Duh reng vang ni bik miah lovin khuanu min duan vang liau liau zawkin chhungkaw rethei leh harsa tak a tangin ka rawn zi chhuak ve hram hram a. School kal tirh atang reng rengin thiante neih thin note bu leh pen pawh ka nei phak lova, mahse theih tawp chhuahin ka bei ve fat fat a sin.
Rawlthar/tleirawl nun kan tawng chho a, thian te duh tawk a an star te nen an len dun a, hring nun an chen lai khan kei chuan thla leha ka school fee tur ngaihtuah in zum leh hriam kara kangtek thing ro tha deuh ka hmuh chu thingfak ah a hralh tlak tih ka hriat vangin kut durh phungin ka lo hel nuai ve miah miah a sin. He hring nuna dam khaw chhuak tur hian theih tawp ka chhuah ve a ni.
High school nun : Tluang te in chung khuanu zarah kan pass chho ve zel a. High school kan kal lai te khan thiante an star te nen canteen ah chhuna an chawlh chhung te khan pawisa ka neih ve loh a vangin vawi tam class chhung ah homework zo lo anga ka in lantir chang a van tam em.
Zahthlak rum rum khawp a thiante hma a ka form ke kawr hlui a thar leina tur ka neih loh a vanga min nuih zat chang te khan ka rilru a na ve thin. Mahse ka phak tawk a ni miau si. A thar lei turin ka nu leh pa ten pawisa an nei lo. Nangnin school bag changkang tak tak in ah laiin kei chuan cotton puan, ka nu min thui sak ngei ip atan te ka ak thin.
Phai ram lamah : Vanneih a siamin eng tin tin emaw pawl 12 kan zo ve a. Technical line a Mizoram tan a seat, political fitness ngai miah lo va ka chang thei te kha ka van lawm em. Tichuan phairam ah thiamna zirin ka awm ve a. Riltam lutuk a vanga mittui tlak zawih zawih ni kha a van tam em.
Mahse ka zir chhuak ve duh anih chuah ka puarna aiin lehkhabu manah ka in sen a ngai si. In thiante nen in party a, nuam taka lenlai in chen a, drinks leh a sehhmeh a tana cheng sang tam in khawhral lai khan kei chuan tunkar chhung a tan breakfatst ei lo ila, rs 150 tal ka hum thei ang a, thlatin chutianga ka hum chuan thla thumna ah chuan ka lehkhabu duh hi ka lei thei dawn a ni tiin rilru leh tih tak zetin ka kum khat budget ka lo siam ve thin. Mahse ka tana chunglam a ruat a ni. Hausa fa nih a nuam chen ve ka chak. Mahse Mizorama secondhand kawrsen tial ha ve satliah mirethei fa ka ni si.
Kolkotta zahna kawn : Mihring pangngai ve kan nih chhung chuan mipa leh hmeichhia inkara inngainatna lo piang hi kan dah bo thei ngawt lo. Vawi tam ka hrilh ka dinhmun. Anka nemin min chhang a, kei pawh thinglung takin ka hlim thin a nih kha. Kolkotta a lo thlen chhoh hun tur kha ka van nghakhlel em.
Kei pawh a mah ka hmuh ngei theih nan thla thum chhung ka breakfast tur ei ngam lovin pawisa ka khawl anih kha. Kolkotta kalna tur rel ticket second class ka lei ni a ka lawm dan te kha. Mizoram house ah kan in hmu. A hmel atangin a hmin lo tih ka hrethiam nghal. Ni e, kei zawng amah hmuh theihna tur a tan ka ei leh in thlengin ka in hrek a, lehkha zir chauh nen, ka pawr em ani.
Ka bul lawkah nu leh pa thawhchhuah sa a tanga duh duh lam thei an kat nuk a, chung ho kara min hre lo der ta pawh kha ka dem ta lo. Kei zawng Vanduai tur reng reng a khuanu ruat te pawh ka ni mahna. Ka dem lo che a sin. Ka rawn zir chhuah hnua anka nem min hlan leh tum a, kei zawng ka rem tawh lo ve ka tih a vang khan min dem thei bik dawn em ni?.
