Tunlai chu post a tamlo in ti vei ziah bawk a, mahni vei zawng sawi ve leh pawp ang. Post tur chu ka ngah, mobile atang chuan a buaithlak deuh thin a. Masi hmang turin Aizawl lam ka pan ve e ka tia, mahni pian leh murna leh lalna ram kalsan in 
Nimin piah khan ka bazar e ka tia, kan bus chuanna chuan naupang pakhat a su tlu tawp mai a. A tlan muan lai a ni hlauh a a su na lutuk lova, tlema a chak deuh lai chu nise a na viau in ka ring.
Bazar ah naupang hruai kan ching hle a, hruai ve an ngaih hun chu awm mahse a zawng a za a hruai hi thalo ka ti tlat. Tin, naupang kan hruai in ngaihsak hram hram thin ila a tha ngawt ang.
Mi tam tak chuan kan fa te bazar a kan hruai in kan ngaihtuahlo thin a ang khawp mai, thingpui in tura ka thut lai pawhin naupang bo chhar thu an rawn puang a. Mahni nau hruai te pawh tihbo theih chu ka lo ti rilru mai mai a.
Nimin khan bus a ka chuan lai in bazar tur mipui zi nuaih nuaih karah kan tlan phei a. Driver in horn a tih rik tuarh tuarh pawhin kawng kian tha duh an awm der lo. Driver chuan motor horn engahmah an ngaihloh thu min hrilh a, mak ka ti angreng khawp mai. Bus bang kan beng ri a, a zia ta deuh.
Aizawl khawpui chep zia leh motor kawngpui chep zia te leh a sutkian dan tur rawtna hrang hrang te kan mithiam te leh thiam vaklo ten an sawi in an chhuah chamchi a. Mahse a thil tithei tu ber kan sawrkar ber a ngawi muah mai si a. Hun engemaw chen chu hetiang hian kan la kal dawn niin a lang a. Mihring leh motor kan pung in kan tawt telh telh bawk si a, hun rei vaklo ah chuan chetsualna a thlen zauh zauh ka ring tlat.
Driver te pawh hian mipui tamna ah chuan hmanhmawh lovin motor khalh sela, chutih rual chuan a pawimawh ber mipui te hian motor hi i hlau ang u ka rawn ti ve duh ani.
Hman kumah bike in mi pakhat ka su a, ka thiamna ngei leh ka bula awm te pawhin ka thiam zawk ngei tih an hriat chian em emna ah pawh motor a mihring tih palh chuan dan hma ah thiam chan a har khawp mai. Motor a in tihpalh a lo thlen in motor khalhtu ten thiamloh kan chang zel si a.
Chutih rual chuan motor in min tihpalh hian a hun laiin na lo anga lang pawh hi a hnu lamah a na tulh tulh duh em em bawk a. Rei tak chhung sil ta te pawh ka hria.
Chuvang chuan sut kan nih ve loh nan MOTOR I HLAU ANG U ka rawn ti ve mai mai ani e.
Similar Posts:
- Ka zin ve a…
- Masi bazar a nuam hle – 2
- MLA vengtuten police driver kut an thlak
- Kawng kam chawhmeh bazar.
- Taxi / City bus in HORN min pe ve khanglang a…
December 14th, 2011 at 11:53 am
Comment an off rengah, nilo se chuan vawi 10 vel ka comment tawh tur a hehe
Ni e, Motor hi hlauh tur
Report this comment
December 14th, 2011 at 11:54 am
Ka ngaihmawh deuh chu nu thenkhat naupang kai a kawngsir kal, an fate zawk kawngpui lama an kaltir hi. Fate kawng cross san, naupang hmanhmawh taka kawng cross ve phah, motor in a su ka hmu tawh, a nu kha va hauh ka chak mai pek a.
Report this comment
December 14th, 2011 at 11:54 am
Sheldon va kamkhat la niang chu, mahni fate kawngkan san reng reng
Report this comment
December 14th, 2011 at 11:57 am
Comment an off vangin min f1rst khalh.
Report this comment
December 14th, 2011 at 12:02 pm
ka rilruah he hla hi lo lang tlat pek a, a video a nuin a fapa phone a hmansan vanga motorin a su trep lai a tel vang a ni pakhat a
https://www.youtube.com/watch?v=oEIvlihb2Ms
Report this comment
December 14th, 2011 at 12:03 pm
Nia, motor i hlau ang u, chutih rual chuan driverte poh i fimkhur ang u, chetsual hnuah chuan a pawi tih mai loh chu sawi tur a vang toh thin.
