(1) Veng danga mite leh khualkhuaa mite fak aiin thenawmpa sawisel loh nih hi a hlu zawk a, dawn a har zawk bawk.
2) A tam zawk hi chu kan incheina atang ai mahin kan bawlhhlawhbawm atang kan nihna leh kan khawsak phung a chiang zawk.
3) Mi che fel thlip thlep aiin mi che dawngdah deuh hian dawhtheihna an ngah zawk.
4) Miin finna leh mahni inhriatchianna a nei tak tak a nih ngai chuan kawng dik a zawh lo thei lo, mahni inhmufiah tura inbih ngam hi a har a, mi min bihchianna phei chu kan dawl zo mang mang lo; mahni tana pawi leh mi dang tana pawi tih hreh hauh lote hi zir sangin fing angin lang mahse an fing lo a ni.
5) Thenkhatin hlawhchhama an inngaihna chhan hi an tum ram an thlen loh vang a ni lo va, tum an neih loh vang zawk a ni.
6) Inang veka en hian mi rethei zawkten ‘mi hausa’ a duhsak an ti a, duhsak zawk deuha en hian ‘thlei bik a nei lo’ an ti a, mi hausaten ‘a fel khawp mai rethei zawkte a ngaihsak a’ an ti thung a. Retheite duhsak zawka en hi Pathian ngaihah pawh a lo sual lo va, Mi hausa zawkte hlei hlei an lawm.
7) Sawisel thiam takte hi an that bik vang a ni lo va, an rilru kawi leh tawngkam thiam a thawk kawp a ni chawk. Hriat apiang phuh chhuak phawng phawngte hi hre thuk anga sawi an duh vang a ni fo, mi dahlau an ni.
Puipun nikhuaa Camera lek chhuaka la ve chuai chuai ziah mahse a hnuleh hmuh tur awm si lo hi khawtinah an awm ve chawk a, hengho hian ‘ka ti ang’ an tih hi an ti mang mang lo.
9) Chhungkaw khawsaknaah pawisa hman thiam a pawimawh, a lo luh tam lamah a innghat ber lo va, a lut chhun lo hman thiam(manage) kha hlu ber lai chu a ni.
10) Tute tawngkam emaw vanga mi dang ngaisang chiamte hian mi tawngkam avang vekin an ngainep leh chiam mai thin. Mi dang tawngkam avangin hoteah an hlim a, hoteah an lungawi lo leh mai bawk thin; an nun leh thenrualte an inzawm tlat avangin rual an pawl a, an hre zul a, hriat thuk deuh lai bik erawh an nei hran lo.
11) Zahzumna hi chapona avanga lo awm a ni(helh kan awm ngei ang)mite min ngaihdan tur kan dawn chiam avang leh kan nih tur ang kan suangtuah sang lutuk a ni thei. Ruih sulah an chapo viau thin a, harhfimin an zumzuk leh tlat bawk. Phak lo anga indah hnua intarlan ngam lohna tak kha chapona hawlphum chu a ni.
Bonus:- (Thalaite tan)Nula tlangval inkarah inhuatna a awm chuan-chu huatna chu a kal a kal a, chu chuan ‘notice’ a keng tel a; chu inenbingna chuan mak tihna a thlen a, mak chuan a aia tha zawk ze dangdai a hmuhtir a; ze dangdai chuan thlir zel a tichak a, chu chuan hreh ru tak chungin hmuh fo a chaktir leh a, hmuh fo chuan a ta neihtir a, thikthu a lo piang a, hmangaihnain a rawn chhin a.
Awih lo mahla M&B phuahtute khan an lo hre khawp mai. Logic-Nula duhzawng i neih chuan inhuattir vak mai rawh. Nula fing chuan an tlangval duh ngawih ngawih an chhai(ruk) tluk theih reng reng lohte an hneh thei tlat; an tawp thut a, an awm mai mai a, mipa rilrua ta neihna kha an paih vek a-confidence an hlohtir a, confidence a bo tawh chuan mipa lam kha takna nen siruk lain a rawn thawk leh a, a hun takah an lo che phat mai thin. Logic- Tlangval i duh ngawih ngawihin a la serious lo che a nih chuan a confidence paihsak vek rawh.
Similar Posts:
- Ziak Lo Thei Ka Ni Lo
- Kawngbo (Sunday pual)
- Darthlalang Sawm
- Thlasik Malsawmtu
- CM hi MLA leh Ministers te hian an hlau em ni? From a neutral point of view.
