chhiar nawn leh a! Khawi laiah khian nge inngaihbel theihna lai a awm le? An lo in ngaihbel talh anih chuan dik fumfe zan lo chu a awm ani mahna.
Pu HV a hrilh lehchhawng tute hian thu an uar mah mah em ni? nge Pu Hv a hian an sawi a hresual nge(ka awih chiah lo)? Nge kan nula-i hi hemi ni hian a tum reng nilo in a lo che sap over deuh em ni?
Engpawhise, he post hi entirna mai ani a, mahni hnam dan tha leh tawngte, khawi hmunah pawh awm ila, eng hna pawh thawk ila kan theihnghilh ngai tur ani lo ve.
136
H.Vangchhia Says:
October 23rd, 2011 at 3:13 am
A tawk tawh e, a tawk tawh e