Hnarthi hi emergency case a ni fo a, enkawl vat tur a ni. Natna dang vanga lo awm a nih leh nih loh erawh hriat tum vat a tha.
Hnar hi thisen zam tam takin a chawm a, chuvangin a thi hma em em bik a ni. Naupang lama hnarthi lo chhuahna lai ber chu ‘Little’s area’ tih a ni a. Kan hnarkaw dai dangtu hnuai lam leh hma lam, kut zungtanga han khawih phak mai a awm a ni. Helai hmun hi thisen zam pali- Anterior Ethmoidal artery, Septal branch of superior labial artery, Septal branch of superior sphenopalatine leh Greater palatine artery te’n an chawm a. Heng thisen zam inzawm khawm te hi Kesseilbach’s plexus tih a ni. Helai hmun hi a ualau a, pawnlam boruak a hnaih bawk a, han khawih mai a awlsam bawk nen, a thi duh em em a ni.
Hnarthi chhan tlangpui te:-
1.Hnar kaw chhung dik lohna avangin.
-Hliam, pilh, hahchhiau vak vak.
-Sinus na, TB
-Bawlhhlawh tang
-Thilnung lut. Eg. Vangvat, hlit, etc.
-Hnar chhung cancer
-Boruak inthlak danglam thut
2.Natna dang vangin
-Lunglam that lohna
-BP sang
-Thisen cancer, Vitamin K tlakchham leh Vitamin C tlakchham vangin.
-Thin lam tha lo
-Kal lam tha lo
-Nachhawkna eg.Aspirin, ei uar vangin
-Hritlang, tangseh, sentut leh malaria
3.Chhan hriat loh.
Enkawl dan:
1.First Aid-
Kan sawi tak ‘Little’s area’ hi hnarthi tamna a nih tlangpui avangin kut zungtanga hnar chu minute 5 vel hmeh phui tur. Vur a deh pawh a tangkai hle. Vur hian thisen zam a tisawng te a, thi a tawp tir thin.
2.Anterior Nasal packing ( Hnar chhung hnawh)-
Hnarkaw chhungah ribbon gauge meter khat vela sei leh centimetre 2.5 vela sei paraffin a chiah tur a ni a, fimkhur taka hnar kaw chhunga hnawhluh tur a ni. Darkar 24 hnu vela lak chhuah leh tur. Hetianga hnarthi enkawl a nih chuan antibiotics pek tel ngei ngei tur a ni. Hei hian natna dang, entir nan sinus na lo awm tur kha a veng thei a ni.
3.Posterior Nasal packing-
Hnar chhung lam, hrawk lam atanga hnawh ve thung tur a ni. Hetianga enkawl ngai a nih chuan hnarthi chu thisen sang vang a nih thin avangin damdawiin a admit tur a ni.
4.Enkawl dan dangte-
a) Arterial ligation- thisen zam tawn pin/ tawn phui
b) Cauterization
c) Endoscopic cautery- endoscope hmanga hnarthi na lai thisen tih khal.
d) SMR (Submucous Resection)-hnar zai dan chi khat.
Invenna lam:
a) Hnar kheuh loh tur. Nu leh pa ten kan fate hnar khawih/kheuh lo tura zirtir tur a ni.
b) Hnar a ben, hnek loh tur a ni.
c) Hmun ro leh khu lutuka awm loh tur. Ni sa do vak vak loh tur.
d) Hnarthi hi natna dang vang a nih theih avangin Doctor( Medical) rawn vat tur a ni. –
CFL 
Similar Posts:
- Swine Flu thawhhnihna thleng mek
- Pumpui Cancer
- Chanmari West Br YMA in NGO Thisen pe tam Record siam
- India rama heart patient upa ber VL Bela?
- Na chi hrang hrang te
(Y)
December 17th, 2011 at 11:49 am
Post tha mangkheng a va n1 teh1u1 em!
Report this comment
December 17th, 2011 at 11:50 am
Hetiang lam Post hi awm zeuh zeuh se a tha. Emergeny thilah ala tangkai ang.:D
Report this comment
December 17th, 2011 at 11:52 am
Ka hritlan vang leh mi’n min hnek thin vangin ka hnar a thi thin.
Report this comment
December 17th, 2011 at 11:59 am
Hnar a ben, hnek loh tur a ni. . are yaar
Report this comment
December 17th, 2011 at 12:26 pm
I ziak tel turah ka ngai a a tel si lova kan ziak lang ve mai mai ang e aw.
Thlasik a hnaih atang hian boruak a ro (dry) tawh thin avangin hnar a thi hma bik a, naupang phei chu an mutlai te pawhin a thi fo thei. Heihi an hnar chhung ro lutuk vang ani thei a, puitling pawh a thi ve thin tho bawk. Enkawlna tha pangai tak chu inchhungah humidifier hman thin emaw, hnarkaw chhungah vaseline emaw hnawih mawm zeuh a tha hle. Ka fanu hnar a thi zeuh2 vanga doctor kan rawn a min hrilh a ni a, a ngeih/tha viau a ni.