November 7th, 2011 at 5:02 pm
Sawi chiah ila
November 7th, 2011 at 5:03 pm
ava dik hmel hlawm thlap2 ve aw.. esp point no. 9 leh 10 khi.
November 7th, 2011 at 5:14 pm
Thra hlom fak2 ve. In atchilh bur loh leh induh huam2 loh hi inkawprei theihna thuruk zuk ni tlat pek a.
November 7th, 2011 at 5:14 pm
A va dik hlawm ve le. (y)
tren tren.
November 7th, 2011 at 5:15 pm
(H) khi ka duh… mitthla theih pawh ka nei nghal hairehai 😉 Tin, #9, 10 khi tha ka ti bawk. Mahse, #3 na leh #7na khi a felhlel deuh ka ti ve mai mai.
#3 Ka che fel thlip thlep khawp mai. Aizawl a ka parawl lai pawh khan ka thingphel chhuat kha a tle hlarh reng a, thuamhnaw zam niai nuai a awm ngai miahlo tluk a ni ang. Dawhtheihna ka nei phianin ka inhre lawi si! :-S
#7 Mi huaisen te chuan thup lem lovin an ram tana tha tura an ngaih chu an auchhuah pui thin. Thiante leh chhungten “atthlak fâl” tih vanga tawp tura an ngen pawhin ram tan a tha tura angaihah a ngawi ngai lovang. Insual lam a huai lo pawh ram tan mi huaisen ber a ni thei bawk.
vakulM&B i chhiar thin elaw hairehai 😛
November 7th, 2011 at 5:19 pm
Dik leh ril hlawm tak a nih hi le! Hlawkna 1 tal chharchhuah tum hlawm teh ang u hmiang!
November 7th, 2011 at 5:22 pm
E! A va tha hlawm ve. 3-na khi a dik duh riau asin 🙂
November 7th, 2011 at 5:24 pm
ok 😉 #3 khi ka thlawp
November 7th, 2011 at 5:29 pm
zuala #5 a ka ziak khi han chhiar chhin teh ahems 😉 😛
Ka pajama thlengin ka thlep thlap thlap 😛
November 7th, 2011 at 5:38 pm
3 khi ka hriat ve chinah a dik ka ti lutuk.
November 7th, 2011 at 5:39 pm
#9 eich vee….ka tawp loa mahse ka che fel thlip thlep lo khawp mai…mahse cooking chu ka thiam bawn hehe
November 7th, 2011 at 5:45 pm
Thu tha chhiar hnem na na na chuan nuna seng luh a mual mual a awm thin. He post pawh hi a tha ka ti khawp mai. Misual.comer nih hi ka tan a tha a ni.
tren tren.
November 7th, 2011 at 5:49 pm
Ka thenawmpa fapa mal a thih ni chuan, thinlung takin ka tawrhpui a. Ka tahpui bawk a. A hnu kum 5 velah, ka in aia lian leh tha an rawn sa ta luah mai chu, “hmui” chiahin ka lawmpui.
A zirtir : Thinlung taka tapte tahpui aiin lawmte lawmpui a har zawk!
November 7th, 2011 at 5:55 pm
Post tha hle mai.
Mi rinawm apiangin a kianga awm ve te rinawm turah an ngai tlat a. Chutiang zelin mi chapo apiangin mi dang chapo ve turah an ngai tlat bawk. Mi rilru put hmang kan hmuh dan hian kan mizia diktak a ti lang thin. Mi phawk- innocent an tih ang ho rilru hi a thianghlim ber.
Tin, thawhhona anga mi zia man tum tlat hi thil tullo lutuk pakhat a ni ve thei bawk. Ze chi hrang hrang nei vek kan ni a. Chumi mil chuan kan khawsa theuh a. A zavai belhbawm chuan nunphung awmzia tak a lo siam zawk a ni. Mi dangte miziaa buai ai chuan ‘Enge an thawhchhuah? Midangte tan enge an tih ve?’ tih lampang hi chhut zawk thin ila a hlu ber mai.
Post tu, ngamtlakah ka’n ti hluai a ni e! I post khian min chhun kawrh alawm… Ka ngaih ve dan mahse sawichhuah tam lutuk lem loh ka lo auchhuah pui ve a nih khi. Miin an lo tangkai pui takin.
November 7th, 2011 at 6:28 pm
Tha hlawm khawp mai. 5-na tih loh khi chu a dik hlawm khawp in ka hria. Tin, min ngei deuh emaw, min haw deuh tu hi ka la ngaizawng miah lo. Khitiang khi anih ngai chuan a ruk a min lo duh deuh tu an awm nual dawn anih hi! 😀 (Y)
November 7th, 2011 at 6:30 pm
A tha lo zawng hi ka nihna vek a ni a, ka ni tih ka inhriatna hi ka huaisenna a ni ve tlat ka ziah chhuah theih phah.
