Mihring siamchawp hunbi chhiarna hian mihring nuna thu a neih nasat zia leh a nghawng nasat zia hi! Mihring tihdanglam theih loh, hun chu a ngai rengin a kal a, kan hunbi chhiarna hmangin kan kaiphar dawr dawr a; a changin kan hmuak a, a changin kan thlah thin.
Kan hmuah avangin a ropui sawt lo va, kan thlah avangin a uiawm sawt hek lo. Kumhlui leh kumthar kan tihte hian awmzia a nei lo va, kumhlui liam tur ngaia kan kur ruai ruainate kha ngaihtuah chian chuan a ho va, a nuihzatthlak a ni.
Kumhlui thlah zan hun hmante hi a holam ngawih ngawih a, a puala thil buatsaih pawh sum khawhralna mai mai a ni. Thenkhatin thil sual tihna remchangah an hmang a, nawmsip bawlna hunah an hmang a, kumhlui thlah hming chhalin nuam an chèn a ni. Kum thar hmuak emaw kan inti a, ni thar kan hmuak a ni zawk si. Ni khat hi Pathian siam, zan hunin a hril a, kum khat erawh mihring siam, calendar-in a hril thung a.
He’ng zawng zawngte hi mihring hunbi siamchawp vanga lo thleng a ni. Kumhlui leh kumthar hian a takah nihna a nei reng reng lo. Mihring hian kan va cheibawl nasa em! December ni 31 leh January ni 1 hi rawn tawng thei ta ngat sela chuan, ni pangngai ve mai kha ni dang zawng zawng thîk tham khawpa ropui leh pawimawha kan siam avangin mihringte hnenah lawmthu an sawi mawlh mawlhin ka ring.
Kumhlui thlah zan hmanpui tur zawngin kan hawi vel ruai a, kai chhäk chhäkna tur ngaihtuahin kan hmanhlel a, kan nam chák chák tur zawngin kan phe vut vut a – aw.. Kum thar hi hmuak lovin ni thar i hmuak zawk teh ang u. Kum khat hi ni 365 mai chauh a ni si a. Darkar hi a pawimawh ber lo va, zan leh zan inkar mawlh hi a ni lo’m ni pawimawh ber zawk chu?!
Hawh u, naktuk lo thleng tur avangin vawiinah i inbuatsaih ang u. Kum thar hmuak lovin ni thar hmuak tawh zawk ila, kumthar thutiam kan neih ang thin ang khan naktuk thutiam i nei tawh ang u hmiang; nasa takin thil a ti thei zawk asin.
Mahse.. He’ng thute hi ziak kur ngei nguai mah ila, ‘Ngai teh kumhlui..’ ka ti bâng thei chuang si lo; mihring hi!
Similar Posts:
- Kumhlui thlah ang aw
- AIDS vei thar a nih saw……
- Mizoram hmun hrang hrang Kumhlui leh Kumthar
- Kumhlui thlah zan leh Kumthar inkhawm (Bangalore Mizo Christian Fellowship)
- Kumthar Chibai mp3(with permission)
December 31st, 2011 at 4:05 pm
thil hluite chu anlo ralta….
December 31st, 2011 at 4:13 pm
2011 ah darkar 7 leh minute 45 chauh a la awm. A ral tep.
December 31st, 2011 at 4:15 pm
Arunachali ho hian kumhlui thlahni leh kumthar hi Picnic niah an hmang thin a. Hei hi hriain Donyi Polo ho hian December ni 31 hi Donyi Polo day ah an puang ve hlauh a. Kawng te zawhin an picnic nasa thin hle. Mahse kumin chu awihawmloh khawpin an thawm a reh tlat mai. Kristian CM effect ani mai thei.
December 31st, 2011 at 4:39 pm
Tuaite, Aizawlah awm la kan bulah rawn hmang la a nuam tur. Kumhlui ngaiin kan han tap ho tur ania :cry:
December 31st, 2011 at 4:44 pm
Kumhlui thlahzan hian ka lung a leng thei thin khawp mai. Thlaeng hian ka lung alen ve ngai pawhin ka hrelo, kumhlui thlahzan hian ka lung a tileng thin thung.
