Mizoram Deficit Mission Schools Association (MDMSA) chuan an thil phût leh mass casual leave an lak mek chungchanga Ningani tlaia Education Minister, Lalsawta nen an inbiak hnuah, Minister-in thu lawmawm a sawi hmuh theih loh avangin, November 8 thlenga an thil phûtah thu lawmawm an hmuh loh chuan November 8, Thawhlehni atangin tiam chin awm loa chawlh (indefinite strike) an tum.
MDMSA-in CM an ngennate:
1. 6th. Pay (ROP 2010) arrear-te nen pek theih hun tur sawi chian.
2. Kum 2000 leh 2002-a lâk contract lecturer 49-te deficit hlawh pangngai la thei tura chak taka hma lak.
3. Pension & leh thil danga hamthatna thu-ah, Education Reforms Commission leh Group of Experts-te recommend ang leh ram chhung state danga aided mission school/college anga tih ve.
4. Mission school office-a thawkte Modified ACP hmang ve thei loa siam bik sût.
5. Hlawh lâkna head hran Non-Plan emaw, Sub-Head of Account hran emaw siamsak.
Similar Posts:
- He thu hian ngeng a chhun thuai thuai nia
- Deficit Mission School-a thawktu te’n harsatna an tawk e
- Aizawl Municipal Council inthlanna tura candidate ten Election Commission thupek an zawm lo
- Sum chingpen vangin DEO 5 suspend
- National Education Day
November 5th, 2011 at 12:18 pm
Report this comment
November 5th, 2011 at 12:22 pm
Sawrkar hian ngaihsak se ava tha em. Mission School tam tak hi chu, deficit lo mahse Fee structure an mahni independent na khawp siam thei khawpa lian anni si a..Baka Mizoram tan hi chuan Mizoram zirna atan an thawhhlawk deuh ber si a..
Report this comment
November 5th, 2011 at 12:33 pm
Tiam chin awm lova an chawlh chuan an school naupangte an va khawngaihthlak awm ve le. Strike kherlo a nawrdan a awm awm sia.
Report this comment
November 5th, 2011 at 12:39 pm
#3 Ni ngawt mai,mahse hetiang em an thlen hma hian sawrkarah vawi engemaw zat an thlen tawh a, lohtheihloh chin an thleng ve tawh a nih ber hi……… mizorama zirna(school education) bul tantu leh sawrkarin zirna a lak hnu pawh a tun thlenga contribution heti zat zat la nei thei hi sawkar hian a duat lo ve deuh a tin a ni…………
MDMSA hian CBSE zawm san ta sela enge a an ang aw!!!
Report this comment
November 5th, 2011 at 12:55 pm
Ruata Pachuau: Duat lo tak a ni! Post hmasa zawka an sawi ang khan thawktute hi mihring ve tho an nia kohhrana an thawh avangin tuar thei bik leh hlamchhiah pawi ti nep deuh tur angin an ngai deuh ringawt hi thil tha lo tak a ni.
Tih tak emah chuan tun hman zawng zawng sikul naupang kan nih ve lai khan Sorkar sikul an strike paw’n an strike ve ngai lo. Chu mai a ni ne’m sorkara lungawilohna lantir nan batch dum bel tura sorkar sikul lamin an nawr chang pawh khan pakhatte mahin an bel lo. MZP beisei angin sawrkar lakah zirlaite’n lungawi lohna kan lantir ngai miah lo bawk. Chuti khawp chuan thuneitute an zah a ni.
Khati khawp khan a dawh a, tunah chuan a vawrtawp a thleng ve tawh a nih hi. Thawktute inpekna ang zawnga chhut phei chuan an phu em em a ni.
Tun hnaiah hian an ching fel lo a nih chuan a nghawng chu a pawi zel ang. Tin, anmahni hian thawktu tha pawh an van deuh deuh ang. A tawngtu leh changtu nih hian a chiang ang. Department dang pawh an nuar fo a, zirtirtu an nih avang hian kan hmusual nghal ngawt zel hi a fuh lo.
Nuar rawh se a tul a nih hi. An duh chu an ti thei tho zel alawm. Zirna hi hlamchhiah lutuk mai! Naupangin an tuar tur lai erawh ka ngai ngam lo hle. A tul miau sia.