Zoram lamah : Vanneihthlak takin tluang takin ka zir zo a. Mizoramah nuam ti takin ka thawk. A vawihnih na a tan mizo nula ngei ka tawng che a. Ka thinlung kehchhiat dan pawh ka hrilh bawk che tiro. Khatiang zawng zawng chung pawh a min pawm duh kha ka lawm a, i tan rinawm taka nung turin ka in buatsaih ve. Mahse i hriatthiam loh chu hei hi ani..kei zawng bul tan tur chauh ka ni a, nu leh pa thawh chhuah chhuan tur ka nei ve lo.
Ka hlawhchhuah hmasak a piang kha in leh lo ka din ve nan te, hlim taka cara ka phurh chhuah ve theih nan te ka khawl tang tang a. Mahse hrethiam lo va,i duh ang zawng pawh pe thei lo ang hial a, kei aia chhungkaw hausa zawk ami, zan khat len chhuah nana cheng sang khat vela buai lo min chhai san a, thenna biahthu min hlan zan khan, ka dem lo che. Kei zawng ka chantawka khuanu ruat ah ka pawm thiam e. Tun hnua lam ang i lo let leh hian, ka rem tawh lo ve ka tih a vangin min dem thei bik dawn em ni?
Lam ang lo let tawh suh : I duh tawkin hring nun i hmang liam a, tunah tisual intiin ka hmaah i rawn kir leh. Mahse kei zawng ka rilru hi dam hian a mawi tawh si lo. Hringnun ka dawn kir a, ka tuarna zawng zawng ka ngaihtuah let leh hian, Khuannu hian hreawm tuar reng turin min lo duang bik lo tih ka hre chhuak ta. Khang hreawm ka tawrhna zawng zawng kha mi puitling ni tura min chher hriamtu hmanrua a lo ni tih ka man thiam ve tawh a sin. Chuvangin ka hringnun khawvelah hian lo let tawh lo turin ka ngen a che.
Min dem bik dawn em ni : He hringnun khawvel ah hian dam khaw chhuak turin ka bei ve fat fat a. Mi hausak angin ka hausa ka ti lo, mahse tunah chuan in leh lo keima thawh chhuah ngeiin mite tluk lo mahse ka din tawh a. Mahni pualin duh zawngte len puina tur lirthei neiin, Mizoram khawilai restaurant ah pawh hian duh zawng tawng ila ka chawlhpui ngam ve ta. Hetiang khawpa hringnun harsat na ka tawh lai a,ka hnampui atang ngeia rilru hliampui vawi hnih ka tuar tawh hnu hian, khuanu hian thian danglam tak min pe a.
Ka hringnun khawvel leh harsat ka paltlang zawng zawng ka hrilh keuh keuh lai a, “ Mihring nunah hian harsatna hi min siampui tling tu ani. I hun kaltawhah harsatna tam tak i paltlang tawh a, tuna i hun lo la kal leh tur ah hian, a tina tur che nilova, I hliam tawrh te tidam tu tur a i tana angel ruat nih hi ka duhthusam ani “ ti tu hi Zohnahthlak lanu ni lo ka tawng a, a kianga damlai par chen ka thlang a nih pawhin min dem thei bik dawn em ni?
( “ Kei chuan hringnun khawvel ah hian harsatna em em ka tawng ve rih lo. Mahse chumi a vang chuan puitlin lohna tam tak ka nei si. Nang chuan huaisen takin i sual a, i sual chhuak ta reng bawk ani. Harsatna tawhna hmuna ka nun khawchhuah ve theih nan, nangin ka hma hruai la, kawng engkimah min kaihruaitu ni turin nang ka thlang ber che” ti tu hi Zohnahthlak lanu ni lo ami tawng ila, a tan ka nun hlan ve ta ila, min dem thei bik dawn em ni ? )
November 23rd, 2011 at 11:03 am
No comment
November 23rd, 2011 at 11:11 am
First tih awih tawh loh. :p
tren tren.