Hv. Kan tleirawl lai khan ka hmuh apiang kha ka chhiar mai, thingtlang product ka ni a, ka hmu tam lo mai pawh a.
November 7th, 2011 at 6:36 pm
A van tha dap2 em ve aw… (Y)
November 7th, 2011 at 6:38 pm
Keimah leh keimah ka inhmuh fiah theih nan ka hma ah rorel thiam vakulin darthlalang min rawn chhawp chhuahsak anih hi. Point tinte khi an va’n tha hlawm tak em.
November 7th, 2011 at 6:43 pm
Mahni post a chhuah meuh chuan nupui fanau mut hun nghah a hmanawmloh maw:-D
Lehkhabu hi chu – eng bu pawh, M&B te pawh chhiar vek tur, peih chuan, chhiar loh aiin a tha. Bonus khi, inhuatna avanga ‘notice’ hlawh ai chuan ‘respect’ vanga notice hlawh ka thlang e.
November 7th, 2011 at 6:45 pm
dik hmel hlawm fuuu ni.
November 7th, 2011 at 6:49 pm
a va tha hlawm ve . a nih duh hmel hlawm khawp mai . (Y) .
November 7th, 2011 at 6:57 pm
A dik hmel hlawm khawp mai. Misual.com a post thenkhat leh comment thenkhat avang hian, ka lo perfect loh zia te ka inhmu chhuak fo thin a, ka motive a dik em? (a bikin Ks, ruihhlo zuar/ngawl vei leh pawngsual tu te lakah) tìh te pawh ka in check ta fo mai.(a duh rum chi ka ni si a). Pu Vakula post hi hringnun zir nan a tha thin khawp mai. A tlangval laiin nulain an huphurh deuh thin angem aw? Ka ti deuh thin. A chet fel thlip thlep duh hmel riau thin aaa…
November 7th, 2011 at 6:58 pm
Tha hlawm ve aw, a bik takin 3 na, 11 na saw chu ka anih ka ring chiahlo.
November 7th, 2011 at 7:10 pm
I sawi tha em mai I sawi ve ni ni fo rawh se. A kawm siama ‘Thufing Bu’ tih tlak a ni e.
November 7th, 2011 at 7:13 pm
#3 na khi ka duh lutuk, keimah ah chuan a dik khups mai. A tha vel vei vek mai, Nuih te pawh a za zawk dawn a lawm le. :-O
November 7th, 2011 at 7:18 pm
Nula chungchang i sawi khi apply natur ka nei tha khawpmai. hihihi 😛
November 7th, 2011 at 7:21 pm
A nih duh hlawm hmel viau e. A tha khawp mai.
November 7th, 2011 at 7:21 pm
Tha hlawm mang e.. Chuan ler deuh hi an thikthu a chhe duh in ka hria.. 😛
November 7th, 2011 at 7:37 pm
Vakul-a hi a ngaihtuahna a hmang nasa in alo ril riau anih dawn hi. Enge ilo inthup char char a. hehe
November 7th, 2011 at 7:50 pm
Post chhiar a nuam in comment pawh chhiar a nuam thla pap2 khawp mai, A in hmuh uarh2 theih a lawm, ka hlawkpui khawp e, Mi rinawmin mi an ring mai a, mirinawmlo erawh chuan tumah an ring thei ngailo. Anmahni ang vek tur a an dah a vang in… 😉
November 7th, 2011 at 7:51 pm
… a hlu thei hle mai …. 3NA lam hawi khi,,, ka ngaihtuah ve thrin, an dawhtheih chhanchu, an chetfel thlip thlep loh vang. Dawhthei lo viau tlaka inngaih lohna ruk riau anneih ruk vang…. ani thei angem ??? te kati rilru ve ngot thrin!!!
November 7th, 2011 at 8:31 pm
“Kan sawi ve lawk ” “Kan sawi ve ni ” engtikah nge kan sawi ve theih ang.? A tha hlawm phian leh nghal a.
November 7th, 2011 at 8:35 pm
like mawlh2 e (Y) (Y)
November 7th, 2011 at 8:46 pm
#3
Dik khawp mai, mi che fel tak te hian in thlah dah chak chang an nei ve fo, chutianga an awm ve chang chuan an mahni leh mahni inhua in an in hau thin. Chuvang chuan mi chefel lo te chu an tan thlemna an ni a, an ngaina thei lo.
