Vun bawl thawt thawt thei khawpa khawlum ka tawrh changin, Retheih luat leh dinhmunin azir loh avanga kum tin aza tela khawlum avanga thi te ka hrechhuak thin a,Pathian hming avanga chutiang tuar theia ka awm chu lawmawm ka ti thin.
Thlasik chawlh laia, Himalaya tlang vur tlakna bul vela Pathian thuhrila kal changa, zana mut lum zawhloh changin, retheih leh vanduai avang ringawta, khawvawtin a hmeh hlum tawh mi sang tam takte ka hrechhuak thin a, Pathian hming avang chauha chutiang tuar theih vena hun rem chang ka han nei thei hlauh chu ka lungawi ru veng veng thin.
Riltama ka awm changin, Ka Lalpan Thlalera ni 40 leh zan 40 chaw a nghei kha ka ngaihtuah chhuak thin a,‘In leh lo neilo’ kani tih ka ngaihtuah chang leh Kristian awm lohna khuaa Ka zin changin, Ka Lalpan, “Sihal ten kua annei a, Sava te paw’n bu an nei, mihring fapa erawh chuan lunghahna aneilo” atih kha ka hrechhuak fo thin.
Ka Nu leh Pa tar tawh takte ka ngaihtuah chhuah changin, Ka Lalpan, “Tupawh anu emaw apa emaw keimah aia hmangaih zawk chu ka mi nitlak ani lo” atih kha ka hrechhuak leh thin.
Mahni rama thlamuang taka awm thei, hnamdang kara, an aw-ka vin leh thinur hmaisa tawn changin, Van Lalfapa keimahni avanga a hmelma te a tawngkau chhehsual chang rengte kara awmin, “Chinghne zinga beram awm angin ka tirh che u hi” atih kha ka hrechhuak fo thin.
He khawvel ropuina leh mawina te alo vul dawn changin, Ka Lalpan, “Tupawh Leileh na a a kut nghata hnunglam hawi chu kami nitlak anilo” atih khan min tichak thar fo thin.
Thlaphang tak leh lungngaia ka thlan a tlak phat phat changin, Keimah avanga a thlan thisen anga far kha ka ngaihtuah chhuak thin a, chu chuan min thlamuan thin.
Ka Lalpa tan hian thawh hlawklo riau a ka inhriat changin, “Ka theih tawp chu ka chhuah ve bawk alawm maw ni le? Aman tul atih chuan hei aia ka tangkai theihna hmun turah min la suan mai ang” tiin ka lo lungawi leh thei thin.
Ka vel a Lal rawngbawltute paihthlak a awm leh, Lungawilo vui thawm ka hriat changin, Ka Lalpa hmaah dingin, Ka in X-ray fo thin a, chakna thar lain, fimkhur zawka rawngbawl a tul zia min hriat chhuahtir thin a, tum ruhna thar ka lo nei leh thin.
Hnam dang, pawnlammi tih avanga tuten emaw min han vin khar khar changin, Ka Lalpa a thilsiamte hmaa engmah sawi theilo leh mahni inveng theilo, amah chauha chhel taka ding tlat thin khan a hmelmawi min hmuh thar tir fo thin a, huaisenna leh lungawina min pe leh thin.
Hmangaiha rawng kan bawl sakten, min mamawhlo thawka thaw a,min huphurh zawk mah awm hmelte min hmuh changin, Ka Lalpa ama mite hnena lokala, ama mite hnawl leh duh loha awma khan lungawina leh chhelna thar min pe thin.
Chawimawina, mite zahderna leh fakna te, Mite khawngaih, rinkai leh duhsakna te ka dawn changin, “Ka Lalpa hian hrehawm ringawt tuar tur chuan min ti bik love, Josepha leh Daniela te pawh khan hrehawm ringawt chu an tuar bik loh kha a” tiin ka rilru alo hahdam leh thin.
Arunachala Hindu ho Sikul 50 bawr vel, Central Sawrkar chakna ringte ka bitum dawn tih ka ngaihtuah changin, He Khawvel Setana Lalram thiat tura lo thawk, Van Lal Fapa khan, ahmaa tih tur awm a huphurh ve tur zia ka ngaihtuah thleng thin a, phurna thar leh beiseina thar min pe leh thin.
