Nimin leh vawiina ka thil tawn mak ka tih ve deuh mai mai pahnihte:-
1. 12km vela hla-a thil lei tura kal tumin bus-ah ka chuang lut ve rawi a. Bus conductor-in a fare a lo khawn a, cheng thum nawi ka neih loh avangin, cheng sawm pek ka tum a, a la duh lo. A nawi kir tur ka nei lo tiin, cheng thum pe turin min ti. Ka indap vel a, ka neih nawi ber chu cheng sawm tho a ni. Tichuan, a dang ka neih si loh avang chuan cheng sawm chu pek ka’n tum leh a. An tawnga tawng nuap nuap chung hian ka pawisa chu a nawi min kir pawh tum tawh loin a la ta hmak a. Chumi kan indawrna vel hriain ka bula ding, vaipa pakhat ve mai, tunhmaa ka la hmuh ngai reng reng loh chu a indap mawlh mawlh a, cheng thum nawi hi rawn phawrhin “Hei hi pe rawh”, a rawn ti ta mai. Mak ka va ti em!
Vai ramah hun engemaw chen chu ka awm ve ta a, pawisa an ren thiam leh cheng khat pawh an hman mai mai lohzia ka hre ve fu. Mahse, ka la hmuh ngai reng reng loh, Mizoramah chuan vai chhepa kan tih mai tur, ka bus chuanna-a rawn chuang ve mai chuan ka bus fare tur cheng thum mi rawn pe ringawt hi mak ka ti a ni. Tam tak zawng a ni lo; mahse, hnamdang hriatngai miah loh lehnghal ina hetianga mi rawn tanpui ta mai hi mak ka ti riau. Kan ramah kei Mizo, Kristian, mite tanpui tura kum tam tak zirtirna dawng tawh hian vai ka hriat ngai loh lehnghal chungah chuan ka tih ka rin loh avangin a mak ka ti!
2. Ka kawmngeih ve deuh mai, ka thianpa, vaipa nen chuan dawra thil ei tura kan kalna lamah State dang mi heta awm ve tho hi kan tawk a. Reilote ka biak hnuin kan kal leh mai a. Ka thianpa chuan “State dang mi i ti sia, engtin nge Mizotawng a thiam a?” tiin mi zawt a. Kei chuan “A nu Mizo a lawm” ka lo ti sam et a!! Mak a ti ta hle mai! “A nu Mizo a lawm”, ka tih mai chuan kan Mizo hmeichhiate hian hnamdang pasal neih/ngaihzawn hi kan pawi ti vak lo a nih dawn hi tiin a inngaihtuah a ni chek ang chu! “Mizo are the great! hnamdang an nei thei a, kan hmeichhia te hi chuan hnamdang pasal neih chu sawi loh ngaihzawn mai mai pawh an duh lo; society, nunphung, ei leh in, hmel inang lo em em hnamdang chu kan hnam hmeichhiate hian an neih ka la hre lo a, an neih pawh ka ring lo” a ti ta mai. Kan Mizo hmeichhe pathum an hnam mipa pasala nei ka hriatte ngei hi hrilh phei ila chuan mak a ti zual khawp ang! Awle, kan Mizo hmeichhe thenkhatten hnamdang, vai pasal an nei, ka vai thianpa’n mak a ti hi a mak ka ti!
Similar Posts:
- Hnamdang ka neih chuan ka hnam ka phatsan
- Naya pawisa
- Khawnge pawisa nawi?
- WT*B* Wednesday: Vai phakar?
- “I âw-ah a âw ka hre thei asin!”
(Y)
November 14th, 2011 at 11:58 pm
@rose, tinge hmanah khan min hrilh loh..hehe. DNS turin GA kan nau pakhatah an hmang a, Cardiac arrest, revive after 22 minutes. Shocking teh mai ania. GA leh LA option a awm tih kan hrelo. Heng vang te hi ania Doctor ka ni chak ka tih kha
Report this comment
November 15th, 2011 at 12:02 am
Hmanah khan hriat i mamawh tih ka lo hre lo a nih chu. Van pawi ve aw.hriat i mamawh hunah chuan ka hrilh ngei ngei tawh ang che.
I nau chu va pawi ve awwww. Daktawr nih ka chak lutuk. Misual zawng zawng zingah hian ka chak ber ang
Report this comment
November 15th, 2011 at 12:05 am
Misual Doctor hi ni ila chu ka tangkai ngawt ang. Tihian Online consultation a ni mai dawn ania
Report this comment
November 15th, 2011 at 12:07 am
@sheldon hi daktawr a nilo chung hian a chhawr na-awm riau mai.
Report this comment