Khawpui leh thingtlang a dang chuanglo, khawii hmun ah pawh kal ila, changkanna um in kan phe ruai mai a nih hi. Tunlai thangthar te rilru a lian ber leh ngaihsan ber chu thumal khat in dah dawn ta ila, ‘Changkanna’ a ni ngei ang. Mi changkang lo chu kan nuihzat a, thil changkang lo kan zah pui a, changkang ni a kan hriat chu a lo a luat in kan in tihhmuh a nih hi maw. Chutih lai chuan ka thinlung kil khat ah hian midangte rualremlo tak, ngaihtuahna changkanglo ri ret ret a lo awm a.
Tunhma lam te khan kan Biakin ah te hian aurinna (P.A.set) kan hmang ngailo va, kan Pathian thu hriltu ten an aw rawl neih chhunin chanchintha an au puyi a, Zoram pumpui ah an aw rawl a thang chhuak a. Tunah zawng, ‘An thawm mitdel te hriat khawp in’ tih ang khan Biakin te ber ber ah te pawh Aurinna hmanglo kan awm ta lo. Mahse ngaihtuah teh, kan thusawi a ring ta lo zawk em mi? Ngaithla tu ten an thinlung in an hre thei ta lo ve, ‘Ring takin kan sawi a, an hre lo’ tih kha a lo thleng dik ta.
Kan inkhawmpui kal haw Palai ten hahip a an lo sawi thin chu kan zaipawl changkang ta em em mai hi a ni. Uniform a nalh si, zai dan a changkang si, a remna Music a mawi ropui si, Conductor solfa vai mawlh mai te kha a changkang, mahse maw, a ngaithlatu mipui mittui a sur tir thei tawh lo, mite thinlung a hneh ta lo a ni. A changkanna hian Thlarau malsawmna kan thlengta a ni lo maw? A mawi a, a changkang a, a tawp nghal mai si thin.
Biakin a Sana tar kan in tih hmuh a, pahnih pathum tar tawk kan bo lo! mahse, ‘A lo kal leh hun’ chhut thiam na a tan kan hmang si lo; Kan dam chhung hun chhiar thiam dan tal min hriattir se tha tur. Kan hman tangkai na lah chu, “Minute chuti khati zat a sawi, thu a sawi rei thei si, ka ning,” tih vel nan mai mai kan hmang a. Kan sana te hian kan Lalpa lo kal leh hun min ngaihven tir sela, inkhawm ban hun hriatna mai a tana hmang tawh lo hian.
Kan Biakin mawi leh changkang tak tak ah te hian keini michhe fa chu kan lawilut ve ngam dawn hleinem le! kei chang ka ni lo, Thlarau thianghlim pawh hi a lawilut ngam talo em mi aw ka ti thin. Tunhma kan changkan loh lai, kan biakin bang dap, a chhuat lei zut mam kha ka ngaihtuah hian ka lo ngai ve vawng2 thinkhang hun lai kha chuan an hla sak te kha an tawp hleitheilo thin a, an zai maimitchhing te kha vanram tuallai ah hian an leng veng veng mai thin a. Tun ah kan biakin changkang, lung bang te a hual vel ah hian kan hla sakte chu nawn peih a ram kan awm ta lo, kan sa chhuak hram thin a ni. Kan Programme chang a fel thlup mai a ni. Ni e, khuang hnih rem hla sak leh hla lak nawnte chu ‘a changkang lo’ em a lawm!
Khawlai leng in han hawi vel teh, kan changkan hnu a kan in sak bichilh dan te hi i hmu em? A hausa a changkang a piang in sakin thenawmte bang a hnaih a. Kan bang te a in hnaih tial tial lai hian kan rilru erawh chu a in hlat tial tial thung si. Kan changkang ta a ni ve mai a lawm.
He Khawvel zawn ber chu changkanna a nih a, kan hun tawng te hi changkanna rah chhuah a nih si chuan, kei tehlul hian ka lo dova, ka lo sawi chhiat tur em ni? Chuti a hneh in, ka lo ngaisang ve mai tur a ni zawk dawn lo vem ni – changkanna a nih si chuan.