Hotute hnuaia kun theilo zet leh rel reng mai thinte, lungawina nei hlei thei manglote ka hmuh changin, Lucifer-a, Varparh,Zinglam fapa paih thlaka a awm chhan kha ka ngaihtuah chhuak leh thin a, Thlarau thianghlim hnathawh anih rin harsa ka lo ti thin. Kumkhua leh chatuanin Lal hnuaia kun tur leh Lal rawng bawl tur kanni sia , “Vanram pawh, hetiangmite tan hi chuan a nuam duh awmlo mange aw!” tiin ka ngaihtuah fo thin.
Tichuan, he khawvela thil nung dangte an dan pangaia an hahchawlh thiap lai, Ka Nupui fanaute pawh tui taka an thawk sak sak lai chuan, kei chu ka khum laizawlah ding takin ka ngaihtuahna chu a vak vel ta a. Pathian Nung pakhat engkim bul leh tawp, engkim chunga roreltu leh thuneitu chu a ropui zia leh, a thuhnuaia intulut hliah hliah tur kan nih zia chu ka ngaihtuah thleng ta zel a.
Hringnun damchhung hi, Chatuan tehna atang chuan ava han reilo lulai dawn tak em, Zinga chhum lo lang, ni alo tlang sana tham ral ta ang hi alo ni tak meuh mai. Kum khat lek dam thin thlai ang chauh hi kan va lo ni chiang tak em. Kumkhat thlai ho chu anlo tiak a, anlo duah a, anlo puitling a, mawi takin an par a, an par chhung lah ni hnih thum lek chauh.chutah an mawina te alo chuai thuai a, kir leh ngai tawhlo turin lei lungah an luang ral thin.
An chipaite erawh, an lo tiak leh a, engdang ngaihtuah bik lovin an lo thanglian leh a, an lo vuai leh thuai thin. Chutiang aia kan ropuina hi alo va awm biklo tak em.
Amaherawhchu, hringmi te zawng , Pathian anpuia siam, Chatuanmi nihna nei Thlarau pai kan nih avang hian, he kan hringnun vullai leh tangkai ve theih lai mitkhap kar ang leka reilo hi Chatuan neitu, Pa Pathian chuan, Keini Ramtuktin Par tluk leka vullai reilote, Ama anpuia siam nisite, Chatuan hun min dawnpui avanga a thilsiamte anga lo changa, thi khawp hiala thu zawma, Chatuan Nunna neih theihna kawng min rawn hawn sak leh tu tan hian kan tangkai ve theih chhung hi va han reilo lulai deuh em ve maw le!. Rawng kan bawl dawn chauh emaw kan intih chhungin kan vanglaiin mual min lo liamsan reng dawn si.
Tichuan, ka thu chhuak hlawla, tangkai theihna neilo teh mah ila, Ram tuktin par pawhin a vullai chhung chu a rei leh reiloh lam ngaihtuah lovin, amah siamtuin asiam chhan ang takin a hunah chuan rinawm takin alo par vul ve mai thin anih si chuan kei ve hian engtin tak hian nge Ka Lalpa min siam chhan ang takin a tan ka han tangkai ve ang le aw?.
Ka theihna chu a tlem tih chu ka hria e. ka nih ang ang erawh chuan Ka Lalpa tan hian ni hnih khat tal pawh par vul ve theih ka va han chak tak em.Tichuan, ka hrehawm lo tuar ve chhuanawm thamlo zette chu min tihlimtu leh lungawina min petu anlo nita zawk a, “Lalpa kei mi chaklo hi, itana thihthlenga rinawm tak leh lungawi tak a awm thei turin min puiin, min tichak ang che” tiin Lalpa chu ka be ta mawlh mawlh mai ani.
Lalpa min hun naah hian vui tur kani dawn emni? Kan tih theih tawk leh tlin tawk chu Pathianin ahria a, Khawia kan awm hian nge atan kan tangkai ve theih anga, khawia kan awm hian nge atan leh rawngbawlpui dangte tana hnawksak mai kan nih theih ang? tih hi ahretu chu Lalpa Pathian hi ani dawn lawm ni? Vui tur leh chan tawka lungawilo tur kanni dawn em ni? Tih ngaihtuah chungin lungawi takin ka chawl ta siai siai a.