TS-a pualin: Ngaiteh Kumhlui —Lalsangzuali Sailo
https://www.youtube.com/watch?v=Drqr_u7pk3Q
Helam program:
https://dc.about.com/od/newyear.....arsEve.htm
December 31st, 2011 at 4:50 pm
Misual member regular ve tak pakhat unaupa chuan chatuan ram min pan san ta. A misual nick ka hrelo a, MI velah erawh chuan a telve thin a.
December 31st, 2011 at 4:51 pm
2011 hi ka ngai dawn khawp mai. Ka tan thil chhinchhiah tlak tak tak, a lawmawm lam a ka tawn tam kum a ni a.
December 31st, 2011 at 4:52 pm
funny #6 tunge, khawi ami nge a…chiang deuh a chanchin hria te in awm lawmni le?
#9 khu chhuanlam chu anei tha ve rura hairehai. Nula hmulo intih chu a duh bik hauhlo nia mawle hairehai
December 31st, 2011 at 4:54 pm
Ka chhuak leh peih lo tawp mai..nula ho bul a awm ka peih loh vang pawh ani lo, haw lam vel ka peih lo lawk..mahniin awm tawp zawk teh ang :happy: Va insawi hritlan angai
December 31st, 2011 at 4:55 pm
A ngaihnawmin i thiam hle mai,kan ngaihtuah na a inang, mahse mipui an thuhmun vek lo a nih hi. Kum thar chu a ni ta tep mai.
December 31st, 2011 at 5:02 pm
#6 khian rilru a tikal ding riau mai :?
December 31st, 2011 at 5:10 pm
@ Pu HV le.. :lol:
Awmsa vek..wine ka ken tur pawh kan supermarket a a to ber ngat haha..ka lei lawk veks,, ka peih leh thlawt lo..
December 31st, 2011 at 5:12 pm
#12 inzo vek mai rawh.
December 31st, 2011 at 5:16 pm
13 ka khek dawn.. :lol:
tak tak a ka thianpa cum boss ania, a bialnu nau hi chhe lo tawk a awm a, argentinian an nia..a tir khan ka yes a..ka peih leh lo..tawng thiam tur khan no engemaw zat angai dawn a..tawng thiam meuh chuan..ka sawi peih lo :lol: In a fb a chess khelh melh melh ka chak ta zawk..
December 31st, 2011 at 5:18 pm
Ral thuai thuai teh se. Misual-ho khan PROFILE PICTURE DAH DAN MIN LO HRILH VE TEH U”M.
December 31st, 2011 at 5:23 pm
The Doctor, tikhan a nalh em kha..
December 31st, 2011 at 5:29 pm
Ts, Similar post ami ang khi ‘Kumthar Thutiam’ han tichhuak leh teh a, a hit viau ka ring.
December 31st, 2011 at 5:29 pm
TuiaSialA, haha… uang uang lo khan min lo hrilh tha hle hle mai teh.
December 31st, 2011 at 5:57 pm
#18, Gravatar ah sign up la, i pic upload la, misual.com a i email address hmang khan. Dik vek mai ang.
December 31st, 2011 at 6:05 pm
Hmanlo chungin ka chhiar liam puat a, ka ngaihtuahna a ti kal thui hrep mai, ka down phah roih in ka hre bawk.. Thuziak thra tak erawh a ni.
Tlem, kum hi mihring hun thren chawp mai angah kan pawm chuan ni( day) poh hi a ni tho lo maw ka ti (ka buai ru tlat)
kum khat hi lei in ni (sun) a hel kual chhuah chhung chiah [365.25 days] a ni ta, mahse i sawi angin dec 31 leh jan 1 hi a tawp leh a intranna tak an ni a tih theih miah loh..tute emaw ruat chawp mai a ni.
Chutiang bawkin ni khat pawh hi lei vawi khat a virchhuah hun chhung ni mahse, dar 12:00 am hi ni thar intranna ngei a ni a tih theih chuangloh, post tu thlir dan atrang chuan? Mihring hun ruat chawp tho a ni bok sia.
Sawifiah thiam deuh te kan awm chuan a lawmawm ngot ang..hihih.