November 23rd, 2011 at 11:12 am
Ril raih mai. (Y) (U)
November 23rd, 2011 at 11:18 am
Doc_lib hi ka thianpa pakhat chuan a ngaisang khawp mai…ilo ngaihsan awm anih hi…mipa pawh nei mah la ka dem lo che…hahahahaha 😛
November 23rd, 2011 at 11:31 am
Ngaihtuah ngun a va ngai ve….
November 23rd, 2011 at 11:31 am
Tuna hmangaihna biahthu hlantu che chu i hmangaih ve tak tak a damchhung chenpui a, tar kun thleng a i hmangaih thei dawn anih te chuan puitling i nia, ka dem lo ang che. Mahse heti zozai Zohnahthlak lanu an awm laia 2 vang chauh a i hnungchhawn dawn anih chuan a dik angem?? te ka tia 🙂
Kei chu ka hnampui ngei..
November 23rd, 2011 at 11:32 am
Kei chuan ka demlo che.. :-S
November 23rd, 2011 at 11:33 am
In in hmangaih phawt te chuan titu che i hmu tam ngawt ang ka ring….Mahse hnam dang tan chuan ka van ui si che em…
November 23rd, 2011 at 11:37 am
masi a hnai ta bawka,kan va’n luangliam hlawm ve au (Y)
November 23rd, 2011 at 11:39 am
Mi hlawhtling ni turin hreawm tuar hmasak phawt a ngai a nangpawh i hreawm tuar na zawng kha Lalpan mal a sawm che a ni,i sharing tha tak avangin lawmthu k a hril a che,keini thangtharte tan i entawn thlak khawp my…… (U) i rilru a kehchhia erawh k tuarpui khawp my che chuan k dem lo che .
November 23rd, 2011 at 11:40 am
Ka chhui dawn che! :p
Paws ka (Y)
Pawstu ka ngaisang
Ka dem lo ang che’a… Zo lanu hetizat ~ nalh tak2 an vei suau laia Zo lanu ni lo hmangaih tlattu i thinlung erawh ka dem ang. Pawi ka ti hle bawk ang.
I baws ~
kawlhawk
November 23rd, 2011 at 11:42 am
Good good..han in hrithla tak tak teh..
Ngaihnawm hle mai (Y) , larki pahnih khian tunthleng a i life story anti ‘complete’ ka ti. Theihnghilh daih rawh.
November 23rd, 2011 at 11:44 am
TuaiSiala’n a dem angem aw… 😛
(fiamthu mai mai huat awihloh ti daih te’ng. 😀 )
November 23rd, 2011 at 11:45 am
Hei chu a detective raih mai a. 😛
Detective Denga-Thuamtea Khawlhring emaw, Angel in Man-Vanneihtluanga te ka’n rawn dawn em ni ang le tiin ka lo inngaihtuah hman a. 😀
I luang i luang a, i luan i luan takah chuan; i luangliam tha ta phian.
Mahse, zohnahthlak lanu avanga i rilru natna hrithla niawm zia zang a, thlangkawrvai i thlang te a nih chuan; ka DEM ang che.
November 23rd, 2011 at 11:48 am
Ehermm!. “Look before you Leap. Think twice before you already crossed the point of no return. Remember, do not hurt my adopted daughter(s) as someone had hurts you.(warning). You are old enough to decide your own fate. I will not ‘DEM’ you. Hehe.
November 23rd, 2011 at 11:48 am
Last para2 ah chiah ka dem che 🙂 adangah chuan ka demlo a che (U)
November 23rd, 2011 at 11:50 am
Dem tu leh dem lo tu kan kat nak dawn anih hmel hle mai aw ka ti 😉
November 23rd, 2011 at 11:51 am
Ekhai! Nula 2 vanga hnamdang neih chu ka hrethiamlo. Anni 2 lo kha mizo nula tha leh fel an tam. Mizo i rin theih tawhloh vang lam ni lova kha hnamdang nula kha i hmangaih tlat anih chuan it’s upto you.