Similar Posts:
- I ngaihtuah ngai em?
- Pathiana mihringte dinhmun;
- Lalpa Pathianin a mite a ngaihtuah thin.(Sunday Pual)
- Lalpa I hmangaih ang chiah khan Lalpa’n hmangaih ta che se la!
- Chhandamna (Sunday Pual)
ni hman nuam vek u...
December 4th, 2011 at 6:11 am
Laikhum atangin ulukly in kan chhiar te’ng…
Report this comment
December 4th, 2011 at 6:12 am
Good morning vek ule
Report this comment
December 4th, 2011 at 6:14 am
3rd
Report this comment
December 4th, 2011 at 6:20 am
A rei si lo, dam chhung ni leh kum te,
Thawnthu angin…a tham ral dawn….
Ram tuktin par, angin kan chuai leh thin….
zan mumanga a ral ang hian….
thlarau erawh a nung reng dawn a sin….
– Parpuii chawngthu
Report this comment
December 4th, 2011 at 7:30 am
paws tha tak a nih hi…
lawmthu sawi nachang hriat fo tluk a hlu a awm chuang lo
Report this comment
December 4th, 2011 at 7:47 am
I Lallukhum a va chhah dawn bik vele! Kei zawng chhuan tur engmah reng ka nei ve love, Ka hmangaih Krista chauh lo hi chu.
Report this comment
December 4th, 2011 at 7:52 am
A va tha kher em ve le aw……Pk Sunday a tana thu tha tak tak min rawn chhawp chhuak sak thin hi a ropui ka ti tak zet zet a ni.
Report this comment
December 4th, 2011 at 7:58 am
A ngaihnawm hle mai
Ka rilru a lo lang pakhat (min hrethiam mai ta ula hairehai)
Laikhum zala ka dawn pawhin…♫ ♪tih hla ka rilruah alo lang tlat. Tihian kan sa uang/fiamthu thin:
Kan tapchhakah ka han luak a, kan kawmchar emaw kalo ti. Engtin nge maw zurui reng hian, nupui fanau ka chawm ang le… Engdang vang a nilo lungrun…. ♫ ♪
Report this comment
December 4th, 2011 at 8:02 am
I sermon hi a tha thin ngawt mai. Tunlaiah hi chuan Pathian thu ngun lutuk hi chuan chhiar a hlawhlo tlangpui a, thalai zingah ngat chuan. Nang chuan Pathian thu hi chhiar nuam tak hian i ziak thiam tlat thin. Kei ve chu Pathian tan tih ka nei tlem lutuk a, Amah vek hian min tihsak a, lawmthu sawi nachang lah ka hre ngun lutuk silo. I sermon khian nasa takin min zirtir thar a, ka lawm takzet e.
Mi(sual) ho chhiar tur a post anih vang te pawh a ni thei a, zangkhai deuh hian i ziak thiam a. Biakin ah chuan i ti fan ve ruih ruih ang em aw te ka tia…haha…
Pu Hv chu…haha
Report this comment
December 4th, 2011 at 8:10 am
@8, hahahaha
Chhiar a manhla kher mai,
kristian hla bu no. 48na khan ka tuihnih e. Sunday pual chhiar thei a min humhimtu Lalpa chu fakin awm rawh se, Amen.
Krismas a hnai tawh a, he hla hi tukin chu ka ngaithla tlut tlut mai, a video chu ka en thei lem hlei lova, a en thei te lo en a tan ka rawn dah ve reng reng e.
youtube.com
The Melodians – Rivers Of …
VIDEO youtube.com
Amazon.com: Rivers of Babylon
tren tren.
Report this comment
December 4th, 2011 at 8:20 am
tukin chu chhung inkhawm hranpa nei lovin hei hi inchhiar chhawk ta den den mai ila… te ka tia…
Report this comment
December 4th, 2011 at 8:28 am
@10 a ka link dah ve chu leh. Mi inzir ve te
Hei hi dah leh chhin ang. 
https://www.youtube.com/watch?v=o-5E6_qtXAw
tren tren.