Report this comment
December 14th, 2011 at 12:03 pm
@little, va kamkhat ka duh viau a, mahse naupang kha a thi emaw ka tia, motor hma ah a let hlawm tawp sia, ka te tuarh a, ka kun daih, ka en ngamlo, ka hawichhuak ngamlo a. A sutu kha ka chuanna motor (dawihzep tak ka ni)
Report this comment
December 14th, 2011 at 12:07 pm
Electric Power House Bus Stand atanga Israel Point inkar saw a buaithlak lai ber chu a ni. Motor a tlan hleithei lo zawk hlauha, accident a thlen loh phahin ka hria.
Report this comment
December 14th, 2011 at 12:22 pm
A theih hram chuan naupang bazar a hruailoh hi a him ber, an thawmhnaw lei dawn pawhin an mahni kan teh mai a, an tello in a lei theih luttuk. Lirthei leh mipui tam luttuk kar a chhuahpui chu naupang an khawngaihthlak
Report this comment
December 14th, 2011 at 12:36 pm
Ka awmnaah hian kum 2 tep ka awm tawha naupang kawngpui kan leh kawt laia naupang hruaia hnuk phar duai duai hi sawi/hmuh tur ka hre tam lo khawp mai, a zir ve theih ngeiin ka ring.
Report this comment
December 14th, 2011 at 12:50 pm
Motor hlauh a ngai lo. Driver hawihhawm lo i hlau zawk ang u. Kea kalte horn pe duh khawpa driver polite lo ho hian engti kawngin nge driving permit an lo neih theih reng reng. Motor khalh tlak anni lo. Mihring chil duh ngat khawpa driver thiamlo leh fimkhur lote chu lungin bang awm lova tan tir char char tlak anni.
Report this comment
December 14th, 2011 at 12:52 pm
Sorkar cily planning thiam lo, pedestrian pathway siam nachang pawh hre miah lo hi an hlauhawm bawk.
Report this comment
December 14th, 2011 at 1:06 pm
He post hi ka thlawp vel vek.
Report this comment
December 14th, 2011 at 1:18 pm
James Bond @11 chu!!”Kea kalte horn pe duh khawpa driver polite lo ho” han tih teh chiam chu..ke a kal, motor hlauh nachang leh motor lo tlan hmu reng pawh a kawngsir pan tum chuang miahlo khawpa kea kal polite lo i la hmulo ni turah ka ngai..
Veng pakhatah kan thianpa hna a thawh zawh tawh enpui turin kan kal a, khami veng naupang ho motor hlauh loh zia kha aw!!! 15-20 vela kan tlan det det chung khan ka ip chawih chawih reng..
Report this comment
December 14th, 2011 at 1:28 pm
Report this comment
December 14th, 2011 at 1:34 pm
Driver fimkhur lo te hi hlauh tur an ni a, a dik chiah mai. mahse min rawn delh tu tak hi chu motor ania.
Report this comment
December 14th, 2011 at 1:45 pm
A thupui ka chhiar chuan “E heu, hlauh nachang ka lo hre ve lo a, nichin lawk paw’n motorah ka chuang asin’ ka ti hman a. A thu han chhiar chuan chutiang lam chu a lo ni chiah lo a, thu pawimawh tak a lo fun a nih hi.
Ni e, motor-in a tihpalh zeuh pawh hi mihring taksa nem tan chuan rin aiin a na hma. Kea kan kala kan inchhuih hlek pawhin kan pai dawrh a, ke tin te pawh kan chhuih khawk hlawk thei a nia, motor, thir hlawm titih, a lo berah 1000 kg. velin mi a sut emaw a chil emaw chu na tak tur hi a ni reng a ni. A tipalhtuin inthiam lo-in ngaihdam pawh dil eng ang mah se a pawi tur chu a pawi tho tho tawh thin.
Motor chungchang bakah kan khawsakna reng rengah hian kan tih ve theih chinah chuan theihtawpa fimkhur hi mimal mawhphurhnaah ka ngai. Kan tih theih bak erawh chu Pathian kutah a awm.
Report this comment
December 14th, 2011 at 1:48 pm
Thenkhat inla ngeng deuh taka muangchanga kawng an han kan vel kher thin hi huatthlaawm ve deuh chu a ni. A polite loh thlak.
Tlan titih deuhin kawng ka kan thin
:inla fel em2 :
Report this comment
December 14th, 2011 at 2:03 pm
Ram changkangah chuan horn hi an pe ngai mang lo hrim hrim a, an thinrim hle anih loh chuan. Indian ram ah erawh chuan pedestrian te hnawh kian nana horn pek vak vak an hreh lo. Pedestrian tan kawng kalna dang awm hek lo.
Report this comment
December 14th, 2011 at 2:28 pm
Report this comment
December 14th, 2011 at 5:09 pm
Mipui te leh motor khalhtu te kan fimkhur tlan a pawimawh hle in ka hria.