December 31st, 2011 at 6:12 pm
A dik khawp mai, kumhlui tak tak hi a awm lo
miss u :kiss: ….OT lutuk lo in ka hria :lol:
Rempui ka thawnthu phuah saw alo chhuah hunah ilo chhiar dawnnia aw…i tan liau liau ni rawhse
December 31st, 2011 at 8:26 pm
Misual zawng zawng te kumhlui chibai vek u le
Nakumah kan inkawm leh dawn nia
December 31st, 2011 at 9:08 pm
Kumthar chibai ule(Advance)! MS ho zawng2 in vaiin!kumtharah chuan zu nghei vek ang che u!
December 31st, 2011 at 9:09 pm
KUMHLUI CHIBAI.
December 31st, 2011 at 9:11 pm
sarmon hluah zelmai pawhhi fuhber dawn emni !!!!!?????
December 31st, 2011 at 9:12 pm
Kumhlui aw kumhlui, i van thar teuh tawh em…….
:lol:
December 31st, 2011 at 9:43 pm
Aryana chuan kumthar a hmang leh daih tawh ang a.
December 31st, 2011 at 9:54 pm
Thiante U..in hmang nuam hlawm em? :kiss:
Caribou, inchhungin..kumthar chibai u le..
December 31st, 2011 at 9:58 pm
In vaiin kumthar chibai vek ule…..
December 31st, 2011 at 10:40 pm
kum a thar tawh a mi aaaa?
December 31st, 2011 at 10:45 pm
Misual zawng zawng te, Happy kumthar hmuah nuam vek u….
December 31st, 2011 at 10:57 pm
Kum thar 2012 hi kei chuan ka huphurh ru riau. Khawvel pum deuhthaw ah recession (Mizo tawngin an la siam awm ka hre lo) tharlam in min tuam dawn niin a lang a. 2012 (2009 film) ang em kha chuan kan chhe rup lo maithei. Mahse Mizoram ah pawh sum van kum, India ramah nise GDP growth tlak hniam kum, Sensex tlak duai duai kum, tax collection tlak hniam kum ani dawnin a lang ruau mai. Solar flare lian kum 2012 tawp lam emaw 2013 tir lam emaw a awm tura rin lah “Knowing” (2009 film) ang emin sa lo mah sela electronic communication khawih buai pha fe tura ngaih ani si a. Happy New Year” tih aiin, “Nervous New Year” ti mai theih niawm tak anih dawn hmel.
January 1st, 2012 at 12:01 am
Kum 2012 a ni ta.. Kumthar Chibai vek u!
January 1st, 2012 at 2:00 am
Kum mai ni lovin engkim mai hi a hlui mai zel thin… Kan Pathian erawh a pangngai reng. Danglam miah lo tura van khua leh tui a taka neih hi a chakawm thin e!
Kum thar chibai mawlh mawlh u! In tan kum tha lo ni mawlh rawh se!
January 1st, 2012 at 2:05 am
Kumthar chibai vek u…:-)
January 1st, 2012 at 2:17 am
LR_rengsi, i va reh em em!!
Kumthar chibai le..
January 1st, 2012 at 2:19 am
36..i reh tho a,,ka sawitum zawk chu Lr.hlawnchhing zawk ..
engpawhnise i reh hrim hrim
January 1st, 2012 at 3:06 am
Hahaha.. Ka nuih a za lutukkkk!!! Ka chunga mi hi..hahahaha
January 1st, 2012 at 8:59 am
comment hmanlo tlat mai :rolleyes:
January 2nd, 2012 at 12:38 am
TuaiSiala, Happy New Year.
I blog ah ka lut a, nimin chu..ka nui vak vak a..thenawm nu in min rawn bih phah lehnghal..Thanks…
January 2nd, 2012 at 12:46 am
Post tha tak a ni. Ka thlawp e.
Jan. ni 1 hi a hlut dangdaina em em ka hre lo. Ni dang nen a inang reng tho e. Calendar hi chu mihring siamchawp mai mai.
January 2nd, 2012 at 12:56 am
@lrpa: Kumthar Chibai. I hlimpui chu ka lawm hle mai.
@CFL: Ka lawm e.