Report this comment
December 4th, 2011 at 8:30 am
tha khawp mai
Report this comment
December 4th, 2011 at 9:16 am
#8, Ku HV kan sak dan ve thung- Hnap tla pura ka ruih pawhin , a mak e zu sim har ka ti. In tapchhakah ka lo luak a, kawng sir emaw ka ti. Engtin nge nang zu ngawl vei hian, duhlai tia min koh mai le. OT leh loks, Ku HV, post danga mi kha- ka 7day lo rapthlak. Tunah pawh vawksa ka lim zo chiah a ni.
Report this comment
December 4th, 2011 at 9:22 am
#14 Avan Tlangnuam sak dan ve
Loh rapthlak paw’n rapthaklo takin i ni tho lo maw hairehai
Report this comment
December 4th, 2011 at 9:35 am
A dik, ngaihnawmin, a va han tha tak em. I sermon a live ngeia ngaihthlak a chakawm rum rum e a.
Sunday hman nuam vek ule.
Report this comment
December 4th, 2011 at 9:43 am
#15, engemaw lai khan he thu hi ka buaipui ve nasa thin a, mihrang2 chhui dan pawh ka thiam tawkin ka khaikhin ve nasa thin. Ziak hrang2 leh video hrang2 pawh ka hmuh theih chu ka khal nasa ve. Chuta tang chuan 7day ho chhui dan hi la pawmawm berah ka ngaih vang mai2 a nia. Bible thu nen pawh in mil ka ti ber mai. Haire hai
Report this comment
December 4th, 2011 at 9:50 am
Paws tha tak a ni
@11 keiphei cu tihian nileng inkhawm ang hialin hlawk ka in ti tawh…hehe…inkhawm buai pawh ngai kher tawh lo maithei…te ka ti
Report this comment
December 4th, 2011 at 10:13 am
Engkima lungawi zel ching mi i ni tih a lang renga; a ropui e. Kan Lalpa tana ṭhahnemngai taka rawng i bawl zel theih nan ka neihchhun duhsak na ka hlan a che. Ka theih chhun ṭawngṭaina hmangin ṭan ka lo la ve bawk ange.
Report this comment
December 4th, 2011 at 11:39 am
Chhiar a nuam khop mai..a thra ka ti khop mai.
Report this comment
December 4th, 2011 at 12:17 pm
Post ropui tak a ni.. Chhiar a nuam hle mai..
Report this comment
December 4th, 2011 at 1:15 pm
“Heng puan var sinte hi tute nge ni,
Khawi atanga lo kal nge an nih?” tiin min bia a;
Kei chuan, A hnenah, ‘I hria’ ka lo ti,
Ani’n ka hnenah, “Heng hi hrehawm nasa taka chhuakte;
Kha an ni si,” a ti.
He hla hian kan tuihnih ve ang e.
Report this comment
December 4th, 2011 at 1:41 pm
A ropui ngei mai.
Report this comment
December 4th, 2011 at 5:09 pm
Vawiin chu ‘buaini’ anih bakah ka Net a chiang lo reng a, ka rawn lut mai thei lo a ni. He Post hi submit ka inthlahrung ang reng viau mai a, amaherawhchu, ka Thinlung chhungril tak atanga lo chhuak, ka bun chhuah anih avang erawh chuan, ka ngaihlu ve ang reng viau a. Ka hlauhthawn ai takin Comment a tha(positive) a ka lawm ngei mai.
Report this comment
December 4th, 2011 at 7:29 pm
E khai pu PK, ka van hlawkpui leh ta ve! In sikul tan ka lo tawngtai ve thin tawh dawn nia. Live a han titi pui che a chakawm khawp mai!
Report this comment
December 4th, 2011 at 8:04 pm
BMW, mi(sual) ah ka awm rei tulh tulh a, a tak a inhmuh a chakawm tulh tulh tak mai. MI an sawi thin te hian, ho hi ka lo ti thin khawp mai a, mahse tunah zet chuan, Sheldon, Jacka pi, Sammoo, Doc_lib, lrpa, Aduhi, chhuaklinga, Zualbonez, boiha pa, vakul leh adt. a live a inkawm a chakawm ta hle mai.
