Misual.com a ka post ve hmasa berah hian Mizoram Missionary hmasa ber chungchanga ngaihdan dang, Khasi pa hnen atanga ka dawn tawitein ka rawn ziak a. A duh tan https://misual.life/2009/10/23/kan-missonary-te-kha/ hian a chhiar theih a.
Tunhnaiah pawh a ri leh ta zeuh zeuh a; hman deuhah pawh Kolasib-a Khasi ram Missionary rawn kalna hmunhma chu Mizorama missionary thlenna hmasa ber hmuna cheibawl uaih uaih te a ni thul a. Kan sawi ho nak nak pawhin Pu Buanga leh Sap Upa te chu Missionary hmasa berah kan pawm tlang ta tho anih kha.
Hmanni deuh lawkah Thalai inkhawm kan neihin, ka zirlaipui hian Missionary hmasa ber nia a hriat a rawn sawi ta mauh mai. Duh aiin he thu hi a lo kangkai nasa tawh anih dawn hi ka ti ta rum rum a.
Rev. William Williams kha 1981 ah khan a rawn lawr ngei tih chu hriat a ni a, Synod website atanga a landanin; amaherawhchu, missionary ang taka rawn lut ni lovin ram rawn thlithlai satliah mai a ni tih hi kan inhrilh nawn fo pawh a va tul em.!!
Engvangin nge Arthington Mission kher khan Pu Buanga leh Sap Upa hi an rawn kal tih hi ka ngaihtuah nasa thin hle a. A chhanna nia ka hriat tak ber chu, tun ang hun, kohhran(denomination) inpawngnekna hun atan chiah hian a lo nih dawn hi ka ti rilru ta a ni.
Mizote hi chu, intihkhawm let let hrat, thil tha leh mawi, duhawm apiang mahni nena in chhuizawn tum phet mai; a tha lo lam thung erawh chu mahni tih reng pawh ni se pha tlat, video mawi lo deuh hlek lak avang pawha vengchhung atanga nula inluah hnawtchhuak ur ur duh kan ni tlat a. Tun ang hun, Krista Chanchintha aia Kohhran ram zauh kan ngaihtuah tlatna leh, Mizorama chanchintha rawn thlentute pawh kan inchuh hun atan hian a ni thei angem???
Arthington Mission kaltlanga Pu Buanga leh Sap Upa an rawn kal hi, tu kohhran mah hian kan kohhran rawn tirh hmasak ber tiin kan sawi thei lovang.
Chuvangin, Pu Buanga leh Sap Upa ten hun harsa leh khirhkhan tak tak paltlanga, min hmangaih taka hrehawm pawisa lova an inpekna kan chawimawi a, Mizorama Missionary hmasa ber, Chanchintha mei rawn chhi chhuaktu an nihna hi he kan kohhran bang avang hian i chhuhsak lo hram teh ang u.!!!!
Similar Posts:
- Missionary hmasa ber thar kan nei leh ta mauh mai le..!!!
- Mizorama Kohhran(Biak In) hmasa ber ??
- Kan missionary te kha
- Sikulpui Centenary
- Picture post dan zir nan thlalak tlemte
August 17th, 2012 at 5:18 pm
Hmasa phawt ang.
Report this comment
August 17th, 2012 at 5:22 pm
Ni ngawt mai, ngaihtuah chian apiang hian an ropui zia a lang ur ur mai.
Report this comment
August 17th, 2012 at 5:28 pm
“Rev. William Williams kha 1981 ah khan a rawn lawr ngei tih chu hriat a ni a” tih lai khi correct theih se.. type sual palh a nih hmel.
Report this comment
August 17th, 2012 at 5:45 pm
He thu hi chu kan chai tam ta malh malh hle mai.
Report this comment
August 17th, 2012 at 6:04 pm
Ka post hmasa a Zoram Genesis link pek khi ka rawn dah thei miah lo a. 1st comment ah a rawn dah hi.
Report this comment
August 17th, 2012 at 8:08 pm
He ngaihdan hi ka pawm e. Pu Buanga, Congragational atanga Baptist kohhran zawm, Sapupa, Methodist ni thin High gate Road Baptist kohhran zawm ta bawk te hi Robert Arthington, Quaker mihausa thil kawm ve tak thin in missionary hmasa ber turin Zoramah a rawn tir a. Tu kohhran mah hian inti neitu bik lose, tumah hian ar khual en bawk lo se, kan vai a ta an ni e.
Report this comment
August 17th, 2012 at 8:20 pm
Kohhran din hran hnu chhim leh hmar kohhran dinhnu ah pawh khan, pu Buanga te chu Missionary hmasa ber ah ngaih an ni thin, tunthleng pawhin. Mahse Rev William Williams te sulhnu pawh hi a theih chuan humhalh a tha khawp ang, kan tan an hlu vek a, Pu Buanga leh Sap Upa te, missionary dang ho zawng zawng chawimawina chang i hria ang u.
Report this comment
August 17th, 2012 at 11:02 pm
Ka paWm e
Report this comment
August 18th, 2012 at 10:05 pm
Ka pawm zawng tak a ni
Report this comment
August 22nd, 2012 at 9:26 am
Mizo ten history kan hmuh dan hrim hrim te chu, “Hmasa ber” tih vel hi ni ber mai….Date leh kum velah kan buai ber mai..mihring hming te, B.A pass hmasa ber tih vel ringawta History hi hman kan tum chuan a buaithlak ngawtin ka hria. A chhanchu, hmun hming te, a kumte hi a pawimawh teh meuh mai, record fel tak a awm loh chuan, inrin siak a ngai. record fel tak pawh awm se, hrilhfiah leh tho a ngai…kan historical issue vawrhchhuahna chhan tak thin zawka hi hritfiah tum ila, history chu a changtlung ngei ang..
Report this comment
August 22nd, 2012 at 9:30 am
Tin, ka sawi belh duh chu, history (past) hi chu a danglam lo, past hian thangthar hnena a hnuchhiah chu a tam miah lo. Chung a hnuchhiah (sources) hmang chuan mi ten history an ziak a…A dik ngialngan anga ngaih tur a ni lo. Source thar an hmuh chhuah chuan, history ziaka kha a danglam leh vek thei. E.g B.A pass hmasa ber hi kum 1956 ah mi pakhatin a ziak a, ahnu kum 1990 ah source dang atangin, mipakhatin b.A pass hmasa zawk a rawn hmu leh a…hetiang thil hi a awm thei…
Report this comment
August 22nd, 2012 at 9:35 am
Pakhat leh loks, chhungkua or khua bik pawhin, kan huntawng a inang lo, in ang pawh a awm. Hetih lai karah hian history hi thruang khat chauha kal tir ngawr2 kan tum chuan, dominant ideology hi chu thangthar ten an la rawn chaltauh ngei ngei ang. Tin, tu emaw ngaihdana conclution siam rum2 hi a democratic lo ka ti…hemi hma hi a nawlpuiin, sawikhawm hmasa te hi a tha ka ti.
Report this comment
July 1st, 2014 at 5:41 am
Gap Insurance
He thil hi chu kohhran(denomination) ang zawngin i la tawh lo hram teh ang u, khawngaihtakin! | mi(sual).com
Report this comment