* mahni inthunun thei chu khaw la tu aiin a ropui zawk… Bible.
* zawhte pawh hi Darthlalanga a in en chuan Sakei hmuhin a in hmu an ti. (Y)
November 7th, 2011 at 8:49 pm
I thaw fuh! (Y) #11 chuh… dik hmel viauva mahse ka tan chuan a ngeiawm lampang deuh.
November 7th, 2011 at 8:51 pm
Rawn bei tha thuai thuai ve le!
(Y)
November 7th, 2011 at 10:33 pm
Point #10 khi ka ni deuh roh in ka hria,
Salvation camping a Mahni kohhran Upa te councellor a hmang duh kohhran chu kohhran ngaihsanawm tak an ni.
Good Post. (Y)
November 7th, 2011 at 10:48 pm
#19 sheldon ka tawngkam i va hre rei ve. :-O
November 7th, 2011 at 10:58 pm
Point no.3 hian sawi a hlawh deuhin ka hria, kan clarify tum teh ang.
Hmanah ‘http://www.misual.com/2011/02/05/rinthu/” ka post tawh a, ‘tah khan physical sensitivity chungchang ka sawi vak a- tuna mi hi chu rilru lam a ni thung.
Mi che fel reng reng hian an duh ber chu ‘fel duak se’ tih hi a ni hmasa ber. A fel thlap phawt loh chuan an rilruah kaptu kha a awm tlat a, anmahniah dawhtheihna an nei lo(entirnan che fel chuan an rem fel hma chu lehkha an zir thei miah lo); abstract noun(huaisenna, dawhtheihna, rinawmna) reng reng hi keima mimal philosophy-ah chuan a inang vek a, a thawhna hmun a dang mai-sum-a rinawm lo chu nulat tlangvalnaah pawh an rinawm chuang lo, a fuk hmun a hrang mai a ni. Dawihzep kan han tihte pawh hi kawngtin rengah an dawihzep mai.
Hnawk nuaih mai a, la awm mai mai thei hi chu an dawhtheih tlangpui ang tih automatic-in ka ring mai.
November 7th, 2011 at 11:00 pm
Tha hle mai (Y)
November 7th, 2011 at 11:14 pm
Hnawk ka ngaitheilo, mahse ka dawhthei em em. Dawhthei takin a fel hma chu ka tifai char char zel 😛
Bawlhhlawh paih chungchang khi niminah ka rilru ah a lo awm ve chiah a!
Mipa te u, hmeichhia te duat rawh u tih vel kha lo ziak leh tawh la.
November 7th, 2011 at 11:35 pm
Hei pawh a van á¹ha ve (H) khi ka (Y) e
November 7th, 2011 at 11:53 pm
Bonus chu ka hrethiam ve lo reng reng (H)
November 8th, 2011 at 12:04 am
#41 na hi ka inhmeh ve tho mai. Midang pawh ka phut lem ngailo bawk. Hnawk ka hmuh chuan (keima chennaah) keiman phun-nawi lovin ka tifel mai thin. Inchhung chet lampanga engmah tih peih mang silo, phunchiar zet hi an awm ania. Chutiang chu i sawi anih ka ring ve ngawt 🙂
#5 naa ka sawi ang khian, “Mi insual huailo pawh ram tan mi huaisen ber anih theih bawk,” ka tih khi entirna atan Mahatma Gandhi. A insual huai thawm reng kan hrelo, hnam pa ti khawp hiala ram tan a diknaa huaisen a ni leh lawi si!
Hetiang hi huaisen ka tih miahlo thung. MI mawl takah ka ngai mai 😛
http://www.wtop.com/?nid=120&sid=2622789
OT zuai:
#3na zulzui deuh tho 😉 Aizawl mi hausa tak fapa naupang ber chu a hmeichhe duh deuh maiin, zu a in chhung chu a hmuh peihloh thu a sawi a. Chu mi hausa tak fapa chuan kum 3 chuang zu a in lova, nula chu a rim ta char2 a. Kum 3 hnu chuan an innei ta ngei alawm mawle. Keini kan lo fatu, kan fatu na lamah arawn kal phei. A u fapa kan thianpa hnenah chuan, “Khawimaw han thli vat teh, ka chak na a rei tawh teh mai ania,” a tia a tlak pawp a. Chuta tang chuan a nghei leh tawh ka hre lemlo. Pa fel tak erawh a ni hairehai 😉 😛 (fact)
November 8th, 2011 at 12:12 am
Hv. Mahatma Gandhi kha insual a huai lo ka ti thei lo, insual se, a huai viau thei tlat, a ti duh lawk lo ang a, a tih vek chuan a thih hma zawng a tan ka ring. Mi tak leh dik hi an huai thin, dikna hian huaina a keng tel a, an tih vek chuan thih an ngam thin.