Report this comment
December 4th, 2011 at 8:26 pm
Pu Pk, i sermon min chhiartir hi inthlahrung suh. Ka comment a ka sawi ang khian simple taka Pathian thusawi hi tunlai thangthar te duhzawng a ni tawh. Kan Pathian thusawi dan pawh a changkan ve zel a ngai tawh alawm. Bible chhung thu un tak tak ringawt hi chuan kan thalai te hi a hnawtkiang tlat ania. Mi zawng zawngah ni lo mahse.
Mi(sual) ho inhmuhkhawm hi a chakawm. mahse, a taka kan inhriat deuh vek chuan tun ai hian a nuamlo thei ang. ‘Anon’ kan nih hian kan rilru diktak kan sawilang ngam in ka hria.
Han inhmu ila chu sawitur chu kan haihchham miahlo ang le. Kan Mi(sual) member pakhat nen chuan kan inhmu a, a vawikhatna ah pawh sawitur kan ngah mai. Online in kan lo inhre bel tawh em a
Report this comment
December 4th, 2011 at 8:39 pm
@27.Sheldon, Ania sin. Pu Keivawma’n a Lehkhabuah a sawi kha. “Galili dil, Bethlehem, Kalvari Tlang, Jordan Lui han tih deuh ruih te hi a hming atang ringawt pawhin a mawi hmelin a Lunglenthlak thei a. A taka han hmuh chuan a ho duh lutuk” a tih kha. Heti hian ralkhatah hian in hisapin in mitthla vel ila, a tha zawk mai thei a ni.
Tlangval pakhat (ka thianpa) Zu rui ve deuh reng thin, Piangthar hlim pawhin Speaker kha a zui ve nghal a. Puitling ho han counsel turin an la ring tawk si lo va, Naupang rual an ho tir a. Thahnem ngai tawkin, “Enge in harsatna? Zu-ah em ni? nge Nulat-tlangval lamah?. In lo hlepru thin em? a han ti piap piap mai a. An in melh hrek hrek a, an hawi a reng mai asin.hehe.
Report this comment
December 4th, 2011 at 9:18 pm
Report this comment
December 5th, 2011 at 12:41 am
Post leh comments te ka chhiar nawn leh vek, ka rilru ah a awm tlat sia. Bible chang han thlan mai tur ka hre silo a, post tupa tana ka chang thlan :
Lal Isua chuan phone a neilo a, mahse ka ‘call’ reng thin ; Facebook account a neilo a, mahse ka ‘friend’ a ni reng ; Twitter account a neilo a, mahse ka ‘follow’ reng zel ang.
Lord, into your hands i place my soul, be with me thro’ the night, good nite.
Report this comment
December 5th, 2011 at 12:57 am
Rempy says-Lal Isua chuan phone a neilo a, mahse ka ‘call’ reng thin ; Facebook account a neilo a, mahse ka ‘friend’ a ni reng ; Twitter account a neilo a, mahse ka ‘follow’ reng zel ang.
Lord, into your hands i place my soul, be with me thro’ the night, good nite.
Nangpawh good nite le. Ka hna ka zo chiah a, mut hmain kan lut leh zuai a ni.
Report this comment
December 5th, 2011 at 1:30 am
Vawiin ka chhuah hma chiah khan he post hi ka chhiara ngaihnawm ka ti angreng khawp mai. Hrehawm leh harsatna kan tawh chang hian mahni inkhawngaih hi thil awlsam tak mai a nia, chutiang huna in hnemna tur kan neihloh chiah hian beidawnna hi a lo kal mai ṭhin niin ka hria(in hnem na tur thu hriat nei ṭha leh ṭha lo kar pawh hla thei tak a ni). Hetiang hun tawn aṭang hian Bible chhiar tlem leh chhiar tam/hre tam hi chu a in an theihloh hrim hrim ni te pawh hian ka hre ṭhin. Rilru a vaih tak tak hi chuan sentence khat lek thu pawhin min thlamuan theih zia hi a takin ka lo hmu ve tawh ṭhin. Post ṭha tak niin ka hria
Report this comment
December 5th, 2011 at 2:38 am
Gud post.
Report this comment
December 5th, 2011 at 2:40 am
Report this comment