Report this comment
November 5th, 2011 at 12:56 pm
Sorkarin shum an nei toh leu … Naupang tawrhna tur bak a thleng don lo …. buaithlak em mai
Report this comment
November 5th, 2011 at 1:05 pm
Session lai kha chuan minister khan hetia rawngbawtu rilru pu a an thawh hian zirna lamah hma kan sawn zawk ti ang deuh khan a sawi a, khati a nih avanga sawrkar hnathawkte anga vulh chiam lo khan a sawi sia(a tawngkam chiah ka quote thei ta lo) …………… tunah lem sawrkar in sum a nei lo an tih san leh sia, ngaithuah chian poh leh nuih te pawh a ti za rum rum e.
Report this comment
November 5th, 2011 at 1:35 pm
Hahthlak tlang ve, sawrkara in nghatlo tura ngaihte pawn sawrkar sawrkar kar kar….
Hmanlai kha chuan khua, veng hmasawnnan hnatlang khan an thawk thin kha a ni ngai a.
Report this comment
November 5th, 2011 at 1:46 pm
@PC-a, Deficit a ni e, sawrkara innghat turin lo beisei phawt mai teh………………. Deficit nilo kohhran enkawl liau liau chu an tel velo..
Report this comment
November 5th, 2011 at 1:52 pm
An School naupang ka niang tih ka hlau, board exam tur ka nih phei chuan. .
Report this comment
November 5th, 2011 at 2:07 pm
#10: Ni ngawt mai. Mahse kum kha leh chen anmahni avangin zirlaite’n malsawmna nasa tak an lo dawng tawh a. Anmahni avangin kum khat na na na chu an pek ve a ngai a nih hmel hi maw..
Report this comment
November 5th, 2011 at 2:11 pm
Ral atanga lo thlirtu te pawhin a nghawng tur kan hmu riak ruak a, an sikul naupang nih pawh kan hlauh a nia, mutmawh hnarmawh a lo nei tawh, thawktu leh zirlaite tan chuan mangan thlak deuh tur a sin.
Report this comment
November 5th, 2011 at 3:03 pm
An zak deuh hlek a ngem aw ka ti MDMS zirtirtu te hi… Eng harsatna tawpkhawk pawh tawk se indefinite strike tih vel huaihawt turah ka lo ngai ngai lo a.
Report this comment
November 5th, 2011 at 3:23 pm
Ruata pachuau @Engngatinge sawrkarah an intukluh tehreng ni. Enkawl zawhloh tur Schcool an din em ni.
Kihhnawk a nih khi kihhnawk. Enkawl zawhloh tur District inpeknen a lem chuanglo.
Report this comment
November 5th, 2011 at 3:35 pm
#14 chutia kan ti zel dawn te nih chuan engatinge kalpui zo leh tur lo te chuan sawrkarna an chuh teh reng ni.
Report this comment
November 5th, 2011 at 3:37 pm
#15: Tha lutuk!
@PC: Pa thei em mai aw.
Report this comment
November 5th, 2011 at 3:40 pm
oooo…an khawngaihthlak viau na a mahse anni aia khawngaihthlak ve leh chhawng school naupang berh ve tak2 te an va triple khawngiahthlak ve ooo….strike suh se, duh leh education minsiter office kawtah va hunger strike se…naupang ho school off tir te chu pawi tak ani pawi tak
Report this comment
November 5th, 2011 at 4:03 pm
School Naupang la ni ta ila, Kan teacher te hi an strike lo ang tih ka hlau ngawt ang. Indefinite Holiday(s) a ni mai don sia. Mahse ka tan a tha lo a ni tih chu ka man Pha awm der si lo.
A tu emaw zawk zawk hi an inphah hniam loh chuan NAUPANG hi a tuar nasa ber tur chu an nih hmel.
Report this comment
November 5th, 2011 at 4:15 pm
Zuala comment a ni bawk a. Ngam tlakah thil sawifiah ka’n tum chhin dawn teh ang.
Zirnaah hian zirtirtute hi eng ang takin nge kan dah pawimawh tih hi tunah pawh hian ka zawhna a ni leh a ni. Naupang aiin a let tam takin an pawimawh a. Zirna sikul that leh that loh pawh hi naupang vang ni lovin zirtirtute vang liau liau a ni zawk. An thuneihna pawh a sang a, naupang thatna thlentu an nih ang bawk hian naupang ti tha lo thei pawh an ni reng a ni. Tunah pawh hian a lang chiang reng mai.
Zirtitute an pawimawh a nih chuan an lungawina hi kan hriatthiampui a tul bawk tur a ni. Tunhma atang daih tawhin he thil hi a tan tawh a. Tihsak ve mai an nih loh avngin hetiang hi an thleng ni tain a lang.