Socrates kha a huai ka ti khawp mai a, thih a pumpelh theih lai khan Hriatna leh dikna a hmuh a zirtirah khan a ding ngam ran tlat a, a thi mai.
Huai chu huai an ni tluan zakin ka ring tlat.
November 8th, 2011 at 12:21 am
Hv, aduhi sawi dan leh i sawi dan hi a inang deuh a, ‘dawhthei’ tih hian chet la lo, movement nei lem lo, nghak tawp a kawk ber. Nangmahni lo va tih kha chu in dawhtheih loh vang a nia, mi dang chungah in dawhtheih loh lam a kawk chiah lo va, kha hna awm sa chungah khan in dawhthei lo a ni-movement in nei a lawm.
Ka’n sawi zau leh deuh, nu pakhat a awm a, a tawp(che peih lo) khawp a, a hna tul takah khan a dawhthei a ni. Kha nu vek kha a fate sualnaah pawh a dawhthei khawp ang; nuten an fate sualna an pawisak viau hian an dawhthei lo a ni; dawhthei hi positive case chauh a ni lo, ka tihna a ni.
November 8th, 2011 at 12:40 am
(Y) Nitin nuna lakluh thlap2 theih anih hlawm hi. Nungchang inzir/siamthat hi alawm mihring kan nih hlutna ber pakhat chu. In en fiah na tur hlir anih hlawm khi. A tha mange. (Y) x55
November 8th, 2011 at 12:46 am
vakul, ka dawhthei phian tur asin. Patience i sawi anih ka ring ngawt a. Anih loh pawhin ka dawh thei khawp mai hairehai. Ka dawh reng peih bawk opposite… lam atang chuan 😛
Tak taka tul hun a dawh theih, tul lova dawh theih lemloh hi a tha. Engkim mai hi a hun leh hmun a awm fo ania 🙂 dik em? 🙂
November 8th, 2011 at 12:51 am
Hv, ka sawi tum deuh chu tolerance a ni e ‘ability to bear’ hi. I sawi dik chiah, dawhtheih a tul hun a awm a, tul miah loh hun a awm.
November 8th, 2011 at 12:52 am
Tha khups mai
November 8th, 2011 at 1:21 am
Pu Hv chu i dawhtheih ka lo ring em em hleinem, i duhloh zawng deuhin khawsa ila mi i kuk rawt duh hmel
a tlai tawh em mai mu teh ang.
November 8th, 2011 at 1:27 am
comment ka lo chhiar tui deuh a ‘phek thar’ ka ti ngawt a min lo hawn khalh sia,ti hian ka edit ta mai. ka lawm e. hihi
November 8th, 2011 at 2:01 am
Va tha reuh hlawm e
No. 2 na khi ka rilru i copy ani lo maw
November 8th, 2011 at 2:49 am
Ngawi renga chhiar ka tum lai tak chuan…
‘Comment rawh,Comment rawh’ 
tiin AW ka hria a. 
November 8th, 2011 at 5:02 am
A dang ka duh lo ve tihna ni lovin, No. 8 khi ka duh lutuk!
November 8th, 2011 at 7:31 am
@ Pu vakul chu i bei ril hle mai a. Nangma irawm chhuak ngei a nih chuan ka ngaisang zual hle mai che. Point 11-na khi a dik dawn hlein ka hre ta ( keimah atang hian; mahni inpuang.)
November 8th, 2011 at 11:25 am
11 na khi a dik tih keimahah ka chiang tawh tlat (inpuang deuh roh) Tun hmain mi zakzum lutuk ka ni ve thin a,mahse post tu pa sawi ang deuh hian mi in min notice bik riau a inhriatna leh mahni in ngaihdan diklo deuh vang a ni tih ka hriatfiah thiam hnu hian ka zahzumna tam tak chu a bo duak. Ka in hriatchhuah chhoh dan step :
Mi aia tha,nalh,dangdai ka nih loh avangin tuman min notice bik ringawt na chhan tur an nei lo.
(ii) Mi hian keimah lo hi ngaihtuah tur dang an ngah lutuk..ka chetchhiat,ka chet that etc..an hre reng hman bik teuh lo…
(iii) Mahni chetchhiatna ka nuihpui theih hian a zahthlak dan a nep sawt