I nunkawng paltlang khi a ropui. Current kan neilo trut pek a, neih hunah ka komen vak chak khawp mai. Phone atang hi chuan a buaithlak
November 23rd, 2011 at 11:54 am
@18.. Full supprawt (Y)
November 23rd, 2011 at 12:06 pm
E khai doc_lib-a chu Pathlawi emaw tih naklai a, hnamdang nula te i lo sawi chu ! TSA nen kan chhu hrep che a ni mai 😀
Tak tak a, Global Village te kan sawi kan sawi ve a, mahni ngaihdan hi zawm a tha ber. Kan thiante pawh hetianga hnamdang pawm ta mai hi an awm nual mai.
Pathian hian Mizo ni turin min lo duang a, kan thlahte pawh Mizo ni zel turin. Rev.Zairema tih dan takah science-ah chuan 50% hi a chanve a ni tlat a, 100% ngei ni thei se maw le. Misual.commer hnamdang nupui/pasal nei te khan min lo hrethiam dawn nia, mimal ngaihdan mai a ni e.
November 23rd, 2011 at 12:10 pm
Pu Pk@15, nang hian i hriatchian hmel ru riau mai. Nula 2 laka a rilru natna kha khalaiah khan hrikthlak a tum aniang a. Lo veng tha nasa teh 😀
Tak tak a, nula 2 in an phatsan che a ni chauh a, keini te chu min phatsantu hi kan chhiar seng tawh hleinem. A then te phei chu kan theihnghilh hlawm tawh ania…haha. Ho lutuk, Mizo nula thatak i la nei dawn khawp.
Hnamdang nula i neih vaih chuan helai site a hnamdang neih chungchang a i negative comment zawng zawng kan rawn phawrh ang 😀
November 23rd, 2011 at 12:21 pm
Tuarna hi hmanrua ang a ni a, hmanthiam chuan hmanraw tangkai tak leh chhawrnaawmtak a ni a. Hmanrua i nei thain i hmang thiam hle mai. Ka lawmpui a che.
Amaherawhchu, hman thiam loh chuan mahni nun chhah nan pawh a hman theih tih pawh i hriat ka ring e. All da best, good luck. (f)
tren tren.
November 23rd, 2011 at 12:27 pm
Mizo nula pahnih avang maia, hnamdang thlan han tum mauh mai chu(h); tuarchhel loh thlak ngei mai.
Hreawm i tawrh dan i rawn sawi teuh a, i nep ru riau leh lawi si. I rilru thlak leh vat rawh, miin TUT an ti mai ang che. 😛
November 23rd, 2011 at 12:35 pm
An sawi luai luai ang khian nula tha lo pahnih vang chauh chuan in tilungngai duh suh. Baâl hmaa thingthi ngai lo nula a la ngah ang..(lo ti ve ngawt ila)
November 23rd, 2011 at 12:40 pm
Hmeichhia an nih hrim hrim chuan nei rawh, khua a tlai hma hian 😀
Hei hla ka thlan sak ang che (keima tan pawh) 🙂
http://www.youtube.com/watch?v=GkqjLLtVg-I
larki number 1 khi ka rin dan chuan i serious lo ang. Love letter tih vel atanga i hriat chian anih ka ring! love ai chuan ‘rejection’ kha i tuarna anih hmel.
larki number 2 khi chu ‘fortune hunnter’ type ani, a hmelthat vangin hmangaih emaw i in ti mai mai anih hi.
Mizo e, vai e a hmeltha tha thlan tur, i fate mizo anni tho tho dawn.
November 23rd, 2011 at 12:40 pm
Ka thu vuak thlak ” hmangaih ber te chu eng mi pawh ni se” neih tur, tih leh Mahni Hnampui neih.. Mahse, i Nu le Pa ten an chhuan em em an fapa harsatna kara mi puitlinga in siam in Hnamdang a nei chu enge an ngaihdan ni ang..
Hnamdang nula i tawn khi i Zir chhuah hnu niin a lang a.. A nih chuan Ka Dem che.
November 23rd, 2011 at 12:46 pm
Food for thought:
*Romance is for a season, but marriage is for a life time!