Tunah hian kum khat naupang zirna tihchhiat loh avanga zirtirtute lungawi vak lo a thawk reng an nih ai chuan kum khat tuar tlawk mai hi ka la thlang fan. A chhan chu zelthel deuhin naupang tuar tel lovin sorkar hi nawr ta se, an hlawhtling lo leh ngei ang a. Chumi hrinchhuah chu zawi zawiin naupangin an tuar dawn tihna a ni mai. Kum tamtak an tuar ai chuan kum khatah pawh November thla chhung hi han tuar tlawk mai sela tha ka tih ve dan.
Zirtirtu pawimawhna ngaihtuah ran chungin relative takin thil thlir a ngaiin ka hria. Sai len zia leh rihzia ngaihtuah chuan kg 1 hi eng tham mah a ni lo. Chutiang vel chu a ni. Isua lo kal leh hmaa naupang zirtirtute hi an dinhmun ngaihtuah chuan naupangin tun sessiona an tuar hi kei engah vak ka ngai hlei nem. Mahse rangkachak gram 40 atanga gram khat lek lak chu pawi leh em em thung si. Chhut chian ngai tak a ni. Zirtirtute hi an pawimawh e. Kan rama mi pawimawh tawpkhawk an ni. Min tibuai theitu pawh anmahni bawk an ni.
Report this comment
November 5th, 2011 at 4:16 pm
Naupangin an tuar ang. Mahse, an chanvo an karchhuahna kawngah Sorkar beng hawlh pha tur chuan tuartu an awm a ngai aniang chu. Hman atanga he thil hi awm tawh ani a, Sorkar hian a tihtur chu ti mai se. Ka line lam a ni lova, enge an thu leh hla chiah pawh hi ka hre lova, mahse, Zirtirtu te an lung a awilo anih chuan ’cause’ solid tak a awm ani mai.
Ka sawi tawh – Zirtirtu hna hi ‘Noble Profession’ ka tia.
Report this comment
November 5th, 2011 at 6:49 pm
Kohhrana thawk tih vangin “Biang lehlama bengtu che chu lehlam pawh dawh rawh” tiin an dawh zel a, dawh tur pawh an nei tawh lo. “I tukkhum pawh dawh tel rawh…” tih ziak a awm tawh bik si lova, LOH THEIH LOH hun an thleng ta a nih ber mai hi a.
A kuma kum tel mai pawh ni lo, kum 7 vel kalta atang khan sorkar nena inbiakrem hi an tum thin a, an hlawhchham zel chungin tun ang hun hi chu an lo hel lui hram 2 thin niin ka kria.
Report this comment
November 5th, 2011 at 7:18 pm
zirna ah hian zirtirtu te hi an pawimawh zawk kan ti thei ang……hei vang hian a nia sikul tha kan pan thin ni….tuna zoram fa uhawm tak tak min chherchhuahak tu kan mission sikul te kan hlamchhiah hi chuan pu HK Bawihchhuaka vission nen khan a va in mil awmlo em aw ka ti deuh a ni. A chhan chu kohhran sikul ni tho mahse zirlai mipui te kalnb sikul an nih avangin hlamchhiah theih an ni chiah em ka ti deuh a ni. Sorkar atanga h;awh la lo pawh hian uh nise la chuan fee khawn in ti ve thei an ni lutuk mahse chutiang chuan tita e a dem ber tur ka ni lawi si ang. Ngatinge an hamthatn sorkarin a pektur hi a pek mai loh le. An fate ho phaiah an dah theih vang em ni ang le……..
Report this comment
November 5th, 2011 at 7:21 pm
comment apiang lo chhiar ve phawt mai teh ang
Report this comment
November 5th, 2011 at 7:21 pm
An Demand ang zawng zawng khi Sawrkar hian tihlawhtling vek ta se, “Deficit System” an nihna hi “Govt.Manage School” nen danglamna a awm chuang awm love ka ti.
Sikul Management hrang hrang te : 1) Govt Manage. 2) Deficit System 3) Adhoc- grant in Aid 4) Lumpsum Grant in Aid 5) Purely Private.
Report this comment
November 5th, 2011 at 7:56 pm
Nuar vak mah se pawisa a awm tlat lo va. Tih dan thar ngaihtuah teh ang. Sorkarah hian pawisa siamna khawl emaw pawisa thei (money tree) hralh ila. Tute emaw thamna tam tawk kan pek chuan toilet van hralhtute ang khan a hralh theih ka ring tlat. tactic thiam a ngai.