Tin, in hritlan-in in hnap hnit vak2 suh u, hru mnai thin rawh u. Chuti chuan hritlan chhung a reilo thei thin a ni. A chhan chu hnaphnit (blowing nose) hian hnarkaw chhung alo ti pem emaw khawih pawi thei thin a, khamiah khan hritlang hrik kha an tawm thin a hritlang a tireh har ta thin niin mithiamten an sawi.
https://www.wtop.com/?nid=41&sid=2667770
Report this comment
December 17th, 2011 at 12:30 pm
3%Hydrgen peroxide(H2O2) drop pawh hi a thi tih tawp nan a tha khawp mai.
Report this comment
December 17th, 2011 at 12:44 pm
#6 Mizoramah khan pem sil nan adt. an hmang nasa khawpin ka hria. Helam doctor te hian an hmang duh lemlo khawp mai.
A chhan thenkhat niawma ka rin:
https://www.truthorfiction.com/.....roxide.htm
Report this comment
December 17th, 2011 at 1:10 pm
A tha mange!
A tangkai dawn tlat,naupang neih phei chuan.
Report this comment
December 17th, 2011 at 1:17 pm
@7 Mizoramah leh Indiaah an hman leh hman loh chu ka hrelo.Mahse thlasik lai vur a tlak chum2 lai a,ka hnar thi tih tawp nan doctor-in min chawh a nia,a tha khawp mai.chawpleh chilhin a tawp nghal deuh mai.I thil rawn tarlan pawh ka chhiar e,mahse high concentration a ni lo,3% chauh a nia,chu bakah ingestion a ni lo a,nasal drop mai chauh a ni.Tin,prove na a awm hlawm lo bawk a nih hlawm khi
Report this comment
December 17th, 2011 at 1:34 pm
#9 i hnarah i thlawr lut kurh kurh mai tihna em ni?
Report this comment
December 17th, 2011 at 1:38 pm
Post tupa hi hmanah khan khawnge maw i awm le??? Thla hlui mai khan ‘hnar’ vangin kan chhungkua kan buai nasa asin :rolleyes:
Report this comment
December 17th, 2011 at 1:39 pm
Thlawr lut chiang e.kum 4 kalta khan a nia.
Report this comment
December 17th, 2011 at 1:43 pm
Sinusitis nei tan chuan pauras ei ila,kan thau phah a,kan ziaawm phah hawk hawk a sin. :happy:
A damdawi ka hriat ve chu Nux.vomica 30 hi far thum ka chhungah far ila a tha khawp mai bawk sinusitis nei tan.
Report this comment
December 17th, 2011 at 2:16 pm
#7 PuHV hydrogen peroxide diluted chu pan sil nan chuan hmang e maw le, kei ngei pawn ka hmang
Post tha e, mahse i thil sawi ho saw medical lam tan lo chuan tih theih leh hriat an nei lo ang a, hnar chu engpawh nise hnek leh ben loh phawt tur chu nia
Report this comment
December 17th, 2011 at 4:41 pm
Good post!
A tangkai hle ang he post hi.
Report this comment
December 17th, 2011 at 6:01 pm
Post tangkai tak a ni. Vanneihthlak takin ka hnar hi a la thi ngai miah lo (touch wood).
Report this comment
December 17th, 2011 at 6:48 pm
a tha khawp mai,hetiang te chu hriselna.com lamah te pawh rawn post ve thin ta che le,chuan a copy hi ka lo dah ve top bawk e hetah:-https://hriselna.com/2011/12/hnarthi-epistaxis/
i phal loh chuan min lo hrilh mai dawn nia aw.
Report this comment
December 17th, 2011 at 6:53 pm
[…] Source:Misual.com […]
Report this comment
December 17th, 2011 at 8:59 pm
kha kan mizo doctor ho chu an thla vang ka hauh nasa thin bawk a, post a rawn chhuak tan dawn e
. Mizo doctor ho khan lawmthu sawi nan ka dam loh hunah a thlawnin min enkawl liam liam ang :lol:
Report this comment
December 17th, 2011 at 9:14 pm
A doctor ber hi ka ngawi tlat dawn.
Report this comment
December 17th, 2011 at 9:17 pm
Ka hnarchhunga infection awm avang hian kei doctor tanghma ngai em emtu pawh hi ka hnar a thi fo a, a na thei em em bawk. Tin, neosporin nena ka in enkawl hian a zia ve deuh thin. Boxer ho hi enge an an ve ang aw.. :lol:
Report this comment
December 17th, 2011 at 9:22 pm
@ 17, tea… Chutiang .com te a awm tih reng reng ka lo hre ve hleinem le. Ka’n visit ve nghal a nge.
@ Ka post tlawmte hi i duh phawt chuan lo dah rawn. Amaherawhchu ka nickname CFL hi tarlan ngei nise.
Report this comment
December 18th, 2011 at 7:09 am
Report this comment
December 18th, 2011 at 8:10 am
Kan nau kum 3 mi hi a hnar a thi reng mai a, zan mut hlan hian a thi duh bik a. Kan entir hian a len deuhah a reh mai ang an tia. Damdoi kar 2/1 ei hi an chawh a. Amah lah cu a dawldang em2 mai bok sia, rilru a tihah khop mai.
Report this comment
December 18th, 2011 at 12:55 pm
@22 CFL kan lawm lutuk e, a dang pawh han ziak zel teh kan lo thlir reng a nia
Report this comment