*When you marry, you marry not only the one you love, but THE WHOLE FAMILY..including the joint family!!!
*When you marry someone from another culture, you may have to sacrifice your own…just to make peace with her/him!
*Tihtauh “romance” never lasts! 🙂
November 23rd, 2011 at 12:51 pm
I lehkhazir lai a i hrehawm tawrh te khi chu tunah te chuan i tan thilsawi nuam an chang tawh a, i tuarchhuak tawh. I tumruhna leh i tuarchhelna te khi a entawn tlak hle.
Misual member tamtak hian kan nun hi phawrh ve ta ila, nun ngaihnawm tak tak kan nei fur lo maw ka ti.
Hnamdang neih hi ka ti, keini ang Mizoram chhunga seilian ve ngawr ngawr ho hi chuan kan hriatthiam pui phak lo che ani ber e. Hnamdang zinga tal rei chuan va neih mai a awl mai thei e.
November 23rd, 2011 at 12:58 pm
Tuarna tel miah lova zirchhuak i nih hmel zawk. Doc_lib mi nep tak i ni. Ka dem che a, ka dem mai piah lamah che hnam phatsan tu i ni ang, hnamdang i thlang a nih chuan.
Right turn 😛
November 23rd, 2011 at 1:01 pm
hmmmm! ka dem bawn tawp che Ku Sheldon ngaihdan khi ka tawmpui e 😛
November 23rd, 2011 at 1:19 pm
thian pa, zangkawltuk nula i ngaihzawn avanga i insawi fihlim tumna hi ka pawm lo mai ni lovin eng ang paw’n phatmar tum mah la… Kei chuan ‘demna’ che ka nei.
November 23rd, 2011 at 1:25 pm
@Soberboy, Doc_lib ang khi chuan i tih ve loh ka beisei.
Innei ta ula, ‘ Kei chu Mizoram kum 10 ka hmu tawh lo’ te hi i ti mai ngah 😀 I fate Mizotawng i thiamtir loh vaih phei chuan kan dem lo theilo che aw 🙂
November 23rd, 2011 at 1:28 pm
@saint sammoo, enge ‘zangkawltuk’? Eng hnam sawina nge?
November 23rd, 2011 at 1:30 pm
Sawi tur ka nei ve lem lo ve. 😀
November 23rd, 2011 at 1:30 pm
I bialnu in a hrelo der che chu awih har ka ti, nangmah hian complex i nei anga i in ngaihbel vel mai mai anilo maw… Thil ho te pawh a nilo zawnga in ngaihbel avang hian miscommunication awm ve thei deuh ania. 😛
Chutiang anih loh tal pawhin ngaihzawng thlan i thiamloh hmel ka ti, hnamdang te in hmangaih theih daih danah. 😛
Tak takin ngaihzawng neih kawngah hi chuan theih ang tawka fimkhur hi a tha khawpmai, an rilru that leh thatloh te nakin thlenga neih atana kan duh tur an nih leh nih loh te hi theih ang tawk a chik hmasak phawt hi a tha ka ti kei chuan. Hmangaih tawh laklawh tehi thil awm thei ania an rilru te alo tha vaklo anih chuan nakina min tibuai tu ah an chang thei. (Y)
November 23rd, 2011 at 1:30 pm
Ku Sheldon a hriat miah loh Vai Nula zunah ka uai hnup si ang e Hairehai!
November 23rd, 2011 at 1:40 pm
Saint zangkawltuk in tih ve ziah gi tute nge? :-S *.o o.0
November 23rd, 2011 at 1:42 pm
A va han ngaihnawm ve,,,,. Mahse kan ti teh ang, Mizo hmeichhia te hi fel tak tak an awm ve teuh mai a. Tawn fuh loh tuma hnam dang nula tang han bei chu(h),, ka ui chee.
November 23rd, 2011 at 1:49 pm
Amah lah chu ka hmanlo a tia. A post vil turin charge min hlan thlap tho a, ka nick hi tun atan doc_lib tiin ka thlak zuai mai dawn e 😀
Hnamdang neilo tur chuan kan hmin thei em ang chu maw.