Report this comment
November 5th, 2011 at 7:57 pm
#19, 22 : Zirnaah hian naupangte nge pawimawh zirtirtute tih hi chu an pawimawh dan an in ang reng ka tia. Sorkar hian tunge angaih pawimawh zawk ang aw. .? Sorkar phei chuan zirlaite angai pawimawh zawk anih ka ring.
Report this comment
November 5th, 2011 at 7:59 pm
Awm ka tih puiin, ka thlawp khawp mai. Mahse, kan sawrkar ding lai hian nawrh hi eng he hu-ah a ngai lo thin riau mai a; engtin tak thu hi kal zel ang maw? Lo ral thlir ve ngawt phawt ila..
Report this comment
November 5th, 2011 at 8:13 pm
An thilphut khi alo tha em a ni khi. Point No 1 leh 2 vel khi chuan Sawrkar hmel ati mawi lem lo.Point dang zawng khi chu Sawrkar hna nghet nei Zirtirtu te anga awm tum na a ni mai lawm ni?.
Report this comment
November 5th, 2011 at 9:37 pm
Khawnge ka hriat chin chin ka’n thawh ve ang e.
Mission School te hi kum 1985 khan khatih hunlaia sorkar khan Deficit status-a a hnuh luh a ni a. Sorkar pay ang thlapa hlawh la-in retirement benefits leh other service benefits erawh pek an ni lova. Hetiang dinhmuna an din hi kum 26 a tling ta. Sorkara hlawh thar 4th pay leh 5th pay te pawh sorkar zirtirtute ruala pek an ni a. Tunah hian govt zirtirtute’n 1st Jan, 2009 atanga hlawh thar an lak tawh laia 5th pay hlawh an la reng bik mai hi chu a mak a, chubakah hlawh lak a regular lova, thla 3 thla 4 dawn laite hlawh nei lovin an awm fo mai a. Mission school-a thawk ni mah se chhungkaw chawm ve tho te an ni si a. 6th pay hnuah thil man tinreng a sang tawh si a, chuvangin kan sorkar hian zirna a ngaipawimawh tak tak a nih chuan mission school zirtirtute an chanvo an pek ngei hi a awm ve ngawih ngawih a ni.
Mission school-a thawk an nih vanga an tuar reng bik hi a fair lo ve a nia! Zoram zirnaa an thawh hlawk teh lul nen… Sorkar-in kha leh chen hlawh a lo pe tawh sa sa, zirna a lo that zel nan an demand ang hi pek thuai an phu ka ti e.
Report this comment
November 5th, 2011 at 11:22 pm
Sawrkarin a ngaihsak lo ani dawn amawnile te ka ti. Minister meuh hmaichhanah an ti ti pui a, lungawi lovin an chhuak a nih hmel a, Minister chuan theih tawp a hmin a tum ve ngei chu ka ring tho.
An duh leh phut,te ang a pe lo mai aniang, phut an ngah ve em bawk anih khi mawle. Sikul naupang an la nawrhsan zui.
Report this comment
November 6th, 2011 at 6:09 am
#29, ka hriat ve dan tlem. Church- Govt Manage School ( Deficit) then khat hi chuan 1st.Sept.2003 a Sawrkar in Govt Status a a dah dawn khan, Option a pe vek a, Govt.System a awm kha an duh lo a nih kha.A chhan leh vang phei chu tam tak a awm ang a, tin, Deficit school thenkhat eg: Dawrpui school te ang pawh khan Govt hnuaia awm kha an duhlo zawk bawk.
Kohhran enkawl, (Mission School) Deficit Status a awm te an han nuar mai tur hi chu “Mission Mode” lo deuh em le te ka lo ti mai a sin.!
Report this comment
November 6th, 2011 at 5:10 pm
@Nghatunval: A nih leh Kohhran chuan Sorkar hnenah thuneihna pe pumhlum ta se i tihna em ni? Heti khawp hian sorkar sikul chhiat zia kan hria a. A takin chhungkua leh mimalin kan tawng mek bawk a. Chutih laia Kohhran enkawl sikul, sorkar thuneihna hnuaia dah tum chu thil tih chi a ni miah lo vang. Sikul zawng zawng hi Sorkarin a enkawl a nih chuan department tawp tawpkhawk a ni lovang tih tunge sawi thei? PWD nen hian kan sawi huai huai mai ang e…
An thil ngiat avang hian sorkar hnuaia thawkte hamthtna chu an la pha lo deuh ang. Tin, lo pha teh reng pawh ni se engmah thik tur a awm lem lo ve. Sorkar hnuaia zirtirtu tamtakte nen an inpekna leh taimakna khaikhinin a inthlau em mai!
Report this comment