Nipui lum leh uap chuar mai te, van a pawp ta emaw tih khawpa ruaha sur tluk tluk hun a ral a, khawvel mawina ti thar tu atan Favang hun duhawm leh nuam tak a lo her chhuak a. A hma lama hun lo hmang tu ten ro an rel na hnuai a ngui leh chau te tan hahdamna hun lawmawm tak mai a rawn chhawp chhuak ta ut mai le. Leilung dana hun bi a her zel karah chuan Favang hun lunglen thlak leh nuam tak pawha chuan chuai lam pan in Sikni pui a rawn her chhuak ve thung thin a ni.
Kan hla phuahthiam te pawh in he thlasik hun hi mawi takin hla lamah an lo phuah tawh a. Nalh tak maia Krismas nen an han kaikawp ngat mai te hian lunglen a kai tho lo thei lo a ni. Tin, lungleng ngai lo, lunglen hre ngai lo leh lungleng pawh hrethiam ngai lo fa tan pawh sikni eng hi chuan thil danglam tak zawnga rawn keng ve reng reng a. Lunglen in kiu vawng vawng lo mahse hlimna leh nuam tih rukna tak zawng an nei ve ngei ang mawle.
Thlasik hian a mah mai hian mawina leh duhawmna danglam bik tak a nei pawh a ni hran lova, khawvawt satliah mai hian a mah ngau ngau hian nawmna a keng tel na hek lo. Mahse, Mizo Kristian rilruah thlasik boruak hian mawina leh duhawmna danglam tak a nei tlat. Kan hun pui ber, kum tluan a kan lo nghah, he lai tan a chanchin tha a rawn thlenna hmasa, Krismas a ken tel tlat vang hian Mizo te rilru ah chuan thlasik hi a ropui chungchuang bik lo thei lo a ni. Remna Lal lo pianna hun lawma mi tin rilru hlim leh phur tak nen he thlasik kan lo hman thing vang hian a mawiin a duhawm dangdai bik a ni. Krismas hian rima nei lem lova, mahse khawvawt sur mai te hi Krismas rim ni maia hriatna kan nei tlat avang hian a phurawm hran pa ve reng reng a ni. Krismas hi thlasik tel lo pawh hian a hlu renga, a ropui reng a, mahse thlasik duhawmna leh ropuina hi krismas hian a ti zual a ni. Chu ti ni suh se khawvawt tuar chak a patling lo lungleng ngawt na chhan va awm suh.
Sikul naupang kan nih lai khan kum tawp exam kha thlasik laiin kan nei a, kan thawhrimna te ata chawla, sikul chawlh hun rei zawk, boruak nuam tak hnuai a kan chen theih avang khan a hlu bik thin a ni. Tun lai naupang te hriat ve loh ‘chat’ khir er uar khan kan sikul chawlh hun te kha chenin duhthawh takin kan hmang thin. Chubakah kan hma lawkah ‘Uama’ a awm dawn tih hriatna nen khan kan hun kan chen a vang khan nuam ka va ti thei tak em ani.
Kut hnathawk tu te, rim taka a thim a var pawh thlu lova, a sur a sa hnuai a thawk ten an kum khat hnathawhte lawm tak a an sengna hun, he sikni pui ah hian a lo thlen avang hian a a hlu danglam bik a ni. An thawhhah sa seng tura boruak lum leh upa tak, khawcheng hnuai aia thlasik boruak dai tak hnuai a hahchawlhna bul an tan thei hian hah a va ti dam zual dawn tak em.
Office a kal tan pawh a lem chuang lo. An hna leh tih tur te chu kum tluana danglam lo niin chawlh tih vel awm lo ni mahse la. An hma lama Lal piang hun lawmna leh kum lo thar tur in chhawp hian ni dang a ni lo chhuak leh a, tla leh thin satliah ngawt ai chuan beiseina leh thil lawman zawk zawnga a rawn keng ve ngei ang le.
Thlasik hian leilung mawina rawn ti thar leh thin tih te i i ngaituah ngai em le. A hma lawka hlau em em a kan tlanchhiat san dawr dawr “Tur ni pui hrang” te meuh pawha hming mawi zawk vuah sak niin “Sikni eng mawi” an lo chang zo ta. Zan danah zan boruak a thiang ngai lo ang hrim in zan thiang te chuan lunglenna a pai hnem bik zual a. Leilung mawina tin reng te chuai lama pan in hmun tin te chu chu ro ri re mah se, a par fung chawi chhun tlangsam par leh Khuangpawng ( bawngpu par) te lam pawha mawi thar ta ni ni awm hrim in lunglen te hial a kai tho thei thin nia. He vangpui hun sikni eng mawi lo lawm tu chena kan hun kan hman meklai hian kan hma a Lal lo piancham pai tu thlasik duhawm tak hmang tur hian hlim zai i vawr ang u le.
November 16th, 2011 at 5:07 am
Zing karah kan chhiar khur bauh bauh teh ang.
tren tren.
November 16th, 2011 at 5:08 am
Ka’n chet khalh hman loh chu. 🙂 mu ang. 🙂
November 16th, 2011 at 5:09 am
Tren tren-a chu ka’n chet khalh hman loh chu. 🙂 mu ang. 🙂
November 16th, 2011 at 5:10 am
Alo la lut hman zui,#2 khi chhiar kan mai teh u’n. !
November 16th, 2011 at 5:23 am
Zan pawh a rei/sei ta hle mai, dar 5ah khua a var ta awrh mai, thla asik ta tak tak a ni e. Zing khawvar lama varparh lo eng bik em em mai te hian a ti lunglenthlak lehzual thin.
khawvawt sur mai te hi Krismas rim ni maia hriatna kan nei tlat avang hian a phurawm hran pa ve reng reng a ni. A va dik em. (y)
Hlimten hmang la he hun lawmawm hi, Rem Lal piang chuan thinlai hnem rawh.
tren tren.