Pathian erawh chu a pangngai reng ang a. Mihringte chuan duhzawng thlak thin mah sela, a ni chuan a thlak ve chuang lo vang. Keini changkang tih hi Lalpa chuan changkang a ti ve lo ve.
November 19th, 2011 at 5:35 pm
changkang hmasaber ila 😛 Tak takin,a tam zawk hi chu changkang kan tehna hi a diklo deuh zawng a nih hi.
November 19th, 2011 at 5:40 pm
Ziak tha viau mai a (Y) Pathian biakna lamah hi chuan in tih changkan hi a ‘der’ thin khawp mai.
November 19th, 2011 at 5:54 pm
Biakin mawi, fashion nalh hian thlarau thianghlim a attract kan ring ni chek tur ani.
November 19th, 2011 at 6:18 pm
Mizoram mipuite kan kristian dan hi a mak ve ngawt mai. ‘Kristianna phatsan la, kan ti hlum lo ang che’ min ti ta se, kan tang huai hlawm viau mai thei. Mahse kristianna lanchhuahna kawng hrang hrangah kan hniam leh em em lawi si a. Mak ve tak chu kan ni :-S
November 19th, 2011 at 6:29 pm
I va ziak tha thuai thuai em (Y) Zaipawl chu sawiloh tupawh mai hian Biakin hi Fashion Show emaw kan ti tawh chu anih ber hi. Chawlhni zinga nu/nula pakhat incheina hi average a lak in Rs. 7000 hu aiin a tam ang. Puan nalh chin 2000, Pheikhawk 3000, kawr 2000, underwear ho leh tlereuh chhut tello pawhin, a ‘bawn’ teh ania 🙁 Thenkhat phei chuan an bun leh hak ngai kha an ha duh tawhlo lehnghal..Lungngai ;-(
November 19th, 2011 at 6:40 pm
Ni e (Y) (Y)
sheldon pawhin dik a ti…. 🙂
November 19th, 2011 at 6:41 pm
engpawh chu nise…biakin kan chei peiha a kawngkhar a kan lut hi chu a lawmawm ve hrim hrim hehehe..orthodox church leh catholic ho biakin a ropui thei e mai, an inchei dan pawh turu tak ani-rangkchak tinag kawmn leh lalukhum te nen//hehe…tih loh tawp ai chuan tha hrim2
November 19th, 2011 at 6:44 pm
BBC a thu ziak pakhat, a dik teu teu em a, kan paste ange, OT dalah 😀
“Citizens do not appreciate experimentation. They value a clear road map they can understand: It has a beginning, a middle and an end. Conflicting opinions, the residue of a democracy, nonetheless breed confusion and a false sense that somewhere, someone is hiding the easy way out. People then search for scapegoats and saviors, identify conspiracies and blame the powers that be.”
November 19th, 2011 at 6:57 pm
Thlarau mi nih duh bawk, changkang nih duh bawk, zuk leh hmuan duh bawk, vanram kai duh bawk, khawvel hamthatna duh bawk…..bawk…bawk…bawk a te kan ni e.
Kristian alrounder…. :-O
November 19th, 2011 at 7:16 pm
Tha thuai thuai ve le . . i sawi huangchhung ah hi chuan ni e CHANGKANG=KHAWRO @ 9 mr.Duhlova i duh ve vek ka ring lova i nick leh i comment a inhmeh hehe . (Y)
November 19th, 2011 at 7:17 pm
I thu ziak hian kan naupan lai a “Tlangau” (village cryer) awm hun lai khan ka lung a tih len tlat pek chu.
Vulmawi band in Mizoram a concert an rawn neih dawn khan lo buaipui tute khan, “Engmah in rawn ken angai lovang,” tiin an chah avangin an sound system ritsak tur chi an keng lova. Engmah an lo ngaihtuah leh silo, PA set hmangin an zai awl awl. :-S
Thusawi anga awm mite hi mi changkang niin ka hria a. Tin, mi thatlohna aia an thatna sawi nuam timi (ram hnuk khawih lovah chuan) te hi changkang ka ti a, mi hawihhawm te hi an thil neih aiin an changkanna lanna niin ka hre bawk. Inthuamna aiin kan hawiher leh mizia in kan changkan dan/kan phak chin a hril khawp mai!