November 23rd, 2011 at 2:03 pm
Good morning everyone…doc_lib…hehe..pawisa chu excuse mai mai ani e, i pian leh hmel leh charm in a zir lo ve hrim hrim ani ang :fiamthu:
i duh2in hnamdang chu explore rawh…c’mon revenge revenge..nei pawh nila i fate mizo anni dawn tho2. Hnamdang englo pui hi chu a dan a dang ania, an rilru a tluang tlat anti 😀
November 23rd, 2011 at 2:14 pm
Hlawhtling tlak i lo ni e, i struggle dan a ngaihnawm kher mai, hnuk te pawh a tiulh thei dawn alawm le.
Love story chinah khi chuan i thil then lohna lam a ang mah2 ka ti, dinhmun harsat lai te chuan hmangaihna te chu a pung zual zel zawk asin 😀
Tuaisiala te hi chu zir chhuah hma pawh hian lungawi taka lo thlir deuh2 tu hi…. ani lah hi engmah hi min hrilh tha ve duh lo a 😉
November 23rd, 2011 at 2:25 pm
Harsa tinreng ka tuar a, ka tuar chhuak thei ti tu tlangval khan, nula pahnih khat mai2 pawh tuarchhuak theilo maw. Mipa zawng a ka DEM ber i ni dawn nih chu, i nei a nih ngai chuan.
ka chhuang viau dawn che a, eeeee… i mizo nihna kha hre ta che, pa tak khan han ti tha leh teh, Mizo nula hi 2 lek hi an awm lo a sin, keini pawn pathum pali kan hmuh chuan nang chuan i van hmu hnem dawn tak em.
November 23rd, 2011 at 2:30 pm
Mizo hmeichhia hi neih tlak an awm tawh lo anih hi. 😛 😀 (phiamthu aw. 🙂 )
Doc_holmes,, Mizo nula ngei le. Tunah duh viau mah la inchhir hun ila nei dawn chiang,fing rawh khai. Hnamdang nula te chu experience neih nan a tha ve tho ang chu,damchhung kawppui atan zawng ila inchhir palh ange.
I thawhrimna leh taimakna ka (Y) e,i chhuanawm hle mai.
November 23rd, 2011 at 2:52 pm
Vanlalnau anga ☺ahna kalvaryah andang chuanglo e 😉
November 23rd, 2011 at 3:00 pm
(Y) . Hnamdang nupui/pasal nei tan a misual ve theih tawh loh te ti ta mai ila..
Bo nghal vang vang ang!
November 23rd, 2011 at 3:17 pm
Ka dem molh lo che..mahse zola nu ngei le…fel tak2 leh rinom tak2 an om a nia..
November 23rd, 2011 at 3:35 pm
A ngaihnawm ngei mai…true story nge ‘ry lo ka hrethiam lo. Taktak a nih chuan ka dem chhe te lo che. Mahse chutianga i kumkhaw angel nih duh leh chak, fel leh tling zo, Mizo nula ngei i hmu á¹euh tho lo’ng maw?
November 23rd, 2011 at 3:38 pm
Darthlalang hmaah ka in en a,kei mah choh ka ni bik lo e tih pahin ka chhiar nawn sek mei…
November 23rd, 2011 at 3:53 pm
Arunachali hmeichhe ho chu an rilru a te sia, an thinrim rin loh na pui ah hian an lo thinrim a, an lungawi leh awl bok a, fak peih chhung chu min zui peih a 😀 hahah ka trong hnem ltk palh ange 😛 doc-a sweetheart hi eng hnam nge chu ka se mah lou..
Thuziak pangai ang tawpa k chhiar in a ngaihnom ka ti (Y)
November 23rd, 2011 at 3:55 pm
#49 hi fiamthu mai2, chaw tak lem a lem chi nilo nia. Hnam tinah hian mi thra leh thralo te, changkang leh changkang lo, mi puitling leh puitling lo te an awm kim thlap thin