Report this comment
December 14th, 2011 at 5:16 pm
Europe ah chuan horn awmze nei lova in pek hi insult a nia, kan awm na ah hi chuan, zebra line loa kawng i kan emaw,chuan Rs 3000 i chawi hmaks
Report this comment
December 14th, 2011 at 5:30 pm
22. Vawiin ka kawng kan tur Car 1 in tul miah lovin horn min pe tuar a. Rum tawka ka va melh chu a khalhtu nula/nu samsei ngo zet mai hian min lo nuih tlawn a. Min chhaih ve niin ka hria a, ka meng rum zui duh ta bik lo.
Report this comment
December 14th, 2011 at 5:31 pm
23 haha nula i lawm lutuk lolzzz
Report this comment
December 14th, 2011 at 5:43 pm
#23
Report this comment
December 14th, 2011 at 5:54 pm
Khaia, motor hi ka lo hlau mang hleinem. Motor an nih chhung chuan ka khalh ngam vek turah ka ngai mai a sin. Car kan neih tan tirh hian motor steering hi a dawm pawh ka la dawm chhin lo. Zan 3 driver in min tlan chhuah pui a, zirtir belh tur ka hre tawh lo, a mahin in khalh nal ve ve mai rawh se a tia. Chumi hnuah bike ka lei leh a, vawikhat pawh bike steering la dawm ngai lo kha, min zirtir tur ber khan ka zirtir tur ber a clutch, brake leh gear combination a ti thei nghal a,a khalh thei nghal mai sia, enge ka zirtir ber dawn an ti he haw a..lirthei anih phawt chuan khalh theih loh ka nei lo ang ka lo ti mai a sin..Bus leh 407 full load thlengin ka khalh chhin vek tawh a, ka lo hlau mang hleinem..
( lirthei khalh hi chu ka huphurh lo, nula khalh hi ka huphurh zawk mah awm e 
)
MAhse a post tupa sawi erawh ka hrethiam e. Mahni khalh ni lovin midang khalhah hian i fimkhur ang u
Report this comment
December 14th, 2011 at 6:01 pm
Doc_lib leh, nula khalh hi a huphurhawm loh ber zawk alawm.
Report this comment
December 14th, 2011 at 6:33 pm
Sangpuiipa a buaithlak lai chu, in zirtir chi a ni si lo alawm, kan nula khalh tur, midangin zirtir paha an khalh vung mai chuan a buaithlak zo vek bawk si
Report this comment
December 14th, 2011 at 6:40 pm
Bawng khalh hi a harsa viau lo’ng maw?
Tak taka hun pui lai hi chuan ‘No Vehicle Day’ puang se, Thingtlang lam pawh Aizawl daiah in nghak khawm mai se te lo ti ve niah nuah ila.
Report this comment
December 14th, 2011 at 6:55 pm
Motor hi hlauh a tha ke a kal chuan..min sut palh chuan a na dawn chiang a, motor sut hlum pawh an awm nual hi..
Hnathawk haw lam hian tunlai chu khua a thim tawh si a, pedestrian crossing ni miah lo ah cross an awm zeuh zeuh a, hmanni chu ka sir ah motor lian a awm si a, a ding thut a, kei a lane dawt chiah a mi in ka hmu thei si lo a, mi pakhat ka va su teuh tak..
Ka thin a la phu dup dup!!
Report this comment
December 14th, 2011 at 8:56 pm
He thil hi ka vei tlat!! Jaywalking hi a hlauhawm mai bakah dan enforce that na ah chuan ticket pawh hmu an awm ve nual!! Duh duh na hmuna kawng lo cross ve ngawt hi hmun tam takah illegal a ni..
Kei pawh hmanah ka hnathawk tur hmanhmawh khan ka cross ngawt a, police in warning min pe!!
Ka ti leh tawh ngai lo!!
Aizawl ah phei hi chuan a tawt si, kawngpui hi pedestrian leh motor in kan share a ni ber mai si a, fimkhur tlan a va ngai em.. Sawrkar hi safety thil anih avangin hma la se ka lo ti ve thin…huihamms..
Report this comment
December 14th, 2011 at 9:32 pm
A khalh ngawr ngawr te chu har vak lo, rules and regu ho hi hriat neuh neuh tur a awm ve hi a buaithlak na chu a ni
Report this comment
December 15th, 2011 at 2:31 am
Traffic jam leh mipui tam deuh laia kawngsir pawh chuh thei lo a kal ngaih chang te a taxi/bike(a bik takin) horn min rn pek vak2 hian an hma zawn takah muangchang in ka kal lui nghauh2 zel…vai ho hma ah pawh chuti tho…horn pek vak2 hi ka ti thei der lo.
A post thu pawh a tha e. Inkhawm bang leh naupang school bang chhiar tir chi mawle…a mamawh ber te..
Report this comment