November 19th, 2011 at 7:17 pm
A nih chuan hmanlai angin biak in pawh kan sa á¹hing á¹ha leh dawn emniang? Kan biak inte a lo á¹hat tak em vangin thlarau thianghlim hi a hnawng a ni lova; a chhunga chengte hi kan inenfiah a á¹ul zawk a ni. (nang leh kei telin)
Hriatreng tur chu Pathian hian tunlai mil zel hian a rawngbawlna pawh hi a kalpui á¹hin tih hi.
November 19th, 2011 at 7:24 pm
Englo ania, zualbonez te hi chuan India ram khawpui leh khawvel huap hian an thlir a….Mizoram, a bikin Aizawl ania kan sawi. Mi ram leh khawpui kohhran leh kohhran mi te chuan lo chei nasa em em mahse an ram dinhmun nen a inhmeh. Mizoramah chuan mi hausa chauhin an afford, kha kha keini a reithei ho te hian kan lo awt thin sia..lungchhiatthlak ;-(
November 19th, 2011 at 8:07 pm
thil changkang lo leh thing apiang hi kan ngai ‘rau’ dawn a nih chuan le(h).. Kei nin, thingbul, lungbul bia a, ramhuai hnena inthawi thin, kan zosap misionary te zarah thlarau thianghlim hnathawh avanga zofate changkan chhoh nasat tawhzia hahipin kan sawi mek a ni si a le(h). ‘thlarau thianghlim hi a thring lova, a mawl hek lo. ‘A changkang’
November 19th, 2011 at 9:08 pm
kei chuan changkang tho rau bawk hi tha ka ti…..changkan loh vang a rau nilo in engpawh nise pathian a awm leh awmloh ah a innghat zawk lo maw?
November 19th, 2011 at 9:17 pm
Changkan loh aichuan changkan chu a tha. Mahse, kan changkanna in Pathian hmel a hliah dawn chuan emaw, mite an nä dawn a nih chuan; changkan loh ngam a tha.
November 19th, 2011 at 9:33 pm
sheldon….ram rethei ethiopia ah te pawh an coptic church in an chei nasa thei e mai,hehe..ram hausak leh hausak lo lam pawh anilo.,..anyway ka comment khi post chhiar lo a comment ka nia- a gist chiah manin..post ka kalh tihna pawh ani chuang lo e 😛
November 19th, 2011 at 9:44 pm
Post chhiar lova comment khap ani e han ti hluai ila chu kan buai nawk ang..hehe 😀
Changkang ang u, khawvel thilah te ni lovin, thlarau lam zawkin te han ti ila, a har ngang mai sia 🙂
November 19th, 2011 at 10:07 pm
kan da changkang anih hi
November 19th, 2011 at 11:03 pm
Biak-In chungchang bik i rawn sawi khi chu kei chuan ka pawiti eihlo thung, Theihtawpa changtlung a kan Pathian Biak-In hi siam tha ka ti.
Mahni Biak-In pawh tichangkang duh tawhlo kristian kan ni ang tih mawlh ka hlau.
I sawi tum ki pawh a tha tho, ‘God first’ hi thupui ah neih thei ila.. changkang tak chungin!! (Y)
November 19th, 2011 at 11:43 pm
#20 a dik chiah a lawm, kan biakin hi kan ti changkang tur chu a ni a lawm, chuan a changkan ang ngei in kan zah bawk tur a ni, mahse,kan Biakin chhung ah te kan Mobile phone a kan dah Sex video te kan en ngam tawh bawk a nia, thuthleng hnuai han bih ila center fresh vel thial hnu in bel phei tuarh mai bawk nen, sachin kawr Bible,hlabu vel dahna tur ah awm teuh thin mai bawk nen, Pathian biakin awm dantur a ni meuh a ngem awh te ka tia, ngaihtuahna a kal thui duh khawp mai
November 20th, 2011 at 10:40 am
Kan Biak In a ropui tulh tulh a, a chhunga lawi te erawh kan ro tulh tulh chu a ni tak si a. ;-(
November 20th, 2011 at 10:53 am
Tunlai khawvel mil leh changkanna leh a ken tel mil a, Pathian pawi sawi si lova insiamrem thiam hi a tul tak meuh a sin.. thil har tak pawh a ni ta ve ang