November 16th, 2011 at 5:29 am
@Lamji, :p muttui le. (f) siknipui hma chhawn turin ka tuan tang e. :p :d
November 16th, 2011 at 5:29 am
@Lamji, :p muttui le. (f) siknipui hma chhawn turin ka tuan tang e. :p :d
tren tren
November 16th, 2011 at 5:46 am
Sikni pui= Sik ni pui 😛 kan chhiar khu hluah teh ang..
November 16th, 2011 at 6:00 am
Sikni pui=Siknipui?
Nipui kan ziakzawm a nih chuan, “sikni pui” ni lovin, “Siknipui” a ni awm si a. Sikni pui han tih teh daih hian, a awmzia a awmzialo 😛
Sikni pui tih hi a dik zawk a ni ang chu, post tupa hian a hmang miau si a.
November 16th, 2011 at 6:08 am
@9, Kei chu siknipui ka ti, noun a ni tlat a. Dik tak maw? 😮
chhawrthlapui pawh chhawrthla pui kan ti ngai si lova. 🙂
tren tren.
November 16th, 2011 at 6:13 am
Chhuaklinga@10, Keipawn SIKNIPUI a nih hmel zawk ka lo ti mai mai a. SIKNI PUI tia kan ziak dawn a nih chuan, kan Ni(sun) khi; a ropui tihna lam daih a ni. Siknipui han tih chu, Nipui tihna tho a ni.
Thu hran daih an sawi ve ve a, post thupui hian thil dang daih a sawi.
Tren tren tren…
November 16th, 2011 at 6:28 am
Ni(sun) hi hming hrang hrangin kan ko va, Turnipui, Siknipui, Chungturni, Lenkawlni, adt. Siknipui tih hi chu ‘thlasik ni bik’ kan sawina nihmiang ka lo ti mai a. 😮
tren tren
November 16th, 2011 at 6:33 am
@Chhuaklinga#12 ni dawn tak maw? Edit theih tawh si loh, biru vang vang te’ng. Miin TUT min ti palh ang.
12 kawmen ka tawm tawp 😛
November 16th, 2011 at 6:36 am
@11, Siknieng ti se, i ti deuh a nih duh hmel. :d :d keipawn a inhmeh ka ring zawk. 🙂
(ta teuh mai a, sawi ve tawh teh u, kan zing vah lawk)
tren tren.
November 16th, 2011 at 7:54 am
Favang boruak hi chu a nuamin lung hi chu a ti leng deuh a ni…fur leh nipui vel thlawt ai chuan 😛
November 16th, 2011 at 7:57 am
Thlasik ai chuan kei Favang hian ka ling ati leng zawk tlat!!!!
November 16th, 2011 at 8:12 am
In sawi tum ber chu thlasik a lo thleng a, Masi boruak in a rawn ken lunglenna hi ni hmiang ka ti mai a. Ka tho tlai lutuk a, post pawh chhiar hman lovin ka rawn comment pawp mai 🙂
November 16th, 2011 at 8:50 am
Mizo nunah hian favang leh thlasik hi lung tileng tur khawpin a pawmawh em em a ni. Kristian kan nih hma pawhin a hun hlu leh thlakhlelhawm a tling. Kristian kan nih hnu hian a hlu leh zual bawk.
Kan pi leh pute khan favang awllen hi an nghakhlel em em thin a, kum tluana hah rimtawng taka hnathawk mi an ni a, favang leh thlasik hi sawi hran harsa khawpa inzawm tlat a ni a, kan pi leh pute khan hun hlu leh pawimawh tih nan an lo hmang nasa em em thin a ni. Hei hi Kristian kan nih hnu phei chuan a hlutna nasa takin a lo pung ta zel a ni.
November 16th, 2011 at 9:55 am
Siknipui a lo herchhuah meuh hi chuan rilru hnawng tak pawn thawven lam a pan nge nge e.. Hmanah te kha chuan chât khir uan chung khan tlaizawng pâr tlan sava te kha kan la veh them them thin kha a ni sia.. Eng emaw zawng tê hi chuan he hun pui lo her chhuak hian lunglen a kaitho ve hrim hrim e.. (Y)
November 16th, 2011 at 10:44 am
Vaivawm lam pawh ni lo, Westernization game pawh ni lo, Thlasik chungchang ka rawn post a, a hming ah in lo buai leh pek chu aw. Mahse, hriatna erawh ai hmai tiat lek chuan a tih zauh phah ve khi maw……….Basketball chung chang post ai chuan a lem a nuam deuh zawkin a lang hahaha
November 16th, 2011 at 10:47 am
Chuan in Admin te bulah lawmthu ka sawi duh. Ka duhdan takin min lo chhuah sak a, an duh duhna ah an para an rawn siam ta lova. Nimin ka post lai khan a preview ka en a, a para in kar hlat lam khi ka siam fuh thei lova, mahse hei tha takin in lo chhuah a, ka lawm bawn let tawp tawp e.
November 16th, 2011 at 11:35 am
Chhiar a har,ka chhiar zo ta lo mai
November 16th, 2011 at 2:26 pm
(Y)
November 16th, 2011 at 3:11 pm
Post tupa chu thu thiam tak i ni e.
(Y)
November 16th, 2011 at 5:37 pm
”Kumsul lamang alo her chang hian; sikni eng mawi a rawn thlen leh ta…..” i’n ti leh vawng2 mai te’ng aw..:-)
November 16th, 2011 at 7:14 pm
Tlangsam te an lo par vul leh ang a, lung a leng….